ຄວາມພະຍາຍາມຂອງປະທານາທິບໍດີ Barack Obama ເພື່ອ
ໃຫ້ໄດ້ມາຊຶ່ງ ຂໍ້ຕົກລົງການຄ້າເສລີ ໃນເຂດເອເຊຍປາຊິຟິກ ປະ
ເຊີນໜ້າກັບການທົດສອບທີ່ສຳຄັນໃນວັນສຸກມື້ນີ້ ເວລາສະພາ
ຕຳ່ ລົງຄະແນນສຽງວ່າ ຈະຕໍ່ອາຍຸຫລືບໍ່ໃນການໃຫ້ສິດອຳນາດ ກ່ຽວກັບການເຈລະຈາຢ່າງວ່ອງໄວແກ່ເຈົ້າໜ້າທີ່ທຳນຽບຂາວ.
ຍັງບໍ່ເປັນທີ່ແຈ້ງຂາວເທື່ອວ່າ ຮ່າງກົດໝາຍສະບັບນີ້ ໄດ້ຮັບການ
ສະໜັບສະໜູນຢ່າງພຽງພໍຈາກບັນດາສະມາຊິກພັກເດໂມແຄຣັດ
ຂອງທ່ານ Obama ຫລືບໍ່. ຫລາຍຄົນມີຄວາມເປັນຫ່ວງວ່າ ຂໍ້ຕົກ
ລົງການຄ້າ ພາຄີຂ້າມມະຫາສະມຸດປາຊີຟິກຫລື ອາດຈະສົ່ງວຽກ
ງານຂອງຊາວອາເມຣິກັນຫລາຍຂຶ້ນໄປປະເທດ ແລະເປັນໄພອັນ
ຕະລາຍຕໍ່ສິ່ງແວດລ້ອມ.
ສະມາຊິກພັກຣີພັບບລິກກັນ ໂດຍທົ່ວໄປແລ້ວໃຫ້ການສະໜັບສະໜູນ ແກ່ຂໍ້ຕົກ ລົງການ
ຄ້າເສລີ ແຕ່ວ່າຫລາຍຄົນຢູ່ໃນພັກ ຍັງພາກັນລັງເລໃຈຢູ່ ທີ່ຈະຫລີ້ນບົດບາດ ເພື່ອໃຫ້
ທ່ານ Obama ບັນລຸໃນອັນທີ່ເຫັນວ່າ ເປັນໄຊຊະນະ ໃນດ້ານການເມືອງທີ່ສຳຄັນ ໂດຍ
ສະເພາະແລ້ວ ແມ່ນກ່ອນໜ້າການເລືອກຕັ້ງປີ 2016.
ຮ່າງກົດໝາຍ ໃຫ້ສິດອຳນາດ ໃນການເຈລະຈາຢ່າງວ່ອງໄວ ທີ່ຮູ້ກັນໃນນາມ Trade Promotional Authority ຫລື TPA ຈະອະນຸຍາດໃຫ້ທຳນຽບຂາວ ເຈລະຈາຂໍ້ຕົກລົງ
ການຄ້າກັບ 12 ປະເທດໃນເຂດເອເຊຍ ແລະກັບເຂດອື່ນໆ ທີ່ຄ້າຍຄືກັນນີ້ ໂດຍບໍ່ໃຫ້
ສະພາປ່ຽນແປງໃດໆກ່ຽວກັບການຕົກລົງ ໃນເວລາທີ່ ຮ່າງກົດໝາຍດັ່ງກ່າວ ລົງຄະແນນ
ສຽງ ໃຫ້ການອະນຸມັດ ຫລືປະຕິເສດ.
ການປະຕິເສດ ບໍ່ໃຫ້ສິດອຳນາດໃນການເຈລະຈາ ຈະເຮັດໃຫ້ເປັນການຍາກລຳບາກຂື້ນ
ແກ່ລັດຖະບານ ທີ່ຈະບັນລຸຂໍ້ຕົກລົງການຄ້າເສລີ TPP ທີ່ໄດ້ກາຍກຳນົດມາແລ້ວຫຼາຍປີ.
ຍ້ອນສາເຫດດັ່ງກ່າວ ທ່ານ Obama ຈຶ່ງໄດ້ໃຊ້ເວລາອັນສຳຄັນທາງດ້ານການເມືອງຂອງ
ທ່ານກ່ຽວກັບບັນຫາ TPA.
