ລິ້ງ ສຳຫລັບເຂົ້າຫາ

ປ. ໂອບາມາ ຊັກຊວນ ພັກຣີພັບບລີກັນ ປັບປຸງ ເສດຖະກິດ (ວີດີໂອ)


ປະທານາທິບໍດີບາຣັກ ໂອບາມາ ພວມກ່າວຄຳປາໄສ ກ່ຽວກັບ ເລື່ອງເສດຖະກິດ ທີ່ Cheesman Park ໃນນະຄອນ Denver (9 ກໍລະກົດ 2014)

ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າ ເສດ
ຖະກິດໃນເວລານີ້ ແມ່ນດີຂຶ້ນກວ່າເມື່ອ 5 ປີກ່ອນ ແລະເວົ້າຕື່ມ
ວ່າ ທຸລະກິດອາເມຣິກັນ ໄດ້ສ້າງວຽກເຮັດງານທຳໃໝ່ 10 ລ້ານ
ໜ້າວຽກ.

ປະທານາທິບໍດີກ່າວໃນຄຳປາໄສປະຈຳສັບປະດາຂອງທ່ານໃນ
ວັນເສົາມື້ນີ້ວ່າທ່ານໄດ້ເອົາມາດຕະການເພື່ອຊ່ອຍພວກຄົນຊັ້ນ
ກາງ ຮວມທັງຂຶ້ນເງິນເດືອນໃຫ້ແກ່ພວກຄົນງານ ສ້າງວຽກການ
ໃໝ່ແລະຊ່ອຍພວກນັກສຶກສາຈ່າຍເງິນກູ້ຢືມຂອງພວກເຂົາເຈົ້າ.

ທ່ານໂອບາມາເວົ້າວ່າ ພັກຣີພັບບລີກັນໄດ້ເລືອກເອົາການບໍ່ເຮັດວຽກຮ່ວມກັບທ່ານ ແລະ ໄດ້ເອົາບາດກ້າວ ທີ່ຈະຟ້ອງຮ້ອງທ່ານແທນ ກ່ຽວກັບເລື່ອງປະກັນໄພສຸຂະພາບນັ້ນ.

ເບິ່ງຄຳປາໄສ ປະຈຳສັບປະດາ ຂອງ ປ. ໂອບາມາ

ເສຍໃຈ ທີ່ບໍ່ສາມາດເບິ່ງໄດ້ເທື່ອ ເວລານີ້

ປະທານສະພາຕ່ຳສະຫະລັດ ທ່ານ John Boehner ກ່າວໃນຕົ້ນອາທິດນີ້ວ່າ ປະທານາ ທິບໍດີລະເມີດລັດຖະທຳມະນູນສະຫະລັດ ທີ່ໄດ້ປ່ຽນແປງກົດໝາຍ ປະກັນໄພສຸຂະພາບ ໂດຍປາດສະຈາກການອະນຸມັດຂອງສະພາ.

ປະທານາທິບໍດີໂອບາມາກ່າວໃນວັນເສົາມື້ນີ້ວ່າການຟ້ອງຮ້ອງດັ່ງກ່າວແມ່ນການສະແດງ ແບບໂລດໂຜນທາງການເມືອງທີ່ຈະເຮັດໃຫ້ສິ້ນເປືອງເວລາຂອງອາເມຣິກາຫຼາຍໆເດືອນ.

ທ່ານເວົ້າວ່າ ທ່ານມີຄວາມຄິດທີ່ດີກວ່ານັ້ນສຳລັບພັກຣີພັບບລີກັນຄືມາຮ່ວມກັບທ່ານເຮັດ ວຽກ ເພື່ອປັບປຸງຊີວິດຂອງພົນເຮືອນຊາວອາເມຣິກັນໃຫ້ດີຂຶ້ນ ແທນທີ່ຈະຟ້ອງທ່ານດ້ວຍ ເງິນພາສີຂອງຊາວອາເມຣິກັນ ທີ່ໄດ້ມາດ້ວຍຄວາມຍາກລຳບາກນັ້ນ.

XS
SM
MD
LG