ລິ້ງ ສຳຫລັບເຂົ້າຫາ

logo-print

ປ. ໂອບາມາ ກ່າວຄຳປາໄສ ຕໍ່ຊາວເຄັນຍາ ກ່ອນອອກເດີນທາງ ຕໍ່


Obama Africa
please wait
Embed

No media source currently available

0:00 0:01:18 0:00

ຊົມວີດີໂອ ລາຍງານນີ້

ປະທານາທິບໍດີ ສະຫະລັດ ທ່ານ​ບາຣັກ ​ໂອ​ບາ​ມາ ມ້ວນທ້າ​ຍ
ການ​ຢ້ຽມຢາມ​ອາ​ຟຣິກາ ໄລຍະ 3 ມື້ ດ້ວຍ​ການ​ກ່າວ​ຄຳ​ປາ​ໄສ
ຕໍ່​ປະຊາຊົນ ​ເຄັນ​ຢາ​ຢູ່​ໃນ​ນະຄອນຫຼວງໄນ​ໂຣບີ ​ໃນ​ວັນ​ອາທິດ
​ມື້​ນີ້ ​ທີ່​ຄາດ​ກັນ​ວ່າ ຈະ​ເນັ້ນ​ເຖິງ​ຜົນ​ກະທົບ ​ທາງ​ດ້ານ​ຄວາມ​ຮູ້ສຶກ
ຂອງ​ການ​ຢ້ຽມຢາມ​ບ້ານ​ເກີດຂອງ​ມື້​ລາງ​ພໍ່​ຂອງ​ທ່ານ​.

ຢູ່​ໃນ​ການ​ແຈ້ງ​ໃຫ້​ຊາບ​ໂດຍ​ຫຍໍ້ ຕໍ່​ບັນດາ​ຜູ້​ສື່​ຂ່າວ ທ່ານ Ben
Rhodes ​ໂຄສົກ​ຄວາມ​ໝັ້ນຄົງ​ແຫ່ງ​ຊາດ​ຂອງ​ປະທານາທິບໍດີ
ກ່າວ​ວ່າ ທ່ານ​ໂອ​ບາ​ມາ ຈະ “ປະກາດ​ຢ່າງ​ຈະ​ແຈ້ງ” ວ່າ
ຄວາມ​ພະຍາຍາມ​ເພື່ອ​ຕໍ່ສູ້​ກຸ່ມ​ພວກ​ກໍ່​ການ​ຮ້າຍ ຈະ​ບໍ່​ຄວນ​ນຳ​
ໄປ​ສູ່​ ການ​ເຮັດ​ໃຫ້​ເສື່ອ​ມ​ເສຍ​ຊ່ື​ສຽງ​ຂອງ​ພົນລະ​ເມືອງ​ທັງ​ໝົດ.

ຈາກ​ນະຄອນຫຼວງ​ໄນ​ໂຣບີ ທ່ານ​ໂອ​ບາ​ມາ ຈະບິນ​ຕໍ່​ໄປ​ຍັງ​ນະຄອນຫຼວງອາ​ດິສອາ​ບາ​ບາ
ຂອງ​ອີ​ທິ​ໂອ​ເປຍ ເພື່ອ​ຢ້ຽມຢາມ​ປະ​ເທດ​ດັ່ງກ່າວ ​ເປັນຄັ້ງທຳ​ອິດ ໃນ​ຂະນະ​ທີ່​ດຳລົງ​ຕຳ​ແໜ່ງ​
ເປັນ​ປະທາ​ນາ​ດີ.

ປະທານາທິບໍດີ ເຄັນຢາ ທ່ານ Uhuru Kenyatta (ຂວາ) ຕ້ອນຮັບ ປະທານາທິບໍດີ ສະຫະລັດ ທ່ານ Barack Obama ຢູ່ທີ່ສະພາແຫ່ງຊາດ ໃນນະຄອນຫຼວງ Nairobi, ວັນທີ 25 ກໍລະກົດ 2015. (Photo: Aru Pande / VOA)
ປະທານາທິບໍດີ ເຄັນຢາ ທ່ານ Uhuru Kenyatta (ຂວາ) ຕ້ອນຮັບ ປະທານາທິບໍດີ ສະຫະລັດ ທ່ານ Barack Obama ຢູ່ທີ່ສະພາແຫ່ງຊາດ ໃນນະຄອນຫຼວງ Nairobi, ວັນທີ 25 ກໍລະກົດ 2015. (Photo: Aru Pande / VOA)


ທ່ານ Rhodes ກ່າວ​ວ່າ ທ່ານ​ໂອ​ບາ​ມາ ຈະ​ຍົກເອົາເລື້ອງ​ບັນຫາສິດທິ​ມະນຸດຂຶ້ນມາ​ ໃນ
​ອີ​ທິ​ໂອ​ເປຍ ດັ່ງ​ທີ່ທ່ານ​ໄດ້​ເຮັດ​ໄປ​ແລ້ວ​ຢູ່​ໃນ​ເຄັນ​ຢາ​ເຊັ່ນ​ກັນ. ​ໃນ​ລະຫວ່າງ​ກອງ​ປະຊຸມ​
ຖະ​ແຫລ​ງຂ່າວ ໃນ​ວັນ​ເສົາ​ວານ​ນີ້ ພ້ອມ​ກັນ​ກັບ​ຄູ່​ຕຳ​ແໜ່​ງຝ່າຍ​ເຄັນ​ຢາ ທ່ານ Uhuru
Kenyatta, ທ່ານ​ໂອ​ບາ​ມາ ກ່າວ​ວ່າ ທ່ານ​ເຊື່ອ​ວ່າ ປະ​ເທດ​ເຄັນ​ຢາ​ບໍ່​ຄວນ​ຈຳ​ແຍກບັນດາ​
ພົນລະ​ເມືອງຂອງ​ຕົນ ອີງ​ຕາມການເລືອກ​ ​ທາງເພດຂອງ​ເຂົາ​ເຈົ້າ.

ທ່ານ Rhodes ກ່າວ​ອີກ​ວ່າ ປະທານ​າທິບໍດີ ຍັງ​ຈະ​ຈັດການ​ໂຮມ​ຊຸມນຸມ​ບັນດາ​ຜູ້ນຳ​ປະ​ເທດ​ໃນ​ຂົງ​ເຂດ ​ເພື່ອ​ເພັ່ງ​ເລັງໃສ່​ສະພາ​ບ​ການຄວາມ​ໝັ້ນຄົງ​ທີ່​ກຳລັງ​ຊຸດ​ໂຊມ​ລົງ ​ໃນຊູ​ແດນ​ໃຕ້ ​ແຕ່​ທ່ານ​ກ່າວ​ວ່າ ​ເປັນ​ທີ່ຄາດ​ກັນ​ວ່າ ປະທາ​ນາ​ທິບໍດີ ຊິ​ມບາ​ເວ ທ່ານ Robert Mugabe ​ຈະບໍ່​ເຂົ້າຮ່ວມ​ການ​ຊຸມນຸມ​ທີ່​ວ່າ​ນັ້ນ.

ປະທານາທິບໍດີ ​ໂອ​ບາ​ມາ ​ໄດ້ສິ້ນ​ສຸດ​ການ​ຢ້ຽມຢາມ​ທີ່ເຕັມ​ໄປ​ດ້ວຍ​ພາລະກິດໃນວັນ​ເສົາ​ວານນີ້​ໃນ​ ນະຄອນຫຼວງ​ໄນ​ໂຣບີຢູ່​ທີ່​ງານ​ລ້ຽງອາຫາຄ່ຳ​ຈັດ​ໂດຍ ທ່ານ Kenyatta.

ທ່ານ ​ໂອ​ບາ​ມາ ​ໄດ້​ໃຫ້​ຂໍ້​ສັງ​ເກດວ່າ ພໍ່​ຜູ້ທີ່​ເກີດ​ຢູ່ໃນ​ເຄັນ​ຢາ​ຂອງທ່ານນັ້ນ ​ແລະ ທ່ານ Kenyatta ​ແມ່ນ​ຮູ້ຈັກ​ກັນ​ແລະ​ກັນ ​ແລະ​ກ່າວ​ຕໍ່ໄປວ່າ “ມັນ​ອາດ​ເປັນ​ການ​ຍາກ ທີ່ຈະ​ຈິນຕະນາການ​ໄດ້​ວ່າ ພວກ​ລູກຊາຍ​ຂອງ​ພວກເພິ່ນ ຈະມານັ່ງຢູ່ຮ່ວມ​ກັນໃນ​ມື້​ນີ້.”
ທ່ານ​ຍັງ​ໄດ້​ເວົ້າຊວນ​ໃຫ້​ຫົວ​ວ່າ “ພວກ ​ວິຈານ​ບາງ​ສ່ວນ​ຂອງ​ຂ້າພະ​ເຈົ້າ ຢູ່​ທາງບ້ານ
ແມ່ນ​ຕ່າງ​ກໍ​ເວົ້າກັນ​ວ່າ ຂ້າພະ​ເຈົ້າກັບ​ຄືນ​ມາ​ແຫ່ງ​ນີ້ ​ເພື່ອ​ຈະ​ຊອກ​ຫາ​ໃບລາຍ​ເກີດ​
ຂອງ​ຂ້າພະ​ເຈົ້າ”
ຊຶ່ງ​ເປັນ​ການ​ອ້າງ​ເຖິງ ການ​ກ່າວ​ຫາ​ວ່າ ທ່ານ​ໂອ​ບາ​ມາ ບໍ່​ແມ່ນ​ພົນລະ​
ເມືອງ​ທີ່​ເກີດ​ຢູ່​ໃນ​ອາ​ເມຣິກາ ທີ່​ອາດ​ເຮັດ​ໃຫ້​ທ່ານ ບໍ່​ມີ​ສິດ​ດຳລົງ​ຕຳ​ແໜ່​ງ​ເປັ​ນປະທານາ
ທິບໍດີ ອີ​ງຕາມ​ລັດຖະທຳ​ມະນູນຂອງ ສຫລ.

ຊາວເຄັນຢາ ພາກັນຮ້ອງເຊຍ ແລະ ຖືປ້າຍຮູບແຕ້ມ ປະທານາທິບໍດີ ສະຫະລັດ ບາຣັກ ໂອບາມາ ຢູ່ໃກ້ໆ ສວນອານຸສາວະລີ ໃນນະຄອນຫຼວງ ໄນໂຣບີ ໃນວັນທີ 25 ກໍລະກົດ 2015.
ຊາວເຄັນຢາ ພາກັນຮ້ອງເຊຍ ແລະ ຖືປ້າຍຮູບແຕ້ມ ປະທານາທິບໍດີ ສະຫະລັດ ບາຣັກ ໂອບາມາ ຢູ່ໃກ້ໆ ສວນອານຸສາວະລີ ໃນນະຄອນຫຼວງ ໄນໂຣບີ ໃນວັນທີ 25 ກໍລະກົດ 2015.

ທ່ານ Kenyatta ​ເປັນ​ລູກ​ຊາຍ​ຂອງ​ປະທານາທິບໍດີ ​ເຄັນ​ຢາ​ຄົນ​ທຳ​ອິດ ທ່ານ Joma Kenyatta ​ໄດ້​ສັນລະ​ເສີນ​ຂໍ້​ລິ​ເລີ້ມເມື່ອທ້າຍປີ 1950 ທີ່​ໄດ້​ອະນຸຍາດ​ໃຫ້​ບັນດານັກ​ສຶກສາ
​ວິທະຍາ​ໄລ​ເຄັນ​ຢາ ຫຼາຍຮ້ອຍ​ຄົນ ລວມທັງ​ພໍ່​ຂອງ​ທ່ານ​ໂອບາ​ມາ ​ມາ​ສຶກສາ​ຢູ່​ໃນ​ສະຫະລັດ.

ຢູ່​ທີ່​ກອງ​ປະຊຸມ​ຖະ​ແຫລ​ງຂ່າວ​ກ່ອນ​ງານ​ລ້ຽງ​ອາຫານ​ຄ່ຳ ທ່ານ​ໂອ​ບາ​ມາ ກ່າວ​ວ່າ
ສະຫະລັດ ​ແລະ ​ເຄັນ​ຢາ ​ແມ່ນມີ​ຈຸດ​ຢືນ​ໃນ​ຄວາມ​ສາມັກຄີ​ກັນຕໍ່ຕ້ານ​ການ​ຂົ່ມຂູ່​ຂອງ​ກຸ່ມ​
ພວກ​ກໍ່​ການ​ຮ້າຍ ​ແລະ ​ໄດ້​ປະສານ​ງານ​ຢ່າງ​ກວ້າງຂວາງ ​ແລະ ການ​ຮັບ​ມື​ກັບ​ການ​ຂົ່ມຂູ່​
ກໍ່​ການ​ຮ້າຍ ໃຫ້​ມີປະສິດທິພາບ ຕົ້ນຕໍ​ກໍ​ແມ່ນ​ມາ​ຈາກ​ກຸ່ມພວກ​ຫົວ​ຮຸນ​ແຮງ​ໂຊ​ມາ​ເລຍ al-Shabab.

U.S. President Barack Obama wraps up three days in Nairobi Sunday with an address to the people of Kenya that is expected to highlight the emotional impact of his visit to his father's homeland.

In a briefing with reporters before the speech, Ben Rhodes, the president's national security spokesman, said Mr. Obama will "make very clear" efforts to combat terrorism can not lead to stigmatizing of whole populations.

From Nairobi, Mr. Obama flies to Addis Ababa as the first sitting U.S. president to visit Ethiopia.

Rhodes says Obama will raise human rights issues in Ethiopia, just as he did in Kenya.During a press conference Saturday with his Kenyan counterpart Uhuru Kenyatta, Mr. Obama said he believes the state should not discriminate against people based on their sexual orientation.

Rhodes said the president will also convene a meeting regional leaders to focus on the deteriorating security situation in South Sudan, but he said Zimbabwe President Robert Mugabe is not expected to attend.

President Obama ended a busy day in Nairobi Saturday at a state dinner hosted by Mr. Kenyatta.

Mr. Obama noted that his Kenyan-born father and Mr. Kenyatta's father knew each other, and said, "It would have been hard for them to imagine how their sons might be sitting here today."He also joked that "some of my critics back home are suggesting that I'm back here to look for my birth certificate," a reference to accusations that he is not a U.S.-born citizen, which would make him constitutionally ineligible for the presidency.

Mr. Kenyatta, the son of Kenya's first president, Joma Kenyatta, hailed the initiative begun in the late 1950s that allowed hundreds of Kenyan college students, including Mr. Obama's father, to study in the United States.

At a pre-dinner news conference, Mr. Obama said the U.S. and Kenya stand united against the threat of terrorism and have coordinated extensively and effectively in dealing with terrorist threats, primarily from Somali militant group al-Shabab.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG