ຫົກປະເທດມະຫາອໍານາດຂອງໂລກ ແລະອິຣ່ານ ໄດ້ເຈລະຈາຕໍ່ຮອງໃນ ຂໍ້ຕົກລົງ ຊຶ່ງ ຢ່າງໜ້ອຍກໍໃຫ້ຍຸຕິໂຄງການນີວເຄຼຍທີ່ເປັນຂໍ້ຂັດແຍ້ງກັນຂອງອິຣ່ານໄວ້ຊົ່ວຄາວກ່ອນ ແລະຜ່ອນຜັນການລົງໂທດດ້ານເສດຖະກິດ ຕໍ່ປະເທດດັ່ງກ່າວ.
ສັນຍາຫົກເດືອນ ແມ່ນໃຫ້ເວລາແກ່ຄະນະເຈລະຈາ ເພື່ອຫາທາງແກ້ໄຂ ໃນຂອບເຂດທີ່ກວ້າງຂວາງຮອບດ້ານຫຼາຍຂຶ້ນຕໍ່ການປະເຊີນໜ້າທີ່ມີມາໄດ້ນຶ່ງທົດສະວັດ ລະຫວ່າງ ເຕຫະຣ່ານ ກັບກຸ່ມປະເທດຕາເວັນຕົກກ່ຽວກັບໂຄງການນີວເຄຼຍຂອງຕົນນັ້ນ.
ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວທີ່ວໍຊິງຕັນ ເມື່ອຕອນແລງວັນເສົາວານນີ້ວ່າ ການທູດໄດ້ເປີດແນວທາງໃໝ່ໄປສູ່ໂລກທີ່ມີຄວາມໝັ້ງຄົງຫຼາຍຂຶ້ນ.
ທ່ານໂອບາມາເວົ້າວ່າ ຖ້າຫາກອິຣ່ານ ບໍ່ປະຕິບັດຕາມ ພັນທະຂອງຕົນຢ່າງເຕັມເມັດເຕັມໜ່ວຍໃນລະຫວ່າງຂໍ້ຕົກລົງຂັ້ນທຳອິດໄລຍະຫົກເດືອນ ນີ້ແລ້ວ ສະຫະລັດກໍຈະງົດການບັນເທົາຕ່າງໆ ແລະເພີ່ມຄວາມກົດດັນ ຫຼາຍຂຶ້ນໄປອີກ.
ທ່ານ ຈອນ ແຄຣີີ ລັດຖະມົນຕີຕ່າງປະເທດສະຫະລັດ ເວົ້າຢູ່ທີ່ນະຄອນ ເຈນີວາ ວ່າ ເປົ້າໝາຍສຸດທ້າຍ ຂອງຂໍ້ຕົກລົງດັ່ງກ່າວນີ້ ກໍແມ່ນເພື່ອໃຫ້ ບັນລຸຂໍ້ຕົກລົງໃນຂອບເຂດກວ້າງຂວາງຮອບດ້ານກັບອິຣ່ານ. ທ່ານແຄຣີ ເວົ້າອີກວ່າ ແຕ່ແນວໃດກໍດີ ການລົງໂທດ ຫຼັກ ຍັງສືບຕໍ່ມີຜົນບັງຄັບໃຊ້ຢ່າງເດັດຂາດຢູ່ ໃນໄລຍະຫົກເດືອນຂ້າງໜ້ານີ້.
ທ່ານ Mohammad Javad Zarif ລັດຖະມົນຕີຕ່າງປະເທດອິຣ່ານ ເວົ້າວ່າ ຂໍ້ຕົກລົງດັ່ງກ່າວ ເປັນໂອກາດທີ່ຈະຍຸຕິວິກິດການ ທີ່ບໍ່ຈໍາເປັນປະການນຶ່ງ ແລະເວົ້າຕໍ່ໄປວ່າ ຂໍ້ຕົກລົງນີ້ຍັງເປັນໂອຫາດເພື່ອກໍາຈັດຂໍ້ສົງໄສຕ່າງໆ ກ່ຽວກັບຈຸດປະສົງໃນທາງສັນຕິຂອງໂຄງການນີວເຄຼຍຂອງອິຣ່ານ.
ສໍາລັບສະຫະລັດ ແລະຫ້າປະເທດພາຄີຂອງຕົນ ກໍຄື ຣັດເຊຍ ຈີນ ອັງກິດ ຝຣັ່ງ ແລະເຢຍຣະມັນ ຄວາມເປັນຫ່ວງສໍາຄັນທີ່ສຸດກໍຄືການກັ່ນ ທາດຢູເຣນຽນ ທີ່ອາດສາມາດໃຊ້ເປັນເຊື້ອໄຟສຳລັບເຕົາແຍກນິວເຄລຍ ແຕ່ກໍຍັງສາມາດໃຊ້ສຳລັບເຮັດຫົວລະເບີດ ນິວເຄລຍໄດ້ດ້ວຍ.
ຫົກປະເທດພາຄີນາໆຊາດ ຕ້ອງການຢາກໃຫ້ຢຸດເຊົາການກໍ່ສ້າງ ແລະການຕິດຕັ້ງອຸບ ປະກອນກັ່ນທາດຢູເຣນຽມ ແລະຢຸດການກໍ່ສ້າງເຕົາແຍກໃໝ່ ທີ່ອາດສາມາດ ຜະລິດທາດ plutonium ຊຶ່ງເປັນທາດທີ່ໃຊ້ເຮັດລະເບີດປະລະມະນູໄດ້ອີກແນວນຶ່ງ.
ນອກນີ້ແລ້ວ ອິຣ່ານຍັງໄດ້ຕົກລົງແບບທີ່ບໍ່ເຄີຍມີມາກ່ອນ ໃຫ້ກວດກາ ໂຮງໄຟຟ້ານີວເຄຼຍຂອງຕົນໄດ້ເພື່ອຮັບປະກັນກ່ຽວກັບການປະຕິບັດຕາມ.
ເພື່ອແລກປ່ຽນກັນນັ້ນ ສະຫະລັດ ຈີນ ຣັດເຊຍ ອັງກິດ ຝຣັ່ງ ແລະເຢຍ ຣະມັນ ຈະສະ ໜອງການບັນເທົາທີ່ຈໍາກັດ ຊົ່ວຄາວ ມີເປົ້າໝາຍ ແລະຕ່າວປິ້ນໄດ້ ຕໍ່ອິຣ່ານ. ການລົງໂທດໃຫຍ່ໆ ຊຶ່ງມີໂຮມທັງ ເລື່ອງນໍ້າມັນ ທະນາຄານ ແລະການລົງໂທດດ້ານການເງິນ ນັ້ນ ຍັງມີຜົນບັງຄັບຕໍ່ໄປ.
ສັນຍາຫົກເດືອນ ແມ່ນໃຫ້ເວລາແກ່ຄະນະເຈລະຈາ ເພື່ອຫາທາງແກ້ໄຂ ໃນຂອບເຂດທີ່ກວ້າງຂວາງຮອບດ້ານຫຼາຍຂຶ້ນຕໍ່ການປະເຊີນໜ້າທີ່ມີມາໄດ້ນຶ່ງທົດສະວັດ ລະຫວ່າງ ເຕຫະຣ່ານ ກັບກຸ່ມປະເທດຕາເວັນຕົກກ່ຽວກັບໂຄງການນີວເຄຼຍຂອງຕົນນັ້ນ.
ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວທີ່ວໍຊິງຕັນ ເມື່ອຕອນແລງວັນເສົາວານນີ້ວ່າ ການທູດໄດ້ເປີດແນວທາງໃໝ່ໄປສູ່ໂລກທີ່ມີຄວາມໝັ້ງຄົງຫຼາຍຂຶ້ນ.
ທ່ານໂອບາມາເວົ້າວ່າ ຖ້າຫາກອິຣ່ານ ບໍ່ປະຕິບັດຕາມ ພັນທະຂອງຕົນຢ່າງເຕັມເມັດເຕັມໜ່ວຍໃນລະຫວ່າງຂໍ້ຕົກລົງຂັ້ນທຳອິດໄລຍະຫົກເດືອນ ນີ້ແລ້ວ ສະຫະລັດກໍຈະງົດການບັນເທົາຕ່າງໆ ແລະເພີ່ມຄວາມກົດດັນ ຫຼາຍຂຶ້ນໄປອີກ.
ທ່ານ ຈອນ ແຄຣີີ ລັດຖະມົນຕີຕ່າງປະເທດສະຫະລັດ ເວົ້າຢູ່ທີ່ນະຄອນ ເຈນີວາ ວ່າ ເປົ້າໝາຍສຸດທ້າຍ ຂອງຂໍ້ຕົກລົງດັ່ງກ່າວນີ້ ກໍແມ່ນເພື່ອໃຫ້ ບັນລຸຂໍ້ຕົກລົງໃນຂອບເຂດກວ້າງຂວາງຮອບດ້ານກັບອິຣ່ານ. ທ່ານແຄຣີ ເວົ້າອີກວ່າ ແຕ່ແນວໃດກໍດີ ການລົງໂທດ ຫຼັກ ຍັງສືບຕໍ່ມີຜົນບັງຄັບໃຊ້ຢ່າງເດັດຂາດຢູ່ ໃນໄລຍະຫົກເດືອນຂ້າງໜ້ານີ້.
ທ່ານ Mohammad Javad Zarif ລັດຖະມົນຕີຕ່າງປະເທດອິຣ່ານ ເວົ້າວ່າ ຂໍ້ຕົກລົງດັ່ງກ່າວ ເປັນໂອກາດທີ່ຈະຍຸຕິວິກິດການ ທີ່ບໍ່ຈໍາເປັນປະການນຶ່ງ ແລະເວົ້າຕໍ່ໄປວ່າ ຂໍ້ຕົກລົງນີ້ຍັງເປັນໂອຫາດເພື່ອກໍາຈັດຂໍ້ສົງໄສຕ່າງໆ ກ່ຽວກັບຈຸດປະສົງໃນທາງສັນຕິຂອງໂຄງການນີວເຄຼຍຂອງອິຣ່ານ.
ສໍາລັບສະຫະລັດ ແລະຫ້າປະເທດພາຄີຂອງຕົນ ກໍຄື ຣັດເຊຍ ຈີນ ອັງກິດ ຝຣັ່ງ ແລະເຢຍຣະມັນ ຄວາມເປັນຫ່ວງສໍາຄັນທີ່ສຸດກໍຄືການກັ່ນ ທາດຢູເຣນຽນ ທີ່ອາດສາມາດໃຊ້ເປັນເຊື້ອໄຟສຳລັບເຕົາແຍກນິວເຄລຍ ແຕ່ກໍຍັງສາມາດໃຊ້ສຳລັບເຮັດຫົວລະເບີດ ນິວເຄລຍໄດ້ດ້ວຍ.
ຫົກປະເທດພາຄີນາໆຊາດ ຕ້ອງການຢາກໃຫ້ຢຸດເຊົາການກໍ່ສ້າງ ແລະການຕິດຕັ້ງອຸບ ປະກອນກັ່ນທາດຢູເຣນຽມ ແລະຢຸດການກໍ່ສ້າງເຕົາແຍກໃໝ່ ທີ່ອາດສາມາດ ຜະລິດທາດ plutonium ຊຶ່ງເປັນທາດທີ່ໃຊ້ເຮັດລະເບີດປະລະມະນູໄດ້ອີກແນວນຶ່ງ.
ນອກນີ້ແລ້ວ ອິຣ່ານຍັງໄດ້ຕົກລົງແບບທີ່ບໍ່ເຄີຍມີມາກ່ອນ ໃຫ້ກວດກາ ໂຮງໄຟຟ້ານີວເຄຼຍຂອງຕົນໄດ້ເພື່ອຮັບປະກັນກ່ຽວກັບການປະຕິບັດຕາມ.
ເພື່ອແລກປ່ຽນກັນນັ້ນ ສະຫະລັດ ຈີນ ຣັດເຊຍ ອັງກິດ ຝຣັ່ງ ແລະເຢຍ ຣະມັນ ຈະສະ ໜອງການບັນເທົາທີ່ຈໍາກັດ ຊົ່ວຄາວ ມີເປົ້າໝາຍ ແລະຕ່າວປິ້ນໄດ້ ຕໍ່ອິຣ່ານ. ການລົງໂທດໃຫຍ່ໆ ຊຶ່ງມີໂຮມທັງ ເລື່ອງນໍ້າມັນ ທະນາຄານ ແລະການລົງໂທດດ້ານການເງິນ ນັ້ນ ຍັງມີຜົນບັງຄັບຕໍ່ໄປ.
