ລິ້ງ ສຳຫລັບເຂົ້າຫາ

logo-print

ສວນພຶກສາຊາດສະຫະລັດ ຈັດວາງສະແດງ ດອກກ້ວຍໄມ້ ຈາກທົ່ວໂລກ (ວີດີໂອພາສາລາວ/ອັງກິດ)


ລິງໂດຍກົງ

ເບິ່ງວີດີໂອ ກ່ຽວກັບລາຍງານນີ້.

ການວາງສະ​ແດງ​ໃໝ່ ຢູ່​ສວນພຶກ​ສາ​ຊາດຂອງ​ສະຫະລັດ
ຫລື U.S. Botanic Garden ທີ່​ນະຄອນ ຫລວງ​ວໍ​ຊິງ​ຕັນ
ທີ່​ກຳລັງດຶງ​ດູດ​ຜູ້​ຄົນໄປ​ເບິ່ງ​ໄປ​ຊົມ ​ໃນເວລາ​ນີ້ ​ແມ່ນ​ດອກ​
ກ້ວຍ​ໄມ້ ຫລື​ດອກ​ເອື້ອງ​ ທີ່​ສວຍ​ສົດ​ງົດ​ງາມ ຈາກ​ທົ່ວ​ໂລກ. ​
ແຕ່​ຊ່ຽວຊານ​ດ້ານ​ດອກ​ກ້ວຍ​ໄມ້​ຢູ່​ສວນ​ພື​ກສາ​ຊາດ ບອກ
ກັບ​ນັກ​ຂ່າວ​ວີ​ໂອ​ເອ Julie Taboh ວ່າ ດອກ​ໄມ້​ທີ່​ສະງ່າ​
ງາມ​ເຫລົ່າ​ນີ້ ບໍ່​ໄດ້​ມີ​ຄຸນຄ່າ​ສຳລັບ​ແຕ່​ການ​ເອ້ຍ້ອງ​ສະຖານ​ທີ່
​ເທົ່າ​ນັ້ນ ​ແຕ່​ຍັງ​ມີ​ຄວາມສຳຄັນ​ໃນ​ດ້ານ​ຢູກຢາ​ແລະ​ອາຫານ
​ນຳ. ດາຣາມີ​ລາຍ​ລະອຽດ​ມາສະ​ເໜີ​ທ່ານ.


ເບິ່ງວີດີໂອ ພາສາລາວ ກ່ຽວກັບລາຍງານນີ້:


ພໍ​ກ້າວ​ຂາຍ່າງ​ເຂົ້າ​ໄປ​ໃນສວນ​ພຶກສາຊາດນັ້ນ ທ່ານ​ກໍ​ຈະ​ໄດ້ຍິນສຽງ​ເພງ​ຄລາສສິກ
Blue Danube waltz ​ແລະ​ໄດ້​ກິ່ນ​ຫອມ​ຂອງ ​ດອກ​ເອື້ອງຫລືດອກ​ກ້ວຍ​ໄມ້ ທີ່​ວາງ
ສະ​ແດງ​ຢູ່​ທົ່ວ. ນັກ​ຂ່າວ​ຂອງ​ເຮົາ Julie Taboh ​ໄດ້​ພົບ​ກັບທ່ານ Nick Nelson ສະຖາ
ປະນິກ​ຝ່າຍ​ຈັດ​ທິວ​ວະ​ທັດ​ ຂອງ​ສວນ​ພຶກສາຊາດ ທີ່​ອະທິບາຍ​ສູ່​ຟັງ​ກ່ຽວ​ກັບ​ການວາງ
ສະ​ແດງໃນ​ຄັ້ງ​ນີ້.

ທ່ານ Nelson ​ກ່າວ​ວ່າ “ພວກ​ເຮົາ​ມີ​ຫ້ອງ​ດອກ​ກ້ວຍ​ໄມ້​ຖາວອນ ຢູ່​ໃນເຮືອນກະຈົກ
​ຂ​ອງ​ເຮົາ ຊຶ່ງ​ມີດ​ອກກ້ວຍ​ໄມ້​ເບ່ງ​ບານ​ຢູ່​ຕະຫລອດ​ເວລາ ​ແຕ່​ວ່າ ​ໃນເວລາ​ນີ້​ຂອງ​ປີ
ພວກ​ເຮົາ​ມີດ​ອກກ້ວຍ​ໄມ້​ຫລາຍ​ພັນ​ຊະນິດ ທີ່​ກຳລັງ​ເບ່ງ​ບານ ເພາະສະ​ນັ້ນ ມັນຈຶ່ງ​
ເປັນ​ໂອກາດອັນ​ດີ ​ເພື່ອ​ເຜີຍ​ແຜ່ຄຸນ​ນະພາ​ບຂອງ​ດອກ​ໄມ້​ນີ້ ​ໃຫ້​ຜູ້​ຄົນໄດ້​ຮູ້.”


ທ່ານ Nelson ​ກ່າວຕໍ່​ໄປ​ວ່າ “ປີ​ນີ້ ພວກ​ເຮົາ​ເລືອກ​ເອົາ​ຊື່​ ກວ້ຍ​ໄມ້​ມະ​ໂຫລີ ມາ​ເປັນ
​ຫົວ​ຂໍ້​ຂອງ​ການວາງສະ​ແດງ ​ໂດຍ​ການ​ຮ່ວມ​ມື​ກັບ​ ພະ​ແນ​ກສວນ​ຂອງ​ພິພິທະ​ພັນ
Smithsonian ເພາະວ່າ ມັນພາ​ໃຫ້​ຮູ້ສຶກ​ເຖິງ ຄວາມ​ສະງ່າ​ງາມກັບຄວາມ​ຍິ່ງ​ໃຫຍ່​
ທີ່​ພວກ​ເຮົາ​ຄິດ​ວ່າ​ ເໝາະ​ສົມ​ດີ​ກັບ​ດອກກ້ວຍ​ໄມ້ ​ແລະ​ສະຖາປັດຕະຍະ​ກໍາ​ຂອງ​
ເຮືອນ​ກະຈົກ ຂອງ​ພວກ​ເຮົາ. ພວກ​ເຮົາ​ມີ​ນ້ຳພຸ ທີ່​ພວກ​ເຮົາໃຊ້​ຄອມ​ພິວ​ເຕີ້ ຈັດ​ໃຫ້
​ເຂົ້າ​ກັບ​ສຽງ​ເພງ ຄລາສສິກ​ນັ້ນ. ນອກ​ນີ້ແລ້ວ ກໍ​ມີ​ການວາງສະ​ແດງ​ຢ່າງ​ຍິ່ງ​ໃຫຍ່
​ຂອງດອກ​ກ້ວຍ​ໄມ້ນາໆ​ຊະນິດ ທີ່​ມີ​ທຸກໆ​ສີ ​ແລະ​ທຸກໆ​ຮູບ​ແບບ.”


ດອກກ້ວຍໄມ້ ວະນີລາ ທີ່ກິນໄດ້ ໂດຍເອົາມາເຮັດນໍ້າ ວະນີລາ. ເປັນດອກເອື້ອງທີ່ເກີດຢູ່ພາກພື້ນ ອາເມຣິກາກາງແລະໃຕ້.(J. Taboh/VOA)
ດອກກ້ວຍໄມ້ ວະນີລາ ທີ່ກິນໄດ້ ໂດຍເອົາມາເຮັດນໍ້າ ວະນີລາ. ເປັນດອກເອື້ອງທີ່ເກີດຢູ່ພາກພື້ນ ອາເມຣິກາກາງແລະໃຕ້.(J. Taboh/VOA)

ທ່ານ Nelson ​ອະທິບາຍຕື່ມວ່າ “​ຢູ່​ທາງປະຕູ​ເຂົ້າ​ມາ​ນີ້ ​ເຮົາ​ກໍ
​ມີ​ຮູບ​ແຕ້ມ​ທີ່​ສວຍ​ງາມ ຂອງ Patricia Laspino ນັກ​ແຕ້ມ​ຮູບ​
ດອກ​ກ້ວຍ​ໄມ້. ​ໃນ​ຮູບ​ໂຕ​ຢ່າງ​ອັນ​ນີ້ ​ແມ່ນ​ດອກແຄັດ​ທະ​ລີ​ຢາ
ທີ່​ຊື່ ‘Michelle Obama’ ຊຶ່ງ​ເປັນ​ດອກ​ຫລ້າ​ສຸດ ທີ່​ຕັ້ງ​ຊື່​ໃຫ້
ກຽດ​ແກ່​ສະຕີ​ໝາຍ​ເລກ​ນຶ່ງ​ຂອງ​ສະຫະລັດ ຄື​ພວກ​ເຮົາ​ຕັ້ງ​ຊື່​
ດອກ​ກ້ວຍ​ໄມ້​ໃຫ້​ແກ່ພັນ​ລະ​ຍາ​ຂອງ​ປະທານາທິບໍດີ​ທຸກໆ​ຄົນ
ນັບ​ຕັ້ງ​ແຕ່​ເມຍ​ທ່ານ Hoover ມາແລ້ວ.”


ນອກ​ນັ້ນ ນັກ​ຂ່າວ​ຂອງ​ເຮົາ​ຍັງ​ໄດ້​ພົບ​ກັບທ່ານ Ari Novy ຮອງ
​ຜູ້​ອໍານວຍ​ການ​ຝ່າຍ​ບໍລິຫານ ​ຂອງ​ສວນ​ພຶກສາຊາດ ນໍາ.

ທ່ານ Ari Novy ​ເວົ້າ​ວ່າ “ຂ້າພະ​ເຈົ້າ​ຢາກ​ຊີ້​ໃຫ້​ທ່ານ​ເບິ່ງຕົ້ນ
ດອກ Bletilla Striata ຫລື ​ດອກ​ກ້ວຍ​ໄມ້ຈາກ​ພື້ນ​ດິນ​ຂອງ​
ຈີນຊຶ່ງ​ເຂົາ​ເຈົ້າ​ປູກ​ຂາຍ ບໍ່​ແມ່ນ​ຍ້ອນ​ວ່າມັນ​ງາມ​ຫລາຍ​ເທົ່ານັ້ນ ​ແຕ່​ຍັງ​ເອົາ​ໄປ​ໃຊ້ເຮັດ
ຢາພື້ນ​ເມືອງ​ຂອງ​ຈີນ​ອີກ. ພວກ​ເຮົາຫລາຍໆ​ຄົນ​ ກໍອາດ​ຈະ​ເຄີຍ​ໄດ້​ກິນດອກ​ກ້ວຍໄມ້ ​
ໂດຍ​ບໍ່​ຮູ້ສຶກ​ໂຕ. ດອກ​ທີ່​ເອົາມາກິນ​ຫລາຍ​ທີ່​ສຸດ​ກໍ​ຄືດອກ ວະ​ນີລາ ຊຶ່ງ​ເປັນ​ປະເພດ​
ເຄືອທີ່​ເກີດ​ຢູ່ຂົງ​ເຂດ​ອາ​ເມຣິກາກາງ ​ແລະ​ໃຕ້ ​ເຖິງ​ແມ່ນ​ວ່າການ​ຜະລິດ​ນໍ້າ​ວະ​ນີລາ​
ທີ່​ມີ​ຊື່​ສຽງ​ທີ່​ສຸດ​ໃນ​ເວລາ​ນີ້ ​ແມ່ນ​ຢູ່​ເກາະ Madagascar ກໍ​ຕາມ."


ຕົ້ນດອກກ້ວຍໄມ້ Bletilla Striata ຫລືດອກເອື້ອງຈີນ ທີ່ເກີດຢູ່ພື້ນດິນ ແມ່ນໃຊ້ຜະລິດຢາພຶ້ນເມືອງຈີນ ທີ່ໃຊ້ຢຸດເລືອດ ບໍ່ໃຫ້ໄຫລອອກຫລາຍ.(J. Taboh/VOA)
ຕົ້ນດອກກ້ວຍໄມ້ Bletilla Striata ຫລືດອກເອື້ອງຈີນ ທີ່ເກີດຢູ່ພື້ນດິນ ແມ່ນໃຊ້ຜະລິດຢາພຶ້ນເມືອງຈີນ ທີ່ໃຊ້ຢຸດເລືອດ ບໍ່ໃຫ້ໄຫລອອກຫລາຍ.(J. Taboh/VOA)

ທ່ານ Ari Novy ກ່າວຕື່ມ​ວ່າ “ດອກ​ກ້ວຍ​ໄມ້​ແມ່ນ​ໜ້າ​ເຫລືອ
​ເຊື່ອອີ​ຫລີ. ​ແນ່​ນອນ ພວກ​ເຮົາຈັບ​ໃຈ​ໃນ​ຄວາມ​ງາມ​ຂອງ​
ມັນ ​ແລະ​ດອກ​ທີ່​ພວກ​ເຮົາ​ຖື​ວ່າ​ ​ເປັນ​ດອກກ້ວຍ​ໄມ້​ແທ້ໆ​ນັ້ນ ​
ຄວາມ​ຈິງ​ແລ້ວ ​ແມ່ນ​ພັນ​ເຂດ​ຮ້ອນ ທີ່​ມາ​ຈາກ​ປ່າ​ໄມ້​ທີ່​ມີ​ຝົນ
ຕົກ​ຫລາຍ​ເປັນ​ສ່ວນ​ໃຫຍ່. ​ແຕ່​ຄວາມ​ຈິງ​ແລ້ວ ດອກ​ກ້ວຍ​
ໄມ້ ​ຫລື​ດອກ​ເອື້ອງ ​ແມ່ນ​ມີ​ຢູ່​ໃນ​ທຸກ​ທະວີບ​ໃນ​ໂລກ ນອກ
ຈາກ​ຂົ້ວ​ໂລກ​ໃຕ້. ດອກເອື້ອງ​ແມ່ນ​ງາມ​ຫລາຍແທ້ໆ. ​ເບິ່ງ​
ແລ້ວ ​ພາ​ໃຫ້​ເຮົາ​ມີ​ຈິນຕະນາ​ການ. ​ແລະ​ກໍ​ມີ​ທຸກ​ສີ​ຂອງ​ສາຍ
​ຮຸ້ງ ຊຶ່ງ​ປະກົດ​ອອກ​ມາ​ໃນລັກສະນະ​ທີ່​ພາ​ໃຫ້​ເຮົາ​ມ່ວນ​ຊື່ນ​
ແທ້ໆ ​ເວລາ​ໄດ້​ເຫັນ​ມັນ. ສະ​ນັ້ນ ສະຫລູ​ບ​ແລ້ວ ສິ່ງ​ທີ່​ພວກ​
ເຮົາ​ກໍາລັງ​ພະຍາຍາມເຮັດ​ຢູ່​ສວນ​ພື​ກສາ​ຊາດ​ນີ້ ກໍ​ແມ່ນວ່າ
ເຜີຍ​ແຜ່ໃຫ້​ພວກ​ທ່ານຮູ້ຈັກ ແລະ​ພວກ​ເຮົາ​ກໍ​ຮູ້​ດີ​ວ່າ ພວກ
​ເຮົາສາມາດ​ເຮັດ​ແນວນັ້ນ​ ໄດ້​ດີ​ທີ່​ສຸດ ຖ້າ​ຫາກ​ວ່າພວກ​ເຮົາ​
ສາມາດ​ເຮັ​ດ​ໃຫ້ ທ່າ​ນມ່ວນ​ຊື່ນ ຍິ້ມ​ຫົວ​ໄດ້.”


ງານ​ວາງ​ສະ​ແດງ​ດອກ​ກ້ວຍ​ໄມ້ ​ຫລື​ດອກ​ເອື້ອງ ທີ່​ສວນ​ພຶກສາຊາດ​ໃນ ວໍ​ຊິງ​ຕັນ ດີ​ຊີ ຈະ​ມີ​ໄປ​ຮອດ ວັນ​ທີ 27 ​ເດືອນ​ເມສາ ກໍ​ຄື​ເດືອນ​ໜ້າ​ນີ້.

ເບິ່ງວີດີໂອ ພາສາລາວ ກ່ຽວກັບການວາງສະແດງ ດອກກ້ວຍໄມ້ ຢູ່ສວນພຶກສາຊາດ ເມື່ອປີ 2012 ຊຶ່ງມີດອກເອື້ອງຈາກ ສປປ ລາວ ນຳ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG