ອົງການຂ່າວລັດຖະບານຂອງເກົາຫຼີເໜືອລາຍງານໃນວັນອັງຄານມື້ນີ້ວ່າ ເກົາຫຼີເໜືອ ໄດ້ໃຫ້ສັດຕະຍາບັນຕໍ່ສົນທິສັນຍາດ້ານການປ້ອງກັນປະເທດອັນສຳຄັນກັບ ຣັດເຊຍ ທີ່ກຳນົດການຊ່ວຍເຫຼືອທາງການທະຫານຕໍ່ກັນ ແລະກັນ, ໃນຂະນະທີ່ສະຫະລັດ, ເກົາຫຼີໃຕ້ ແລະ ຢູເຄຣນ ກ່າວວ່າ ເກົາຫຼີເໜືອ ໄດ້ທໍາ ການສົ່ງທະຫານຫຼາຍພັນຄົນໄປ ຣັດເຊຍ ເພື່ອສະໜັບສະໜູນ ຣັດເຊຍ ໃນການຕໍ່ສູ້ກັບ ຢູເຄຣນ.
ຣັດເຊຍ ສຳເລັດການໃຫ້ສັດຕະຍາບັນຕໍ່ສົນທິສັນຍາໃນອາທິດແລ້ວນີ້ ລຸນຫຼັງໄດ້ທໍາການລົງນາມໂດຍປະທານາທິບໍດີຣັດເຊຍ ທ່ານ ວລາດີເມຍ ປູຕິນ ແລະຜູ້ນຳເກົາຫຼີເໜືອ ທ່ານ ກິມ ຈົງ ອຶນ ໃນເດືອນມິຖຸນາຜ່ານມາ. ຖືວ່າ ເປັນຂໍ້ຕົກລົງດ້ານຄວາມໝັ້ນຄົງທີ່ໃຫຍ່ທີ່ສຸດຂອງທັງສອງປະເທດ ນັບຕັ້ງແຕ່ສົງຄາມເຢັນສິ້ນສຸດລົງ.
ອົງການຂ່າວ KCNA ຂອງເກົາຫຼີເໜືອກ່າວວ່າ ສົນທິສັນຍາຄູ່ຮ່ວມມືຍຸດທະສາດຮອບດ້ານຈະມີຜົນສັກສິດເມື່ອສອງຝ່າຍແລກປ່ຽນເອກະສານກ່ຽວກັບການໃຫ້ສັດຕະຍາບັນນໍາກັນ.
ອົງການຂ່າວ KCNA ກ່າວໂດຍໃຊ້ນຶ່ງໃນຕຳແໜ່ງຂອງ ທ່ານ ກິມ ວ່າ ເກົາຫຼີເໜືອ ໄດ້ໃຫ້ສັດຕະຍາບັນກ່ຽວກັບສົນທິສັນຍາຜ່ານດຳລັດທີ່ໄດ້ລົງນາມກັນໃນວັນຈັນວານນີ້ ໂດຍປະທານຝ່າຍກິດຈະການຂອງປະເທດ.
ລັດຖະສະພາຜະເດັດການ (rubber-stamp parliament) ຂອງເກົາຫຼີເໜືອ, ແລະສະພາປະຊາຊົນສູງສຸດ ມີສິດໃຫ້ສັດຕະຍາບັນຕໍ່ສົນທິສັນຍາຕ່າງໆ, ແຕ່ທ່ານ ກິມ ສາມາດໃຫ້ສັດຕະຍາບັນຕໍ່ຂໍ້ຕົກລົງທີ່ສໍາຄັນຕ່າງໆແຕ່ພຽງຜູ້ດຽວ, ອີງຕາມກະຊວງທ້ອນໂຮມຊາດຂອງ ເກົາຫຼີໃຕ້.
ສົນທິສັນຍາດັ່ງກ່າວ ຮຽກຮ້ອງໃຫ້ທັງສອງປະເທດນໍາໃຊ້ທຸກວິທີທາງທີ່ມີຢູ່ ເພື່ອໃຫ້ການຊ່ວຍເຫຼືອທາງທະຫານເຊິ່ງກັນ ແລະກັນໃນທັນທີ ຖ້າຫາກວ່າ ທັງສອງຖືກໂຈມຕີ. ໃນນັ້ນ ຍັງຮຽກຮ້ອງໃຫ້ທັງສອງປະເທດຮ່ວມມືກັນຢ່າງຕັ້ງໜ້າໃນຄວາມພະຍາຍາມທີ່ຈະສ້າງ “ຄວາມເປັນລະບຽບຮຽບຮ້ອຍຂອງໂລກໃໝ່ ທີ່ຍຸຕິທໍາ ແລະຫຼາກຫຼາຍ” ພ້ອມທັງເພີ້ມທະວີການຮ່ວມມືໃນຫຼາຍພາກສ່ວນ ລວມທັງພະລັງງານປະລະມານູ, ອະວະກາດ, ການສະໜອງອາຫານ, ດ້ານການຄ້າ ແລະ ເສດຖະກິດ.
ນັກສັງເກດການຈໍານວນນຶ່ງຄາດການວ່າ ການໃຫ້ສັດຕະຍາບັນຂອງສົນທິສັນຍາລະຫວ່າງສອງປະເທດ ອາດເປັນສັນຍານວ່າ ເກົາຫຼີເໜືອ ອາດຈະເຂົ້າສູ່ສົງຄາມ ຣັດເຊຍ ແລະ ຢູເຄຣນ ຢ່າງເປັນທາງການໃນໄວໆນີ້.
ອີງຕາມການປະເມີນຜົນຂອງໜ່ວຍງານສຶບລັບ ສະຫະລັດ, ເກົາຫຼີໃຕ້ ແລະ ຢູເຄຣນ ພົບວ່າ ມີທະຫານເກົາຫຼີເໜືອ ຫຼາຍຮອດ 12,000 ຄົນ ຖືກສົ່ງໄປປະເທດ ຣັດເຊຍ, ເຊິ່ງເປັນສ່ວນນຶ່ງຂອງສົນທິສັນຍາໃນເດືອນມິຖຸນາ. ໃນອາທິດແລ້ວນີ້, ບັນດາເຈົ້າໜ້າທີ່ຢູເຄຣນກ່າວວ່າ ທະຫານຢູເຄຣນ ແລະທະຫານເກົາຫລີເໜືອ ໄດ້ທໍາການປະທະກັນໜ້ອຍນຶ່ງໃນຂະນະທີ່ກອງທັບຢູເຄຣນ ໄດ້ຍິງປືນໃຫຍ່ໃສ່ທະຫານເກົາຫລີເໜືອ ຢູ່ຂົງເຂດຊາຍແດນ ເຄີສຄ໌ ຂອງ ຣັດເຊຍ.
ອ່ານຂ່າວດ້ານລຸ່ມນີ້ເປັນພາສາອັງກິດ
North Korea ratified a major defense treaty with Russia stipulating mutual military aid, the North’s state media reported Tuesday, as the U.S., South Korea and Ukraine say North Korea has sent thousands of troops to Russia to support its war against Ukraine.
Russia had completed the ratification of the treaty last week after it was signed by Russian President Vladimir Putin and North Korean leader Kim Jong Un in June. It is considered both countries’ biggest defense deal since the end of the Cold War.
The Comprehensive Strategic Partnership treaty will take effect when both sides exchange documents on the ratification, the state-run Korean Central News Agency said.
North Korea ratified the treaty through a decree signed Monday by the country’s president of state affairs, KCNA said, using one of Kim’s titles.
North Korea’s rubber-stamp parliament, the Supreme People’s Assembly, has the right to ratify treaties but Kim can unilaterally ratify major ones, according to South Korea’s Unification Ministry.
The treaty requires both countries to use all available means to provide immediate military assistance if either is attacked. It also calls for the two countries to actively cooperate in efforts to establish a “just and multipolar new world order” and strengthen cooperation on various sectors including peaceful atomic energy, space, food supply, trade and economy.
Some observers speculate the treaty’s ratification in both countries could signal North Korea could formally enter the Russia-Ukraine war soon.
According to U.S., South Korean and Ukrainian intelligence assessments, up to 12,000 North Korean troops have been sent to Russia likely as part of the June treaty. Last week, Ukrainian officials said Ukraine and North Korean troops engaged in small-scale fighting while Ukraine’s army fired artillery at North Korean soldiers in Russia’s Kursk border region.
ຟໍຣັມສະແດງຄວາມຄິດເຫັນ