ເກົາເໜືອໄດ້ກ່າວປົກປ້ອງ ປະຫວັດດ້ານສິດທິມະນຸດຂອງຕົນ
ແມ່ນແຕ່ໃນຂະນະທີ່ຍອມຮັບວ່າ ຕົນມີຄ້າຍອອກແຮງງານ
ຫຼາຍໆແຫ່ງ ທີ່ຖືກພວກກຸ່ມສິດທິມະນຸດຕຳນິຕິຕຽນວ່າ ໄຮ້ມະນຸດ
ສະທຳ ນັ້ນ.
ການກ່າວປ້ອງກັນດັ່ງກ່າວ ມີຂຶ້ນໃນວັນອັງຄານວານນີ້ ໃນ
ລະຫວ່າງ ການຖະແຫລງຂ່າວ ທີ່ບໍ່ເຄີຍມີມາກ່ອນ ຕໍ່ບັນດາ
ຜູ້ສື່ຂ່າວ ແລະ ນັກການທູດຕ່າງປະເທດ ຢູ່ທີ່ສຳນັກງານໃຫຍ່
ສະຫະປະຊາຊາດ ໃນນະຄອນນິວຢອກ.
ການຖະແຫລງຂ່າວດັ່ງກ່າວ ຖືກເບິ່ງເຫັນວ່າ ເປັນການຕອບ
ໂຕ້ຕໍ່ບົດລາຍງານ ຂອງອົງການສະປະຊາຊາດ ທີ່ໄດ້ເປີດເຜີຍອອກເມື່ອບໍ່ດົນມານີ້ ຊຶ່ງ
ສະຫລຸບວ່າ ພຽງຢາງມີຄວາມຜິດ ໃນການກໍ່ອາຊະຍາກຳ ຕ້ານມວນມະນຸດ ອັນລວມທັງ
ການຄາດຕະກຳ ການທໍລະມານ ການກັກຂັງໃຫ້ເປັນຂ້າທາດ ການຂົ່ມຂືນຊຳເລົາ ແລະ
ການລະເມີດອື່ນໆ.
ຄວາມ ຜິດຕ່າງໆທີ່ກ່າວມານັ້ນ ຫຼາຍໆອັນແມ່ນເກີດຂຶ້ນຢູ່ໃນຄ້າຍຄຸກ ຊື່ສຽງເໜົ່າເໝັນ ຫຼາຍໆແຫ່ງຂອງເກົາຫລີເໜືອ ບ່ອນທີ່ເຊື່ອກັນວ່າ ມີຫຼາຍໝື່ນຄົນຖືກຄຸມຂັງຢູ່ນັ້ນ.
ຢູ່ທີ່ກອງປະຊຸມຖະແຫລ ງຂ່າວນັ້ນ ເຈົ້າໜ້າທີ່ກະຊວງຕ່າງປະເທດເກົາຫຼີເໜືອ ທ່ານ
Choe Myong Nam ໄດ້ກ່າວຢ້ຳອີກ ຄຳຢືນຢັນຕະຫຼອດມາຂອງປະເທດ ຂອງທ່ານ
ທີ່ວ່າ ບໍ່ມີຄ້າຍຄຸກແບບນັ້ນເລີຍ.
ແຕ່ທ່ານໄດ້ຍອມຮັບວ່າ ມີສູນກັກກັນແລະດັດສ້າງຜ່ານການອອກແຮງງານຫຼາຍແຫ່ງ ຊຶ່ງ
ເປັນບ່ອນທີ່ທ່ານກ່າວວ່າ “ພວກຄົນເຫຼົ່ານັ້ນ ໄດ້ຮັບການປັບປຸງໃຫ້ດີຂຶ້ນ ຜ່ານແນວ
ຄິດແລະ ການມອງເຫັນການກະທຳຜິດຕ່າງໆຂອງເຂົາເຈົ້າ.”
ເກົາຫຼີເໜືອ ແມ່ນຖືກມອງເຫັນ ມາເປັນເວລານານວ່າ ເປັນປະເທດທີ່ມີປະຫວັດກ່ຽວກັບການລະເມີດສິດທິມະນຸດທີ່ຮ້າຍແຮງ ທີ່ສຸດ. ບັນຫາດັ່ງ ກ່າວນັ້ນໄດ້ຮັບຄວາມສົນໃຈເປັນພິເສດ ນັບຕັ້ງແຕ່ໄດ້ມີການສອບສວນ ຂອງຄະນະກຳມະທິການອົງການສະຫະປະຊາຊາດ
ເມື່ອເດືອນກຸມພາຜ່ານມານັ້ນ.
