ອົງການບໍ່ຫວັງຜົນກຳໄລນະຄອນນິວຢອກ ສະໜອງການສອນລອຍນໍ້າໂດຍບໍ່ເສຍຄ່າໃຊ້ຈ່າຍໃຫ້ຊຸມຊົນທີ່ບໍ່ມີແຫຼ່ງຊັບພະຍາກອນພຽງພໍ.
ອົງການບໍ່ຫວັງຜົນກຳໄລໃນເມືອງ ບຣຸກລິນ ລັດນິວຢອກ, ແມ່ນກຳລັງສະໜອງການສອນລອຍນໍ້າໂດຍບໍ່ເສຍຄ່າໃຊ້ຈ່າຍ ແລະ ການຊ້ອມຮັກສາຄວາມປອດໄພໃນນໍ້າຕໍ່ເຍົາວະຊົນຈາກຊຸມຊົນທີ່ບໍ່ມີແຫຼ່ງຊັບພະຍາກອນພຽງພໍ, ດ້ວຍຄວາມຫວັງເພື່ອປ້ອງກັນການຈົມນໍ້າ ແລະ ໃຫ້ພວກເດັກນ້ອຍມີໂອກາດທີ່ຈະມີຄວາມມ່ວນຊື່ນຢູ່ສະລອຍນໍ້າ. ນັກຂ່າວວີໂອເອ ຈູນ ຊູ ແລະ ເຣັນດີ ວິຄັກຊານາ ມີລາຍງານ, ເຊິ່ງ ພຸດທະສອນ ຈະລຳລາຍລະອຽດມາສະເໜີທ່ານໃນອັນດັບຕໍ່ໄປ.
ນີ້ແມ່ນປີທີສອງຂອງນາງ ເຄຢາຣາ ໄນທ໌ ກັບໂຄງການລອຍນໍ້າໃນເມືອງ ບຣຸກລິນ ລັດ ນິວຢອກ. ນາງມີຄວາມມຸ່ງໝັ້ນທີ່ຈະເອົາຊະນະຄວາມຢ້ານກົວ ກ່ຽວກັບ ນໍ້າ ຫຼັງຈາກມີປະສົບການທີ່ເປັນຕາຢ້ານຕອນຍັງເປັນເດັກນ້ອຍ.
ນາງ ເຄຢາຣາ ໄນທ໌, ຜູ້ເຂົ້າຮ່ວມໂຄງການ Rising Tide Effect ກ່າວວ່າ “ຂ້ອຍມີປະສົບການເກືອບຈົມນໍ້າຕາຍ, ສະນັ້ນພໍ່ຂອງຂ້ອຍຮູ້ສຶກວ່າມັນມີຄວາມຈຳເປັນເພື່ອທີ່ຈະໃຫ້ພວກເຮົາເຂົ້າຮຽນລອຍນໍ້າ. ແຕ່ຄືເຈົ້າຮູ້ການເຂົ້າໂຮງຮຽນລອຍນໍ້າມັນຈະຕ້ອງໄດ້ໃຊ້ເງິນ, ແລະ ນີ້ແມ່ນບໍ່ໄດ້ເສຍຄ່າໃຊ້ຈ່າຍຫຍັງ.”
ນາງ ໄນທ໌, ອາຍຸ 21 ປີເປັນຄົນທີ່ເກີດໃນ ນິວຢອກ, ໄດ້ເຂົ້າຮ່ວມໃນໂຄງການສັ້ນ 6 ອາທິດ ທີ່ຖືກຈັດຂຶ້ນໂດຍໂຄງການ Rising Tide Effect,” ເຊິ່ງແມ່ນບໍ່ຫວັງຜົນກຳໄລທີ່ສະໜອງການຮຽນລອຍນໍ້າໂດຍບໍ່ເສຍຄ່າໃຊ້ຈ່າຍໃຫ້ບັນດາຊຸມຊົນທີ່ບໍ່ມີຊັບພະຍາກອນພຽງພໍໃນນະຄອນ ນິວຢອກ.
ປະມານ 500 ກວ່າຄົນໄດ້ເສຍຊີວິດຈາກການຈົມນໍ້າໃນແຕ່ລະປີ ແຕ່ປີ 2020 ຫາ 2022 ທຽບໃສ່ກັບປີ 2019, ອີງຕາມສູນກາງເພື່ອການຄວບຄຸມ ແລະ ປ້ອງກັນໂຣກ ສະຫະລັດ.
ທ່ານນາງ ເຄດທ໌ ຄຣາວສ໌, ຜູ້ກໍ່ຕັ້ງໂຄງການ Rising Tide Effect ກ່າວວ່າ “ໃນຖານະເປັນຊາວ ນິວຢອກ, ມັນເຮັດໃຫ້ຫົວໃຈຂອງຂ້າພະເຈົ້າແຕກສະຫຼາຍ. ມັນເຮັດໃຫ້ຂ້າພະເຈົ້າບໍ່ສະບາຍ ທີ່ປະຊາຊົນຢູ່ຂ້າງນອກນັ້ນກຳລັງຕາຍໃນຄື້ນທະເລຍັກ.”
ນັກຮຽນຂອງທ່ານນາງ ເຄດທ໌ ມັກທີ່ວ່າໂຄງການຂອງລາວຈະກະກຽມເຂົາເຈົ້າບໍ່ພຽງແຕ່ລອຍນໍ້າຢູ່ສະລອຍນໍ້າເທົ່ານັ້ນ ແຕ່ຍັງສຳລັບຄື້ນທະເລຍັກ ແລະ ອັນຕະລາຍອື່ນໆ ກ່ຽວກັບ ປະສົບການທີ່ແທ້ຈິງໃນມະຫາສະໝຸດ.
ນາງ ເຈຊິກາ ໂຣເມນ, ຜູ້ເຂົ້າຮ່ວມໂຄງການ Rising Tide Effect ກ່າວວ່າ “ທຸກໆວັນອັງຄານ ແລະ ວັນພຸດ, ພວກເຮົາຈະລອຍນໍ້າຢູ່ທີ່ນີ້ໃນສະລອຍນໍ້າ, ແລະ ວັນພະຫັດພວກເຮົາຈະໄປຫາດຊາຍ ເພື່ອຮຽນວິທີຂີ່ເຊີຟ ແລະ ອື່ນໆ ແລະ ຮຽນວິທີທີ່ຈະປັບໂຕເຂົ້າກັບນໍ້າທະເລ ແທນທີ່ມີແຕ່ຈະຢູ່ໃນສະລອຍນໍ້າ, ເພາະວ່າສະລອຍນໍ້າ ແລະ ມະຫາສະໝຸດແມ່ນສອງຢ່າງແຕກຕ່າງກັນ”
ອົງການອະນາໄມໂລກຂອງສະຫະປະຊາຊາດກ່າວວ່າ ສະເລ່ນໃນທົ່ວໂລກ, 26 ຄົນຕາຍຍ້ອນການຈົມນໍ້າທຸກໆຊົ່ວໂມງ.
ທ່ານ ເດວິດ ເມັດດິງສ໌ ຈາກອົງການອະນາໄມໂລກ ກ່າວວ່າ “ຂ້າພະເຈົ້າຄິດວ່ານຶ່ງໃນເຫດຜົນຕ່າງໆ, ຄືຈະເວົ້າວ່າ, ການຂາດການພົວພັນກັບການຈົມນໍ້າໃນທຸກມື້ນີ້ກໍແມ່ນຍ້ອນ ມັນບໍ່ໄດ້ເປັນຄວາມຢ່າງກວ້າງຂວາງທີ່ແທ້ຈິງທີ່ວ່າ A ການຈົມນໍ້າແມ່ນບັນຫາທີ່ໃຫຍ່ຄືທີ່ມັນເປັນ ແລະ B ມັນງ່າຍທີ່ຈະປ້ອງກັນມັນບໍ່ໃຫ້ເກີດຂຶ້ນ.”
ສຳລັບນາງ ເຄຢາຣາ, ປະສົບການຂອງລາວໃນໂຄງການ Rising Tide Effect ແມ່ນບໍ່ພຽງແຕ່ກ່ຽວກັບການພັດທະນາການລອຍນໍ້າຂອງລາວເທົ່ານັ້ນ, ແຕ່ຍັງກ່ຽວກັບການຮຽນຮູ້ທັກສະທີ່ສຳຄັນຂອງຊີວິດນຳດ້ວຍ.
ນາງ ເຄຢາຣາ ກ່າວວ່າ “ການຢູ່ທີ່ນີ້, ເຈົ້າແມ່ນຖືກເປີດເຜີຍຕໍ່ໂອກາດຢ່າງຫຼວງຫຼາຍ. ພວກເຮົາໄດ້ຮັບໃບປະກາດການເຮັດ CPR ແລະ ການຊ່ວຍເຫຼືອເບື້ອງຕົ້ນ. ໃນປັດຈຸບັນນີ້ຄົນເຮົາບໍ່ມີຫຼາຍຄົນທີ່ຈະໄດ້ສິ່ງນັ້ນ, ໂດຍປາສະຈາກການຈ່າຍເງິນໃດໆ.”
ອົງການຄວບຄຸມ ແລະ ປ້ອງກັນ ໂຣກ ລາຍງານວ່າການຈົມນໍ້າແມ່ນສາເຫດຕົ້ນຕໍ່ຂອງການຕາຍຂອງເດັກນ້ອຍອາຍຸ 1 ຫາ 4 ປີ. ເດັກນ້ອຍເກືອບ 90 ເປີເຊັນແມ່ນມາຈາກຄອບຄົວທີ່ມີລາຍໄດ້ຕໍ່າ ທີ່ມີຄວາມສາມາດພຽງໜ້ອຍດຽວ ຫຼື ບໍ່ມີໃນການລອຍນໍ້າ, ອີງຕາມມູນນິທິການລອຍນໍ້າ ສະຫະລັດ.
ທ່ານນາງ ເຄດທ໌ ຄຣາວສ໌ ກ່າວວ່າ “ຂ້າພະເຈົ້າຄິດວ່າຊາວໜຸ່ມຈຳນວນຫຼາຍ, ໂດຍສະເພາະຜູ້ທີ່ຢູ່ໃນກຸ່ມຂອງພວກເຮົາຜູ້ທີ່ມາຈາກໝູ່ບ້ານທີ່ມີຄວາມຮຸນແຮງຈາກປືນຢ່າງໜັກ, ຕ້ອງໄດ້ຮັບການເຂົ້າເຖິງໂຄງການນີ້. ແລະ ຖ້າເຂົາເຈົ້າສາມາດພຽງແຕ່ມີປະສົບການມ່ວນຊື່ນຢູ່ໃນສະລອຍນໍ້າຄືຂ້າພະເຈົ້າ, ຄືເພື່ອຮ່ວມງານຂອງຂ້າພະເຈົ້າ, ແລ້ວບາງເທື່ອເຂົາເຈົ້າອາດຈະຢາກຫາອາຊີິບທີ່ກ່ຽວຂ້ອງກັບນໍ້າກໍໄດ້.”
ແລະ ນັ້ນແມ່ນແຜນທີ່ນາງ ເຈຊີກາ ຢາກຈະເຮັດ.
ນາງ ເຈຊີກາ ໂຣເມນ ກ່າວວ່າ “ຕອນນີ້ຂ້ອຍຄິດຢ່າງຈິງຈັງ ກ່ຽວກັບ ການເປັນຜູ້ຊ່ວຍຊີວິດໃນລະດູຮ້ອນໜ້າ.”
ແລະ ນາງ ເຄຢາຣາ ກ່າວວ່າໃນອະນາຄົດ, ລາວຢາຈະສອນເດັກນ້ອຍລອຍນໍ້າ.
ອ່ານລາຍງານນີ້ເປັນພາສາອັງກິດ
This is Keyara Knight’s second year with this swimming program in Brooklyn, New York. She is determined to conquer any fears of the water after a terrifying childhood experience.
“I was close to a drowning experience, so my father felt like it was necessary in order for us to be put into swimming lessons. But you know swimming lessons cost money, and this is free.”
Knight, a 21-year-old native New Yorker, participates in a six-week intensive program hosted by “Rising Tide Effect,” a non-profit offering free swimming lessons to underserved communities in New York City.
About 500 more people died from drowning each year in 2020 through 2022 compared with 2019, according to the U.S. Centers for Disease Control and Prevention.
“As a New Yorker, it breaks my heart. It makes me sick that people are out there dying in rip currents.”
Kate’s students like that her program prepares them not only for swimming in the pool but also for rip currents and other hazards of the real ocean experience.
“Tuesdays and Wednesdays, we swim here in the pool, and Thursdays we go to the beach to learn how to surf and stuff and learn how to be immune to the ocean water instead of the pool water, because the pool and the ocean are two different things.”
The U.N. World Health Organization says on average worldwide, 26 people die by drowning every hour.
“I do think that one of the reasons for, let's say, a relative lack of engagement with drowning to date is simply because it's not really widespread knowledge that drowning is, A, as big of a problem as it is, and B, is as easily preventable as it is.”
For Keyara Knight, her experience in Rising Tide Effect is not just about improving her swimming, but also about learning important life skills.
“Being here, you’re open to a lot of opportunities. We’re getting our CPR and our first aid certification. It is not a lot of us (who) are able to get that nowadays, without having to pay any money.”
The CDC reports drowning as the leading cause of death among children ages 1 through 4. Nearly 80 percent of children in low-income households have little to no swimming ability, according to the USA Swimming Foundation.
“I think a lot of the youth, especially the ones that are in our groups who are coming from really intense gun-violent neighborhoods, need to have access to this piece. And if they can just experience the joy in the pool the way I do, where my colleagues do, then maybe they're going to want to pursue a career related to the water.”
And that is exactly what Jesika plans to do.
“…now I'm really thinking about being a lifeguard next summer.”
And Keyara Knight says in the future, she would like to teach kids to swim.
ຟໍຣັມສະແດງຄວາມຄິດເຫັນ