ນັກສຶກສາລາວທີ່ເດີນທາງມາສຶກສາຕໍ່ລະດັບປະລິນຍາໂທ
ທີ່ມະຫາວິທະຍາໄລຂອນແກ່ນ ໃນເຂດພາກອີສານຂອງ
ໄທໄດ້ໃຫ້ສຳພາດກັບ VOA ວ່າ ສຳລັບໃນພາກສ່ວນ
ຂອງນັກສຶກສາ ແລະປັນຍາຊົນໃນລາວແລ້ວ ຢາກໄດ້
ສະມາຊິກສະພາແຫ່ງຊາດທີ່ມີການສຶກສາສູງ ແລະມີ
ຄວາມຮູ້ຄວາມສາມາດເທົ່າທັນກັບສະພາບການຂອງໂລກ
ທີ່ມີການປ່ຽນແປງຕະຫຼອດເວລາ.
ທັງນີ້ ກໍເນື່ອງຈາກວ່າ ການທີ່ລາວຈະສາມາດພັດທະນາ
ປະເທດໄດ້ຢ່າງເທົ່າທັນກັບສະພາບການຂອງໂລກທີ່ປ່ຽນ
ແປງໄວນັ້ນ ຈະຕ້ອງເພິ່ງພາການຊ່ວຍເຫຼືອຈາກຕ່າງປະ
ເທດເປັນດ້ານຫຼັກ ຈຶ່ງເຮັດໃຫ້ຈຳເປັນຕ້ອງມີການພົວພັນ
ຮ່ວມມືກັບຕ່າງປະເທດໃນທຸກໆດ້ານຢ່າງກ້ວາງຂວາງ.
ດ້ວຍເຫດນີ້ ຈຶ່ງເຮັດໃຫ້ມີຄວາມຈຳເປັນຢ່າງຍິ່ງທີ່ສະພາ
ແຫ່ງຊາດລາວຈະຕ້ອງມີສະມາຊິກທີ່ມີຄວາມຮູ້ຄວາມສາ
ມາດທີ່ເທົ່າທັນກັບສະພາບການຂອງໂລກ ດັ່ງທີ່ນັກສຶກ
ສາລາວຄົນນງ ໃຫ້ການຢືນຢັນກັບ VOA ວ່າ:
“ຂ້າພະເຈົ້າເຫັນວ່າ ສະມາຊິກສະພາແຫ່ງຊາດລາວຊຸດທີ່ 7 ນີ້ຕ້ອງໄດ້ເລືອກເອົາຜູ້ທີ່ມີພື້ນຖານຄົບຖ້ວນຄັກແນ່ ໂດຍສະເພາະໃນເງື່ອນໄຂທີ່ພວກເຮົາເຊື່ອມໂຍງກັບສາກົນ, ພວກເຮົາຕ້ອງມີບຸກຄະລາກອນພຽງພໍ ສາມາດເຊື່ອງໂຍງກັບສາກົນໃຫ້ໄດ້ເປັນຢ່າງດີ, ຄັນເຮັດໄດ້ຄືແນວນີ້ ສະພາແຫ່ງຊາດລາວຊຸດທີ
7 ຂອງເຮົາຈະໄດ້ເປັນກຳລັງແຮງອັນໃຫຍ່ຫຼວງໃນ
ການເປັນຕົວແທນໃຫ້ແກ່ປະຊາຊົນລາວໃນການ
ຈັດຕັ້ງປະຕິບັດໜ້າທີ່ການເມືອງຮັບໃຊ້ປະຊາຊົນ”.
ທາງດ້ານ ທ່ານທອງສີ ອ້ວນລາສີ ກໍາມະ
ການຂອງຄະນະກໍາມາທິການເລືອກຕັ້ງລະ
ດັບຊາດກໍໄດ້ສະແດງຄວາມເຊື່ອໝັ້ນວ່າ ບຸກ
ຄົນທີ່ຈະໄດ້ຮັບການເລືອກຕັ້ງໃຫ້ເປັນສະມາ
ຊິກສະພາແຫ່ງຊາດລາວຊຸດທີ 7 ທີ່ກໍາໜົດ
ຈະມີຂຶ້ນຢ່າງເປັນທາງການໃນວັນທີ 30 ເມ
ສາ 2011 ນີ້ ຈະສາມາດປະຕິບັດໜ້າທີ່ໄດ້
ຢ່າງມີຄຸນນະພາບ ແລະປະສິດທິພາບສູງ
ຂຶ້ນ. ທັ້ງນີ້ກໍເນື່ອງຈາກວ່າບຸກຄົນທີ່ພັກໄດ້
ຄັດເລືອກໃຫ້ເປັນຜູ້ສະໝັກແຂ່ງຂັນໃນການ
ເລືອກຕັ້ງໃນຄັ້ງນີ້ ຕ່າງກໍເປັນບຸກຄົນທີ່ມີຄຸນ
ນະສົມບັດຢ່າງຄົບຖ້ວນຕາມທີ່ພັກກໍາໜົດໄວ້ ນັ້ນເອງ.
ຄະນະກໍາມະການເລືອກຕັ້ງລະດັບຊາດຂອງລາວ ພາຍໃຕ້ການເປັນປະທານຂອງທ່ານບຸນຍັງ ວໍລະຈິດ ຮອງປະທານປະເທດນັ້ນ ໄດ້ປະກາດລາຍຊື່ບຸກຄົນທີ່ຜ່ານການຄັດເລືອກ ເລະກໍໄດ້ຮັບອານຸຍາດໃຫ້ລົງສະມັກແຂ່ງຂັນໃນການເລືອກຕັ້ງສະມາຊິກສະພາແຫ່ງຊາດຊຸດທີ 7 ຢ່າງເປັນທາງການໃນຕົ້ນເດືອນມີນາ 2011 ທີ່ຜ່ານມານີ້. ໂດຍມີຜູ້ສະໝັກທັງໝົດ 190 ຄົນໃນ 17 ເຂດເລືອກຕັ້ງໃນທົ່ວປະເທດລາວ ໃນຈຳນວນນີ້ ເປັນຜູ້ສະໝັກຈາກສູນກາງ 47 ຄົນ ແລະມີຜູ້ສະໝັກເພດຍິງ 47 ຄົົນ ຫາກແຕ່ກໍມີຜູ້ສະໝັກຈາກພາກເອກກະຊົນທີ່ໄດ້ຮັບອານຸຍາດໃຫ້ລົງສະມັກແຂ່ງຂັນໃນການເລືອກຕັ້ງຄັ້ງນີ້ພຽງແຕ່ 5 ຄົນເທົ່ານັ້ນ.
ສ່ວນຄຸນນະສົມບັດໃນດ້ານ
ການສຶກສາຂອງຜູ້ສະໝັກນັ້ນ
ກໍປາກົດວ່າມີຢູ່ເຖິງ 168 ຄົນ
ທີ່ຈົບການສຶກສາຕັ້ງແຕ່ລະດັບ
ສູງໄປຈົນເຖິງປະລິນຍາເອກ
ໂດຍມີພຽງແຕ່ 22 ຄົນເທົ່າ
ນັ້ນ ທີ່ຈົບການສຶກສາລະດັບ
ຂັ້ນຕົ້ນ ແລະລະດັບກາງ.
ນອກຈາກນີ້ ກໍມີຜູ້ສະໝັກທີ່
ອາຍຸເກີນກວ່າ 60 ປີຂຶ້ນໄປ
ພຽງແຕ່ 21 ຄົນເທົ່ານັ້ນ. ສ່ວນທີ່ເຫຼືອກໍມີອາຍຸລະຫວ່າງ 45-60 ປີ ແລະໃນຈໍານວນຜູ້
ສະໝັກທັງໝົດ 190 ຄົນດັ່ງກ່າວນີ້ ກໍເປັນສະມາຊິກສະພາແຫ່ງຊາດລາວຊຸດທີ 6 ຢູ່ແລ້ວ ຈໍານວນ 45 ຄົນອີກດ້ວຍ.
ການເລືອກຕັ້ງສະມາຊິກສະພາແຫ່ງຊາດຊຸດທີ 7 ຢ່າງເປັນທາງການໃນວັນທີ 30 ເມສາ
ປີນີ້ ປະກອບມີທັງໝົດ 17 ເຂດເລືອກຕັ້ງ ທັງໃນເຂດນະຄອນວຽງຈັນ ແລະໃນ 16
ແຂວງທົ່ວປະເທດລາວ ໂດຍໃຫ້ປະຊາຊົນທີ່ມີອາຍຸຄົບ18 ປີຂຶ້ນໄປ ກໍຈະເປັນຜູ້ມີສິດໃນ
ການເລືອກຕັ້ງເອົາສະມາຊິກສະພາແຫ່ງຊາດລາວຊຸດໃໝ່. ສ່ວນຄົນລາວໃນຕ່າງປະເທດ
ທີ່ມີສິດເລືອກຕັ້ງນັ້ນ ກໍສາມາດຈະໃຊ້ສິິດຂອງຕົນໄດ້ ທີ່ສະຖານທູດລາວທີ່ປະເທດຫວຽດ
ນາມ, ກໍປູເຈຍ ແລະໄທ ໃນວັນທີ 30 ເມສານີ້ເຊັ່ນກັນ.
ທັງນີ້ໂດຍສະພາແຫ່ງຊາດລາວຊຸດທີ 7 ນີ້ ຈະມີສະມາຊິກທັງໝົດ 132 ຄົນ ຊຶ່ງເພີ່ມຂຶ້ນ
ຈາກຊຸດທີ 6 ທີ່ມີຈໍານວນສະມາຊິກທັງໝົດ 115 ຄົນ ເນື່ອງຈາກວ່າຈໍານວນປະຊາກອນ
ລາວໄດ້ເພີ່ມຂຶ້ນຈາກເມື່ອ 5 ປີ ກ່ອນ.
