ປະຊາຊົນລາວ ທີ່ປະກອບອາຊີບຄ້າຂາຍຢູ່ຕະຫຼາດເຂົ້າໃນນະຄອນຫຼວງວຽງຈັນໄດ້ໃຫ້
ການຢືນຢັນກັບ VOA ວ່າ ປະຊາຊົນລາວມີການຕື່ນຕົວຫຼາຍຂຶ້ນເປັນພິເສດໃນການທີ່
ຈະອອກໄປໃຊ້ສິດຂອງພວກຕົນ ໃນການປ່ອນບັດເລືອກຕັ້ງເອົາສະມາຊິກສະພາແຫ່ງ
ຊາດຊຸດທີ່ 7 ທີ່ກຳນົດຈະມີຂື້ນໃນວັນທີ 30 ເມສານີ້, ເນື່ອງຈາກວ່າ ປະຊາຊໍົນລາວ
ໃນສ່ວນໃຫຍ່ໄດ້ເຫັນເຖິງຄວາມສຳຄັນຂອງບົດບາດ ແລະໜ້າທີ່ຂອງສະມາຊິກສະພາ
ແຫ່ງຊາດລາວໃນໄລຍະໃໝ່ທີ່ຈະຕ້ອງມີການພັດທະນາລະບົບກົດໝາຍຂອງລາວໃຫ້ມີ
ຄວາມທັນສະໄໝ ແລະ ເປັນທີ່ຍອມຮັບຂອງສາກົນຢ່າງແທ້ຈິງ.
ຊຶ່ງດ້ວຍຄວາມສໍາຄັນດັ່ງກ່າວ ຈຶ່ງເຮັດໃຫ້ມີຄວາມຈໍາເປັນຢ່າງຍິ່ງທີ່ປະຊາຊົນລາວຜູ້ມີ
ສິດໃນການເລືອກຕັ້ງນັ້ນ ຈະຕ້ອງອອກໄປໃຊ້ສິດຂອງຕົນ ເພື່ອປ່ອນບັດເລືອກຕັ້ງເອົາຜູ້
ສະໝັກທີ່ມີຄວາມຮູ້ ແລະຄວາມສາມາດເພື່ອໃຫ້ເຂົ້າໄປປະຕິບັດໜ້າທີ່ບົດບາດໃນຖານະ
ສະມາຊິກສະພາແຫ່ງຊາດໄດ້ຢ່າງແທ້ຈິງ. ດັ່ງທີ່ພໍ່ຄ້າຢູ່ຕະຫຼາດເຊົ້າໃນນະຄອນຫຼວງວຽງຈັນ
ຄົນດັ່ງກ່າວນີ້ ໄດ້ເນັ້ນຢ້ຳກັບ VOA ວ່າ:
“ຄົນລາວຢູ່ໃນເມືອງລາວທຳມະດາເຮົາຢູ່ບ່ອນໃດກໍ່ມີສິດມາປ່ອນບັດໃຊ້ສິດ ເພື່ອ
ວ່າເລືອກເອົາຕົວແທນຂອງຕົນ ເພື່ອວ່າໃຫ້ຕົວແທນນັ້ນກໍ່ແມ່ນຜູ້ສ້າງສາພັດ
ທະນາ ຈຶ່ງຕ້ອງເລືອກເອົາຄົນດີມີຜົນງານ, ຄວາມຮູ້ ຄວາມສາມາດເພື່ອພັດທະ
ນາບ້ານເມືອງຂອງພວກເຮົາ ”
ກ່ອນໜ້ານີ້ ຄະນະກຳມະການ
ເລືອກຕັ້ງລະດັບຊາດ ພາຍໃຕ້
ການເປັນປະທານຂອງທ່ານ
ບຸນຍັງ ວໍລະຈິດ ຮອງປະທານ
ປະເທດລາວ ໄດ້ມີຄຳສັ່ງໄປ
ເຖິງຄະນະກຳມະການເລືອກ
ຕັ້ງລະດັບທ້ອງຖິ່ນໃນທົ່ວປະ
ເທດເພື່ອໃຫ້ດຳເນີນການກະ
ກຽມຄວາມພ້ອມໃນທຸກດ້ານ
ສຳລັບຮອງຮັບການເລືອກຕັ້ງ
ສະມາຊິກສະພາແຫ່ງຊາດລາວ
ຊຸດທີ່ 7 ນີ້ໃຫ້ໄດ້ ຕາມເປົ້າໝາຍທີ່ວາງເອົາໄວ້.
ຊຶ່ງກໍຄືການຮັບປະກັນການຮັກສາຄວາມສະຫງົບຮຽບຮ້ອຍໃຫ້ໄດ້ 100%. ການປຸກ
ລະດົມຂົນຂວາຍໃຫ້ປະຊາຊົນອອກມາໃຊ້ສິດໃນການເລືອກຕັ້ງຢ່າງຄົບຖ້ວນເຖິງ
100% ແລະການຮັບປະກັນການໃຊ້ສິດດັ່ງກ່າວຂອງປະຊາຊົນລາວນັ້ນ ວ່າຈະເປັນ
ໄປຕາມລະບຽບກົດໝາຍຢ່າງຄົບຖ້ວນເຖິງ100%.
ຄະນະກໍາມະການເລືອກຕັ້ງລະ
ດັບຊາດຂອງລາວໄດ້ປະກາດ
ລາຍຊື່ບຸກຄົນທີ່ຜ່ານການຂັດ
ເລືອກແລະກໍໄດ້ຮັບອານຸຍາດ
ໃຫ້ລົງສະໝັກແຂ່ງຂັນໃນການ
ເລືອກຕັ້ງເປັນສະມາຊິກສະພາ
ແຫ່ງຊາດຊຸດທີ 7 ຢ່າງເປັນ
ທາງການເມື່ອຕົ້ນເດືອນມີນາ
ທີ່ຜ່ານມາ. ໂດຍມີຜູ້ໄດ້ຮັບອາ
ນຸຍາດໃຫ້ແຂ່ງຂັນໃນການເລືອກ
ຕັ້ງຄັ້ງນີ້ຈຳນວນທັງໝົດ 190
ຄົນໃນ 17 ເຂດເລືອກຕັ້ງໃນ
ທົ່ວປະເທດລາວ. ຊຶ່ງກໍປາກົດວ່າ ເປັນຜູ້ສະໝັກຈາກສູນກາງ 47 ຄົນ ແລະມີຜູ້ສະໝັກ
ເພດຍິງ 47 ຄົົນ ແລະກໍມີຜູ້ສະໝັກຈາກພາກເອກກະຊົນທີ່ໄດ້ຮັບອານຸຍາດໃຫ້ລົງສະ
ໝັກແຂ່ງຂັນໃນການເລືອກຕັ້ງຄັ້ງນີ້ພຽງແຕ່ 5 ຄົນ ເທົ່ານັ້ນ.
ສ່ວນຄຸນນະສົມບັດໃນດ້ານການສຶກສາຂອງຜູ້ສະໝັກນັ້ນ ກໍປາກົດວ່າມີຢູ່ເຖິງ 168 ຄົນ
ທີ່ຈົບການສຶກສາຕັ້ງແຕ່ລະດັບສູງໄປຈົນເຖິງປະລິນຍາເອກ ໂດຍມີພຽງແຕ່ 22 ຄົນເທົ່ານັ້ນ ທີ່ຈົບການສຶກສາລະດັບຂັ້ນຕົ້ນ ແລະລະດັບກາງ. ນອກຈາກນີ້ ກໍມີຜູ້ສະໝັກທີ່ອາຍຸເກີນ
ກວ່າ 60 ປີຂຶ້ນໄປ ພຽງແຕ່ 21 ຄົນເທົ່ານັ້ນ. ສ່ວນທີ່ເຫຼືອກໍມີອາຍຸລະຫວ່າງ 45-60 ປີ
ແລະ ເປັນສະມາຊິກສະພາແຫ່ງຊາດລາວຊຸດທີ 6 ຈໍານວນ 45 ຄົນອີກດ້ວຍ.
ສະພາແຫ່ງຊາດລາວຊຸດທີ 7 ນີ້ ຈະມີສະມາຊິກທັງ
ໝົດ 132 ຄົນ ຊຶ່ງເພີ່ມຂຶ້ນຈາກຊຸດທີ 6 ທີ່ມີຈໍານວນ
ສະມາຊິກທັງໝົດ 115 ຄົນ.
ການເລືອກຕັ້ງຄັ້ງນີ້ມີປະຊາຊົນລາວຫລາຍກວ່າ 3.23 ລ້ານ
ຄົນ ທີ່ມີສິດໃນການເລືອກຕັ້ງ ກໍຄືມີອາຍຸຕັ້ງແຕ່ 18 ປີຂຶ້ນ
ໄປ. ສ່ວນປະຊາຊົນລາວໃນຕ່າງປະເທດທີ່ມີສິດເລືອກຕັ້ງນັ້ນ
ກໍສາມາດໄປໃຊ້ສິິດຂອງຕົນໄດ້ ທີ່ສະຖານທູດລາວປະຈໍາ
ບາງກອກ, ຮ່າໂນ່ຍ ແລະພະນົມເປັນເທົ່ານັ້ນ.
