ລິ້ງ ສຳຫລັບເຂົ້າຫາ

logo-print

ເກາະ ນິວ ຄາ​ເລ​ໂດ​ເນຍ ລົງ​ຄະ​ແນນ​ສຽງ ກ່ຽວ​ກັບ ການ​ເປັນ​ເອ​ກະ​ລາດ


ຜູ້​ຊາຍ​ຄົນ​ນຶ່ງ ກຽມ​ປ່ອ​ນ​ບັດ​ຄະ​ແນນ​ສຽ​ງ​ຂອງ​ລາວ ຢູ່​ສະ​ຖານ​ທີ່​ປ່ອນ​ບັດ ໃນ​ເມືອງ ນູ​ເມຍ, ເກາະ ນິວ ຄາ​ເລ​ໂດ​ເນຍ. 4 ພະ​ຈ​ິກ, 2018.

ບັນ​ດາ​ຜູ້​ລົງ​ຄະ​ແນນ​ສຽງ​ໄດ້​ປ່ອນ​ບັດ ໃນ​ການ​ລົງ​ປະ​ຊາ​ມະ​ຕິ​ແຍກ​ຕົວ​ເປັນເອ​ກະ​ລາດ
ໃນວັນອາທິດມື້ນີ້ ຢູ່ເກາະ ນິວ ຄາເລໂດເນຍ ທີ່ເປັນເຂດແດນຂອງ ຝຣັ່ງ ຕັ້ງຢູ່ພາກ
ໃຕ້ຂອງມະຫາສະໝຸດປາຊີຟິກ..

ພວກ​ຜູ້​ລົງ​ຄະ​ແນນ​ສຽງ​ໄດ້​ຕອບ​ຄຳ​ຖາມ​ທີ່​ວ່າ: ທ່ານ​ຢາກ​ໃຫ້​ເກາະ ນິວ ຄາ​ເລ​ໂດ​ເນຍ
ມີອຳນາດອະທິປະໄຕຢ່າງຄົບຖ້ວນ ແລະ ກາຍເປັນເອກະລາດບໍ່?

ຜົນ​ທີ່​ອອກ​ມາ​ແມ່ນ​ຍັງ​ບໍ່​ເປັນ​ທີ່​ຮູ້​ຈັກ​ເທື່ອ, ແຕ່​ການ​ຊີ້ບອກ​ ໄດ້​ສັນ​ຍານ​ໃຫ້​ເຫັນ​ວ່າ
ເຂດແດນດັ່ງກ່າວຈະລົງຄະແນນສຽງ ເພື່ອຄົງຢູ່ເປັນພາກສ່ວນນຶ່ງຂອງປະເທດ ຝຣັ່ງ
ຕໍ່ໄປ ເຊິ່ງເຂົາເຈົ້າໄດ້ອ້າງເອົາໝູ່ເກາະດັ່ງກ່າວນັ້ນ ໃນກາງສັດຕະວັດທີ 19 ທີ່ຜ່ານມາ.

ເກາະ ນິວ ເຄ​ເລ​ໂດ​ເນຍ ມີ​ຜູ້​ລົງ​ຄະ​ແນນ​ສຽງ​ທີ່​ໄດ້​ລົງ​ຖະ​ບຽນ 174,000 ຄົນ ຈາກ​ປະ​
ຊາກອນຂອງເຂົາເຈົ້າທັງໝົດປະມານ 270,000 ຄົນ.

ເສດ​ຖະ​ກິດ​ຂອງ​ເຂົາ​ເຈົ້າ​ແມ່ນ​ໄດ້​ຮັບ​ການ​ສະ​ໜັບ​ສະ​ໜູນ ​ດ້ວຍ​ເງິນ​ສຳ​ປະ​ທານ​ຂອງ
ຝຮັ່ງ ປະມານ 1 ພັນ 5 ຮ້ອຍລ້ານໂດລາໃນແຕ່ລະປີ ແລະ ຫຼາຍຄົນຢ້ານວ່າ ເສດຖະ
ກິດຂອງເຂົາເຈົ້າຈະລົ້ມລະລາຍ ຖ້າບໍ່ໄດ້ຮັບເງິນສຳປະທານຈາກ ຝຮັ່ງ.

ໃນ​ຂະ​ນະ​ທີ່​ເຂດ​ແດນ​ດັ່ງ​ກ່າວ​ ແມ່ນ​ໄດ້​ຮັບ​ການ​ປົກ​ຄອງ​ຕົນເອງ​ໃນ​ຂົງ​ເຂດກວ້າງ​
ຂວາງຢູ່ແລ້ວນັ້ນ, ແຕ່ເຂົາເຈົ້າກໍຍັງອາໄສ ຝຣັ່ງ ຢ່າງຫຼວງຫຼາຍສຳລັບບາງບັນຫາ,
ລວມມີການປ້ອງກັນຄວາມປອດໄພ ແລະ ການສຶກສານຳ.

ການ​ລົງ​ປະ​ຊາ​ມະ​ຕິ ແມ່ນ​ສ່ວນ​ນຶ່ງ​ຂອງ​ຂະ​ບວນ​ການ​ທີ່​ໄດ້​ເລີ່ມ​ຂຶ້ນ​ໃນ​ປີ 1988 ເພື່ອ​
ສິ້ນສຸດຄວາມຮຸນແຮງ ລະຫວ່າງຜູ້ສະໜັບສະໜູນ ແລະ ຄູ່ປໍລະປັກ ກ່ຽວກັບ ການ
ປະກາດເອກະລາດຈາກ ຝຣັ່ງ. ນຶ່ງທົດສະວັດຕໍ່ມາ, ຂໍ້ຕົກລົງໄດ້ຖືກບັນລຸ ເພື່ອຈັດໃຫ້
ມີການລົງຄະແນນສຽງເອກະລາດໃນປີ 2018 ນີ້. ຖ້າຜູ້ລົງຄະແນນສຽງເວົ້າ ບໍ່ເຫັນດີ
ຕໍ່ການເປັນເອກະລາດ, ຂໍ້ຕົກລົງກໍຈະອະນຸຍາດໃຫ້ມີການລົງປະຊາມະຕິເປັນເອກະ
ລາດອີກສອງຄັ້ງ ເຊິ່ງຈະຖືກຈັດຂຶ້ນບໍ່ກາຍປີ 2022.

ປະ​ທາ​ນາ​ທິ​ບໍ​ດີ ຝ​ຣັ່ງ ທ່ານ ເອັມ​ມາ​ນູ​ແອ​ລ ມາ​ຄ​ຣົງ ໄດ້​ໄປ​ຢ້ຽມ​ຢາມ​ເກາະ ນິວ ຄາ​ເລ​
ໂດເນຍ ໃນເດືອນພຶດສະພາທີ່ຜ່ານມາ ແລະ ໄດ້ເວົ້າ ກ່ຽວກັບ “ຄວາມເຈັບປວດຂອງ
ການເປັນຫົວເມືອງຂຶ້ນ.”

ພາຍ​ໃຕ້​ການ​ປົກ​ຄອງແບບຫົວ​ເມືອງ​ຂຶ້ນ​ນັ້ນ, ຊົນ​ເຜົ່າ​ພື້ນ​ເມືອງ ກາ​ນັກ (Kanaks)
ແມ່ນໄດ້ຖືກຈຳກັດ ແລະ ຖືກແຍກຈາກເສດຖະກິດສ່ວນຫຼາຍຂອງເກາະດັ່ງກ່າວ.

ອ່ານ​ຂ່າວ​ນີ​້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG