ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ເລຂາທິການໃຫຍ່ຂອງອົງການ ເນໂຕ້ ກ່າວວ່າ ຫົນ ທາງທີ່ໄວທີ່ສຸດ ໃນການຢຸດສົງຄາມຢູເຄຣນ ແມ່ນການແພ້ສົງຄາມ; ແຕ່ມັນຈະບໍ່ນຳສັນຕິພາບມາໃຫ້


ເລຂາທິການໃຫຍ່ຂອງອົງການ ເນໂຕ້ ທ່າ ເຈັນສ໌ ສໂຕລເຕັນເບີກ, ກາງ, ສະແດງໃຫ້ເຫັນຕົວຢ່າງຂອງກອງປະຊຸມສຸດຍອດຂອງບັນດາພັນທະມິດ ທີ່ກຳລັງຈະຈັດຂຶ້ນ ຕໍ່ບັນດານັກຂ່າວກຸ່ມນ້ອຍໆ ເຊິ່ງລວມເຖິງ ມິຊາ ໂຄາມດອຟກີ ຈາກ ວີໂອເອ ໃນນະຄອນຫຼວງ ວໍຊິງຕັນ ໃນວັນທີ 7 ກໍລະກົດ 2024.
ເລຂາທິການໃຫຍ່ຂອງອົງການ ເນໂຕ້ ທ່າ ເຈັນສ໌ ສໂຕລເຕັນເບີກ, ກາງ, ສະແດງໃຫ້ເຫັນຕົວຢ່າງຂອງກອງປະຊຸມສຸດຍອດຂອງບັນດາພັນທະມິດ ທີ່ກຳລັງຈະຈັດຂຶ້ນ ຕໍ່ບັນດານັກຂ່າວກຸ່ມນ້ອຍໆ ເຊິ່ງລວມເຖິງ ມິຊາ ໂຄາມດອຟກີ ຈາກ ວີໂອເອ ໃນນະຄອນຫຼວງ ວໍຊິງຕັນ ໃນວັນທີ 7 ກໍລະກົດ 2024.

ໃນຂະນະທີ່ NATO ກະກຽມທີ່ຈະຈັດກອງປະຊຸມສຸດຍອດ 3 ມື້ ໃນ​ນະ​ຄອນຫຼວງ ວໍຊິງຕັນ ເພື່ອສະເຫຼີມສະຫຼອງວັນສ້າງຕັ້ງຄົບຮອບ 75 ປີຂອງຕົນ ໃນວັນອັງຄານນີ້, ພັນທະມິດດັ່ງ​ກ່າວ ກໍາລັງເສີມການສະຫນັບສະຫນູນ ຢູເຄຣນ ຂອງຕົນ ໃນສົງຄາມທີ່ກໍາລັງດຳເນີນຢູ່ກັບຣັດເຊຍ.

ໃນລະຫວ່າງກອງປະຊຸມຖະແຫຼງຂ່າວກັບນັກຂ່າວຈໍານວນນຶ່ງ ໃນວັນອາທິດ ວານນີ້ ເພື່ອນຳສະເໜີຕົວຢ່າງຂອງກອງປະຊຸມ, ເລຂາທິການໃຫຍ່ຂອງ ອົງການ NATO ທ່ານ ເຈັນສ໌ ສໂຕລເຕັນເບີກ ໄດ້ກ່າວວ່າ ສະມາຊິກ NATO ທຸກປະ​ເທດຕ້ອງການສັນຕິພາບ, ແລະສິ່ງນັ້ນ ສາມາດເກີດຂຶ້ນໄດ້ ຖ້າປະທານາທິບໍດີຂອງຣັດເຊຍ ທ່ານ ວລາດີເມຍ ປູຕິນ ເຂົ້າໃຈວ່າທ່ານບໍ່ ສາມາດຊະນະໃນສະຫນາມລົບຄັ້ງນີ້ໄດ້.

ທ່ານກ່າວວ່າ "ວິທີທີ່ໄວທີ່ສຸດ ໃນການຢຸດຕິສົງຄາມຄັ້ງນີ້ ແມ່ນການແພ້ສົງ ຄາມນີ້,” “ແຕ່ນັ້ນຈະບໍ່ນໍາມາຊຶ່ງສັນຕິພາບ. ນັ້ນຈະ​ກໍ່​ໃຫ້​ເກີດການຍຶດຄອງ.”

ທ່ານ ສໂຕນເຕັນເບີກ ​ໄດ້​ສະຫຼຸບ​ບັນດາ​ມາດ​ຕະການ​ສຳຄັນ​ທີ່ NATO ຈະ​ໃຊ້, ​ເຊິ່ງລວມມີ​ການ​ສ້າງ​ຕັ້ງ​ກອງ​ບັນຊາ​ການ​ສະເພາະຢູ່ໃນ​ເຢຍຣະ​ມັນ, ​ເພີ່ມ​ທະວີ​ການ​ຊ່ວຍ​ເຫຼືອທາງ​ດ້ານ​ການ​ເງິນ ​ແລະ ການ​ທະຫານ, ​ແລະ ຂໍ້ຕົກລົງດ້ານ​ຄວາມ​ໝັ້ນຄົງສອງ​ຝ່າຍ.

ທ່ານ ສໂຕລເຕັນເບີກ ໄດ້ເນັ້ນຍໍ້າເຖິງຂໍ້ລິເລີ່ມເຫຼົ່ານີ້ ໃນຂະນະດຽວກັນ ກໍໄດ້ລະບຸເຖິງຄວາມຊັບຊ້ອນຂອງການເປັນສະມາຊິກ NATO ຂອງຢູເຄຣນ ທີ່ມີຄວາມເປັນໄປໄດ້ ແລະແນວຮ່ວມພັນທະມິດເພື່ອຕໍ່ຕ້ານການຮຸກຮານ ຂອງຣັດເຊຍ.

ທ່ານ​ກ່າວ​ວ່າ ພາ​ສາ​ທີ່ຈະແຈ້ງ​ຂອງ​ຂໍ້​ຕົກ​ລົງຂັ້ນ​ສຸດ​ທ້າຍ​ຂອງ​ກອງ​ປະ​ຊຸມ​ສຸດ​ຍອດ​ກ່ຽວ​ກັບ​ການ​ເປັນ​ສະ​ມາ​ຊິກ NATO ຂອງ​ຢູ​ເຄຣນ ຍັງ​ຢູ່​ໃນລະຫວ່າງ​ການ​ເຈ​ລະ​ຈາ.

ໃນເດືອນເມສາ, ທ່ານ ສໂຕລເຕັນເບີກ ໄດ້ກ່າວວ່າພັນທະມິດ ບໍ່ໄດ້ຄາດຫວັງ ວ່າຈະສະເຫນີໃຫ້ ຢູເຄຣນ ເປັນສະມາຊິກຂອງອົງການເນໂຕ້ ໃນລະຫວ່າງ ກອງປະຊຸມສຸດຍອດ, ແຕ່ເປັນ "ຂົວຕໍ່" ໃຫ້ແກ່ການເຂົ້າເປັນສະມາຊິກ.

ອ່ານຂ່າວເປັນພາສາອັງກິດທີ່ນີ້.

ຟໍຣັມສະແດງຄວາມຄິດເຫັນ

XS
SM
MD
LG