ລັດຖະບານຂອງປະທານາທິບໍດີດໍໂນລ ທຣໍາ ເວົ້າວ່າ ພວກເພິ່ນໄດ້ແຈ້ງໃຫ້ລັດຖະ
ສະພາ ຊາບແລ້ວ ກ່ຽວກັບຈຸດປະສົງຂອງຕົນທີ່ຢາກເຈລະຈາສັນຍາການຄ້າເສລີໃນ
ຂົງເຂດທະວີບອາເມຣິກາເໜືອ ຫລື NAFTA ຄືນກັບການາດາ ແລະເມັກຊິໂກ.
ໃນຈົດໝາຍທີ່ສົ່ງເຖິງບັນດາຜູ້ນໍາໃນລັດຖະສະພາ ໃນວັນພະຫັດວານນີ້ ນັ້ນ ທ່ານ
Robert Lighthizer ຫົວໜ້າຫ້ອງການຜູ້ຕາງໜ້າການເຈລະຈາທາງການຄ້າ ເວົ້າ
ວ່າ ຄະນະລັດຖະບານມີແຜນທີ່ຈະທໍາການປຶກສາ ຫາລືເປັນເວລາ 90 ວັນ ກັບບັນ
ດາສະມາຊິກສະພາ ກ່ຽວກັບວິທີການຂຽນສັນຍາຄືນ ພາຍຫລັງທີ່ໄດ້ມີການເຈລະ
ຈາກັບການາດາ ແລະ ເມັກຊິໂກ ທີ່ອາດຈະເລີ້ມຕົ້ນຂຶ້ນ ຫລັງວັນທີ 16 ສິງຫາ ນັ້ນ
ແລ້ວ.
ການເຈລະຈາສັນຍາ NAFTA ຄືນ ເປັນຄໍາໝັ້ນສັນຍາຫລັກອັນນຶ່ງຂອງທ່ານທຣໍາ
ທີ່ໄດ້ເວົ້າຢູູ່ໃນລະຫວ່າງທີ່ທ່ານໂຄສະນາຫາສຽງເລືອກຕັ້ງເປັນປະທານາທິບໍດີ ຊຶ່ງ
ທ່ານເອີ້ນສົນທິສັນຍານີ້ວ່າ "ເປັນຄວາມຫາຍຍະນະ."
ທ່ານ Lighthizer ກ່າວຕໍ່ນັກຂ່າວວ່າ NAFTA ໄດ້ຊ່ວຍເຮັດໃຫ້ຂະແໜງກະສິກໍາ, ການບໍລິການດ້ານການລົງທຶນ ແລະຂະແໜງພະລັງງານ ຂອງສະຫະລັດ ມີຄວາມ
ເຂັ້ມແຂງຂຶ້ນ ແຕ່ວ່າມັນເຮັດໃຫ້ໂຮງຈັກ ໂຮງງານໄດ້ຮັບຜົນກະທົບຢ່າງໜັກ ແລະ
ພາໃຫ້ວຽກງານໃນຂະ ແໜງການຜະລິດ ທີ່ມີຄ່າແຮງງານສູງນັ້ນ ສົ່ງອອກໄປເຮັດຢູ່
ເມັກຊິໂກ.
ທ່ານ Lighthizer ກ່າວຢູ່ໃນຈົດໝາຍດັ່ງກ່າວວ່າ NAFTA ຕ້ອງໄດ້ຮັບການປັບປຸງ
ຄືນໃໝ່ ເພື່ອໃຫ້ແກ້ໄຂບັນຫາກ່ຽວກັບການຄ້າທາງດ້ານສິນຄ້າດີຈິຕອລ, ສິດທິ
ກ່ຽວກັບຊັບສິນທາງດ້ານປັນຍາ ຫລື IPR ແລະລະດັບມາດຕະຖານທາງດ້ານສະ
ພາບແວດລ້ອມ.
ຢູ່ໃນກອງປະຊຸມນັກຂ່າວທີ່ຈັດຂຶ້ນໃນວັນພະຫັດວານນີ້ ຢູ່ກະຊວງການຕ່າງປະເທດ
ຮ່ວມກັບເຈົ້າໜ້າເມັກຊິກໂກ, ທ່ານ Rex Tillerson ລັດຖະມົນຕີການຕ່າງປະເທດ
ສະຫະລັດແລະເຈົ້າໜ້າທີ່ສະຫະລັດຄົນອື່ນໆອີກນັ້ນ ລັດຖະມົນຕີການຕ່າງປະເທດ
ເມັກຊິໂກ ທ່ານ Luis Videgaray ເວົ້າວ່າ ເມັກຊິໂກ "ຍິນດີກັບ" ການເຈລະຈາສັນ
ຍາ NAFTA ຄືນ.
ທ່ານ Videgaray ເວົ້າອີກວ່າ "ພວກເຮົາເຂົ້າໃຈວ່າ ສັນຍາສະບັບນີ້ ໄດ້ເຈລະຈາ
ແລະເຊັນກັນມາໄດ້ 25 ປີແລ້ວ". "ໂລກໄດ້ມີການປ່ຽນໄປ. ພວກເຮົາກໍໄດ້ຮຽນຮູ້
ຫລາຍສິ່ງຫລາຍຢ່າງ ແລະພວກເຮົາສາມາດປັບປຸງໃຫ້ມັນດີຂຶ້ນກວ່າເກົ່າໄດ້."
ທ່ານ Wilbur Ross ລັດຖະມົນຕີກະຊວງການຄ້າ ເວົ້າວ່າ "ນັບແຕ່ມີການເຊັນສັນ
ຍາ NAFTA ເປັນຕົ້ນມາ ພວກເຮົາເຫັນວ່າ ອຸດສາຫະກໍາຜະລິດສິນຄ້າຂອງພວກ
ເຮົາໄດ້ຫລຸດລົງ, ໂຮງງານຕ່າງໆຖືກປິດລົງແລະກໍາມະກອນໃນຈໍານວນນັບບໍ່ຖ້ວນ
ແມ່ນບໍ່ມີວຽກເຮັດ ງານທໍາ. ປະທານາທິບໍດີທຣໍາ ຈະປ່ຽນແປງສະພາບການອັນນີ້."
