ລິ້ງ ສຳຫລັບເຂົ້າຫາ

logo-print

ສະພາ ມຽນມາ ພະຍາຍາມ ຍົກເລີກ ສິດຍັບຍັ້ງ ຂອງທະຫານ ຫຼື ມາດຕາ 436


ທ່ານນາງ Aung San Suu Kyi ຜູ້ນຳພັກສັນນິບາດແຫ່ງຊາດ ເພື່ອປະຊາທິປະໄຕ ໃນມຽນມາ ວັນທີ 13 ມິຖຸນາ 2014.

ສະພາ​ນິຕິບັນຍັດ​ຂອງ​ມຽນມາ ແມ່ນເປັນ​ຫຼັກ​ໝັ້ນຂອງ​ລັດຖະ
ບານ​ພົນລະ​ເຮືອນ ​ທີ່​ປົກຄອງ​ປະ​ເທດມາ​ໄດ້ 4 ປີ​ແລ້ວ​ນັ້ນ
​ແຕ່​ສະພາ​ນີ້ສະຫງວນ​ບ່ອນ​ນັ່ງ​ ​ຈຳນວນ 1 ສ່ວນ 4 ​ໄວ້ໃຫ້​
ພວກ​ຜູ້​ແທນ ​ທີ່​ໄດ້​ຮັບ​ການ​ແຕ່ງ​ຕັ້ງຈາກ​ກອງທັບ​ ​ແລະ​ມອບ
ອຳນາດ​ໃຫ້ພວກ​ເຂົາ​ເຈົ້າ​ມີສິດ ວີ​ໂຕ້ ​ຫຼືຍັບ​ຍັ້ງການດັດ​ແປງ​
ແກ້​ໄຂ​ລັດຖະທຳ​ມະນູນທັງ​ໝົດ​ນັ້ນ. ມາບັດ​ນີ້ທາງສະພາ​ກຳ
ລັງ​ພິຈາລະນາ​ຈະ​ແກ້​ໄຂ​ລັດຖະທຳມະນູນ ​ເພື່ອຍົກ​ເລີກ​ສິດ
ອຳນາດ​ດັ່ງກ່າວ ຊຶ່ງ​ພວກ​ນັກ​ສັງ​ເກດ​ການ​ນາໆ​ຊາດ ກ່າວ​ວ່າ
​ເປັນ​ບາດກ້າວ​ສຳຄັນ​ອັນ​ນຶ່ງ​ໃນ​ການ​ຢືນຢັນ​ການ​ໂອນອຳນາດ
​ ຂອງ​ປະ​ເທດໃຫ້​ຢູ່ພາຍ​ໃຕ້​ການ​ປົກຄອງ​ຂອງ​ພວກ​ພົນລະ​
ເຮືອນ​ນັ້ນ. ສິງ​ຈະ​ນຳ​ເອົາ​ ລາຍ​ງານ​ກ່ຽວ​ກັບ​ເລື້ອງ​ນີ້ ຈາກ​ຜູ້​
ສື່​ຂ່າວ ວີ​ໂອ​ເອ ທີ່​ບາງກອກ​ມາສະ​ເໜີ​ທ່ານ​ ໃນ​ອັນ​ດັບ​ຕໍ່​ໄປ.

ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ ຊຶ່ງ​ເປັນ​ພັກ​ຝ່າຍ​ຄ້ານ​ທີ່​ສຳຄັນ​ໃນ​ມຽນມາ
​ໄດ້​ຮວບຮວມ​ເອົາລາຍ​ເຊັນປະຊາຊົນ​ ມາ​ໄດ້ ປະມານ 3 ລ້ານ​ຄົນ​ແລ້ວ ​ໃນ​ຄຳ​ຮ້ອງ​ຮຽນ
ສະບັບ​ນຶ່ງ ​ເພື່ອໃຫ້​ທຳ​ການ​ລົບ​ລ້າງ​ສິດ​ອຳນາດ​ຍັບ​ຍັ້ງ​ຂອງ​ພວກ​ທະຫານທີ່​ເອີ້ນ​ກັນ​ວ່າ
ມາດຕາ 436 ​ນັ້ນ.

​ໃນ​ຕົ້ນເດືອນ​ນີ້ ທ່ານ​ນາງ​ອອງຊານ​ຊູ​ຈີ ຜູ້ນຳ​ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະໄຕ
ໃນ​ມຽນມາ ​ໄດ້​ຖະ​ແຫຼງຕໍ່​ຝູງ​ຊົນ ກ່ຽວ​ກັບວ່າມາດ​ຕະການ​ດັ່ງກ່າວ ມີ​ຄວາມສຳຄັນແນວ
ໃດຕໍ່​ປະ​ເທດຊາດ.

ທ່ານ​ນາງ​ອອງຊານ​ຊູ​ຈີ ກ່າວ​ວ່າ “ຖ້າ​ພວກ​ເຮົາ​ບໍ່​ປ່ຽນ​ມາດຕາ 436 ມັນ​ກໍໝາຍ
ຄວາມ​ວ່າ ທະຫານ​ເກືອບ​ວ່າ​ມີ​ອຳນາດ​ຢ່າງ​ສິ້ນ​ແຊີງ ​ໃນ​ການໃຊ້​ສິດ​ຍັບ​ຍັ້ງ
ສິ່ງ​ທີ່ພວກ​ເຮົາ​ຈະ​ສາມາດ​ ຫຼື​ບໍ່​ສາມາດປ່ຽນ​ແປງໄດ້​ໃນ​ກົດ​ລັດຖະທຳ​ມະນູນ
ນັ້ນ ​ແລະ​ຂ້າພະ​ເຈົ້າ​ຄຶດ​ວ່າ ມັນ​ຄວນ​ຈະ​ເປັນ​ໜ້າ​ທີ່​ຂອງ​ພວກ​ຜູ້ແທນ​ທີ່ປະ
ຊາຊົນ​ເລືອກ​ຕັ້ງ​ຂຶ້ນມາ ທີ່​ຈະຕັດສິນ​ໃຈ​ວ່າ ​ຄວນ​ມີ​ການ​ປ່ຽນແປງ ລັດຖະທຳ
ມະນູນ ຫຼື​ບໍ່ນັ້ນ.”


ພາຍ​ໃຕ້​ມາດຕາ​ດັ່ງກ່າວ ຂໍ້​ດັດ​ແປງ​ແກ້​ໄຂ​ລັດຖະທຳ​ມະນູນໃດໆ ​ແມ່ນຈະ​ຕ້ອງ​ໄດ້​ຮັບ​ສຽງສະໜັບ​ສະໜຸນ​ເຫັນ​ດີ​ນຳ​ຈາກ 75 ​ເປີເຊັນຂອງ​ຜູ້​ແທນ ຊຶ່ງ​ກໍ​ເທົ່າ​ກັບ​ອະນຸມັດ​ໃຫ້
ພວກ​ທະຫານ​ມີສິດ​ຍັບ​ຍັ້ງ​ໄດ້. ການ​ຮ້ອງຮຽນ​ດັ່ງກ່າວ ມີກຳນົດໝົດ​ອາຍຸ​ລົງ​ໃນ​ວັນ​ທີ
19 ​ເດືອນກໍລະກົດ​ນີ້.

ທ່ານ Ko Ni ທີ່​ປຶກສາ​ດ້ານ​ກົດໝາຍ​ຂອງ​ພັກ​ສັນນິບາດ​ແຫ່ງ​ຊາດ​ເພື່ອ​ປະຊາທິປະ​ໄຕ​
ໃນ​ມຽນມາ ຫຼື NLD ​ແລະຮ່ວມ​ຢູ່​ໃນ​ຄະນະ​ກຳມະການ​ວ່າ​ດ້ວຍ​ການ​ປ່ຽນ​ແປງ​ລັດຖະທຳ​ມະນູນຂອງ​ພັກ ກ່າວ​ວ່າ ມັນ​ຈະ​ຫຍຸ້ງຍາກ​ຫຼາຍທີ່ຈະ​ປ່ຽນ​ແປງ​ມາດຕາ 436 ຜ່ານ​ສະພາ​ແຫ່ງ​ຊາດ​ນັ້ນ ​ເພາະວ່າ ພັກ​ NLD ຄວບ​ຄຸມ​ບ່ອນ​ນັ່ງ​ພຽງ​ແຕ່ 7 ​ເປີ​ເຊັນເທົ່າ​ນັ້ນ​ ໃນ​ຈຳ
ນວນ​ບ່ອນ​ນັ່ງ​ທັງ​ໝົດ​ຢູ່​ໃນ​ສະພາ. ທ່ານ Ko Ni ກ່າວ​ຕື່ມ​ວ່າ ທາງ​ພັກ​ຫວັງ​ວ່າ ​ເອກະສານ​ຮ້ອງ​ຮຽນທີ່​ມີ​ລາຍ​ເຊັນ​ນີ້ ຈະ​ຊ່ອຍ​ໃຫ້​ບັນລຸ​ເປົ້າ​ໝາຍ​ຂອງ​ເຂົາ​ເຈົ້າ ​ແຕ່ກໍ​ເບິ່ງ​ຄື​ວ່າ ມັນຍັງ​ຈະ​ຕ້ອງ​ການ​ການສະໜັບ ສະໜຸນ​ຈາກ​ພວກຜູ້​ແທນ​ທະຫານ​ບາງ​ຄົນຢູ່ ຜູ້ທີ່​ເຕັມ​ໃຈ​ຈະ​ແຍກ​ອອກ​ຈາກ​ແນວທາງ​ຂອງ​ກອງທັບ ​ແລະ​ບໍ່​ລົງມະຕິຮ່ວມ​ກັບຝ່າຍ​ທະຫານ​ນັ້ນ.

ທ່ານ Ko NI ກ່າວ​ວ່າ “ ​ໃນຄວາມ​ເຫັນ​ຂອງ​ຂ້າພະ​ເຈົ້າ​ແລ້ວ ມັນ​ເປັນ​ໄປ​ບໍ່​ໄດ້ ​
ແຕ່​ຍ້ອນ​ຄວາມ​ກົດ​ດັນ​ຂອງ​ພົນລະ​ເມືອງ ຖ້າເຂົາ​ເຈົ້າ​ຫາກຄິດ ເຫັນ​ຄວາມ​ປະສົງ​ ​
ຄວາມ​ປາດ​ຖະໜາ​ຂອງ​ພວກ​ພົນລະ​ເມື​ອງຂອງ​ຕົນ​ແລ້ວ ມັນ​ກໍອາດ​ຈະ​ເປັນ​ໄປ​ໄດ້
ທີ່​ພວກ​ເຂົາ​ເຈົ້າ​ຈະ​ຕົກລົງ​ເຫັນ​ດີ ນຳ​ການ​ດັດ​ແປງ​ແກ້​ໄຂ​ລັດຖະທຳ​ມະນູນ ​ແຕ່​ຖ້າ
ພວກ​ເຂົາ​ເຈົ້າ​ມີ​ຄວາມ​ຢ້ານ​ກົວ ທີ່​ຈະປ່ຽນ​ມາດຕາ 436 ​ແລ້ວ ພວກ​ເຮົາ​ກໍ​ຈະສາ
ມາດ​ປະສົບ ​ກັບ​ຄວາມ​ລົ້ມ​ແຫຼວ​ໄດ້​.

​ເຖິງ​ແມ່ນຂໍ້ດັດແກ້​ລັດຖະທຳ​ມະນູນ ຜ່ານ​ສະພາ​ໂດຍໄດ້​ຮັບສຽງ​ສະໜັບສະໜຸນຮອດ
75 ​ເປີ​ເຊັນກໍ​ຕາມ ​ແຕ່ມັນ​ກໍ​ຍັງ​ຕ້ອງການ​ສຽງ​ສະໜັບສະໜຸນຮອດ 51 ​ເປີ​ເຊັນ​ ຢູ່ໃນ
​ການ​ລົງ​ປະຊາ​ມະຕິທົ່ວ​ປະ​ເທດ ​ກ່ອນ​ຈະ​ຖືກ​ລົບ​ລ້າງ​ໄດ້ ອີງຕາມ​ ​ທ່ານ Ko Ni ນັ້ນ.

ນັບ​ແຕ່​ລັດຖະບານ​ຂອງ​ທ່ານ Thein Sein ​ໄດ້ຂຶ້ນດຳລົງ​ຕຳ​ແໜ່​ງ​ໃນ​ປີ 2010 ​ເປັນ​ຕົ້ນ
ມາ ລັດຖະບານ​ໄດ້​ຮັບ​ການ​ຕຳ​ໜິຕິຕຽນ​ວ່າ ​ເປັນ​ລັດຖະບານ​ພົນລະ​ເຮື້ອນ​ພຽງ​ແຕ່​ໃນ​
ນາມ​ຊື່ໆ ຍ້ອນ​ເຫດຜົນ​ທີ່​ວ່າ​ລັດຖະທຳ​ມະນູນສາມາດ​ດັດ​ແປງ​ແກ້​ໄຂ​ໄດ້ ກໍ​ຕໍ່​ເມື່ອ​ໄດ້​ຮັບ
​ຄວາມ​ເຫັນ​ດີ​ເຫັນ​ພ້ອມ​ນຳ ຈາກ​ພວກ​ທະຫານ​ເທົ່າ​ນັ້ນ ໃນ​ບັນດາເຫດຜົນ​ອື່ນໆ​.

ໃນ​ຄຳ​ປາ​ໄສ​ທີ່ໂຮງຮຽນນາຍຮ້ອຍ​ທະຫານ​ ທີ່​ນະຄອນຫຼວງ ​ເນ​ປີ​ອີ​ຕໍ ​ໃນ​ທ້າຍ​ເດືອນ
​ມິຖຸນາ​ຜ່ານ​ມາ ພົນ​ຕີ Anthony Crutchfield ​ແຫ່ງ​ກອງ ທັບ​ສະຫະລັດ ກ່າວ​ຕໍ່​ພວກ
​ນາຍຮ້ອຍ​ທະຫານມຽນມາ​ວ່າ ບາດກ້າວ​ທີ່​ສຳຄັນ​ອັນ​ນຶ່ງ ​ໃນ​ການເປັນ​ກອງທັບ​ມື​ອາຊີບ
ກໍ​ຄືຕ້ອງ​ເປັນ​ກອງທັບທີ່​ຄວບ​ຄຸມ​ໂດຍ​ລັດຖະບານ​ພົນລະ​ເຮືອນ ​ແລະ​ບໍ່​ແມ່ນເປັນກອງ
ທັບ ທີ່​ຄວບ​ຄຸມ​ລັດຖະບານ.

ພວກ​ສະມາຊິກ​ຂອງ​ກອງທັບ ມັກ​ອ້າງ​ເຫດຜົນ​ໃນ​ການ​ມີອຳນາດ​ຂອງ​ຕົນ ​ຢູ່​ເລື້ອຍ​ວ່າ ​
ແມ່ນ​ແນ​ໃສ່ເພື່ອ​ປ້ອງ​ກັນ​ບໍ່​ໃຫ້​ເກີດ​ຄວາມ​ສັບສົນ​ວຸ້ນວາຍ​ໃນ​ປະ​ເທດ. ທ່ານ David
Law ອາຈານ​ສອນ​ວິຊາ​ກົດໝາຍ​ແລະ​ລັດຖະສາດການ​ເມືອງ ທີ່​ມະຫາວິທະຍາ​ໄລ​
ວໍ​ຊິງ​ຕັນ ກ່າວ​ວ່າ ນັ້ນເປັນ​ຂໍ້​ອ້າງທີ່​ຮັບ​ໃຊ້ຜົນ​ປະ​ໂຫຍ​ດຂອງ​ຕົນ​ເອງ​ຢ່າງ​ໜ້າສົງ​ໄສ.

​ອີງ​ຕາມ​ຄ​ເວົ້າ​ຂອງ​ທ່ານ Law ກໍ​ແມ່ນ​ວ່າ ເຖິງ​ແມ່ນ​ວ່າການ​ປ່ຽນ​ແປງ​ລັດຖະທຳ​ມະນູນ
ຜ່ານ​ວິທີ​ທາງ​ດ້ານ​ກົດໝາຍ ຈະຫຍຸ້ງຍາກ​ກໍ​ຕາມ ມັນ​ກໍມີ​ຫຼາຍ​ຊ່ອງ​ທາງ​ເພື່ອ​ຫຼົບ​ຫຼີກ​ບັນ
ຫາ​ນັ້ນ ​ເປັນ​ຕົ້ນ​ວ່າ ຜ່ານ​ທາງ​ສານ​ລັດຖະທຳ​ມະນູນ ຜ່ານການ​ລົງ​ປະຊາ​ມະ​ຕິ​ໃໝ່ ຫຼື​ຄຳ​
ສັ່ງ​ຂອງ​ສານ. ​ແຕ່ທ່ານ Law ກ່າວ​ຊີ້​ອອກວ່າ ການ​ເອົາ​ອຳນາດ​ໜີຈາກພວກ​ທະຫານ
ຢ່າງ​ໄວ​ເກີນ​ໄປ​ນັ້ນ ສາມາດ​ນຳ​ຜົນ​ກະທົບ​ມາ​ຕາມ​ຫຼັງ​ໄດ້.

ທ່ານ Law ກ່າວວ່າ “ ຖ້າພວກທະຫານບໍ່ມີບ່ອນນັ່ງໃນສະພາ ເວລານັ້ນ ທ່ານ​ກໍ
ຈະປະເຊີນກັບການສ່ຽງອີກ​ຢ່າງ​ນຶ່ງ ຊຶ່ງນັ້ນກໍແມ່ນ ວ່າ ສະພາຈະເຮັດຫຍັງ​ກໍ​ໄດ້
ທີ່ຕົນຢາກເຮັດ ​ແລະ​ນັ້ນ​ກໍ ອາດຈະນຳພາ ໄປສູ່ການກໍ່ລັດຖະປະຫານຂຶ້ນໄດ້.
ສະ​ນັ້ນ ບັນຫາກໍແມ່ນວ່າ ທ່ານຈະ ມີລະບອບປະຊາທິປະໄຕ​ໄດ້ແນວໃດ ​ໂດຍ​ທີ່ບໍ່ໃຫ້ພວກທະຫານມີ ຄວາມສາມາດແລະຄວາມປາດຖະໜາທີ່ໂຄ່ນລົ້ມ
ລັດຖະບານແບບໃດກໍ​ຕາມ ທີ່ທ່ານຈັດຕັ້ງຂຶ້ນມານັ້ນ.

ບາດກ້າວຕໍ່ໄປສຳລັບການດັດແປງແກ້ໄຂລັດຖະທຳ​ນູນທີ່ຖືກສະເໜີໄປນັ້ນ ກໍແມ່ນວ່າ ຄະນະກຳມະການຮ່າງຂໍ້ດັດ​ແກ້ ຈະ​ຕ້ອງສົ່ງຮ່າງຂໍ້ດັດ​ແກ້ນັ້ນ ໄປຍັງສະພາໂດຍເຕັມ ຊຶ່ງ
ຄາດວ່າຈະມີຂຶ້ນ ກ່ອນທ້າຍເດືອນກໍລະກົດນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG