ສະພາສູງ ຂອງມຽນມາ ເລີ້ມອະພິປາຍກັນ ກ່ຽວກັບຮ່າງກົດ
ໝາຍ 2 ສະບັບທີ່ເປັນບັນຫາໂຕ້ແຍ້ງພົວພັນກັບພວກນັບຖື
ສາສະໜາຕ່າງກັນຊຶ່ງບັນດາຜູ້ຕິຕຽນກ່າວວ່າອາດກໍ່ເກີດໃຫ້
ເກີດມີການຂັດແຍ້ງກັນຂຶ້ນລະຫວ່າງກຸ່ມສາສະໜາຕ່າງໆ.
ຮ່າງກົດໝາຍ ທີ່ນຳສະເໜີໂດຍລັດຖະບານຂອງປະທານາທິ
ບໍດີ Thein Sein ອາດຈະບັງຄັບໃຫ້ປະຊາຊົນ ໄດ້ຮັບອະນຸ
ຍາດຈາກພວກເຈົ້າໜ້າທີ່ທ້ອງຖິ່ນກ່ອນທີ່ຈະປ່ຽນໄປນັບຖື
ສາສະໜາໃໝ່. ມາດຕະການດັ່ງກ່າວ ອາດຍັງຈະອະນຸຍາດ
ໃຫ້ລັດຖະບານ ທີ່ຢູ່ໃນເຂດຊົນເຜົ່າຕ່າງໆຕັ້ງນະໂຍບາຍ
ຄວບຄຸມປະຊາຊົນຂອງຕົນຂຶ້ນ ຮວມທັງກົດລະບຽບຫ້າມບໍ່ໃຫ້ມີລູກກາຍນຶ່ງຄົນຕໍ່ຄອບຄົວນຶ່ງ.
ທ່ານ Khat Htain Nan ສະມາຊິກພັກສາມັກຄີແລະປະຊາທິປະໄຕ ຈາກລັດ Kachin
ກ່າວວ່າ ປັດຈຸບັນນີ້ ເປັນເວລາທີ່ບໍ່ຄ່ອຍດີປານໃດ ສຳຫລັບຮ່າງກົດ ໝາຍທັງສອງນີ້.
ທ່ານກ່າວວ່າ “ຂ້າພະເຈົ້າຄິດວ່າ ຮ່າງກົດໝາຍນີ້ ບໍ່ມີຄວາມຈຳເປັນໃນເວລານີ້ ໂດຍສະເພາະ ໃນລະຫວ່າງການຫັນປ່ຽນໄປສູ່ປະຊາທິປະໄຕ ຊຶ່ງສິດເສລີພາບ ແລະອິດສະຫລະ
ພາບຢ່າງ ໄດ້ຮັບການອະນຸຍາດໃຫ້ນັ້ນ. ຂ້າພະເຈົ້າ ມີຄວາມເປັນຫ່ວງວ່າ ມັນອາດຈະ
ເຮັດໃຫ້ເກີດຄວາມເຂົ້າໃຈຜິດ ແລະບັນຫາຫຍຸ້ງຍາກ ຕ່າງໆ.”
ລັດຖະບານ ໄດ້ນຳສະເໜີຮ່າງກົດໝາຍກ່ຽວກັບສາສະໜາ 4 ສະບັບໃນປີກາຍ ນີ້ ຮວມ
ທັງການແຕ່ງງານ ການປ່ຽນສາສະໜາ ການສົມລົດໄດ້ແຕ່ພຽງຄົນດຽວ ແລະການຄວບ
ຄຸມປະຊາກອນ. ບັນດານັກເຄື່ອນໄຫວ ແລະກຸ່ມປົກປ້ອງສິດທິມະນຸດ ໄດ້ປະນາມຮ່າງ
ກົດໝາຍເຫຼົ່ານີ້ ໂດຍກ່າວວ່າ ມັນອາດຈະລະເມີດ ຕໍ່ ມາດຕະຖານນາໆຊາດ ໃນດ້ານສິດ
ເສລີພາບການນັບຖືສາສະໜາ ແລະສິດທິຜູ້ຍິງ.
ແຕ່ວ່າ ມີຄູບາກຸ່ມນຶ່ງ ໄດ້ເກັບກຳລາຍເຊັນ ຫລາຍກວ່່ານຶ່ງລ້ານຄົນ ເພື່ອໃຫ້ ການສະໜັບ
ສະໜຸນຕໍ່ຮ່າງກົດໝາຍເຫຼົ່ານີ້ ໂດຍກ່າວວ່າ ຮ່າງກົດໝາຍເຫຼົ່ານີ້ມີຄວາມຈຳເປັນ ເພື່ອ
ຫລີກລ່ຽງບໍ່ໃຫ້ເກີດຄວາມຮຸນແຮງທາງສາສະໜາແລະປ້ອງກັນບໍ່ໃຫ້ພົນລະເມືອງຊາວ
ມຸສລິມຂອງປະເທດເພີ້ມຂຶ້ນນັ້ນ.
