ລັດຖະບານມຽນມາກ່າວວ່າ ຕົນຈະປ່ອຍນັກໂທດ ປະມານ
3000 ຄົນ ຊຶ່ງເປັນການນີລະໂທດກຳເທື່ອຫລ້າສຸດ ໂດຍ
ຄະນະຜູ້ນຳປະຕິຮູບຂອງປະເທດ.
ການເຄື່ອນໄຫວດັ່ງກ່າວ ຊຶ່ງປະກາດອອກໃນວັນອັງຄານ
ມື້ນີ້ ໂດຍກະຊວງຖະແຫລງຂ່າວ ແມ່ນມີຂື້ນລ່ວງໜ້າ ກອງ
ປະຊຸມບັນດາຜູ້ນຳເອເຊຍປາຊິຟິກ ໃນມຽນມາ ໃນເດືອນໜ້າ.
ບໍ່ເປັນທີ່ແຈ້ງຂາວວ່າ ໃນຈຳນວນນັກໂທດທີ່ຈະຖືກປ່ອຍ
3,073 ຄົນນັ້ນ ຈະຮວມທັງນັກໂທດການເມືອງນຳຫລືບໍ່ຊຶ່ງ
ເປັນທີ່ເຊື່ອກັນວ່າ ຍັງມີຫລາຍສິບຄົນ ຖືກກັກຂັງຢູ່. ຢ່າງໜ້ອຍເຈັດຄົນ ແມ່ນອະດີດເຈົ້າ
ໜ້າທີ່ສືບລັບຂັ້ນສູງທະຫານ ທີ່ໄດ້ຕິດຄຸກມາໄດ້ສິບປີແລ້ວ ຫລັງຈາກການຂັບໄລ່ ອະດີດ
ຫົວໜ້າສືບລັບຄົນນຶ່ງ ອອກ.
ຂໍ້ມູນດັ່ງກ່າວແມ່ນໄດ້ມາຈາກ ສະມາຄົມຊ່ວຍເຫລືອນັກໂທດການເມືອງ ແລະຄະນະກຳ
ມະການກວດການັກໂທດການເມືອງ ຂອງທາງການ.
ລັດຖະບານກ່າວວ່າ ມີຄົນຕ່າງປະເທດ 58 ຄົນ ຮວມຢູ່ໃນພວກທີ່ ປະທານາ ທິບໍດີ Thein
Sein ອະໄພໂທດໃຫ້ນັ້ນ ແຕ່ບໍ່ໄດ້ບອກສັນຊາດຂອງເຂົາເຈົ້າ.
ລັດຖະບານກ່າວອີກວ່າ ພວກນັກໂທດຊຸດນີ້ໄດ້ຖືກປ່ອຍໂຕ ເພື່ອເຫັນແກ່ “ສັນຕິພາບ
ແລະສະຖຽນລະພາບ” “ການປົກຄອງດ້ວຍຕົວບົດກົດໝາຍ” ແລະ ຍ້ອນ “ເຫດຜົນດ້ານ
ມະນຸດສະທຳ.”
ມຽນມາປ່ອຍ ນັກໂທດ 3,000 ຄົນ
