ລິ້ງ ສຳຫລັບເຂົ້າຫາ

ວັນອາທິດ, ໑໐ ທັນວາ ໒໐໒໓

ມຽນມາ ກ່າວປ້ອງກັນ ການປາບປາມ ພວກປະທ້ວງ ໂດຍ ຕຳຫລວດ


ຕຳຫລວດຢືນຍາມ ຕໍ່ໜ້າສານແຫ່ງນຶ່ງ ຫຼັງຈາກທີ່ພວກນັກສຶກສາປະທ້ວງ ໄດ້ເດີນທາງໄປເຖິງເມືອງ Letpadan ວັນທີ 11 ມີນາ 2015.
ຕຳຫລວດຢືນຍາມ ຕໍ່ໜ້າສານແຫ່ງນຶ່ງ ຫຼັງຈາກທີ່ພວກນັກສຶກສາປະທ້ວງ ໄດ້ເດີນທາງໄປເຖິງເມືອງ Letpadan ວັນທີ 11 ມີນາ 2015.

ລັດຖະມົນຕີ​ຖະ​ແຫລ​ງຂ່າວ​ຂອງ​ມຽນມາ ​ອອກ​ມາ​ປົກ​ປ້ອງ
​ການ​ປາບ​ປາມ ພວກ​ນັກສຶກສາປະ​ທ້ວງ​ ຂອງ​ເຈົ້າໜ້າ​ທີ່​ຕຳ
ຫລວດ ​ໂດຍ​ກ່າວ​ວ່າ ບັນດາ​ເຈົ້າໜ້າ​ທີ່ ​ມີ “ພັນທະ​ຕາມ​
ກົດໝາຍ”
​ ຕ້ອງໄດ້​ທັບ​ມ້າງການປະ​ທ້ວງ ​ແລະ​ຢືນ​ຢັດ​ວ່າ
​ເຫດການນີ້ ​ຈະ “​ບໍ່​ມີ​ຜົນ​ກະທົບ” ຕໍ່ຂັ້ນຕອນ​ການປະຕິ​ຮູບ
​ ໄປ​ສູ່​ປະຊາທິປະ​ໄຕ​ ຂອງ​ປະ​ເທດ.

ການໃຫ້ຄວາມເຫັນດັ່ງກ່າວ ​ທີ່ໄດ້​ມີການພິມ​ເຜີຍ​ແຜ່​ໂດຍ
ໜັງສື​ພິມ​ພາ ສາ​ອັງກິດ Global New Light of Mynmar
ຂອງ​ທາງ​ການນັ້ນ​ ມີ​ຂຶ້ນ ຫຼັງຈາກ​ຕຳຫລວດ​ໄດ້​ທັບ​ມ້າງ​
ການ​ປະ​ທ້ວງ​ຢ່າງ​ຮຸນ​ແຮງ ​ໃນ​ວັນ​ອັງຄານ​ຜ່ານ​ມາ ຢູ່​ທີ່​ເມືອງ
Letpadan ທາງ​ພາກ​ກາງຂອງ​ປະ​ເທດ ບ່ອນ​ທີ່​ພວກ​ນັກ​ສຶກສາ ​ໄດ້​ພະຍາຍາມ​ສືບ​ຕໍ່​
ການ​ເດີນ​ຂະ​ບວນຮຽກຮ້ອງ ເພື່ອ​ໃຫ້​ປ່ຽນ​ແປງ​ຮ່າງ​ກົດໝາຍ​ ວ່າ​ດ້ວຍ​ການ​ປະຕິ​ຮູບ​
ລະບົບ​ການ​ສຶກສາ.

ໜັງສື​ພິມ​ສະບັບນີ້ ​ໄດ້​ອ້າງ​ອີງ​ເຖິງ​ຄຳ​ເວົ້າຂອງ​ລັດຖະມົນຕີ ຖະ​ແຫລ​ງ ຂ່າວ ​ທ່ານ Ye
Htut ທີ່​ໄດ້ກ່າວຕໍ່ສະຖານີ​ໂທລະພາບທ້ອງ​ຖິ່ນ ວ່າ “​ເຖິງ​ແມ່ນ​ວ່າ​ ໄດ້​ຂໍ​ຮ້ອງ​ໃຫ້​ມີ​
ການ​ເຈລະຈາ​ກັນ​ຢ່າງ​ສັນຕິ​ໄປ​ແລ້ວ ພວກ​ນັກ​ສຶກສາປະ​ທ້ວງ​ກໍຍັງ​ພະຍາຍາມ
ບຸກຜ່ານການປິດລ້ອມ ຂອງ​ຕຳ​ຫຼວດ ​ແລະ ຕຳຫລວດ​ແມ່ນມີພັນທະຕາມກົດ
ໝາຍ ​ຕ້ອງໄດ້​ຂັບໄລ່ ທັບມ້າງພວກ​ເຂົ້າ​ເຈົ້າ.”

​ໃນ​ຂະນະ​ດຽວກັນ ທ່ານ Ye Htut ສະ​ແດງ​ຄວາມເສຍ​ໃຈ ຕໍ່​ການ​ປາບ​ປາມ​ໂດຍ​ກ່າວ​ວ່າ​
ເປັນ “​ເຫດການ​ທີ່ໜ້າ​ໂສ​ກ​ເສົ້າ” ທີ່​ລັດຖະບານ​ ຊຶ່ງ ຄອບ​ງຳ​ໂດຍພວກ​ທະຫານໄດ້ ພະຍາຍາມ “ດ້ວຍຄວາມ​ຍາກ​ລຳບາກ​ເທົ່າທີ່​ຕົນ​ສາມາດ​ທຳ​ໄດ້” ​ ເພື່ອ​ໃຫ້​ບັນລຸ​
ການແກ້ໄຂ​ຢ່າງ​ສັນຕິ ​ແລະ ​ໄດ້​ຫາ​ທາງ​ເພື່ອ “ຫລີກ​ລ້ຽງ​ເຫດການ​ຕ່າງ​ໆ ທີ່​ບໍ່​ເພິ່ງ
ປາດຖະໜານັ້ນ.”

ໜັງສືພິມ​ດັ່ງ​ກ່າວໄດ້​ອ້າງ​ອີງ​ເຖິງ​ຄຳ​ເວົ້າຂອງ​ລັດຖະມົນຕີ​ ທີ່ກ່າວວ່າ “ການ​ຕັດສິນ​ໃຈ ​
ທີ່​ຈະ​ເດີນ​ຂະ​ບວນ​ເຂົ້າ​ໄປ​ໃນ​ນະຄອນ​ຢ້າງ​ກຸ້ງ ຂອງພວກ​ນັກ​ສຶກສາ​ປະ​ທ້ວງ ​
ແທນ​ທີ່​ ຈະ​ເລືອກ​ເອົາ​ຂັ້ນຕອນແບບປະຊາທິປະ​ໄຕ ​ຫຼື ຂະ​ບວນການ​ຕ່າງໆ
ຜ່ານ​ທາງ​ສະພານັ້ນ ​ແມ່ນ​ເຫດຜົນ​ຂອງ​ການ​ຕໍ່ສູ້​ກັນ.”

ຢ່າງ​ນ້ອຍ 127 ຄົນ ຖືກ​ຈັບ​ກຸມ ​ແລະ ພວກ​ປະ​ທ້ວງຫຼາຍໆ​ຄົນ​ໄດ້​ຮັບ​ບາດ​ເຈັບເວລາ​
ຕຳຫລວດ​ໄດ້ໃຊ້ໄມ້ຄ້ອນ​ເຂົ້າທຸບຕີ​ພວກ​ນັກ​ສຶກສາ. ​ໃນ​ບາງ​ກໍລະນີ ພວກ​ປະ​ທ້ວງ​ໄດ້​
ຖືກແລ່ນ​ໄລ່ຕາມ ​ແລະ​ຕໍ່​ມາ​ໄດ້​ຖືກ​ເຕາະ ​ຖີບ ແລະ ​ທຸບຕີ ​ຂະນະ​ທີ່​ພວກ​ເຂົາ​ຖືກ​ລາກ
​ໂຕ​ໄປ​ຂຶ້ນລົດ​ຂອງຕຳຫຼວດ.

ການ​ປາບ​ປາມ​ດັ່ງກ່າວ ໄດ້​ກໍ່​ໃຫ້​ເກີດ​ມີການໂຈມຕີ ຈາກ​ບັນດາລັດຖະບານ​ປະ​ເທດ​ຕາ​
ເວັນ​ຕົກ ​ແລະ ​ກຸ່ມປົກປ້ອງ​ສິດທິ​ມະນຸດ​ສາກົນ​ ​ແລະ ​ໄດ້ກໍ່ໃຫ້ເກີດ​ມີ​ຄວາມ​ກັງວົນ​ຄັ້ງໃໝ່ ຢ້ານວ່າ​ມຽນມາ ຈະຫັນເຫໄປ​ຈາກການ​ປະຕິ​ຮູບ​ປະຊາທິປະ​ໄຕເພີ້ມ​ຕື່ມ​ ທີ່​ຕົນ​ໄດ້​ເລີ້ມ
ລົງມືປະຕິບັດ ສອງ​ສາມ​ປີຜ່ານມາ​ແລ້ວນັ້ນ.

Myanmar Student Protests
please wait

No media source currently available

0:00 0:00:40 0:00

XS
SM
MD
LG