ລິ້ງ ສຳຫລັບເຂົ້າຫາ

logo-print

ທ່ານເຊຍ ໂລ ທະນາຍຄວາມ ແລະນັກເຄື່ອນໄຫວສັງຄົມ ທີ່ເມືອງເຊນພອລ ລັດມິນເນໂຊຕາ


ທາ່ນເຊຍ ໂລ ທີເມືອງເຊນ ພອລ ລັດມິນເນໂຊຕາ

ສະບາຍດີທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວ ໃນຕ່າງແດນຂອງ ວີໂອເອ
ປະຈຳແລງວັນພະຫັດມື້ນີ້ ເຮົາຈະນຳເອົາການສຳພາດ ກັບທ່ານ ເຊຍ ໂລ ທະນາຍ
ຄວາມລາວມົ້ງອາເມຣິກັນ ທີ່ເມືອງເຊນ ພອລ. ບ່ອນເກີດ ເຫດຮ້າຍ ຍ້ອນຕຳຫຼວດໃຊ້
ຄວາມຮຸນແຮງເຮັດໃຫ້ ທ້າວຈອຣຈ໌ ຟລອຍດ໌ ຄົນ ອາເມຣິກັນເຊື້ອສາຍອາຟຣິກາ ເສຍ
ຊີວິດ ໃນລະຫວ່າງການຈັບກຸມທີ່ໄດ້ກໍ່ໃຫ້ ເກີດການປະທ້ວງແຜ່ລາມອອກໄປທົ່ວສະ
ຫະລັດ ແລະທົ່ວໂລກ. ໃນເດືອນແລ້ວ ນີ້ ນອກຈາກ ເປັນທະນາຍຄວາມແລ້ວທ່ານເຊຍ
ໂລ ຍັງເປັນນັກເຄື່ອນໄຫວສັງຄົມ ຊຶ່ງກິ່ງສະຫວັນ ຈະນໍາເລຶ້ອງນີ້ ມາສະເໜີທ່ານ ໃນ
ອັນດັບຕໍ່ໄປ.

ທ່ານເຊຍ ໂລ
ທ່ານເຊຍ ໂລ

ທ່າມກາງການລະບາດຂອງໄວຣັສໂຄໂຣນາ ກໍໄດ້ເກີດມີຄວາມວຸ້ນວາຍ ຈາກການປະ
ທ້ວງຢູ່ເມືອງແຊນພອລ ແລະເມືອງມິນນິອາໂປລິສ ລັດມິນເນໂຊ ຕາ ສະຫະລັດອາເມຣິ
ກາໃນວັນທີ 25 ເດືອນພຶດສະພາ ຍ້ອນວ່າຕຳຫຼວດ ໃຊ້ຄວາມຮຸນແຮງ ທີ່ກາຍເປັນເລື້ອງ
ໃຫຍ່ແຜ່ລາມອອກໄປທົ່ວປະເທດ ຈົນຮອດຢູໂຣບແລະແຫ່ງອື່ນໆ. ຕົກມາເຖິງປັດຈຸບັນ
ສະພາບການໄດ້ຄ່ອຍໆເບົາ ບາງລົງ ປະໄວ້ໃຫ້ເຫັນແຕ່ຄວາມເສຍຫາຍແລະບັດນີ້ໄດ້ມີ
ການປະຕິຮູບກົດລະບຽບໃໝ່ ໃນການປະຕິບັດງານຂອງຕຳຫຼວດຕໍ່ປະຊາຊົນ.

ເພາະສະນັ້ນເຮົາໄດ້ຕິດຕາມນຳເອົາການສຳພາດກັບ ທ່ານເຊຍ ໂລ ທະນາຍຄວາມອາ
ເມຣິກັນເຊື້ອສາຍລາວມົ້ງ ຝ່າຍກົດໝາຍຄອບຄົວ ແລະຊັບສິນທີ່ມີ ຫ້ອງການຢູ່ເມືອງເຊນ
ພອລ (Saint Paul) ລັດມິນເນໂຊຕາ ທີ່ເປັນຂົງເຂດ ເປັນບ່ອນຕັ້ງຖິ່ນຖານຂອງຊາວລາວ
ມົ້ງ ແລະເອເຊຍ. ທ່ານເຊຍໂລ ເປັນທີ່ຮູ້ກັນດີຢູ່ໃນວົງການສັງຄົມ ພ້ອມທັງເປັນນັກເຄື່ອນ
ໄຫວ ເປັນປາກສຽງ ໃຫ້ແກ່ຊົນກຸ່ມນ້ອຍ ແລະຢູ່ໃນວົງການໆເມືອງ. ໃນລະຫວ່າງ ເກີດການ
ຈາລະຈົນຈູດຮ້ານຄ້າ ອາຄານຕ່າງໆ ລັກເຄື່ອງລັກຂອງຢູ່ໃນເມືອງເຊນ ພອລ ແລະມິນນີ
ອາໂປລິສ ທີ່ຜ່ານມາ ຍ້ອນຕຳຫຼວດໃຊ້ຄວາມຮຸນແຮງ ຕໍ່ທ້າວຈອຣຈ໌ ຟລອຍດ໌ ທີ່ເປັນຄົນ
ອາເມຣິກັນເຊື້ອສາຍອາຟຣິກາຖືກຕຳຫຼວດ ຜິວຂາວເອົາຫົວເຂົ່າໜີບຄໍ ຈົນເສຍຊີວິດ ຊຶ່ງ
ມີຕຳຫຼວດ ລາວມົ້ງອາເມຣິກັນ ພົວພັນຢູ່ໃນນັ້ນ. ທ່ານເຊຍ ໂລ ໄດ້ໃຫ້ຄວາມຄິດເຫັນ ກ່ຽວ
ກັບເຫດການ ອັນຮ້າຍແຮງຕໍ່ ວີໂອເອ ຟັງດັ່ງນີ້:

“ບັນດາຮ້ານຄ້າທີ່ຖືກທຳລາຍເຫລົ່ານີ້ສ່ວນຫຼາຍຢູ່ເມືອງເຊນ ພອລ ແລະເມືອງ ມິນເນອາ
ໂປລິສ ພວກເຮົາບໍ່ສາມາດໄຈ້ແຍກບອກເຖິງຈຳນວນວ່າ ໃຜເປັນເຈົ້າ ຂອງ ເພາະບໍ່ສາ
ມາດສົ່ງຄົນອອກໄປນັບ. ກ່ຽວກັບປະກັນໄພຂອງຮ້ານຄ້າເຫຼົ່າ ນີ້ ຫຼາຍໆຮ້ານບໍ່ມີປະກັນ
ໄພ ແລະຖ້າມີກໍພຽງແຕ່ປົກປ້ອງການລັກຂະໂມຍທຳມະດາ ແຕ່ຢູ່ໃນນະໂຍບາຍປະກັນ
ໄພແລ້ວແມ່ນບໍ່ປົກປ້ອງການຈາລະຈົນເພາະ ສະນັ້ນ ພວກເຮົາບໍ່ຮູ້ທ່າທີຂອງບໍລິສັດປະ
ກັນໄພວ່າ ເຂົາເຈົ້າຈະຮັບຮູ້ ຫຼືປະຕິ ເສດຕໍ່ການຮຽກຮ້ອງຄ່າເສຍຫາຍເຫລົ່ານີ້ຫຼືບໍ່. ໃນ
ຂະນະດຽວກັນບໍລິສັດປະກັນ ໄພກໍຈະຫຼຽວໄປທາງອື່ນ ຂ້າພະເຈົ້າຮູ້ດີ ຂ້າພະເຈົ້າເປັນທະນາຍຄວາມ ແລະ ພົວພັນກັບບໍລິສັດປະກັນໄພຢູ່ເລື້ອຍໆ.”

ທ່ານເຊຍ ໂລ ກ່າວຕໍ່ໄປອີກວ່າ

ປັດຈຸບັນນີ້ເຈົ້າຄອງກໍາແພງນະຄອນ ແລະຜູ້ປົກຄອງລັດ ບໍ່ໄດ້ເຮັດຫຍັງເພື່ອ ປ້ອງກັນ
ການມຈາລະຈົນ ເຂົາເຈົ້າຄວນຮ້ອງຂໍ ກຳລັງຮັກສາດິນແດນ ແລະ ດຳເນີນການຫຼາຍໄປ
ກວ່ານັ້ນແຕ່ບໍ່ໄດ້ເຮັດ. ບັດນີ້ເຂົາເຈົ້າເວົ້າວ່າລັດຖະບານ ກາງຕ້ອງເຂົ້າມາຊ່ວຍເຂົາເຈົ້າ
ແມ່ນໃຜເປັນລັດຖະບານກາງແມ່ນຂ້ອຍກັບ ເຈົ້າຫັ້ນລະ ແມ່ນເງິນເກັບພາສີພວກເຮົານີິ້
ລະ ແມ່ນພວກເຮົາຜູ້ເຮັດວຽກໜັກ ເສຍພາສີນີ້ລະ ເປັນຜູ້ຈ່າຍ ເຂົາເຈົ້າເວົ້າແນວນັ້ນ.
ຄັນຊັ້ນ ເປັນຫຍັງເຈົ້າບໍ່ ຢຸດເຂົາເຈົ້າ ທ່ານຜູ້ປົກຄອງລັດ ຕ້ອງເປັນຜູ້ຈ່າຍກ່ຽວກັບເລື້ອງ
ນີ້ເອົາເງິນ ອອກຈາກຖົງຂອງທ່ານເອງ ເພາະວ່າທ່ານເຫັນໃຈພວກຈາລະຈົນທ່ານຕ້ອງ
ຮັບຜິດຊອບເລື້ອງນີ້ບໍ່ແມ່ນຊິໃຫ້ປະຊາຊົນອາເມຣິກັນ ມາຈ່າຍໃຫ້ໃນຄວາມ ເສຍຫາຍ
ທັງໝົດ ເພາະວ່າຄົນພາກັນໂກດແຄ້ນໃຫ້ແກ່ຕຳຫຼວດ.”

ເຫດການອັນຮ້າຍແຮງ ພົວພັນກັບເຈົ້າໜ້າທີ່ຕຳຫຼວດຜິວຂາວສາມຄົນ ແລະ ຕຳຫຼວດ
ອາເມຣິກັນ ເຊື້ອສາຍລາວມົ້ງອາເມຣິກັນນຶ່ງຄົນນັ້ນ. ທ່ານເຊຍ ໂລ ກ່າວວ່າ ເຈົ້າຂອງ
ຮ້ານຄ້າ ແລະທຸລະກິດສ່ວນຫຼາຍບໍ່ມີປະກັນໄພ ແລະເຖິງ ແມ່ນວ່າເຂົາເຈົ້າ ຈະຟ້ອງ
ຮ້ອງສ່ວນໂຕ ຫຼືເປັນກຸ່ມນັ້ນ ມັນເປັນເລື້ອງສະລັບ ຊັບຊ້ອນ ແລະບໍ່ງ່າຍທີ່ພວກທະນາຍ
ຄວາມຈະພິຈາລະນາ ແລະທ່ານກ່າວວ່າ:

“ບັນດາຮ້ານຄ້າທີ່ຖືກທຳລາຍມີ ຮ້ານຄົນຜິວດຳ ສະແປນິສ ໂຊມາເລຍ ເອທິ ໂອເປຍ
ແລະເອເຊຍ. ຮ້ານເອເຊຍຮ່ວມມີ ຫວຽດນາມຫຼາຍໆຮ້ານ ທີ່ໄດ້ຖືກ ໂຈມຕີ ແລະຫລີກ
ລ່ຽງບໍ່ໄດ້ ຕິດຕາມມາດ້ວຍຮ້ານມົ້ງ ຮ້ານລາວ ຮ້ານກຳປູ ເຈຍ ຮ້ານປົວແຂ້ວ ຮ້ານຂາຍ
ເຝີ ແລະຮ້ານການແພດເຫລົ່ານີ້ເປັນຕົ້ນ. ຄວາມເສຍຫາຍ ຄາດຄະເນຕົກເປັນເງິີນ
ຫ້າຮ້ອຍລ້ານໂດລາ. ເພາະສະນັ້ນ ລາຍໄດ້ທີ່ ທ້ອນຫອມມາໃນຊີວິດຂອງພວກທຸລະ
ກິດເຫລົ່ານີ້ ແມ່ນກ້ຽງໝົດ ເລີ້ມໃໝ່ຖ້າ
ຫາກເຂົາເຈົ້າມີຄວາມສາມາດ. ຂ້າພະເຈົ້າຄິດ
ວ່າ
ຫຼາຍໆຄົນຈະບໍ່ສາມາດເຮັດ ທຸລະກິດຕໍ່ໄປອີກ ມີແຕ່ຜູ້ເຂັ້ມແຂງເທົ່ານັ້ນ ທີ່ຈະດຳ
ເນີນຕໍ່ໄປເທົ່າທີ່ເຮັດໄດ້. ສ່ວນຜູ້ທີ່ບໍ່ສາມາດລ້ຽງຕົນເອງ ອາດຂໍການຊ່ວຍເຫຼືອຈາກ

ລັດຖະບານ ແລະ ອີກເທື່ອນຶ່ງ ແມ່ນເຈົ້າກັບຂ້ອຍ ຈະເປັນຜູ້ຈ່າຍ.”

ທ່ານເຊຍ ໂລ ໄດ້ກ່າວມ້ວນທ້າຍເຖິງປະເພນີ ທີ່ເປັນບັນຫາແກ່ຊາວເອເຊຍດັ່ງຍນີ້:

"ຄົນເອເຊຍພາກັນມິດງຽບໂພດ ນັ້ນແມ່ນຄວາມຄິດຂອງຂ້າພະເຈົ້າ ເຂົາເຈົ້າບໍ່ພາກັນ
ເວົ້າກັນວ່າ ເຂົາເຈົ້າບໍ່ອອກມາຢ່າງເປັນກຳລັງ ແລະຮ່ວມມືກັນ. ແມ່ນແຕ່ພວກເຈົ້າຂອງ
ຮ້ານກໍບໍ່ພາກັນອອກກ່າວຕໍ່ສື່ມວນຊົນ. ເຕົ້າໂຮມເປັນ ປາກສຽງດຽວກັນວ່າ ກະລຸນຢ່າ
ເຮັດແບບນີ້ໃຫ້ແກ່ພວກເຮົາ ເພາະວ່າຄົນເອ ເຊຍມັກພາກັນມິດງຽບ ຄົນມິດງຽບຢູ່ໃນສະ
ຫະລັດຈະບໍ່ເຮັດຫຍັງສຳເລັດ ເຈົ້າເອງກະຮູ້ດີ ຄົນທີ່ຈູດບ້ານເຜົາເມືອງນັ້ນໄດ້ຮັບຄວາມ
ສົນໃຈ. ຂ້າພະເຈົ້າເຄີຍໄດ້ບອກແກ່ເພື່ອນອາເມຣິກັນວ່າ ຕ້ອງຈູດເມືອງເສຍກ່ອນຈຶ່ງ
ໄດ້ຮັບຄວາມ ສົນໃຈ ຂ້າພະເຈົ້າເວົ້າກັບເພື່ອນທີ່ລື້ງເຄີຍວ່າ ເທື່ອໜ້າຖ້າຫາກເຈົ້າໜ້າທີ່
ຍິງຄົນມົ້ງ ເພື່ອຈະໄດ້ຄວາມສົນໃຈນັ້ນ ເຮົາຕ້ອງຈູດເເມືອງເສຍກ່ອນ. ເພາະສະນັ້ນ
ຂ້າພະເຈົ້າໄດ້ຮຽກຮ້ອງໃຫ້ປະຊາຄົມພວກເຮົາຕ້້ອງເຮັດນັ້ນ ກໍຄືໃຫ້ພາກັນທ້ອນໂຮມ
ກັນເປັນກ້ອນເປັນໜ່ວຍ ພວກເຮົາຈະທຸ່ມເທເງິນເປັນ ລ້ານໃສ່ຄູ້ມບ້ານທີ່ທຸກຈົນແລ້ວ
ຖືກຈູດໂດຍບໍ່ມີການແກ້ໄຂວ່າ ຈະເຮັດຢ່າງໃດ ເວລາຖືກໄຟໄໝ້ໝົດ"

ທ່ານເຊ່ຍ ໂລ ຫລົບໜີຈາກປະເທດລາວໃນປີ 1973 ແລະໄດ້ເດີນທາງມາເຖິງເມືອງເຊນ
ພອລ ເວລາອາຍຸ 12 ປີ. ປັດຈຸບັນນີ້ ທ່ານເຊຍ ໂລ ແລະຄອບຄົວ ຊຶ່ງມີລູກສີ່ຄົນຕັ້ງບ້ານ
ເຮືອນຢູ່ເມືອງ White Bear Lake. ທ່ານສຳເລັດການສຶກສາ ດ້ານກົດໝາຍໃນປີ 1996
ແລະເຮັດວຽກເປັນທະນາຍຄວາມໃຫ້ແກ່ອົງການເອກກະຊົນ ແລະລັດຖະບານມາເປັນ
ເວລາ 20 ກວ່າປີແລ້ວ. ທ່ານມີປະສົບການຮັບໃຊ້ສັງຄົມມາເປັນເວລາດົນນານ ແລະໜ້າສັນລະເສີນ. ສະຫະລັດ ໄດ້ເປັນປະເທດທີ່ໃຫ້ຄວາມອຸປະກາລະແກ່ທ່ານຢ່າງຫຼວງຫຼາຍ
ແລະບັດນີ້ທ່ານ ຢາກຕອບບຸນແທນຄຸນແກ່ປະເທດຊາດ ໂດຍສະໝັກເປັນສະມາຊິກ
ສະພາຕໍ່າສະຫະລັດ ສັງກັດພັກຣີພັບບລິກກັນ ທີ່ຈະມີການເລືອກຕັ້ງທົ່ວ ໄປໃນວັນທີ 3
ພະຈິກປີ 2020 ຈະມາເຖິງນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG