ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

​ປະ​ຊາ​ຊົນ ອາ​ເມ​ຣິ​ກັນ ສ່ວນ​ຫຼາຍ​ຈະ​ເບິ່ງ​ການ​ໂຕ້​ວາ​ທີ​ລະ​ຫວ່າງ​ທ່ານ ໄບ​ເດັນ ແລະ ທ່ານ ທ​ຣຳ


ອະ​ດີດ​ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ, ຊ້າຍ, ແລະ ປະ​ທາ​ນາ​ທິ​ບໍ​ດີ ໂຈ ໄບ​ເດັນ ຈະ​ໂຕ້​ວາ​ທີ​ກັນ​ເພື່ອ​ການ​ດຳ​ລົງ​ຕຳ​ແໜ່ງ​ອີກ​ສະ​ໄໝ​ນຶ່ງ.
ອະ​ດີດ​ປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ, ຊ້າຍ, ແລະ ປະ​ທາ​ນາ​ທິ​ບໍ​ດີ ໂຈ ໄບ​ເດັນ ຈະ​ໂຕ້​ວາ​ທີ​ກັນ​ເພື່ອ​ການ​ດຳ​ລົງ​ຕຳ​ແໜ່ງ​ອີກ​ສະ​ໄໝ​ນຶ່ງ.

ບັນ​ດາ​ຜູ້​ໃຫຍ່​ໃນ ສະ​ຫະ​ລັດ ສ່ວນຫຼາຍ​ມີ​ແຜນ​ທີ່​ຈະ​ຊົມ​ບາງ​ສ່ວນຂອງ​ການ​ໂຕ້​ວາ​ທີ​ປະ​ທາ​ນາ​ທິ​ບໍ​ດີໃນ​ວັນ​ພະ​ຫັດ​ມື້ນີ້ ແລະ ຫຼາຍ​ຄົນ​ຄິດ​ວ່າ​ງານ​ດັ່ງ​ກ່າວ​ຈະ​ມີ​ຄວາມ​ສຳ​ຄັນ​ສຳ​ລັບ​ການ​ໂຄ​ສະ​ນາ​ຫາ​ສຽງ​ຂອງ​ທັງ​ປະ​ທານ​າ​ທິ​ບໍ​ດີ ໂຈ ໄບ​ເດັນ ແລະ ອະ​ດີດປະ​ທາ​ນາ​ທິ​ບໍ​ດີ ດໍ​ໂນ​ລ ທ​ຣຳ, ອີງ​ຕາມ​ການ​ສຳຫຼວດ​ຄວາມ​ຄິດ​ເຫັນ​ໃໝ່ ​ຈາກ​ສູນ​ກາງ​ເພື່ອ​ການ​ຄົ້ນ​ຄວ້າ​ກິດ​ຈະ​ການ​ສາ​ທາ​ລະ​ນະ​ ຂອງ​ອົງ​ການ​ຂ່າວ Associate Press-NORC.

ຜູ້​ຊາຍ​ທັງ​ສອງ​ທ່ານ​ນັ້ນ​ແມ່ນ​ຍັງ​ຄົງ​ບໍ່​ໄດ້​ຮັບ​ຄວາມ​ນິ​ຍົມ​ຢ່າງກວ້າງ​ຂວາງ ໃນ​ຂະ​ນະ​ທີ່​ພວກ​ເພິ່ນ​ກະ​ກຽມ​ທີ່​ຈະ​ປະ​ເຊີນ​ໜ້າ​ກັນ​ເປັນ​ຄັ້ງ​ທຳ​ອິດ​ນັບ​ຕັ້ງ​ແຕ່​ປີ 2020, ແນວ​ໃດ​ກໍ​ຕາມ ທ່ານ ທ​ຣຳ, ຜູ້​ທີ່​ຖືກ​ຄາດ​ວ່າ​ຈະ​ໄດ້​ຮັບ​ການ​ສະ​ເໜີ​ຊື່​ໂດຍ​ພັກ​ຣີ​ພັບ​ບ​ລີ​ກັນ​ນັ້ນ, ຍັງ​ຄົງ​ຮັກ​ສາ​ຄວາມ​ໄດ້​ປຽບ​ທີ່​ກະ​ຕື​ລື​ລົ້ນ​ໃນ​ລະ​ດັບ​ປານ​ກາງດ້ວຍ​ຖານ​ຂອງ​ທ່ານ ​ເມື່ອ​ປຽບ​ທຽບ​ໃສ່​ກັບ​ທ່ານ ໄບ​ເດັນ, ຜູ້​ດຳ​ລົງ​ຕຳ​ແໜ່ງ​ໃນ​ປັດ​ຈຸ​ບັນ​ຈາກ​ພັກ​ເດ​ໂມ​ແຄ​ຣັດ.

ຜູ້​ໃຫຍ່ ອາ​ເມ​ຣິ​ກັນ ປະ​ມານ 6 ໃນ 10 ຄົນ​ເວົ້າ​ວ່າ​ເຂົາ​ເຈົ້າ​ມີ​ຄວາມ​ເປັນ​ໄປ​ໄດ້ “ເປັນ​ຢ່າງ​ສູງ” ຫຼື “ເປັນ​ໄປ​ໄດ້​ສູງຫຼາຍ” ທີ່​ຈະ​ເບິ່ງ​ການ​ໂຕ້​ວາ​ທີ​ສົດ ຫຼື ໃນ​ວິ​ດີ​ໂອ, ຫຼື ອ່ານ ຫຼື ຟັງ​ການ​ບັນ​ຍາຍ ກ່ຽວ​ກັບ ຜົນ​ງານ​ຂອງ​ຜູ້​ລົງ​ແຂ່ງ​ຂັນ​ໃນ​ຂ່າວ ຫຼື ສື່​ສັງ​ຄົມ.

ການ​ສຳຫຼວດ​ຄວາມ​ຄິດ​ເຫັນ​ຊີ້​ໃຫ້​ເຫັນ​ວ່າ ປະ​ຊາ​ຊົນ ອາ​ເມ​ຣິ​ກັນ ຫຼາຍ​ສິບ​ລ້ານ​ຄົນ​ແມ່ນ​ມີ​ຄວາມ​ເປັນ​ໄປ​ໄດ້​ວ່າ​ຈະ​ເບິ່ງ ຫຼື ຟັງ ກ່ຽວ​ກັບ​ຢ່າງ​ໜ້ອຍ​ສ່ວນ​ນຶ່ງ​ຂອງ​ການ​ໂຕ້​ວາ​ທີ​ຂອງວັນ​ພະ​ຫັດ​ນີ້ ເຖິງ​ແມ່ນ​ວ່າ​ມັນ​ຈະ​ເກີດ​ຂຶ້ນ​ໄວ​ຜິດ​ປົກ​ກະ​ຕິ​ໃນ​ລະ​ດູ​ການ​ໂຄ​ສະ​ນາ​ຫາ​ສຽງ​ກໍ​ຕາມ. ພວກ​ຜູ້​ສະ​ໜັບ​ສະ​ໜູນ​ຂອງ​ທ່ານ ໄບ​ເດັນ ແລະ ທ່ານ ທ​ຣຳ ພິ​ຈາ​ລະ​ນາ​ການ​ໂຕ້​ວາ​ທີ​ນັ້ນ​ດັ່ງ​ກັບ​ການ​ທົດ​ສອບ​ທີ່​ສຳ​ຄັນ​ສຳ​ລັບ​ຜູ້​ລົງ​ແຂ່ງ​ຂັນ​ຂອງ​ເຂົາ​ເຈົ້າ, ຫຼື ເປັນ​ພຽງ​ປາ​ກົດ​ການ​ທີ່ບໍ່​ສາ​ມາດ​ພາດ​ໄດ້.

ນາງ ວິກ​ຕໍ​ເຣຍ ເພີ​ໂດ​ໂມ, ອາ​ຍຸ 44 ປີ, ຜູ້​ທີ່​ເປັນ​ແມ່​ບ້ານ ແລະ ສະ​ໜັບ​ສະ​ໜູນ​ທ່ານ ທ​ຣຳ ໃນ​ເມືອງ ຄໍ​ຣອ​ລ ສ​ປ​ຣິງ​ສ໌, ລັດ ຟ​ລໍ​ຣິ​ດາ ກ່າວ​ວ່າ “ຂ້ອຍ​ຄິດ​ວ່າ​ມັນ​ສຳ​ຄັນ​ທີ່​ສຸດ. ມັນ​ຈະ​ສະ​ແດງ​ໃຫ້​ປະ​ຊາ​ຊົນ ອາ​ເມ​ຣິ​ກັນ ເຫັນ​ສິ່ງ​ທີ່​ເຈົ້າ​ຈະ​ເຫັນ​ໃນ​ສີ່​ປີ​ຂ້າງ​ໜ້າ.”

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

Most U.S. adults plan to watch some element of Thursday’s presidential debate and many think the event will be important for the campaigns of both President Joe Biden and former President Donald Trump, according to a new poll from The Associated Press-NORC Center for Public Affairs Research.

Both men remain broadly unpopular as they prepare to face off for the first time since 2020, although Trump, the presumptive Republican nominee, maintains a modest enthusiasm advantage with his base compared to Biden, the Democratic incumbent.

About 6 in 10 U.S. adults say they are “extremely” or “very” likely to watch the debate live or in clips, or read about or listen to commentary about the performance of the candidates in the news or social media.

The poll suggests tens of millions of Americans are likely to see or hear about at least part of Thursday’s debate despite how unusually early it comes in the campaign season. Both Biden and Trump supporters view the debate as a major test for their candidate — or just a spectacle not to miss.

“I think it’s super important,” said Victoria Perdomo, a 44-year-old stay-at-home mom and a Trump supporter in Coral Springs, Florida. “It shows America what you’re going to see for the next four years.”

ຟໍຣັມສະແດງຄວາມຄິດເຫັນ

XS
SM
MD
LG