ລິ້ງ ສຳຫລັບເຂົ້າຫາ

logo-print

ສຸດຍອດ​ໜູ ອາດ​ເປັນ​ກະ​ແຈ ທີ່​ນຳ​ໄປ​ສູ່​ການ​ຮັກ​ສາ ມວນ​ກ້າມ​ເນື້ອໃນມະ​ນຸດ


ເຊີນ​ຊົມ​ວິ​ດີ​ໂອ ກ່ຽວ​ກັບ ລາຍ​ງານນີ້.

ບັນ​ດາ​ນັກ​ວິ​ທະ​ຍາ​ສາດ​ໄດ້​ສົ່ງ​ໜູ​ທີ່​ຖືກ​ດັດ​ແປງ​ພັນ​ທຸ​ກຳ​ຂຶ້ນ​ໄປ​ເທິງ​ອະ​ວະ​ການ​ເມື່ອ​ວັນ​ທີ 5 ທັນ​ວາ​ທີ່​ຜ່ານ​ມາ ອັນ​ເປັນ​ສ່ວນ​ນຶ່ງ​ຂອງ​ການ​ສຶກ​ສາ​ເພື່ອ​ຫາ​ວິ​ທີ​ຊ່ວຍ​ຮັກ​ສາ​ສຸ​ຂະ​ພາບ ​ຂອງ​ບັນ​ດາ​ນັກ​ບິນອະ​ວະ​ກາດ ​ໃນອະ​ວະ​ກາດ. ມັນ​ມີ​ຂະ​ໜາດ​ກ້າມ​ເນື້ອ ຫຼາຍກວ່າ​ເພື່ອ​ນ​ທີ່​ເປັນ​ໜູ “ທຳ​ມະ​ດາ” ຂອງມັນ​ສອງ​ເທົ່າ. ດັ່ງ​ທີ່​ນັກ​ຂ່າວ​ວີ​ໂອ​ເອ ອາຣາ​ຊ ອາ​ຣາ​ບາ​ຊາ​ດີ ລາຍ​ງານ​ນັ້ນ, ການ​ຄົ້ນ​ຄວ້າ​ດັ່ງ​ກ່າວ​ອາ​ສະ​ໜອງ​ຄວາມ​ເຂົ້າ​ໃຈ ກ່ຽວ​ກັບ ການ​ເສື່ອມ​ໂຊມ​ຂອງ​ກ້າມ​ເນື້ອ​ໃນ​ຄົນ​ທີ່​ມີ​ອາ​ຍຸ​ສູງ ແລະ ຜູ້​ທີ່​ມີ​ສະ​ພາບສູນ​ເສຍ​ກ້າມ​ເນື້ອ. ເຊິ່ງ ພຸດ​ທະ​ສອນ ຈະ​ນຳ​ລາຍ​ລະ​ອຽດ​ມາ​ສະ​ເໜີ​ທ່ານ​ໃນ​ອັນ​ດັບ​ຕໍ່​ໄປ.


ນັກ​ບິນອະ​ວະ​ກາດ​ທີ່​ຍ່າງ​ຢູ່​ເທິງ​ອະ​ວະ​ກາດ ໄດ້​ປະ​ເຊີນ​ກັບ​ຄວາມ​ເຖົ້າ​ແກ່​ຢ່າງ ວ່ອງ​ໄວ​ຈາກ​ຜົນ​ກະ​ທົບ​ຂອງແສງ​ລັງ​ສີ ແລະ ແຮງ​ດຶງ​ດູດ​ຕ່ຳ​ຢູ່ນອກ​ການ​ໂຄ​ຈອນ​ຂອງ​ໂລກ.

ດ​ຣ. ໄມ​ເກິ​ລ ບ​າ​ຣັດ, ນັກ​ຟີ​ຊິກ ແລະ ນັກ​ອະ​ວະ​ກາດ​ຂອງ​ອົງ​ການ NASA ໄດ້​ກ່າ​ວ່າ “ໃນ​ການ​ບິນ​ອະ​ວະ​ກາດ ປັດ​ໄຈ​ທີ່​ເດັ່ນ​ກວ່າ​ໝູ່​ກໍ​ແມ່ນ​ຄວາມບໍ່​ມີ​ນ້ຳ​ໜັກ ຫຼື ບໍ່​ມີ​ແຮງ​ດຶງ​ດູດ, ຖ້າ​ເຈົ້າ​ຈະ​ໄປ ແລະ ທຸກໆ​ລະ​ບົບ​ໃນ​ຮ່າງ​ກາຍ​ຂອງ​ເຈົ້າ​ມັນ​ກໍຈະ​ປ່ຽນ​ແປງ.”

ເພື່ອ​ໃຫ້​ເຂົ້​າ​ໃຈ​ດີກວ່າ​ເກົ່າ ແລະ ບາງ​ເບື່ອ​ຕໍ່​ສູ້​ກັບ​ການ​ປ່ຽນ​ແປງ​ພວກ​ນັ້ນ, ບັນ​ດາ​ນັກ​ວິ​ທະ​ຍາ​ສາດ​ໄດ້​ສົ່ງ​ສຸດຍອດ​ໜູ​ທີ່​ຖືກ​ລ້ຽງຢູ່​ໃນ​ຫ້ອງ​ທົດ​ລອງ​ຂຶ້ນ​ໄປ​ສະ​ຖາ​ນີ​ອະ​ວະ​ກາດ​ສາ​ກົນ ຫຼື ISS.

ທ່ານ ເຊ ຈິນ ລີ, ຈາກ​ຫ້ອງ​ທົດ​ລອງ ແຈັກ​ສັກ ມະ​ຫາ​ວິ​ທະ​ຍາ​ໄລ ຄັອນ​ແນ​ຕິ​ຄັດ ໄດ້​ກ່າວ​ວ່າ “ສຸດ​ຍອດ​ໜູ​ແມ່ນ​ສາຍ​ພັນໜູ​ທີ່​ພວກ​ເຮົາ​ໄດ້​ສ້າງ​ຂຶ້ນ​ຜ່ານ​ການ​ດຳ​ເນີນການ​ດ້ານ​ພັນ​ທຸ​ກຳ ແລະ ໜູ​ພວກນີ້​ແມ່ນ​ປົກ​ກະ​ຕິ​ຢ່າງ​ສິ້ນ​ເຊີງ ນອກ​ຈາກວ່າ​ມັນ​ຂາດ​ພັນ​ທຸ​ກຳ​ພຽງ​ອັນ​ດຽວ, ແລະ ນັ້ນ​ແມ່ນ​ພັນ​ທຸ​ກຳ​ທີ່ປ່ຽນ​ແປງ ​ການ​ເຕີບ​ໂຕ​ຂອງ​ກ້າມ​ເນື້ອ.”

ອາ​ຈານ ເຊ ຈິນ ລີ ໄດ້​ເລີ່ມ​ການ​ດັດ​ແປງ​ການ​ເຕີບ​ໂຕ​ຂອງ​ກ້າມ​ເນື້ອ​ໃນ​ພວກ​ໂຕ​ນູ​ໃນ​ຊຸມ​ປີ 1990. ການ​ເຕີບ​ໂຕ​ຂອງ​ກ້າມ​ເນື້ອ ຫຼື Myostatin ແມ່ນ​ທາດ​ໂປ​ຣ​ຕີນ​ໃນ​ເລືອດ​ທີ່​ປົກ​ກະ​ຕິ​ແລ້ວ​ຈະ​ຈຳ​ກັດ​ການ​ເຕີບ​ໂຕ​ຂອງ​ກ້າມ​ເນື້ອ. ຖ້າບໍ່​ມີ​ມັນ, ສຸ​ດຍອດ​ໜູ​ພວກນີ້ຈະ​ມີ​ກ້າມ​ເນື້ອ​ສອງ​ເທົ່າ​ຂອງ​ໜູ​ທີ່ບໍ່​ແມ່ນ​ສາຍ​ພັນ​ສຸດຍອດ​ນັ້ນ. ນັກ​ວິ​ທະ​ຍາ​ສາດ​ຈະ​ສຶກ​ສາ​ເບິ່ງ​ວ່າການ​ດັດ​ແປງ​ພັນ​ທຸ​ກຳ ອາດ​ສູ້​ກັບ​ປ່ຽນ​ແປງ​ຂອງ​ຮ່າງ​ກາຍ​ຈາກ​ການ​ເດີນ​ທາງ​ໄປ​ອະ​ວະ​ກາດຫຼືບໍ່.

ດ​ຣ. ໄມ​ເກິ​ລ ບາ​ຣັດ ໄດ້​ກ່າວ​ວ່າ “ພວກ​ເຮົາ​ເຫັນການ​ປ່​ຽນ​ແປງ​ບາງ​ຢ່າງ​ໃນ​ກະ​ດູກ ແລະ ກ້າມເນື້ອ ເພາະ​ວ່າ ມັນບໍ່​ໄດ້​ມີ​ແຮງຖ່ວງ ທຽບ​ໃສ່ ​ຕອນ​ຢູ່​ໃນ​ແຮງ​ໂນ້ມ​ຖ່ວງ​ປົກ​ກະ​ຕິ. ສະ​ນັ້ນ​ມັນ​ຈະ​ເລີ່ມ​ລີບ​ເຂົ້າ ຫຼື ສູນ​ເສຍ​ຂະ​ໜາດ ແລະ ຄວາມ​ແຂງ​ແກ່ນ. ຍ້ອນ​ແນວ​ນັ້ນ​ພວກ​ເຮົາ​ຈຶ່ງ​ອອກ​ກຳ​ລັງ​ກາຍ​ຢ່າງ​ໜັກ, ແລະ ຫຼັງ​ຈາກ​ນັ້ນ​ເຮົາ​ຈະ​ເຫັນ​ການ​ປ່ຽນ​ແປງ​ທີ່​ເປັນ​ຕາ​ຢ້ານຫຼາຍ​ຂຶ້ນ ທີ່​ພວກ​ເຮົາ​ເປັນ​ຫ່ວງ​ເຊັ່ນ​ກ່ຽວ​ກັບ ຕາ, ເສັ້ນ​ປະ​ສາດ​ຕາ ແລະ ສະ​ໝອງ​ຂອງ​ພວກ​ເຮົາ.”

ບັນ​ດາ​ນັກ​ບິນອະ​ວະ​ກາດ ສາ​ມາດ​ທີ່​ຈະ​ຕໍ່​ຕ້ານ​ການ​ສູນ​ເສຍ​ຂະ​ໜາດ​ຂອງ​ກ້າມເນື້ອ​ໄດ້​ແນວ​ໃດ​ແນວ​ນຶ່ງ ແລະ ຄວາມ​ໜາ​ແໜ້ນ​ຂອງ​ກະ​ດູກ​ຜ່ານ​ການ​ຊ້ອມ​ຍົກ​ນ້ຳ​ໜັກ, ແຕ່​ເຂົາ​ເຈົ້າ​ຈະ​ປະ​ເຊີນ​ກັບ​ຄວາມ​ສ່ຽງ​ຕ່າງໆຫຼາຍກວ່ານີ້​ໃນ​ອະ​ວະ​ກາດ.

ດ​ຣ. ໄມ​ເກິ​ລ ບາ​ຣັດ ໄດ້​ກ່າວ​ວ່າ “ໃນ​ການ​ບິນ​ໂຄ​ຈອນ​ລະ​ດັບ​ຕ່ຳອ້ອມ​ໂລກ ພວກ​ເຮົາຈະຢູ່​ໃຕ້​ພູມ​ສາດສະ​ໜາມ​ແມ່​ເຫຼັກ, ເຊິ່ງ​ເຮັດ​ໜ້າ​ທີ່​ດັ່ງ​ກັບ​ສິ່ງ​ປ້ອງ​ກັນ​ສຳ​ລັບ​ພວກ​ເຮົາ​ໃນ​ວິ​ທີ​ໃດ​ນຶ່ງ ແລະ ພວກ​ເຮົາ​ຈະ​ໄດ້​ຮັບ​ລະ​ອອງແສງ​ລັງ​ສີຫຼາຍ​ເຖິງ​ສາມ​ເທົ່າ​ເລິກ​ເຂົ້າ​ໄປ​ໃນ​ອະ​ວະ​ກາດ ຄື​ກັບ​ທີ່​ພວກ​ເຮົາ​ຈະ​ໄດ້​ຮັບ​ໃນ​ການ​ບິນ​ໂຄ​ຈອນໃນ​ດ້ານ​ລຸ່ມ​ຂອງ​ໂລກ.”

ຜົນ​ກະ​ທົບ​ໄລ​ຍະ​ຍາວ​ຂອງ​ແສງ​ລັງ​ສີ ໄດ້​ກາຍ​ເປັນ​ບັນ​ຫາ​ທີ່​ໃຫຍ່ກວ່າ​ເກົ່າ ໃນ​ຂະ​ນະ​ທີ່​ບັນ​ດາ​ນັກ​ບິນ​ອະ​ວະ​ກາດ ກຳ​ລັງ​ພະ​ຍາ​ຍາມ​ທຳ​ການ​ເດີນ​ທາງ​ເລິກ​ເຂົ້າ​ໄປ​ໃນ​ອະ​ວະ​ກາດ​ຫາ​ດາວ​ອັງ​ຄານ ແລະ ໄກ​ກວ່າ​ນັ້ນ.

ອາ​ຈານ ລີ ຫວັງ​ວ່າ ສຸດຍອດ​ໜູ​ຂອງ​ລາວ ອາດ​ບໍ່​ພຽງ​ແຕ່​ສະ​ໜອງ​ການ​ແກ້​ໄຂ​ບັນ​ຫາ​ຕໍ່​ຄວາມ​ເສຍ​ຫາຍ ​ທີ່​ເກີດ​ມາ​ຈາກ​ການ​ບິນ​ອະ​ວະ​ກາດ​ໄລ​ຍະ​ກາວ​ເທົ່າ​ນັ້ນ ແຕ່​ຍັງ​ຈະ​ຊ່ວຍ​ໃຫ້​ພວກ​ເຮົາ​ເຂົ້າ​ໃຈ​ ກ່ຽວ​ກັບ ການ​ສູນ​ເສຍ​ກ້າມ​ເນື້ອ ​ໃນ​ປະ​ຊາ​ກອນ​ທີ່​ກຳ​ລັງ​ເຖົ້າ​ແກ່ ແລະ ຜູ້​ທີ່​ມີ​ອາ​ການ​ສູນ​ເສຍ​ກ້າມ​ເນື້ອ​ນັ້ນ.

Scientists launched genetically modified mice into space December 5 as part of a study to find ways to help maintain the health of astronauts in space They have twice the muscle mass of their "ordinary" counterparts. As VOA's Arash Arabasadi reports, the research could provide insight into muscular degeneration in older populations and those with muscle-wasting conditions.

Spacewalking astronauts face rapid aging from the effects of radiation and low gravity outside of Earth's orbit.

"In space flight the dominant factor is weightlessness or zero gravity, if you will, and every system in the body changes."

To better understand and maybe even combat those changes, scientists launched lab-grown super mice destined for the International Space Station, or ISS.

"The mighty mice are a strain of mice that we generated through genetic engineering, and these mice are completely normal except they lack just a single gene, and that's the gene that encodes myostatin."

Professor Se-Jin Lee began modifying the myostatin in mice in the 1990s. Myostatin is a protein in blood that normally limits muscle growth. Without it, these mighty mice have about twice the muscle mass of their non-mighty counterparts. Scientist will study if genetic engineering may fight physical changes from space travel.

"We see some changes in bone and muscle, because they're unloaded compared to being in normal gravity. So they start to atrophy, or lose mass and strength. That's why we exercise very hard, and then we see some more sinister changes that we worry about such as those with the eye, the optic nerve, and our brain."

Astronauts can somewhat counteract the losses to muscle mass and bone density through weight training, but they face even greater risks in space.

"In lower-Earth orbit we're underneath the geomagnetic fields, which serve as a shield for us in a way, and we'll get about three times as much ionizing radiation in deep space as we would in in low-Earth orbit."

The long-term effects of radiation become a greater concern as astronauts look to longer and deeper space travel to Mars and beyond.

Professor Lee hopes his mighty mice may not only offer solutions to damage caused by long-term space flight but also help understand muscle loss in aging populations and those with muscle-wasting conditions.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG