ລິ້ງ ສຳຫລັບເຂົ້າຫາ

ການລຸກຮືຂຶ້ນຂອງ ຊາວອາຣັບ ອາດສົ່ງຜົນໃຫ້ມີ ການແຕ້ມແຜນທີ່ ພາກຕາເວັນອອກກາງ ຄືນໃໝ່ (ວີດິໂອລາວ/ອັງກິດ)


ສົງຄາມກາງເມືອງ ທີ່ກໍາລັງດໍາເນີນໄປຢ່າງຮຸນແຮງຢູ່ໃນຊີເຣຍ
ແລະຂົ່ມຂູ່ ທີ່​ຈະດຶງເອົາປະເທດເພື່ອນບ້ານ ເຂົ້າມາພົວພັນນໍາ
ນັ້ນ ​ໄດ້​ພາ​ໃຫ້​ມີ​ການ​ສັນ ນິຖານ​ກັນກ່ຽວ​ກັບຜົນສະທ້ອນທາງ
ພູມິສາດການເມືອງ ທີ່ອາດຈະຕິດຕາມ. ບັນດານັກວິເຄາະ
ເວົ້າວ່າ ແຜນທີ່ຂອງຂົງເຂດຕາເວັນອອກກາງ ອາດຖືກແຕ້ມ
ຂຶ້ນມາໃໝ່ກໍ​ໄດ້ ເປັນເທື່ອທໍາອິດໃນຮອບນຶ່ງສັດຕະວັດ. Henry
Ridgwell ຜູ້ສື່ຂ່າວວີໂອເອ ມີລາຍງານເລຶ່ອງນີ້ ຈາກລອນດອນ
ປະເທດອັງກິດ ຊຶ່ງດາຣາຈະນໍາມາສະເໜີທ່ານໃນ ອັນດັບຕໍ່ໄປ.


ເບິ່ງວີດິໂອພາສາລາວ ກ່ຽວກັບລາຍງານນີ້:



ຈຸດສຸດຍອດຂອງສົງຄາມໂລກຄັ້ງທີ່ນຶ່ງໃນປີ 1918 ໄດ້ເປັນສັນຍານບອກເຖິງການດັບສູນ
ຂອງອານາຈັກ Ottoman ແລະໄດ້ຍັງຜົນໃຫ້ມີການແຕ້ມແຜນທີ່ຂົງເຂດຕາເວັນອອກກາງ
ຄືນໃໝ່ ໃນເວລານັ້ນ.

ສົງຄາມຫຼືສຽງປືນຍັງ​ບໍ່​ທັນ​ໄດ້ສະຫງົບລົງໄປດ້ວຍ​ຊໍ້າ ແຕ່ອັງກິດແລະຝຣັ່ງ ກໍໄດ້ຕົກລົງເຫັນ
ພ້ອມກັນ ແບ່ງດິນດອນ​ຂອງອານາຈັກ Ottoman ​ແລ້ວ ຊຶ່ງໂຮມທັງ Syria, Lebanon, Jordan ກັບ Palestine. ​ແລະນັ້ນກໍຄື ລູກ​ກະ​ແຈ​ໄປ​ສູ່ ຄວາມເຂົ້າໃຈຫຼາຍຂຶ້ນ ກ່ຽວກັບ
ພາກຕາເວັນອອກກາງ ​ແຫ່ງຍຸກສະໄໝໃໝ່ນີ້ ອິງ​ຕາມທ່ານ Michael Clarke ຫົວໜ້າ
ສະຖາບັນ Royal United Services ທີ່​ນະຄອນຫລວງ​ລອນ​ດອນ.

ທ່ານ Michael Clarke ເວົ້າວ່າ: “ໂລກອາຣັບ ຕາມທີ່ພວກເຮົາຮູ້ກັນນັ້ນ ໄດ້ຖືກ
ສ້າງຕັ້ງຂຶ້ນມາ
ແທ້ໆ​ແລ້ວແມ່ນໃນປີ 1916 ໂດຍອັງກິດກັບຝຣັ່ງ ໃນສັນຍາ
Sykes-Picot. ແລະກໍບໍ່ໄດ້ມີການປ່ຽນແປງຫຍັງເລີຍ
ນັບຕັ້ງແຕ່ນັ້ນມາ.
ບໍ່ມີ
ຫຍັງ​ສໍາຄັນ​ໃນດ້ານຍຸທະສາດເກີດຂຶ້ນ ນອກຈາກການສ້າງ ຕັ້ງລັດອິສຣາ
ແອລຂຶ້ນມາໃນປີ 1948 ແລະ
ມາບັດນີ້ ໃນປີນີ້ ເປັນເທື່ອທໍາອິດ ແຜນທີ່ຂົງ
ເຂດຕາເວັນອອກກາງ
ກໍກໍາລັງຈະເລີ່ມຖືກດຶງ​ອອກ​ຈາກ​ກັນແລ້ວ.”

ນັ້ນຄືສິ່ງທີ່ກໍາລັງຮູ້ສຶກກັນຫລາຍ​ທີ່​ສຸດຢູ່ຊີເຣຍໃນຂະນະນີ້. ທ່ານ Robert Lowe ປະຈໍາ
ສູນກາງຕາເວັນອອກກາງ ຂອງສະ​ຖາ​ບັນເສດຖະກິດແຫ່ງລອນດອນ ມີ​ຄວາມ​ເຫັນວ່າ
ຊີເຣຍສາມາດ​ທີ່​ຈະແຕກແຍກ ອອກເປັນຫຼາຍພາກສ່ວນໄດ້.

ທ່ານ ໂລ ເວົ້າວ່າ: ນໍ້າໜັກ​ຂອງ​ອໍານາດ ລະຫວ່າງຫຼາຍໆພັກ​ຝ່າຍທີ່ແຂ່ງດີ
ແຂ່ງເດັ່ນກັນ
ຢູ່ໃນຂະນະນີ້ ກໍເບິ່ງຄືວ່າມັນ​ເກືອບເທົ່າທຽມກັນພໍສົມຄວນ.
ຄືມັນ
​ຍາກທີ່ຝ່າຍໃດຝ່າຍນຶ່ງຈະຍາດ​ເອົາ​ອໍານາ​ດຄວບຄຸມໄດ້ຫຼາຍຕຶ່ມອີກ.
ເຊັ່ນຝ່າຍ​ຊາວ Kurd ນັ້ນ ​ເວລາ​ນີ້ ກໍສາມາດ​ເຂົ້າ​ຄວບ​ຄຸມຫົວເມືອງຕ່າງໆ
ຂອງເຂົາໄດ້ຫຼາຍແລ້ວ ແລະພວກເຂົາເຈົ້າກໍກໍາລັງດິ້ນຮົນ ແລະ​ເຮັດ​ວຽກ​ໜັກ
ເພື່ອຄໍ້າຈຸນຮັກສາມັນໄວ້ໃຫ້ຢູ່ຍືນຍົງຖາວອນ.”

ເວລາສົງຄາມໂລກຄັ້ງທີ່ນຶ່ງສິ້ນສຸດລົງດ້ວຍການ​ເຊັນສົນທິສັນຍາ Versailles ນັ້ນ ຊາວ
Kurds ໄດ້ຖືກແບ່ງແຍກກັນ ໃນ​ລະຫວ່າງ ຊີເຣຍ ເທີກີ ອິຣ່ານ ແລະ ອີຣັກ.

ການຕົກ​ຈາກອໍານາດລົງຂອງຊັດດາມ ຮຸສເຊນ ໃນປີ 2003 ແລະການ​ ​ໄດ້​ຮັບອໍານາດ​
ປົກຄອງ​ຕົນ​ເອງ​ຂອງ​ຊາວ Kurd ຢູ່ໃນເຂດພາກເໜືອຂອງ ອີຣັກ ໄດ້ເຮັດໃຫ້ຊາວເຄີດສ໌
ກ້າອ້າງເອົາ​ສິດທິ​ໃນ​ການຈັດ​ຕັ້ງ​ຕົນ​ເອງ​ເປັນ ລັດ​ເອກະລາດ​ຫຼາຍຂຶ້ນ.

ສາສະດາຈານ Saad Jawad ຈາກສະ​ຖາ​ບັນເສດຖະກິດແຫ່ງລອນດອນແຫ່ງ​ດຽວ​ກັບ​
ທ່ານ Robert Lowe ເວົ້າວ່າ: ແຕ່ວ່າອີຣັກນັ້ນ ໄດ້ສະແດງໃຫ້ເຫັນເຖິງ ຄວາມສາມາດ
ໃນ​ການກັບຄືນສູ່ສະພາບເດີມໄດ້.

ອາຈານ Jawad ເວົ້າວ່າ:ການ​ທີ​ນຶ່ງນັ້ນ ອີຣັກບໍ່ມີທ່າອຽງທີ່ຈະກ້າວເຂົ້າ​ໄປ​ສູ່ສົງຄາມກາງເມືອງ. ຂ້າພະເຈົ້າໝາຍເຖິງ ສົງຄາມກາງເມືອງ​ແບບ​ສິ້ນ​ເຊີງ
ຄື​ກັນ​ກັບທີ່ເລບາອນ ທີ່ໄດ້ຮູ້ເຫັນແລະ​ປະສົບ​ພົບ​ພໍ້ໃນຊຸມປີ 1970 ນັ້ນ ແລະ
ປະການທີສອງ
ມັນບໍ່ມີຄວາມຕັ້ງໃຈຢ່າງແທ້ຈິງຂອງ​ປະຊາຊົນທີ່ຈະແບ່ງ
ແຍກປະເທດ ແມ່ນແຕ່ຢູ່ໃນເຂດ
ຊາວເຄີດສ໌ຂອງອີຣັກກໍຕາມ ນອກຈາກ​ໃນ​
ລະຫວ່າງ
ພັກຝ່າຍ​ຕ່າງໆ​ເທົ່ານັ້ນ.”

ຮອຍແຜຈາກສົງຄາມກາງເມືອງຂອງເລບານອນ ເມື່ອບໍ່ດົນມານີ້ ຍັງ​ແລ​ເຫັນ​ໄດ້ຢູ່ໃນທົ່ວ
ນະຄອນ​ຫລວງເບຣຸດ. ແຕ່ກໍມີຄວາມຢ້ານກົວກັນຢູ່ວ່າ ເລບານອນອາດຈະ​ຖືກ​ແບ່ງແຍກ
ໄດ້ ເພາະວ່າຂໍ້ຂັດແຍ້ງກັນໃນຊີເຣຍ ກໍາລັງຂຸ້ຍ​ເຂ່ຍການ​ຊິງ​ດີ​ຊິງ​ເດ່ນກັນລະຫວ່າງຊາວ ເລບານອນ ຄືນມາ.

ການວາງລະເບີດລົດບັ້ນນຶ່ງ ຢູ່ເບຣຸຕ ໃນເດືອນນີ້
ການວາງລະເບີດລົດບັ້ນນຶ່ງ ຢູ່ເບຣຸຕ ໃນເດືອນນີ້

ໃນໄລຍະ​ຫຼາຍໆເດືອນຜ່ານມານີ້ ມີປະຊາຊົນຫຼາຍສິບຄົນ
ຖືກຂ້າຕາຍ ໃນການປະທະກັນຫຼາຍໆບັ້ນ ລະຫວ່າງກຸ່ມຫົວ
ຮຸນແຮງ ນິກາຍຊຸນນີແລະ ຊີ​ໄອ້ ​ໃນ​ເລ​ບາ​ນອນ.

ທ່ານ Michael Clarke ຫົວໜ້າສະຖາບັນ Royal United
Services ເວົ້າວ່າ ກໍາລັງຕ່າງໆທີ່ໂຜ່ໂຕຂຶ້ນມາ ຈາກການລຸກ
ຮືຂຶ້ນຂອງຊາວອາຣັບ ນັ້ນ ອາດສົ່ງຜົນໃຫ້ມີ​ການແຕ້ມບາງເຂດ
ຂອງພາກຕາເວັນອອກກາງ ຄືນໃໝ່ກໍເປັນໄດ້.

ທ່ານ Clarke ເວົ້າວ່າ: “ມັນມີ​ຄວາມເປັນໄປໄດ້ ທີ່​ວ່າ ​ເຂດ Levant ຫລືກຸ່ມ
ປະເທດທີ່ມີຊາຍແດນຕິດກັບທະເລ Mediterranean
ທາງ​ກໍ້າຕາເວັນອອກ
ກໍ​ຄື ​ເທີ​ກີ​ ​ເລບານ​ອນ ຊີ​ເຣ​ຍ ອິສຣາ​ແອ​ລ ອີ​ຈິບ ແລະ​ ​ດິນ​ແດນ​ປາ​ແລ​ສຕາຍ​ນ໌
ນັ້ນ
ຈະ​ຖືກ​ແບ່ງ​ອອກ​ ຄື​ກັນ​ກັບ​ເຂດ Balkan ຊຶ່ງ​ໃນ​ທີ່​ສຸດ​ແລ້ວ ກໍ​ຈະເປັນລັດ
ຕ່າງໆ ເປັນເຄິ່ງລັດ ເປັນເຂດຖົກຖຽງ ແລະ
ຍາດ​ແຍ່ງກັນ ແລະນັ້ນ​ແມ່ນ​ຈະ
ເປັນອານາເຂດໃໝ່ ສໍາລັບພວກ ເຮົາທັງໝົດ.”

ຢ່າງ​ໃດ​ກໍ​ຕາມ ທ່ານ Clarke ເວົ້າວ່າ ການປະຕິວັດຢູ່ໃນທົ່ວໂລກອາຣັບນັ້ນ ແມ່ນ​ຍັງ​ຢູ່
ໃນຂັ້ນເລິ່ມຕົ້ນຢູ່ ແລະຜົນທີ່ຈະຕາມມານັ້ນ ກໍ​ອາດ​ຈະ​ຍັງ​ບໍ່​ປະກົດ​ໃຫ້​ເຫັນ ຈົນກ່ວາອີກ
ຫຼາຍໆປີຕໍ່ໜ້າ.
XS
SM
MD
LG