ລິ້ງ ສຳຫລັບເຂົ້າຫາ

logo-print

ການລຸກຮືຂຶ້ນ ໃນພາກຕາເວັນອອກກາງ ຟື້ນຂຶ້ນມາຄືນ ອີກຄັ້ງ


ເວລາໂຣກລະບາດໄດ້ກະທົບໃສ່ພາກພື້ນຕາເວັນອອກກາງ, ການປະທ້ວງ ຂະໜາດໃຫຍ່ໃນປະ ເທດ ເລບານອນ ແລະ ອີຣັກ ສ່ວນໃຫຍ່ແມ່ນໄດ້ຖືກສະຫຼາຍໄປ ໃນຂະນະທີ່ລັດຖະບານຂອງທັງ ສອງປະເທດ ໄດ້ກຳນົດມາດຕະການ ກັກບໍລິເວນທີ່ເຄັ່ງຄັດ. ແຕ່ຫຼາຍເດືອນຕໍ່ມາ, ຜູ້ປະທ້ວງຈຳ ນວນຫຼາຍໄດ້ກັບຄືນໄປໂຮມກັນຢູ່ຖະໜົນ, ເຊິ່ງເຂົາເຈົ້າ ແມ່ນທຸກຍາກກວ່າ ແລະໂມໂຫ ກວ່າແຕ່ກ່ອນ. ແລະຄືກັບຜູ້ປະທ້ວງໃນ ສະຫະລັດ ແລະ ທົ່ວໂລກນັ້ນ, ຄວາມບໍ່ເທົ່າທຽມກັນຢ່າງຫຼວງຫຼາຍ ແມ່ນຈຸດສູນກາງຂອງຄວາມບໍ່ພໍໃຈຂອງເຂົາເຈົ້າ. ນັກຂ່າວວີໂອເອ ເຮເທີ ເມີດັອກ, ມີລາຍງານຈາກນະຄອນ ອິສຕານບູລ ປະເທດ ເທີກີ ພ້ອມກັບ ອາລີ ເຄເດີ ຈາກນະຄອນຫຼວງ ເບຣຸດ ປະເທດ ເລບານອນ, ເຊິ່ງ ພຸດທະສອນ ຈະນຳລາຍລະອຽດມາສະເໜີທ່ານໃນອັນດັບຕໍ່ໄປ.


ລະດູໃບໄມ້ຫຼົ່ນທີ່ຜ່ານມາ, ການປະທ້ວງຂະໜາດໃຫຍ່ ໄດ້ເກີດຂຶ້ນໃນທົ່ວປະ ເທດ ເລບານອນ. ມັນໄດ້ແກ່ຍາວເປັນຫຼາຍເດືອນ ດ້ວຍການໂຮມຊຸມນຸມໃນ ເວລາກາງເວັນ ແລະ ມັກຈະປະທະກັນໃນຕອນກາງຄືນ.

ຕອນນີ້, ຫຼັງຈາກການກັກບໍລິເວນຫຼາຍເດືອນ, ພວກປະທ້ວງ ແລະ ຄວາມຮຸນ ແຮງແມ່ນໄດ້ກັບຄືນມາສູ່ຖະໜົນ. ປະຊາຊົນໃນທ້ອງຖິ່ນເວົ້າວ່າ ໂຣກລະບາດ ໄດ້ເຮັດໃຫ້ບັນຫາທີ່ຮຸນແຮງຢູ່ແລ້ວ ທຳ ລາຍປະເທດ, ຕອນນີ້ເຂົາເຈົ້າແມ່ນຢູ່ ໃນວິກິດການທາງເສດຖະກິດທີ່ຮ້າຍແຮງທີ່ສຸດ ໃນຫຼາຍທົດສະວັດ.

ທ່ານ ອາບູ ອາເມັດ, ຜູ້ອາໄສຢູ່ນະຄອນຫຼວງ ເບຣຸດ ໄດ້ກ່າວວ່າ “ພວກເຮົາ ໄດ້ສູນເສຍເງິນທີ່ໄດ້ສະສົມໄວ້ຕະຫຼອດຊີວິດຂອງພວກເຮົາ. ຂ້ອຍບໍ່ຮູ້ຈັກວ່າ ພວກເຮົາຈະເຮັດຫຍັງ.”

ປະຊາຊົນໄດ້ຖິ້ມໂທດການສໍ້ລາດບັງຫຼວງໃສ່ຜູ້ທີ່ມີຕຳແໜ່ງສູງທາງການເມືອງ ສຳລັບການເຮັດໃຫ້ຊົນຊັ້ນທຸກຍາກຂະຫຍາຍຕົວຢ່າງໄວວາ.

ອົງການຄວາມໂປ່ງໃສສາກົນ ເວົ້າວ່າ ລະບົບການປົກຄອງຂອງ ເລບານອນ ຈະປົກປ້ອງບຸກຄົນທີ່ສໍ້ລາດບັງຫຼວງ ແລະ ປະຊາຊົນຂອງເຂົາເຈົ້າເກືອບ 90 ເປີເຊັນຄິດວ່າ ບັນຫາດັ່ງກ່າວ ແມ່ນຖືກແກ້ໄຂຢ່າງຂີ້ຮ້າຍຫຼາຍ.

ບັນດານັກວິເຄາະເວົ້າວ່າ ຖ້າບໍ່ມີການແກ້ໄຂຢ່າງວ່ອງໄວ, ເລບານອນ ແມ່ນ ມີຄວາມເປັນໄປໄດ້ວ່າ ຈະເກີດເຫດການຄວາມຮຸນແຮງ ຍິ່ງກວ່າເກົ່າ.

ທ່ານ ຮາຍໂກ ວິມເມັນ, ຈາກກຸ່ມວິກິດການສາກົນ ກ່າວວ່າ “ເຫດການຄວາມ ຮຸນແຮງທັງໝົດທີ່ພວກເຮົາມີໃນ 6 ເດືອນ ຫຼື ປະມານນີ້ ນັບຕັ້ງແຕ່ການປະ ທ້ວງໄດ້ເລີ່ມຂຶ້ນ ມັນໄດ້ມີສ່ວນກ່ຽວຂ້ອງໂດຍກົງຕໍ່ການຫຼຸດລົງຂອງຄ່າສະກຸນ ເງິນຢ່າງກະທັນຫັນ ແລະ ຕໍ່ມາປະຊາຊົນກໍໃຈຮ້າຍຫຼາຍ.”

ໃນປະເທດ ອີຣັກ, ການປະທ້ວງຫຼາຍເດືອນໄດ້ເລີ່ມຂຶ້ນເມື່ອເດືອນຕຸລາທີ່ຜ່ານ ມາ ແລະ ໄດ້ນຳໄປສູ່ການເສຍຊີິວິດຂອງປະຊາຊົນຫຼາຍຮ້ອຍຄົນ.

ປັດຈຸບັນນີ້, ຜູ້ປະທ້ວງບາງຄົນຍັງຄອບຄອງຈະຕຸໃນລັດຕົວເມືອງຕ່າງໆ ໃນຂະ ນະທີ່ຄົນອື່ນໄດ້ຢູ່ບ້ານຍ້ອນໂຣກລະບາດ. ການໂຮມຊຸມນຸມ ແລະ ການປະທະ ກັນ ບາງຄັ້ງບາງຄາວ ແມ່ນຍັງດຳເນີນສືບຕໍ່ໄປ.

ນາຍົກລັດຖະມົນຕີຄົນໃໝ່, ທ່ານ ມຸສຕາຟາ ອາລ-ຄາດີມີ, ໄດ້ສັນຍາທີ່ຈະປະ ຕິບັດຕາມການຮຽກຮ້ອງບາງອັນ, ໂດຍເວົ້າວ່າ ທ່ານຈະປ່ອຍຕົວນັກເຄື່ອນໄຫວ ທີ່ຖືກຂັງຄຸກ, ຕໍ່ສູ້ກັບການສໍ້ລາດບັງຫຼວງ, ວາງແຜນການເລືອກຕັ້ງໃໝ່ ແລະ ຕໍ່ສູ້ກັບວິກິດການດ້ານການເງິນ ແລະ ຄວາມປອດໄພຢູ່ໃນປະເທດ.

ແຕ່ພວກນັກເຄື່ອນໄຫວແມ່ນມີຄວາມສົງໄສ, ໂດຍເວົ້າວ່າ ຫຼັງຈາກການພະຍາ ຍາມທີ່ປະສົບຄວາມລົ້ມແຫຼວ 17 ປີເພື່ອສ້າງປະຊາທິປະໄຕທີ່ຍຸຕິທຳນັ້ນ, ເຂົາ ເຈົ້າຈະຢູ່ຖະໜົນຈົນກວ່າທັງໝົດນີ້ ຈະເກີດຂຶ້ນ.

ແລະ ບັນດານັກວິເຄາະໄດ້ກ່າວເພີ່ມເຕີມວ່າ ມັນບໍ່ໄດ້ມີແຕ່ຜູ້ປະທ້ວງເທົ່ານັ້ນ ທີ່ຮຽກຮ້ອງຄວາມຍຸຕິທຳດ້ານເສດຖະກິດ.

ດຣ. ເຣນາດ ແມນຊົວ, ຈາກອົງການ ຊາແທັມ ຮາວສ໌ (Chatham House) ໄດ້ກ່າວວ່າ “ຄວາມຮູ້ສຶກ ກ່ຽວກັບ ຄວາມໝົດສັດທາ ແລະ ຄວາມທໍ້ແທ້ ໄດ້ ກາຍເປັນການອາລະວາດ ແລະ ຄວາມໂມໂຫ, ຂ້າພະເຈົ້າຈະເວົ້າວ່າ ມັນຮູ້ສຶກ ໄດ້ໂດຍພວກຜູ້ປະທ້ວງ ແລະ ປະຊາຊົນຜູ້ທີ່ບໍ່ໄດ້ໄປເຕົ້າ ໂຮມກັນຢູ່ຖະໜົນ. ມັນຖືກຍອມຮັບໂດຍທົ່ວໄປໃນສັງຄົມວ່າ ພວກຜູ້ນຳຜູ້ທີ່ໄດ້ມາ ເພື່ອນຳເອົາປະ ຊາທິປະໄຕມາສູ່ ອີຣັກ ແລະ ການປົກຄອງໃນປີ 2003 ແມ່ນຍັງບໍ່ໄດ້ເຮັດມັນ ເທື່ອ.”

ອີຣັກ ແມ່ນປະເທດທີ່ອຸດົມຮັ່ງມີໄປດ້ວຍນໍ້າມັນ ບ່ອນທີ່ອັດຕາຄວາມທຸກຍາກ ແມ່ນຄາດວ່າຈະເພີ່ມຂຶ້ນເຖິງ 40 ເປີເຊັນໃນປີນີ້, ອີງຕາມອົງການ ສະຫະປະ ຊາຊາດ.

ເຂົາເຈົ້າກຳລັງຕໍ່ສູ້ກັບລາຄານໍ້າມັນທີ່ຕົກລົງ ແລະ ໄພຂົ່ມຂູ່ກັບການກັບຄືນມາຂອງພວກຫົວຮຸນ ແຮງລັດອິສລາມ.

ພວກນັກເຄື່ອນໄຫວໃນ ອີຣັກ ແລະ ເລບານອນ ເວົ້າວ່າເຂົາເຈົ້າກຳລັງລໍຖ້າໃຫ້ ໂຣກລະບາດບັນ ເທົາລົງ ສະນັ້ນເຂົາເຈົ້າຈຶ່ງສາມາດສືບຕໍ່ການຕໍ່ສູ້ຂອງເຂົາເຈົ້າຢ່າງເຕັມທີ່.

ທ່ານ ຣາອີດ, ຜູ້ອາໄສຢູ່ນະຄອນຫຼວງ ເບຣຸດ ໄດ້ກ່າວວ່າ “ການປະຕິວັດຈະບໍ່ ຢຸດ. ພວກເຮົາຈະກັບອອກໄປຖະໜົນ ແລະ ເອົາສິດທິຂອງພວກເຮົາ.”

ໃນການສະແດງຄວາມສາມັກຄີກັບຜູ້ປະທ້ວງໃນ ສະຫະລັດ ຜູ້ທີ່ໄດ້ລຸກຂຶ້ນຫຼັງ ຈາກການຕາຍຂອງທ້າວ ຈອຣຈ໌ ຟລອຍດ໌ ນັ້ນ, ພວກນັກເຄື່ອນໄຫວ ອີຣັກ, ເລບານອນ ແລະ ອື່ນໆ ແມ່ນໄດ້ເຂົ້າໄປໃຊ້ຄອມພິວເຕີອອນໄລນ໌, ຂຽນຂໍ້ ຄວາມໃນທວິດເຕີວ່າ, “ພວກເຮົາກໍຢາກຫາຍໃຈຄືກັນ.”

ແລະ ໃນຂະນະທີ່ຄວາມຢ້ານກົວໂຣກລະບາດໄດ້ເປີດທາງໃຫ້ການປະທ້ວງ ທີ່ໄດ້ເກີດຂຶ້ນທົ່ວໂລກນັ້ນ, ບັນດານັກວິເຄາະເວົ້າວ່າ ເລບານອນ ແລະ ອີຣັກ, ທັງສອງລັດຖະບານແມ່ນຢູ່ໃນສະຖານະ ການທີ່ບໍ່ດີ, ເຂົາເຈົ້າຕ້ອງໄດ້ທຳການ ປະຕິຮູບຢ່າງຫຼວງຫຼາຍ ຫຼື ປະເຊີນກັບການລົ້ມລະລາຍ.

When the pandemic struck the Middle East, mass protests in Lebanon and Iraq mostly disbanded as both governments imposed strict lockdowns. But in the months that followed, many protesters returned to the streets – poorer and angrier than ever before. And like protesters in the U.S. and around the world, gaping inequalities are at the heart of their grievances. VOA’s Heather Murdock reports from Istanbul with Ali Khedr in Beirut.

Last fall, mass protests broke out across Lebanon. They lasted for months with rallies by day and often clashes at night.

Now, after months of lockdown, protesters and violence are returning to the streets. Locals say the pandemic has deepened the problems already devastating the country, now in its worst economic crisis in decades.

“We lost our life savings. I don’t know what we will do.”

People here blame corruption among the political elite for the country’s rapidly growing impoverished class.

Transparency International says Lebanon’s system protects corrupt individuals and that nearly 90 percent of its citizens think the problem is being addressed badly.

Analysts say that without a rapid solution, Lebanon is likely to grow even more volatile.

“All the incidents of violence that we have in these six months or so since the protests started were directly related to a sudden drop of the value of the currency and then people really angry.”

In Iraq, months of protests started last October and led to hundreds of deaths.

Now, some protesters still occupy city squares while others stay home because of the pandemic. Rallies and sporadic clashes continue.

The new prime minister, Mustafa al-Kadhimi, has promised to meet some key demands, saying he will release jailed activists, fight corruption, plan new elections and fight the financial and security crises gripping the country.

But activists are skeptical, saying after 17 years of failed attempts to build an equitable democracy, they will stay on the streets until all of this happens.

And analysts add that it’s not just protesters calling for economic justice.

“That sense of despair and disillusionment turning into outrage and anger, I would say is felt by both protesters and people who are not in the streets. It’s generally accepted by society that the leaders who came to bring Iraq democracy and governance in 2003 have not done that yet.”

Iraq is an oil-rich country where the poverty rate is expected to increase to 40 percent this year, according to the United Nations.

It is wrestling with collapsed oil prices and the threat of a resurgence of Islamic State militants.

Activists in both Iraq and Lebanon say they are waiting for the pandemic to ease so they can fully resume their fight.

“The revolution will not stop. We will go back to the streets and take our rights.”

In solidarity with U.S. protesters who rose up after the death of George Floyd, activists in Iraq, Lebanon and beyond are online, tweeting, “We also want to breathe.”

And as pandemic fears give way to emerging protests around the world, analysts say Lebanon and Iraq, both governments on the brink, will have to reform significantly or face collapse.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG