ລິ້ງ ສຳຫລັບເຂົ້າຫາ

ວັນຈັນ, ໑໗ ມິຖຸນາ ໒໐໒໔

​​​​​​ລັດຖະບານ ​​ເມັກ​ຊິໂກ ກ່າວ​ວ່າ ​ຕົນ​ສະ​ເໜີ ​ໃຫ້​ຖານະ ອົບພະຍົບ ​ຕໍ່​ພວກ​ສະມາຊິກ​​ ທີ່ເຫັນ​ສົມຄວນ ​


ຜູ້ອຳນວຍການ ໃຫ້ທີ່ຢູ່ອາໄສ ຊົ່ວຄາວ ທ່ານໂຮເຊ ກາເຊຍ
(Jose Garcia), ຂວາ, ເອົາເງິນຫຼຽນ ໃຫ້ຊາວກົວຕາມາລາ ກ່ອນຈະອອກເດີນທາງ ມາຍັງສະຫະລັດ ຈາກເມືອງ ທີຮົວນາ (Tijuana), ເມັກຊິໂກ, 14 ພະຈິກ 2016.
ຜູ້ອຳນວຍການ ໃຫ້ທີ່ຢູ່ອາໄສ ຊົ່ວຄາວ ທ່ານໂຮເຊ ກາເຊຍ (Jose Garcia), ຂວາ, ເອົາເງິນຫຼຽນ ໃຫ້ຊາວກົວຕາມາລາ ກ່ອນຈະອອກເດີນທາງ ມາຍັງສະຫະລັດ ຈາກເມືອງ ທີຮົວນາ (Tijuana), ເມັກຊິໂກ, 14 ພະຈິກ 2016.

ລັດຖະບານ​ຂອງ​ປະ​ເທດ​ເມັກ​ຊິໂກ ກ່າວ​ວ່າ ​ຕົນແມ່ນ​ສະ​ເໜີ​ໃຫ້​ຖານະອົບພະຍົບ​ຕໍ່​ພວກ​ສະມາຊິກທີ່ເຫັນ​ສົມຄວນ ​ໃນ​ຂະ​ບວນຄາລາວານ ​ຂອງ​ພວກ​ຄົນເຂົ້າເມືອງຈາກ​ບັນດາ​
ປະ​ເທດອາ​ເມຣິກາ​ກາງ ຊຶ່ງ​ກ່ອນໜ້ານີ້ ​ໄດ້ມີການສົ່ງສັນຍານເຕືອນ ແບບຕື່ນຕົກໃຈ
ໂດຍ​ປະ ທນາ​ທິບໍດີ​ສະຫະລັດ ທ່ານ ດໍ​ໂນລ ທຣຳ ກ່ຽວ​ກັບ​ຄວາມ​ຈຳ​ເປັນ​ທີ່​ຈະ​ຕ້ອງ​ເພີ່ມ​ຄວາມຮັດ ກຸມ​ຂຶ້ນຕື່ມ ​ຢູ່ຕາມ​ຊາຍ​ແດນ​ຂອງ​ປະ​ເທດ.

ຖະ​ແຫຼ​ງການ​ສະບັບ​ນຶ່ງ​ໃນ​ແລງ​ວັນ​ຈັນ​ວານ​ນີ້ ຈາກ​ກະຊວງ​ພາຍ​ໃນ ​ແລະ​ກະຊວງ​ການ
ຕ່າງປະ​ເທດເມັກ​ຊິໂກ ຮັບ​ຮູ້​ວ່າຂະບວນຄາລາວານ ທີ່​ປະກອບ​ດ້ວຍ​ຜູ້​ຄົນ ຈາກປະ​ເທດ
​ກົວ​ເຕມາລາ, ຮອນ​ດູຣາສ, ​ແອລຊາ​ລວາ​ດໍ ​ໄດ້ເດີນທາງ​ແບບ​ດຽວ​ກັນ​ນີ້ ນັບ​ຕັ້ງ​ແຕ່​ປີ
2010 ເປັນຕົ້ນມາ ໂດຍຮຽກຮ້ອງ​ໃຫ້​ມີ​ການ​ພິຈາລະນາ ​ເຖິງ​ສິດທິຂອງພວກຄົນເຂົ້າ
ເມືອງ, ​ໂດຍສະ​ເພາະ ພວກ​ທີ່ຫລົບ​ໜີ ສະຖານ​ນະ​ການ​ທີ່​ເປັນ​ໄພ​ອັນຕະລາຍ ​ໃນ​ບ້ານ​
ເກີດ​ເມືອງ​ນອນ ຂອງ​ພວກ​ເຂົາ​ເຈົ້າ ​ເພື່ອການ​ຊອກ​ຫາ​ບ່ອນ​ປົກ​ປ້ອງ​ຄຸ້​ມຄອງ​ໃນ​ບ່ອນ​ອື່ນໆ.

“ນະ​ໂຍບາຍ​ຄົນເຂົ້າເມືອງຂອງ​ເມັກ​ຊິກ​ໂກ ​ແມ່ນ​ມີອະທິປະ​ໄຕ​, ​ໂດຍ​ຜ່ານ​ການ​ຊອກ​
ຄົ້ນ​ຫາ​ການ​ຄ້ຳປະກັນ ​ທີ່​ຖືກຕ້ອງ​ຕາມ​ກົດໝາຍ, ປອດ​ໄພ​ແລະ​ຍົກຍ້າຍຖິ່ນຖານຢ່າງ
​ເປັນ​ລະບຽບ ​ຮຽບຮ້ອຍ ດ້ວຍ​ການ​ເຄົາລົບ​ຢຳ​ເກງ​ສິດທິ​ມະນຸດ​ຂອງ​ພວກ​ຜູ້​ຄົນ,”
ນັ້ນຄືຖະແຫຼງການໄດ້​ລະບຸ​ໄວ້ ​ແລະ​ຍັງ​ກ່າວ​ຕໍ່​ໄປ​ວ່າ “ບໍ່ວ່າໃນກໍລະນີ​ໃດ​ໆ ກໍ​ຕາມ ​
ລັດຖະບານ​ຂອງເມັກ​ຊິກ​ໂກ ບໍ່​ໄດ້​ສົ່ງ​ເສີມ​ການ​ຍົກຍ້າຍຖິ່ນຖານແບບ​ຜິດປົກກະຕິ.”

້ເດັກນ້ອຍຜູ້ຊາຍເບິ່ງເຂົ້າໄປຍັງ ເມືອງຊາຍແດນເມັກຊີຄາລີ (Mexicali), ເມັກຊິໂກ, ຕາທາງທີ່ມີການຈສ້າງກຳແພງໃໝ່ ທີ່ສູງ, ຊ້າຍ, ໃນເມືອງຄາເລັນຊິໂກ (Calexico), ຄາລີຟໍເນຍ, 5 ມີນາ 2018.
້ເດັກນ້ອຍຜູ້ຊາຍເບິ່ງເຂົ້າໄປຍັງ ເມືອງຊາຍແດນເມັກຊີຄາລີ (Mexicali), ເມັກຊິໂກ, ຕາທາງທີ່ມີການຈສ້າງກຳແພງໃໝ່ ທີ່ສູງ, ຊ້າຍ, ໃນເມືອງຄາເລັນຊິໂກ (Calexico), ຄາລີຟໍເນຍ, 5 ມີນາ 2018.

ກະຊວງທັງ​ສອງ ​ໄດ້​ກ່າວ​ວ່າ ຕາມ​ກົດໝາຍ​ຂອງ​ລັດຖະບານ​ເມັກຊິໂກ​ ແລ້ວ​ນັ້ນ ບັນດາ
ເຈົ້າ​ໜ້າ​ທີ່​ໄດ້​ສົ່ງ ສະມາຊິກ 400 ຄົນໃນຂະ​ບວນຄາລາວານ ກັບ​ຄືນ​ໄປ​ຍັງ​ບ້ານ​ເກີດ
​ເມືອງ​ນອນ​ຂອງ​ພວກ​ເຂົາ​ເຈົ້າແລ້ວ.

ຂະ​ບວນຄາລາວານ ທີ່​ມີ​ປະມານ 1 ພັນ 1 ຮ້ອຍ​ຄົນ ​ແມ່ນ​ໄດ້​ຈັດ​ຕັ້ງ​ຂຶ້ນ​ໂດຍ​ໂຄງການ
ຂອງ​ພວກ​ຜູ້​ຄົນທີ່​ບໍ່​ມີ​ຊາຍ​ແດນ ຫຼື Pueblo Sin Fronteras ຊຶ່ງ​ໃນ​ວັນ​ຈັນ​ວານ​ນີ້ ​
ໄດ້​ເອີ້ນ​ຂັ້ນ​ຕອນ ​ຂອງ​ການ​ຂໍ​ລີ້​ໄພ​ໃນ​ສະຫະລັດ ແລະ​ເມັກ​ຊິ​ໂກ ນັ້ນ​ວ່າ “ແບບລົງໂທດ
​ແລະ​ບໍ່​ຍຸຕິ​ທຳ.”
ມີຂະ​ບວນຄາລາວານ 2 ຂະບວນ ​ໄດ້​ມາ​ເຖິງ​ສະຫະລັດ ​ໃນ​ປີ​ກາຍ​ນີ້.

ທ່ານນາງ​ຈີ​ນາ ຄາຣີ​ໂບ (Gina Garibo) ​ໂຄສົກ​ຂອງ​ອົງການ​ດັ່ງກ່າວ ​ໄດ້​ບອກ​ກັບ​
ວີ​ໂອ​ເອວ່າ ພວກ​ຕົນ​ແມ່ນ​ອົງການ​ຈັດ​ຕັ້ງ​ທີ່​ຕໍ່ສູ້​ເພື່ອ​ພວກຄົນ​ເຂົ້າ​ເມືອງ​ທັງຫຼາຍ
​ໃນ​ການ​ຕໍ່ສູ້​ເພື່ອ​ສິດທິ​ຂອງ​ພວກ​ເຂົ້າ​ເຈົ້າ.

ທ່ານ ອາ​ເລັກສ໌ ​ເມນສິງ (Alex Mensing) ຜູ້​ປະສານ​ງານ​ທ່ານ​ນຶ່ງ​ຂອງ​ກຸ່ມ ​ໄດ້​ຂຽນ​ລົງ
ໃນ​ທາງ ທວິດ​ເຕີ ວ່າ ພວກ​ທີ່ຢູ່​ໃນ​ຂະ​ບວນຄາລາວານ ​ເພື່ອ​ໃຫ້​ໄປ​ເຖິງ​ປະ​ເທດ​ເມັກ​ຊິ​ໂກ
“​ແມ່ນ​ໝັ້ນ​ໃຈ​ຕໍ່​ການ​ຂໍ​ລີ້​ໄພ ທີ່​ຈະ​ເດີນທາງ​ໄປ​ຍັງ​ປະ​ເທດ​ທີ່​ພວກ​ເຂົາ​ເຂົ້າ​ສາມາດ​
ຂໍ​ລີ້​ໄພ​ຢູ່​ນັ້ນ.”

ອົງການ ​ພວກ​ຜູ້​ຄົນທີ່​ບໍ່​ມີ​ຊາຍ​ແດນຍັງ​ໄດ້​ເນັ້ນ​ເຖິງ​ຈຳ​ນວນ​ຊາວຮອນ​ດູຣາສ​ ໃນ​ກຸ່ມ
​ດັ່ງກ່າວ ໂດຍກ່າວ​ວ່າ ການ​ມີໜ້າ​ນີ້ ​ແມ່ນ​ຜົນ​ກະທົບ ​ຂອງ​ວິ​ກິດ​ການ​ທາງ​ການ​ເມືອງ
​ໃນ​ຂົງ​ເຂດ ທີ່​ຍັງ​ຜົນ​ໃຫ້​ມີ “ທ້າ​ທາຍ​ໃນ​ສ່ວນ​ໃຫຍ່​ຂອງ​ນະ​ໂຍບາຍ​ການ​ຕ່າງປະ​ເທດ
ຂອງ​ລັດຖະບານສະຫະລັດ.”

ອ່ານ​ຂ່າວ​ນີ້​ເພີ່ມຕື່ມ​ເປັນ​ພາສາ​ອັງກິດ

XS
SM
MD
LG