ເຈົ້າໜ້າທີ່ລັດຖະບານກາງເມັກຊິກໂກ ທີ່ຕາມລ່າຫານັກໂທດ
ລາຊາຄ້າຢາເສບຕິດ Joaquin “El Chapo” Guzman
ກ່າວວ່າ ພວກເຂົາເຈົ້າ ກຳລັງເພັ່ງເລັງ ການຕາມລ່າໂຕດັ່ງກ່າວ
ໃສ່ ລັດ Sinaloa ຢູ່ຂົງເຂດພູດອຍ ທາງພາກຕາເວັນຕົກສຽງ
ເໜືອ ອັນເປັນລັດບ້ານເກີດຂອງຜູ້ກ່ຽວ ຫຼັງຈາກທີ່ ໄດ້ແຫກຄຸກ
ຫຼົບໜີ ຜ່ານອຸບໂມງ ລະຍະ 1.5 ກິໂລແມັດ ເມື່ອເດືອນ ກໍລະກົດ
ປີກາຍນີ້.
ໃນຄຳຖະແຫລງການສະບັບ ທ້າຍວັນສຸກຜ່ານມາ ຫ້ອງການ
ຄວາມໝັ້ນຄົງຂອງແມັກຊິກໂກ ກ່າວວ່າ ພວກຕິດຕາມຫາໂຕ
ເຊື່ອວ່າ ນາຍ Guzman ເມື່ອບໍ່ດົນມານີ້ ໄດ້ຮັບບາດເຈັບ ໃນ
ຂະນະທີ່ຫລົບໜີ ທະຫານນາວິທະໂຍທິນແມັກຊິກໂກ ຈຳນວນນຶ່ງ ຢູ່ໃນເຂດທຸລະກັນດານ
ໃກ້ໆກັບເຂດຊາຍແດນ ລະຫວ່າງ ລັດ Sinaloa ແລະ ລັດ Durango.
ຖະແຫລງການດັ່ງກ່າວ ບໍ່ໄດ້ເວົ້າວ່າ ການໄດ້ຮັບບາດເຈັບນັ້ນ ເກີດຂຶ້ນໃນເວລາໃດ ຫຼື
ໃນວິທີໃດທີ່ພວກເຂົາເຈົ້າໄດ້ຮຽນຮູ້ເຖິງເຫດການດັ່ງກ່າວ. ແຕ່ໃນເມື່ອອາທິດແລ້ວນີ້
ອາທິໄອຍະການແມັກຊິກໂກ ທ່ານ Arely Gomez ກ່າວວ່າ ບັນດາເຈົ້າໜ້າທີ່ ໄດ້ຈັບຕົວ
ນັກບິນ ຜູ້ທີ່ຊ່ວຍເຫຼືອ ນາຍ Guzman ຫຼົບໜີໃນເຮືອບິນນ້ອຍລຳນຶ່ງ ຈາກຄຸກຄຸມຂັງເຄັ່ງ
ຄັດທີ່ສຸດ ຢູ່ໃກ້ໆ ນະຄອນ Mexico City ນັ້ນ.
ສຳນັກຂ່າວຜ່ານທາງສາຍໂລລະເລກ ໄດ້ອ້າງເຖິງຄຳເວົ້າ ຂອງເຈົ້າໜ້າທີ່ລັດຖະບານ
ທີ່ບໍ່ຂໍອອກຊື່ ທີ່ກ່າວວ່າ ນາຍ Guzman ໄດ້ຮັບບາດເຈັບ “ນຶ່ງໃນຫຼາຍຄັ້ງ” ທີ່ຜູ້ກ່ຽວ
ລົ້ມລົງ ໃນຂະນະທີ່ຫລົບໜີ ທະຫານນາວິທະໂຍທິນ ໄປໃນເຂດ Sierra Madre ທີ່ເປັນ
ພູດອຍ. ເຈົ້າໜ້າທີ່ຄົນທີສອງ ເວົ້າວ່າ ການດຳເນີນງານ ເກີດຂຶ້ນເມື່ອຕົ້ນເດືອນນີ້. ທັງສອງ
ທ່ານກ່າວວ່າ ທະຫານນາວິທະໂຍທິນ ໄດ້ອອກຕາມລ່າ ຫາໂຕນັກໂທດດັ່ງກ່າວນັ້ນ ມາ
ໄດ້ຫຼາຍອາທິດແລ້ວ ໃນບໍລິເວນເຂດຊາຍແດນ ລະຫວ່າງລັດ Sinaloa ແລະ Durango
ທີ່ຮູ້ຈັກກັນວ່າ ສາມຫຼຽມຄຳ.
