ລິ້ງ ສຳຫລັບເຂົ້າຫາ

logo-print

​ປະ​ຊາຄົມ​ລາວ​ອາ​ເມ​ຣິ​ກັນ ຢູ່​ທົ່ວ​ສະ​ຫະ​ລັດ ຮ່ວມ​ສະ​ຫຼອງ ບຸນວັນ​ຂອບ​ຄຸນ​ພະ​ເຈົ້າ


Trump Pardons 'Bread' and 'Butter,' the Turkeys
please wait

No media source currently available

0:00 0:02:40 0:00

​ເຊີນ​ຊົມ​ວີ​ດີ​ໂອ ພິ​ທີ​ໂຜດ​ໄກ່​ງວງ ​ປະ​ຈຳ​ປີ ກ່ອນບຸນ​ວັນ​ຂອບ​ຄຸນ​ພະ​ເຈົ້າ ຫຼື Thanksgiving ໂດຍ​ປະ​ທາ​ນາ​ທິ​ບໍ​ດີ ​ດໍ​ໂນລ ທ​ຣຳ​ ທີ່ ທຳ​ນຽບ​ຂາວ ​ນະ​ຄອນ​ຫຼວງວໍ​ຊິງ​ຕັນ ວັນ​ທີ 26 ພະ​ຈິກ 2019.

ສະ​ບາຍ​ດີທ່ານ​ຜູ້​ຟັງ​ທີ່​ເຄົາ​ລົບ ມື້​ນີ້ແມ່ນ​ວັນ​ພະຫັດ ທີ 28 ຊຶ່ງ​ເປັນອາ​ທິດ​ສຸດ​ທ້າຍ​ຂອງ
ເດືອນພະຈິກ ແລະ​ກໍ​ເປັນ​ວັນ​ທີ່​ຊາວອະ​ເມຣິ ກັນທັງ​ປະ​ເທດ​ພາກັນສະຫລອງບຸນ Thanksgiving ຫລື ​ບຸນ​ຂອບ ຄຸນ​ພະ​ເຈົ້າ​ ຫຼືເອີ້ນກັນຫຼິ້ນໆວ່າ ບຸນໄກ່ງວງຕາມ​ປະ​ເພ
ນີ​ ທີ່​ໄດ້​ສືບ​ທອດ​ກັນ​ມາເປັນ​ເວລານານ​ກວ່າ​ສອງຮ້ອຍປີ​ແລ້​ວ. ເພ​າະສະ​ນັ້ນ ໃນ ລາຍ
ການ​ຊີວິດຊາວ​ລາວ​ຂອງ​ວີ​ໂອ​ເອ​ມື້​ນີ້ ພວກ​ເຮົາ​ຢາກຖືເອົາໂອກາດ​ນໍາ​ເອົາ​ການ​ສໍາພາດ
ກັບບັນດາຄົນ​ອາ​ເມຣິກັນເຊື້ອ​ສາຍ​ລ​າວ ຢູ່ໃນ​ສະຫະລັດ ມາສະ​ເໜີ​ທ່າ​ນ ເພື່ອ​ຢາກ​ຮູ້​
ວ່າ​ພວກ​ເພິ່ນ​ໄດ້​ພາ​ກັນ​ຫ້າງ​ຫາກະ​ກຽມ​ເພື່ອ​ສະ​ຫລອງ​ບຸນ​ປະ​ຈຳ​ປີ​ສຳ​ຄັນ​ອັນ​ນີ້​ຄື​ແນ​ວ
ໃດ ​ແລະການ​ສະ​ຫລອງ​ບຸນຂອບຄຸນ​ພະ​ເຈົ້ານີ້ມີ​ຄວາມ​ໝາຍ​ແນວ​ໃດສຳ​ລັບ​ເຂົາ​ເຈົ້າ.
ກິ່ງ​ສະຫ​ວັນ ມີ​ລາຍ​ລະ​ອຽດ​ກ່ຽວ​ກັບ​ເລື້ອງນີ້ມາສະ​ເໜີ​ທ່ານໃນ​ອັນ​ດັບຕໍ່​ໄປ.

ອົບ​ໄກ່​ງວງ ແລະ​ການ​ຕົກ​ແຕ່ງອາ​ຫານ ສະ​ຫຼອງວັນ​ຂອບ​ຄຸນ​ພະ​ເຈົ້າ "Thanksgiving" ໂດຍ​ຍາ​ນາງ​ເອດ​ຣຽນ ປະ​ຖັມ​ມະ​ວົງ.
ອົບ​ໄກ່​ງວງ ແລະ​ການ​ຕົກ​ແຕ່ງອາ​ຫານ ສະ​ຫຼອງວັນ​ຂອບ​ຄຸນ​ພະ​ເຈົ້າ "Thanksgiving" ໂດຍ​ຍາ​ນາງ​ເອດ​ຣຽນ ປະ​ຖັມ​ມະ​ວົງ.

​ບຸນ Thanksgiving ຫລື ວັນບຸນຂອບ​ຄຸນ​ພະ​ເຈົ້າທີ່​ຈັດ​ຂຶ້ນ​ໃນ​ແຕ່​ລະ​ປີນັ້ນເປັນ​ວັນ
ບຸນ​ແຫ່ງ​ຊາດ​ສຳ​ຄັນ​ອັນ​ນຶ່ງຂອງສະຫະລັດທີ່ໄດ້​ສະຫລອງ​ກັນ​ມາ​ເປັນ​ເວລາ ສອງຮ້ອຍ​
ກວ່າ​ປີ​ແລ້ວ​. ​ຢູ່​ທໍານຽບຂາວ​ໄດ້ມີ​ພິ​ທີ​ໂຜດ​ໄກ່​ງວງ ​ໂດຍ​ປະທານາ ທິບໍດີ ກ່ອນ​ຈະ​ຮອດ
​ມື້​ບຸນ ຊຶ່ງ​ໄດ້ສະ​ແດງ​ໃຫ້​ເຫັນປະເພນີຂອງ ການມີຄວາມ ເມດ​ຕາກະ​ລຸ​ນາ ຫຼື Pardon ໃຫ້ແກ່ໄກ່ງວງ ທີ່ໄດ້ປະ​ຕິ​ບັດ​ກັນ​ມາຕັ້ງແຕ່ສະ ໄໝປະທານາທິບໍດີ Abraham
Lincoln ທີ່​ດຳ​ລົງ​ຕຳ​ແໜ່ງ​ແຕ່ປີ 1​861 ຫາ​ປີ 1865.

ດັ່ງ​ທຸກໆ​ປີ ການ​ສະ​ຫລອງ​ງານ​ບຸນນີ້ແມ່ນ​ຈັດ​ຂຶນຢູ່​ທ່າມ​ກາງ​ຄວາມ​ໜາວ​ເຢັນ ເພາະ
ປັດ​ຈຸ​ບັນ​ນີ້ອາ​ກາດຢູ່​ໃນ​ຫລາຍ​ພາກ​ຂອງ​ສະ​ຫະ​ລັດ ໂດຍ​ສະ​ເພາະ​ພາກ​ຕາ​ເວັນ​ຕົກ​
|ຕອນ​ກາງ​ຂອງ​ປະ​ເທດໄດ້​ເລີ້ມໜາວ ພ້ອມ​ທັງ​ມີຫິມະຕົກ ແລະທ້າມ​ກາງບັນ​ຍາ​ກາດ
ທີ່​ເຕັມ​ໄປ​ດ້ວຍຄວາມ​ຕື່ນ​ເຕັ້ນ​ທີ່ຈະ​ມີເທດສະການ ແລະວັນພັກ ຕ່າງໆ ​ລຽນ​ຕິດ​ກັນໄປ
ນັບ​ແຕ່ນີ້ ​ຈົນ​ຮອດ​ວັນ​ຂຶ້ນ​ປີໃໝ່. ​ຢູ່​ຕາມ​ບ້ານ​ເຮືອນ, ຖະ​ໜົນ​ຫົນ​ທາງ ແລະ​ຮ້ານ​ຄ້າທົ່ວ
ໄປ ຈະ​ມີການ​ຕົກ​ແຕ່ງ, ປະ​ດັບ​ປະ​ດາ​ດ້ວຍແສງ​ສີ ແລະ​ເຄື່ອງ​ເອ້​ຕ່າງໆ ເພື່ອ​ຕ້ອນ​ຮັບ​
ການ​ສະ​ຫລອງ​ບຸນ Christmas ​ວັນ​ທີ 25 ເດືອນທັນ​ວາ ແລະ​ໃນວັນ​ທີ 31 ທັ​ນ​ວາ ກໍ​
ຈະ​ເປັນວັນ​ສົ່ງ​ທ້າຍປີເກົ່າ ແລະ ຕ້ອນ​ຮັບວັນຂຶ້ນ​ປີໃໝ່ ຄ​.ສ 2020.

​ຕາມ​ປະ​ເພ​ນີ​ແລ້ວ ໃນ​ອາ​ທິດທີ່​ມີ​ວັນ​ບຸນນີ້ ຊາວ​ອາ​ເມ​ຣິ​ກັນຫ​ລາຍ​ລ້ານ​ຄົນ ທີ່​ຢູ່​ໃກ້ ແລະ
​ໄກ​ກໍ​ຈະ​ພາກັນ​ເດີນ​ທາງໄປ​ຢ້​ຽ​ມ​ຢາມ​ພໍ່​ແມ່ ແລະຍາດ​ຕິ​ພີ່​ນ້ອງ. ເຂົາ​ເຈົ້າ​ມັກຊື້​ອາ​ຫານ​
ການ​ກິນ,​ ເຄື່ອງ​ດື່ມເພື່ອໄປສະ​ຫລອງ​ວັນຂອ​ບຄຸນ​ພະ​ເຈົ້າຮ່ວມ​ກັນ​ກັບ​ຄອບ​ຄົວ​. ພ້ອມ​
ດຽວ​ກັນ​ໃນຕອນ​ເຊົ້າ​ຂອງວັນ​ພະ​ຫັດ​ມື້​ນີ້ ຢູ່ທີ່​ນະຄອນ​ນິວຢອກ​ມີ​ການ​ເດີນ​ສວນສະ
ໜາ​ມເພື່ອ​ເປັນ​ການ​ສະ​ຫລອງ​ບຸນ Thanksgiving ຢູ່​ໃຈ​ກາງ​ເມືອງຢ່າງ​ຄຶກຄື້ນ.

ຂະ​ນະ​ດຽວ​ກັນທາງວີ​ໂອ​ເອກໍ​ໄດ້ຖື​ໂອ​ກາດ​ນີ້ ​ສໍາພາດ​ຍານ​າງລີ​ຊາ ຫຼວງ​ສົມ​ຄຳ, ອາ​
ຈານ​ສອນ​ວິ​ຊາ​ສັງ​ຄົມ​ວິ​ທະ​ຍາ ຫຼື Social Study ຢູ່​ມັດ​ທະ​ຍົມ​ແຫ່ງ​ນຶ່ງໃນລັດ​ອິ​ລ​ລິ
​ນອຍ ທີ່​ຕັ້ງ​ຢູ່​ທາງພາກ​ຕາ​ເວັນ​ຕົກ​ຕອນກາງຂອງ​ສະ​ຫະ​ລັດ​ ຊຶ່​ງ ຍານາງ​ໄດ້​ເວົ້າ​ເຖິງ
ຄວາມ​ຮູ້​ສຶກຂອງ​ຕົນ​ກ່ຽວ​ກັບ​ການ​ສະ​ຫຼອງ​ບຸນນີ້ສູ່​ຟັງ​ວ່າ:

ຍານ​າງ​ລີ​ຊາ ຫຼວງ​ສົງ​ຄຳ
ຍານ​າງ​ລີ​ຊາ ຫຼວງ​ສົງ​ຄຳ

ນາງ​ຊາ​ຣາ ສຸ​ຣິນ​ທອນ ວີ​ລະ​ພັນ, ທີ່ໄດ້ຍ້າຍ​ອອກ​ໄປຢູ່ໄກຈາກ​ພໍ່​ແມ່ທີ່​ຢູ່​ພາກ​ເໜືອ​
ຂອງ​ລັດ​ຄາ​ລິ​ຟໍ​ເນຍເພື່ອ​ໄປ​ເຮັດ​ວຽກຢູ່ນະ​ຄອນ​ລອ​ສ ແອ​ລ​ເຈີລິ​ສ, ທາງ​ພາກ​ໃຕ້​ຂອງ​
ລັດດຽວ​ກັນມາ​ໄດ້​ຫ້າ​ປີ​ແລ້ວ ກໍ​ໄດ້​ເວົ້າ​ສູ່​ວີ​ໂອ​ເອ​ຟັງ​ວ່າ ໃນວັນ ບຸນຂອບ​ຄຸນ​ພະ​ເຈົ້າ​ປີ
​ນີ້ນາງບໍ່​ສາ​ມາດໄປ​ຫາ​ຄອບຄົວ​ໄດ້ ແລະ​ຈະ​ສະ​ຫຼອງ​ບຸນ​ຂອບ​ຄຸນ​ພະ​ເຈົ້າ​ກັບ​ໝູ່​ເພື່ອນ​
ຢູ່​ບ້ານ​ຕົນ​ເອງແທນ ຊຶ່ງ​ນາງ​ເວົ້າ​ວ່າ:

ຍາ​ນາງ​ຊາ​ຣາ ສຸ​ຣິນ​ທອນ ວິ​ລະ​ພັນ
ຍາ​ນາງ​ຊາ​ຣາ ສຸ​ຣິນ​ທອນ ວິ​ລະ​ພັນ

ຊາວ​ອາ​ເມຣິກັນ​ເຊື້ອສາຍ​ລາວ, ເຖິງ​ແມ່ນໄດ້​ກາຍມາ​ເປັນ​ສັນຊາດອາ​ເມ​ຣິ​ກັນ ແລະ
​ດຳ​ລົງ​ຊີ​ວິດ​ຢູ່​ໃນ​ປະ​ເທດນີ້​ມາ​ເປັນ​ເວ​ລາ​ດົນ​ນານ​ແລ້ວ​ກໍ​ຕາມ ແຕ່​ເຂົາ​ເຈົ້າ​ກໍ​ຍັງ​ບໍ່​ລືມ​
ອາ​ຫານ​ລາວ​. ແລະ​ການ​ສະ​ຫລອງ​ບຸນ​ຂອບ​ຄຸນ​ພະ​ເຈົ້າ​ນີ້ ແມ່ນ​ມີ​ຄວາມ​ໝາຍ​ສຳ​ຄັນ
​ຫລາຍ​ຕໍ່​ຊາວ​ລາວຢູ່ອາ​ເມ​ຣິກາທີ່​ສ່ວນ​ໃຫຍ່ໄດ້​ພັດ​ພາກ​ຈາກ​ບ້ານ​ເກີດ​ເມືອງນອນ
ມາ​ຕັ້ງ​ຖິ່ນ​ຖານໃໝ່​ໃນດິນ​ແດນ​ແຫ່ງນີ້ ​ໃນຊຸມ​ປີ 1990. ດັ່ງ​ທີ່​ທ່ານ​ໄພ​ວັນ ດວງ​ພູ​ມີ ຢູ່​
ໃນ​ເມືອງ ຣີ​ສມອນ, ນະ​ຄອນ​ຫລວງ​ຂອງ​ລັດ​ເວີ​ຈີ​ເນຍ ໄດ້​ກ່າວ​ເຖິງ​ຄວາມ​ດ​ຄິ ແລະ​
ຄວາມ​ຮູ້​ສຶກ​ຂອງ​ຕົນ​ກ່ຽວ​ກັບການ​ສະ​ຫລອງ​ບຸ​ນ​ຂອບ​ຄຸ​ນ​ພະ​ເຈົ້ານີ້ວ່າ:

ຜົນ​ປູກ​ຈາກ​ການ​ເກັບ​ກ່ຽວ ຕົກ​ແຕ່ງ​ໃນບຸນ​ວັນ​ຂອບ​ຄຸນ​ພະ​ເຈົ້າ.
ຜົນ​ປູກ​ຈາກ​ການ​ເກັບ​ກ່ຽວ ຕົກ​ແຕ່ງ​ໃນບຸນ​ວັນ​ຂອບ​ຄຸນ​ພະ​ເຈົ້າ.

ປະ​ຫວັດການ​ສະຫລອງບຸນວັນຂອບ​ຄຸນ​ພະ​ເຈົ້າແມ່ນ​ໄດ້ມີ​ມາ​ແຕ່​ປີ 1621. ເວລາ​ນັ້ນ
ໄດ້ມີນັກ​ສະ​ແຫວ​ງບຸນຊາວ​ອັງກິດ 102 ຄົນ ຊຶ່ງ​ເປັນກຸ່ມ​ທໍາ​ອິດ​ທີ່ໄດ້ພາກັນ​ເດີນທາງ​ມາ​ເຖິງແຜ່ນດິນ​ໃໝ່ ຊຶ່ງ​ເປັນ​ທະ​ວີບ​ອາ​ເມ​ຣິ​ກາ​ໃນ​ທຸກມື້ນີ້ ​ເພື່ອ​ສະແຫວ​ງຫາສິດ​ທິໃນການ
ນັບຖື​ສາ​ສະ​ໜາ. ​ເຂົາ​ເຈົ້າ​ພາກັນຂີ່ກຳ​ປັ່ນທີ່​ມີ​ຊື່ວ່າ Mayflower ​ໂດຍໃຊ້​ເວລາ 66 ມື້
​ຈຶ່ງ​ໄດ້ຕົກມາເຖິງ​ແຜ່ນດິນຕອນ​ນີ້. ເຂດທີ່​ເຂົາ​ເຈົ້າ​ມາ​ເຖິງ​ທຳ​ອິດ​ນັ້ນ​ເອີ້ນ​ກັນ​ໃນ​ປັດ
ຈຸບັນ​ນີ້ວ່າ​ New England ຊຶ່ງເປັນ​ເຂດ​ທີ່​ກວາມ​ເອົາ 6 ລັດໃນພາກ​ຕາ​ເວັນ​ອອກສຽງ​ເໜືອຂອງສະ​ຫະ​ລັດ ໃນ​ທຸກວັນ​ນີ້.

​ຫລັງ​ຈາກໄດ້ລ່ອງ​ເຮືອ​ຂ້າມ​ມະຫາ​ສະ​ມຸດອັດແລນຕິກອັນ​ກວ້າງໃຫຍ່​ຊາວ​ອັງກິດ​ເຫລົ່າ​
ນີ້ກໍ​ປະສົບ​ກັບ​ຄວາມ​ອິດ​ເໝື່ອຍ ໂຫຍ​ຫີ​ວ ​ແລະ​ປະ​ເຊີນ​ກັບອາກາດ​ໜາວ. ຈໍານວນ​ນຶ່ງ​
ໄດ້ເຈັບ​ປ່ວຍຍ້ອນຂາດ​ອາຫານ, ​ເປັນພະຍາດ ​ແລະໄດ້​ລົ້ມ​ຫາຍ​ຕາຍ​ໄປ​ເກືອບ​ເຄິ່ງນຶ່ງ.

ຊາວ​ອິນ​ເດຍ​ແດງທີ່​ເປັນຊົ​ນ​ເຜົ່າໃນ​ທ້ອງ​ຖິ່ນນີ້ ​ໄດ້​ເຫັນຄວາມ​ຍາກ​ລໍາບາກ​ຂອງ​ຊາວ
​ອັງກິດ​ເຫລົ່ານັ້ນ ຈຶ່ງໄດ້ພາກັນຊ່ວຍ​ສິດສອນໃຫ້ເຂົາ​ເຈົ້າຮູ້ຈັກ​ປູກ​ໝາກ​ສາລີ, ຫາ​ປາ​ຢູ່​
ຕາມແມ່​ນໍ້າລໍາ​ເຊ, ໂຮ່​ເນື້ອ ​ໂດຍ​ສະ​ເພາະແມ່ນ​ການຈັບ​ໄກ່​ງວງປ່າມາ​ເປັນ​ອາຫານ.
ໃນ​ປີ​ຕໍ່​ມາ ​ເມື່ອ​ໄດ້ພົ້ນຈາກ​ຄວາມອຶດ​ຢາກ, ​ຫີ​ວໂຫຍ ຍ້ອນ​ໄດ້ຮັບ​ການ​ຊ່ວຍ​ເຫລືອ
ແລະ​ເກັບ​ກ່ຽວຜົນ​ລະ​ປູກທີ່​ຊາວ​ອິນ​ເດຍ​ແດງໄດ້​ສິດສອນໃຫ້​ເຂົາ​ເຈົ້າຮູ້​ເຮັດແລ້ວ
ຊາວ​ອັງ​ກິດກໍໄດ້​ພາກັນສະ​ແດງ​ຄວາມ​ຮູ້​ບຸນ​ຄຸນຕໍ່ຊາວ​ອິນ​ເດຍ​ແດງເຫລົ່າ​ນັ້ນ ໂດຍກ
ານເຊື້ອ​ເຊີນເອົາເຂົາ​ເຈົ້າມາ​ຮ່ວມ​ຮັບ​ປະທານ​ອາຫານນຳ​ກັນ ຈຶ່ງ​ໄດ້​ກາຍ​ມາ​ເປັນ
ບຸນປະ​ເພ​ນີ​ ຂອບ​ຄຸນ​ພະ​ເຈົ້າ ຫຼື Thanksgiving ທີ່​ໄດ້​ສະ​ຫລອງ​ກັນ​ມາເທົ່າ​ທຸກວັນ​ນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG