ລິ້ງ ສຳຫລັບເຂົ້າຫາ

logo-print

ໝາກ​ແດງ ລະ​ບາດ​ຮ້າຍ​ແຮງ ຢູ່​ໃນ​ຫຼາຍ​ເຂດ ຂອງ​ໂລກ


ຄຳ​ເຕືອນ ໃຫ້​ລະ​ວັງໂຣກ​ໝາກ​ແດງ ຕິດ​ຢູ່​ຝາ​ປະ​ຕູ ສະ​ຖານ​ທີ່​ພະ​ຍາ​ບານ ໃນ​ນະ​ຄອນ​ຊີ​ອາ​ໂຕ້ ລັດ​ວໍ​ຊິງ​ຕັນ ເມື່ອ​ວັນ​ທີ 13 ກຸມ​ພາ​ 2019.

ອົງ​ການ​ອະ​ນາ​ໄມ​ໂລກ​ເຕືອນ​ວ່າ ໂຣ​ກ​ໝາກ​ແດງ​ກຳ​ລັງ​ລະ​ບາດ​ຢ່າງວ່ອງ​ໄວ​ຢູ່​ໃນ​ທົ່ວ​ໂລກ ຍ້ອນວ່​າ​ມີ​ຄົນ​ສັກ​ຢາ​ວັກ​ຊີນ ​ກັນ​ໝາກ​ແດງ​ ໜ້ອຍ​ລົງ. Lisa Schlein ​ມີ​ລາຍ​ງານ​ໃຫ້​ວີ​ໂອ​ເອ ​ຈາກ​ສຳ​ນັກ​ງານ​ໃຫຍ່​ ຂອງ​ອົງ​ການ​ອະ​ນາ​ໄມ​ໂລ​ກ​ຢູ່​ນະ​ຄອນ​ເຈ​ນີ​ວາ ຊຶ່ງໄພ​ສານຈະນຳ ເອົາລາຍລະອຽດ ມາສະເໜີທ່ານໃນ ອັນດັບຕໍ່ໄປ.

ອົງ​ການ​ອະ​ນາ​ໄມ​ໂລກ​ລາຍ​ງານ​ວ່າ ກໍ​ລະ​ນີ​ໂຣກໝາກ​ແດງ ໃນ​ໄລ​ຍະ 6 ເດືອນ​ທຳ​ອິດ​ຂອງ​ປີນີ້ ແມ່ນ​ສູງ​ສຸດ​ນັບ​ແຕ່​ປີ 2006 ເປັນ​ຕົ້ນ​ມາ ຊຶ່ງ​ມາ​ເຖິງ​ເວ​ລານີ້ ມີ​ລາຍ​ງານ​ວ່າ ມີ​ທັງ​ໝົດ 365,000ກໍ​ລະ​ນີ ເກືອບ 3 ເທົ່າຂອງ​ໄລ​ຍະດຽວ​ກັນ​ໃນ​ປີ​ກາຍນີ້. ອົງ​ການ​ອະ​ນາ​ໄມ​ໂລກໃຫ້​ຂໍ້​ສັງ​ເກດ​ວ່າ ຈຳ​ນວນ​ທີ່​ແທ້​ຈິງຂອງ​ກໍ​ລະ​ນີ​ໝາກ​ແດງນັ້ນ ອາດ​ສູງກວ່ານີ້​ຕັ້ງ​ຫຼາຍ​ຕໍ່ ຍ້ອນ​ວ່າ ອາດ​ມີ​ພຽງ​ແຕ່ນຶ່ງ​ໃນທຸກ​ສິບ​ກໍ​ລະ​ນີ​ໃດ ​ທີ່​ໄດ້​ຖືກ​ລາຍ​ງານ.

ຕົກມາ​ຮອດເດືອນນີ້ ອົງ​ການ​ອະ​ນາ​ໄມ​ໂລກ​ລາຍ​ງານ​ວ່າ ກໍ​ລະ​ນີ​ໝາກ​ແດງ​ໄດ້​ເພີ້ມຂຶ້ນ 900 ເປີ​ເຊັນ​ໃນ​ເຂດ​ທະ​ວີບອາ​ຟ​ຣິ​ກາ ຕິດ​ຕາມ​ດ້ວຍ 230 ເປີ​ເຊັນ ໃນ​ເຂດປາ​ຊີ​ຟິກ​ຕາ​ເວັນ​ຕົກ ແລະ 120 ເປີ​ເຊັນ​ໃນ​ທະ​ວີບ​ຢູ​ໂຣບ.

ມີ​ແຕ່​ຂົງ​ເຂດ​ເອ​ເຊຍ​ຕາ​ເວັນ​ອອກ​ສຽງ​ໃຕ້​ແລະ​ທະ​ວີບ​ອາ​ເມ​ຣິ​ກາ​ເທົ່າ​ນັ້ນ ທີ່​ໄດ້​ເລີ້ມ​ຮັບ​ມື​ກັບ​ພະ​ຍາດ​ດັ່ງ​ກ່າວ ຊຶ່ງ​ປາ​ກົດ​ວ່າ ໃນ​ທັງ​ສອງ​ເຂດ​ນີ້ ມີ​ກໍ​ລະ​ນີ​ໝາກ​ແດງຫຼຸດ​ລົງ 15 ເປີ​ເຊັນ. ອົງ​ການ​ອະ​ນາ​ໄມ​ໂລກ​ ໃຫ້​ຂໍ້​ສັງ​ເກດ​ວ່າ ສາ​ທາ​ລະ​ນະ​ ລັດປະ​ຊາ​ທິ​ປະ​ໄຕ​ຄອງ​ໂກ ມາ​ດາ​ກາ​ສ​ກາ ແລະ​ຢູ​ເຄ​ຣນຕ່າງ​ກໍ​ມີ​ລາຍ​ງານ​ວ່າ ມີ​ການ​ເປັນ​ໝາກ​ແດງ​ຫຼາຍ​ທີ່​ສຸດ​ໃນ​ປີນີ້. ແຕ່​ໂຄ​ສົກ​ຂອງ​ອົງ​ການ​ອະ​ນາ​ໄມ​ໂລກ ທ່ານ​ຄ​ຣິ​ສ​ຕຽນ ລິນດີມ​າຍເອີກ່າວ​ວ່າ ມາ​ດາ​ກາ​ສ​ກາ ​ໄດ້​ຫັນ​ປ່ຽນ​ໃຫ້​ສະ​ຖາ​ນະ​ການດີ​ຂຶ້ນ​ແດ່​ແລ້ວ. ທ່ານ​ລິນ​ດີ​ມາຍ​ເອີ ກ່າວ​ວ່າ:

“ໃນ​ຖາ​ນະ​ທີ່​ເປັນ​ສ່ວນ​ນຶ່ງ​ຂອງ​ຂ່າວ​ດີ ຍ້ອນ​ການ​ປຸກ​ລະ​ດົມ​ໃຫ້​ຊັກ​ຢາ​ວັກ​ຊີນ​ກັນ​ໝາກ​ແດງ​ໃນ​ທົ່ວ​ປະ​ເທດ ຢູ່​ໃນ​ມາ​ດາ​ກາ​ສ​ກາ ກໍ​ລະ​ນີ​ໝາກ​ແດງ​ຈຶ່ງ​ໄດ້​ຫລຸດ​ລົງຢ່າງ​ຫຼວງ​ຫຼາຍ ໃນ​ຮອບ​ຫຼາຍໆ​ເດືອນ​ຜ່ານ​ມານີ້. ເຖິງ​ແມ່ນ​ຍັງ​ຮວມ​ຢູ່​ໃນ​ບັນ​ດາປະ​ເທດ​ທີ່​ມີ​ເປັນ​ໝາກ​ແດງ​ຫຼາຍ​ທີ່​ສຸດ ແຕ່ນີ້​ໄດ້​ເນັ້ນ​ໜັກ​ໃຫ້​ເຫັນ​ອີກ​ເທື່ອ​ນຶ່ງວ່າ ການ​ສັກ​ຢາ​ວັກ​ຊີນ​ມີ​ຜົນ​ແບບ​ໃດ ໃນ​ການ​ຍຸ​ຕິ​ການ​ລະ​ບາດ​ແລະ​ການ​ໃຫ້​ຄວາມຄຸ້ມ​ຄອງ​ຕໍ່​ສຸ​ຂະ​ພາບ.”

ອົງ​ການ​ອະ​ນາ​ໄມ​ໂລກ​ກ່າວ​ວ່າ ໝາກ​ແດງ​ເກືອບ​ວ່າ​ສາ​ມາດ​ປ້ອງ​ກັນ​ໄດ້​ ດ້ວຍ ການສັກ​ຢາ​ວັກ​ຊີນ 2 ໂດ​ສ​ທີ່​ປອດ​ໄພ​ແລະ​ມີ​ປະ​ສິດ​ທິ​ຜົນສູງ. ພວກ​ທີ່​ບໍ່​ໄດ້​ສັກຢາ ມີ​ການ​ເຕືອນ​ວ່າ ສ່ຽງ​ຕໍ່​ການ​ເຈັບ​ປ່ວຍ​ຢ່າງ​ຮ້າຍ​ແຮງ ເຮັດ​ໃຫ້​ພິ​ການ​ແລະອາດ​ເສຍ​ຊີ​ວິດ​ໄດ້.

ທ່ານ​ລິນດີ​ມາຍ​ເອີ​ກ່າວ​ວ່າ ຜູ້​ຄົນ​ບໍ່​ໄດ້​ຊັກ​ຢາ​ວັກ​ຊີນຍ້ອນ​ເຫດ​ຜົນ​ຫຼາຍໆ​ປະ​ການ. ມັນ​ບໍ່​ສາ​ມາດ​ຈັດ​ໄດ້​ວ່າ​ເປັນ​ຍ້ອນ​ເຫດ​ຜົນ​ໃດ​ນຶ່ງ. ທ່ານ​ເວົ້າ​ວ່າ ເຊັ່ນ​ຕົວ​ຢ່າງ​ຂະບວນ​ການ​ຕໍ່​ຕ້ານ​ການ​ຊັກ​ຢາ​ວັກ​ຊີນ ແລະ​ການ​ໃຫ້​ຂໍ້​ມູນ​ທີ່​ຜິດ​ພາດ ແມ່ນ​ມີ​ຜົນກະ​ທົບ​ຢ່າງ​ໃຫຍ່ ຕໍ່​ບາງ​ຊຸມ​ຊົນ​ແລະ​ບາງ​ປະ​ເທດ ແລະ​ບໍ່​ມີ​ຜົນ​ກະ​ທົບ​ຕໍ່​ຊຸມ​ຊົນແລະ​ປະ​ເທດ​ອື່ນໃດ. ທ່ານ​ລິນ​ມາຍ​ເອີ​ກ່າວ​ຕື່ມ​ວ່າ:

“ທີ່​ສຳ​ຄັນ​ໄປ​ກວ່ານັ້ນ​ກໍ​ຄື​ການ​ເຂົ້າ​ເຖິງ​ລະ​ບົບ​ຮັກ​ສາ​ສຸ​ຂະ​ພາບ ການ​ເຂົ້າ​ເຖິງ​ຢາ ຕໍ່​ການ​ປິ່ນ​ປົວ​ທີ່​ມີ​ຄຸນ​ນະ​ພາບ ທີ່​ມີ​ຢູ່ນັ້ນ. ເຊັ່ນ​ດຽວ​ກັນ ບັນ​ຫາ​ຂັດ​ແຍ້ງ ແລະການ​ຍົກ​ຍ້າຍ​ບ່ອນ​ຢູ່​ຂອງ​ຜູ້​ຄົນ. ດັ່ງ​ນັ້ນຫຼາຍໆ​ພາກ​ສ່ວນ​ແມ່ນ​ໂຮມ​ເຂົ້າ​ກັນ​ແລະໃນ​ແຕ່​ລະ​ຊຸມ​ຊົນ ມັນ​ມີ​ເຫດ​ຜົນ​ທີ່​ແຕກ​ຕ່າງ​ກັນ ຫຼື​ການ​ປະ​ສົມ​ປະ​ສານ​ຂອງ​ເຫດຜົນ​ທີ່​ແຕກ​ຕ່າງ​ກັນ​.”

ອົງ​ການ​ອະ​ນາ​ໄມ​ໂລກ​ລາຍ​ງານ​ວ່າ ໂຣກ​ໝາກ​ແດງ​ກຳ​ລັງ​ລະ​ບາດ​ຢູ່​ໃນ​ຫຼາຍໆ​ປະ​ເທດ ໃນ​ໝູ່​ພວກ​ເດັກ​ນ້ອຍ​ທີ່​ພວມ​ເຕີບ​ໂຕ ຊາວ​ໜຸ່ມ ແລະ​ຊາຍ​ສະ​ກັນ ທີ່​ບໍ່​ໄດ້​ພາ​ກັນ​ຊັກ​ຢາ​ວັກ​ຊີນ​ໃນ​ໄລ​ຍະ​ຜ່ານ​ມາ. ທາງ​ອົງ​ການ​ອະ​ນາ​ໄມ​ໂລກ​ຈຶ່ງ​ຮຽກ
ຮ້ອງ​ໃຫ້​ທຸກໆ​ຄົນຄ້ຳ​ປະ​ກັນ​ວ່າ ການ​ຊັກ​ຢາ​ວັກ​ຊີນ​ກັນ​ໂຣກ​ໝາ​ກແດງ​ຂອ​ງ​ເຂົາ​ເຈົ້າຍັງ​ໃຊ້​ໄດ້​ຜົນ​ຢູ່.

The World Health Organization warns measles outbreaks are rapidly spreading around the world because fewer people are getting vaccinated against this preventable disease.Lisa Schlein reports for VOA from WHO headquarters in Geneva.

The UN health agency reports measles cases in the first six months of this year, were the highest since 2006.To date, it reports 365,000 cases, nearly three times as many as the same period last year.The agency notes the actual number of cases is substantially higher because fewer than one in 10 cases gets reported.

So far this year, WHO reports a 900 percent rise in measles cases in the African region, followed by a 230 percent increase in the Western Pacific region and 120 percent in the European region.

Only the South East Asian and Americas regions appear to be coming to grips with the disease.Both show a 15 percent drop in cases.The World Health Organization notes the Democratic Republic of Congo, Madagascar and Ukraine report the highest numbers of cases this year.But WHO spokesman, Christian Lindmeier says Madagascar is turning things around for the better.

"As part of good news, due to a nation-wide emergency measles vaccine campaigns…in Madagascar the cases have dramatically decreased in the past several months.So, yet they are amongst the highest.This highlights again how effective vaccination is in ending outbreaks and protecting health."

WHO says measles is almost entirely preventable with two doses of a safe, highly effective vaccine.Those who are not covered, it warns, are at risk of serious illness, disability and even death.

Lindmeier says people do not get vaccinated for a variety of reasons.He says it cannot be nailed down to a single cause.For example, he says the anti-vaccination movement and misinformation have a big impact in some communities and countries and not in others.

"More important is also the access to health care services, the access to drugs, to quality healthcare, availability.Also, conflict and displacement of people.So, many factors come together, and, in each community, it is a different reason or a combination of different reasons."

WHO reports measles is spreading in a number of countries among older children, youth and adults who have missed out on vaccination in the past.The agency is urging everyone to ensure their measles vaccinations are up to date.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG