ລິ້ງ ສຳຫລັບເຂົ້າຫາ

logo-print

ກຳ​ມະ​ກອນໃນ​ຫລາຍ​ປະ​ເທດ ຮຽກ​ຮ້ອງ​ໃຫ້​ມີ​ສິດ​ ແລະໄດ້​ຮັບ​ຄວາມ​ນັບ​ຖື ເທົ່າ​ທຽມ​ກັບຄົນ​ອື່ນໆ ​ໃນວັນ​ກຳ​ມະ​ກອນ ​ສາ​ກົນ


ພວກ​ເດີນ​ຂະ​ບວນ​ພາ​ກັນ​ໃຊ້​ກະ​ດານ​ກຳ​ບັງ ເພື່ອຕໍ່​ສູ້​ກັບ​ຕຳ​ຫລວດ​ໃນ​ຂະ​ນະທີ່​ມີ​ການ​ປະ​ທ້ວງຕ້ານ​ຫ້ອງ​ການ​ຄວບ​ຄຸມ ງົບ​ປະ​ມານ​ຂອງ​ລັດ​ຖະ​ບານ​ກາງຊຶ່ງ​ເປັນ​ສ່ວນ​ນຶ່ງ​ໃນ​ການ​ສະ​ຫລອງ ວັນ​ກຳ​ມະ​ກອນສາ​ກົນ ຢູ່​ນະ​ຄອນແຊນຮວນ ຂອງ Puerto Rico ໃນ​ວັນ​ທີ 1 ພຶດ​ສະ​ພາ, 2019

ຕຳ​ຫລວດ​ຢູ່​ນະ​ຄອນ​ຫລວງ​ປາ​ຣີ ໄດ້​ຍິງ​ອາຍ​ແກັ​ສ​ນ້ຳ​ຕາໃສ່​ພວກ​ເດີນ​ຂະ​ບວນ​ປະ​ທ້ວງ​ຫລາຍ​ພັນ​ຄົນ ຊຶ່ງ​ລວມ​ທັງ​ພວກ​ປະ​ທ້​ວງ​ເສື້ອ​ກັກ​ສີ​ເຫລືອງ​ທີ່​ຕໍ່ຕ້ານ​ລັດ​ຖະ​ບານ ແລະພວກ​ໃສ່​ຊຸດ​ສີ​ດຳ​ທີ່​ຖື​ຕົນ​ເອງວ່າເປັນ​ກຸ່ມ​ນິ​ຍົມ​ອະ​ນາ​ທິ​ປະ​ໄຕ ທີ່​ໄດ້ເຮັດ​ໃຫ້​ມີ​ການກໍ່​ຄວາມ​ຮຸນ​ແຮງ​ຢູ່​ໃນ​ການ​ປະ​ທ້ວງ​ຕ່າງໆ​ໃນ​ວັນ​ກຳ​ມະ​ກອນ ຫລື May Day ຢູ່​ໃນ​ຝ​ຣັ່ງ​ໃນ​ຫລາຍໆ​ ປີ​ຜ່ານ​ມາ.

ວັນ​ທີ 1 ພຶດ​ສະ​ພາ ຫລື May Day, ຍັງ​ເອີ້ນ​ອີກ​ຊື່​ນຶ່ງວ່າ ວັນ​ກຳ​ມະ​ກອນ​ສາ​ກົນ ຊຶ່ງ​ເປັນ​ເຫດ​ການທີ່​ເຮັດ​ໃຫ້​ໂດ່ງ​ດັງ​ຍ້ອນ​ຂະ​ບວນ​ການ​ເຄື່ອນ​ໄຫວ​ຂອງ ກຳ​ມະ​ກອນ​ສາ​ກົນ​ ເພື່ອ​ຮຽກ​ຮ້ອງ​ໃຫ້​ມີ​ສະ​ພາບການ​ອອກ​ແຮງ​ງານ​ທີ່​ດີ​ຂຶ້ນ. ຕາມ​ປະ​ເພ​ນີ​ແລ້ວ ມັນ​ຈະເປັນວັນ​ສຳ​ລັ​ບ​ການ​ເດີນ​ຂະ​ບວນ​ທາງ​ການ​ເມືອງ.

ຢູ່​ອີ​ຕາ​ລີ

ພວກ​ເດີນ​ຂະ​ບວນປະ​ທ້​ວງບໍ່​ໃຫ້​ເຮັດ​ທາງ​ລົດ​ໄຟ​ຄວາມ​ໄວ​ສູງ ເຕົ້າ​ໂຮມ​ກັນຢູ່​ນະ​ຄອນ Turin ຊຶ່ງ​ເປັນ​ສ່ວນ​ນຶ່ງ​ໃນ​ການໂຮມ​ຊຸມ​ນຸມ​ປະ​ທ້ວງ​ເລື້ອງ​ຫວ່າງ​ງານ ໃນ​ອີ​ຕາ​ລີ, ວັນ​ທີ 1 ພຶດ​ສະ​ພາ, 2019
ພວກ​ເດີນ​ຂະ​ບວນປະ​ທ້​ວງບໍ່​ໃຫ້​ເຮັດ​ທາງ​ລົດ​ໄຟ​ຄວາມ​ໄວ​ສູງ ເຕົ້າ​ໂຮມ​ກັນຢູ່​ນະ​ຄອນ Turin ຊຶ່ງ​ເປັນ​ສ່ວນ​ນຶ່ງ​ໃນ​ການໂຮມ​ຊຸມ​ນຸມ​ປະ​ທ້ວງ​ເລື້ອງ​ຫວ່າງ​ງານ ໃນ​ອີ​ຕາ​ລີ, ວັນ​ທີ 1 ພຶດ​ສະ​ພາ, 2019

ເນື່ອງ​ຈາກວ່າ​ ມັນ​ມີ​ການກໍ່​ຄວາມ​ຮຸນ​ແຮງ​ໃນ​ຊຸມ​ປີ​ກ່ອນໆ​ນັ້ນ ພ້ອມ​ທັງ​ມີ​ການ​ເດີນ​ຂະ​ບວນປະ​ທ້ວງປະ​ຈຳ​ອາ​ທິດຂອງພວກ​ເສື້ອ​ກັກ​ສີ​ເຫລືອງ ນັບ​ແຕ່​ເດືອນ​ກັນ​ຍາ​ປີ​ກາຍນີ້ເປັນ​ຕົ້ນ​ມາ ຈຶ່ງ​ໄດ້ມີຕຳ​ຫລວດ​ຫລາຍກວ່າ 7,000 ຄົນ​ ມາ​ປະ​ຈຳ​ການຢູ່​ໃນນະ​ຄອນ​ຫລວງ​ຂອງ​ຝ​ຣັ່ງ ​ເພື່ອ​ຮັບ​ມື​ກັບ​ການກໍ່​ຄວາມ​ຮຸນ​ແຮງ​ທີ່​ອາດ​ເກີດ​ຂຶ້ນນັ້ນ. ທຸ​ລະ​ກິດ, ຫ້າງ​ຮ້ານ​ຕ່າງໆ ຫລາຍ​ຮ້ອຍ​ຮ້ານ​ຖືກ​ປິດ​ໄວ້ ກ່ອນ ​ຮອດ​ວັນ​ດັ່ງ​ກ່າວ ພາຍ​ຫລັງ​ທີ່​ມີ​ການ​ທໍາ​ລາຍ​ສິ່ງ​ຂອງຢູ່ໜ້າ​ຮ້ານຄ້າ ​ຈຳ​ນວນ​ນຶ່ງ​ໃນ​ປີ​ກາຍນີ້.

ຢູ່​ຣັດ​ເຊຍ

ພວກ​ສະ​ໜັບ​ສະ​ໜຸນ​ພັກ​ຄອມ​ມີວ​ນິ​ສ​ຖື​ທຸງທີ່​ມີ​ຮູບທ່ານ​ເລ​ນິນ, ຜູ້ຕັ້ງ​ສະ​ຫະ​ພາບ​ໂຊ​ຫວຽດ ຢູ່ໃນ​ການ​ໂຮມ​ຊຸມ​ນຸມ​ຢູ່​ນະ​ຄອນ St. Petersburg ຂອງ​ຣັດ​ເຊຍ, ວັນ​ທີ 1 ພຶດ​ສະ​ພາ, 2019
ພວກ​ສະ​ໜັບ​ສະ​ໜຸນ​ພັກ​ຄອມ​ມີວ​ນິ​ສ​ຖື​ທຸງທີ່​ມີ​ຮູບທ່ານ​ເລ​ນິນ, ຜູ້ຕັ້ງ​ສະ​ຫະ​ພາບ​ໂຊ​ຫວຽດ ຢູ່ໃນ​ການ​ໂຮມ​ຊຸມ​ນຸມ​ຢູ່​ນະ​ຄອນ St. Petersburg ຂອງ​ຣັດ​ເຊຍ, ວັນ​ທີ 1 ພຶດ​ສະ​ພາ, 2019

ມີ​ລາຍ​ງານ​ວ່າ ​ຕຳ​ຫລວດ​ໄດ້​ໃຊ້ແກັ​ສ​ນ້ຳ​ຕາຍິງ​ໃສ່​ພວກ​ເດີນ​ຂະ​ບວນ​ປະທ້​ວງ​ຢູ່​ໃກ້​ສະ​ຖາ​ນີ​ລົດ​ໄຟມົງ​ປາ​ນາ​ຊ໌ (Montparnasse) ໃນ​ນະ​ຄອນ​ປາ​ຣີ.​ໄດ້​ມີ​ການ​ຈັດ​ການ​ເດີນ​ຂະ​ບວ​ນຢູ່​ໃນ​ເມືອງ​ອື່ນໆ ຂອງ​ຝ​ຣັ່ງ, ຢູ່​ທົ່ວທະ​ວີບ​ຢູ​ໂຣບ ແລະ​ທົ່ວ​ສະ​ຫະ​ລັດ​ອາ​ເມ​ຣິ​ກາ.

ສ່ວນຢູ່​ໃນ​ນະ​ຄອນ​ນິວຢອກນັ້ນ ມີ​ຫລາຍ​ຮ້ອຍ​ຄົນ​ພາ​ກັນ​ໄປ​ເຕົ້າ​ໂຮມ​ຢູ່​ຕໍ່​ໜ້າ​ຕຶກ​ທີ່​ເປັນ​ຂອງ ແລະໃສ່​ຊື່​ປະ​ທາ​ນາ​ທິ​ບໍ​ດີດໍ​ໂນ​ລ ທ​ຣຳ​ ຂອງສະ​ຫະ​ລັດຢູ່​ຍ່ານຕະ​ຫລາດ​ຮຸ້ນ ຫລື Wall Street ແລະ​ຢູ່​ໃນ​ວົງ​ວຽນ Columbus ເພື່ອ​ປະ​ທ້​ວງ ຕໍ່​ບັນ​ຫາ​ຕ່າງໆ​ຫລາຍ​ອັນ. ພວກ​ປະ​ທ້ວງ​ຍັງ​ໄດ້​ພາ​ກັນ​ຈັດ​ການ​ໂຮມ​ຊຸມ​ນຸມ ຢູ່​ນະ​ຄອນ Seattle, Los Angeles, ແລະ​ໃນ Puerto Rico ອີກ​ດ້ວຍ.

ຢູ່​ຝ​ຣັ່ງ

ຊາຍ​ຄົນ​ນຶ່ງ​ຍ່າງ​ກາຍກອງ​ຂີ້​ເຫຍື້ອທີ່​ມີ​ໄຟ​ລຸກ​ຂຶ້ນໃນ​ປາ​ຣີ, ວັນ​ທີ 1 ພຶດ​ສະ​ພາ, 2019
ຊາຍ​ຄົນ​ນຶ່ງ​ຍ່າງ​ກາຍກອງ​ຂີ້​ເຫຍື້ອທີ່​ມີ​ໄຟ​ລຸກ​ຂຶ້ນໃນ​ປາ​ຣີ, ວັນ​ທີ 1 ພຶດ​ສະ​ພາ, 2019

ມີ​ກຸ່ມ​ນຶ່ງ​ທີ່​ຊື່​ວ່າ OVD-Info ທີ່​ຕິດ​ຕາມ​ເບິ່ງ​ການ​ຈັບ​ກຸມ​ຍ້ອນ​ເລື້ອງ​ການ​ເມືອງ ລາຍ​ງານ​ວ່າ​ ມີ​ຫລາຍກວ່າ 100 ຄົນ​ຖືກ​ຈັບ​ຢູ່ໃນ​ການ​ໂຮມ​ຊຸ​ມ​ນຸມ ໃນ​ວັນ​ກຳ​ມະ​ກອນ ຫລື May Day ຢູ່​ຣັດ​ເຊຍ. ມີ​ລາຍ​ງານ​ວ່າຢ່າ​ງໜ້ອຍ 68 ຄົນ​ຖືກ ຈັບ​ຢູ່​ນະ​ຄອນ St. Petersburg ຊຶ່ງ​ເປັນ​ຕົວ​ເມືອງ​ໃຫຍ່​ ອັນ​ດັບ​ສອງ​ຂອງ​ຣັດ​ເຊຍ, ບ່ອນ​ທີ່​ອົງ​ການ​ຂ່າວເອ​ພີ ຫລື Associated Press ລາຍ​ງານ​ວ່າ ເຈົ້າ​ໜ້າ​ທີ່​ລັດ​ຖະ​ບານ​ຄົນ​ນຶ່ງ​ຖືກ​ຈັບ​ກຸມ​ເປັນ​ເວ​ລາ​ສັ້ນໆ ແລ້ວ​ກໍ​ຖືກ​ປ່ອຍ​ຕົວ​ໄປ.

ຢູ່​ເກົາ​ຫລີ​ໃຕ້

ສະ​ມາ​ຊິກ​ສະ​ຫະ​ພັນ​ກຳ​ມະ​ບານ​ເກົາ​ຫລີພາ​ກັນ​ຍົກ​ປ້າຍປະ​ທ້ວງ​ຢູ່​ໃນ​ການ​ໂຮມ​ຊຸມ​ນຸມໃນ​ວັນ​ກຳ​ມະ​ກອນ​ສາ​ກົນ ຢູ່​ນະ​ຄອນ​ຫລວງ​ໂຊ​ລ ຂອງ​ເກົາ​ຫລີ​ໃຕ້, ວັນ​ທີ 1 ພຶດ​ສະ​ພາ, 2019
ສະ​ມາ​ຊິກ​ສະ​ຫະ​ພັນ​ກຳ​ມະ​ບານ​ເກົາ​ຫລີພາ​ກັນ​ຍົກ​ປ້າຍປະ​ທ້ວງ​ຢູ່​ໃນ​ການ​ໂຮມ​ຊຸມ​ນຸມໃນ​ວັນ​ກຳ​ມະ​ກອນ​ສາ​ກົນ ຢູ່​ນະ​ຄອນ​ຫລວງ​ໂຊ​ລ ຂອງ​ເກົາ​ຫລີ​ໃຕ້, ວັນ​ທີ 1 ພຶດ​ສະ​ພາ, 2019

ໃນ​ຂະ​ນະ​ທີ່​ຝ​ຣັ່ງ ແລະ​ຣັດ​ເຊຍ​ເປັນ​ເວ​ທີ​ຂອງ​ການ​ເຄື່ອນ​ໄຫວ​ທີ່​ສຳ​ຄັນ​ທີ່​ສຸດ​ ຈຳ​ນວນ​ນຶ່ງ, ກໍຍັງ​ມີການ​ປະ​ທ້ວງ​ເກີດ​ຂຶ້ນ​ອີກ​ຢູ່​ໃນ​ນະ​ຄອນ​ຫລວງ ໂກ​ເປັນ​ເຮ​ເກັນ (Copenhagen) ຂອງເດັນ​ມາກ; ນະ​ຄອນ​ກອດ​ເທັນ​ເກ (Gothenburg) ຂອງ​ສະ​ວີ​ເດັນ; ແລະເບີ​ລິນ (Berlin) ຂອງເຢ​ຍ​ຣະ​ມັນ. ກ່ອນ​ໜ້ານັ້ນ ຢູ່​ໃນ​ມື້​ດຽວ​ກັນ​ ກໍ​ມີ​ການ​ໂຮມ​ຊຸມ​ນຸມຈັດ​ຂຶ້ນ​ຢູ່​ໃນປະ​ເທດອາ​ຟ​ຣິ​ກາ​ໃຕ້, ພ້ອມ​ທັງ​ຢູ່​ໃນ ຟີ​ລິບ​ປິນ, ມາ​ເລ​ເຊຍ, ກຳ​ປູ​ເຈຍ ແລະ​ມຽນ​ມາ ອີກ​ດ້ວຍ.

ທີ່​ອາ​ຟ​ຣິ​ກາ​ໃຕ້

ພວກ​ສະ​ໜ​ັບ​ສະ​ໜຸນພັກ​ນັກ​ລົບ​ເພື່ອ​ເສ​ລີ​ພາບ​ທາງ​ເສດ​ຖະ​ກິດ (EFF) ຍົກ​ຮູບຜູ້​ນຳ Julius Malema ຂຶ້ນ​ຢູ່​ໃນການ​ໂຮມ​ຊຸມ​ນຸມ​ໃນ​ວັນ​ກຳ​ມະ​ກອນ​ສາ​ກົນຢູ່​ເມືອງ Alexandra ຂອງ​ນະ​ຄອນ Johannesburg, ວັນ​ທີ 1 ພຶດ​ສະ​ພາ 2019
ພວກ​ສະ​ໜ​ັບ​ສະ​ໜຸນພັກ​ນັກ​ລົບ​ເພື່ອ​ເສ​ລີ​ພາບ​ທາງ​ເສດ​ຖະ​ກິດ (EFF) ຍົກ​ຮູບຜູ້​ນຳ Julius Malema ຂຶ້ນ​ຢູ່​ໃນການ​ໂຮມ​ຊຸມ​ນຸມ​ໃນ​ວັນ​ກຳ​ມະ​ກອນ​ສາ​ກົນຢູ່​ເມືອງ Alexandra ຂອງ​ນະ​ຄອນ Johannesburg, ວັນ​ທີ 1 ພຶດ​ສະ​ພາ 2019

ອ່ານ​ຂ່າວນີ້​ເພີ້ມ​ເປັນ​ພາ​ສາ​ອັງ​ກິດຢູ່​ລຸ່ມນີ້

Police in Paris fired tear gas on thousands of demonstrators who marched through the streets of the French capital Wednesday to commemorate May Day.

The demonstrators included both the anti-government Yellow Vest protesters and black-clad, self-described anarchist groups that have caused violence at May Day protests in France in years past.

More than 7,000 police were deployed in the French capital city to deal with possible violence. Hundreds of businesses were closed ahead of time, following vandalism to a number of storefronts during last year's May Day celebrations. ((:31))

SOUNDBITE IN FRENCH: Bernard Dantec//Paris May Day Protester:
"The May Day protest was a good protest. I came here to protest just like any other May Day. There have been some excessive actions from the part of some people, but we have to especially talk about the damage that's being done to society. Stop talking about the hooligans. We don't care about the hooligans."

Paris has been wracked by the Yellow Vest demonstrations that have been held weekly since last September, which have often turned violent.

Marches were also held in other French cities, across Europe and in the United States.

In New York, hundreds gathered in front of building owned by and bearing the name of U.S. President Donald Trump on Wall Street and in Columbus Circle to protest a range of issues. ((:29))

The first of May, or May Day, is also known as International Workers' Day, an event popularized by the international labor movement to call for better working conditions. It is traditionally a day for political demonstrations.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG