ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ນັກວິທະຍາສາດ ຍັງສືບຕໍ່ ຊອກຫາ ສິ່ງ​ທີ່​ມີ​ຊີວິດ ຢູ່ດາວພະອັງຄານ


ພາບສາທິດໃຫ້ເຫັນຍານອາວະກາດແມ່ Trace Gas Orbiter ຂອງໂຄງການ ExoMars ໂຄຈອນເຂົ້າໄປໃກ້ ດາວພະອັງຄານ ເພື່ອຈະລົງຈອດຢູ່ທີ່ນັ້ນ, ໃນຂະນະທີ່ຍານສໍາຫລວດ Schiaparelli ກໍາລັງຈະເຂົ້າໄປສູ່ດາວພະອັງຄານໃນເດືອນຕຸລາ ປີ 2016.
ພາບສາທິດໃຫ້ເຫັນຍານອາວະກາດແມ່ Trace Gas Orbiter ຂອງໂຄງການ ExoMars ໂຄຈອນເຂົ້າໄປໃກ້ ດາວພະອັງຄານ ເພື່ອຈະລົງຈອດຢູ່ທີ່ນັ້ນ, ໃນຂະນະທີ່ຍານສໍາຫລວດ Schiaparelli ກໍາລັງຈະເຂົ້າໄປສູ່ດາວພະອັງຄານໃນເດືອນຕຸລາ ປີ 2016.

ການຄົ້ນຄວ້າ​ກ່ຽວກັບ​ດາວພະອັງຄານ​ບໍ່​ໄດ້​ດໍາ​ເນີນ​ໄປ​ໂດຍ​ປາສຈາກການ​ຂາດຕົກ
ບົກຜ່ອງ ​ແຕ່​ຢ່າງໃດ​ກໍ​ຕາມ ສະພາບ​ການ​ນັ້ນ ກໍ​ບໍ່​ໄດ້​ເຮັດ​ໃຫ້​ນັກວິທະຍາສາດ​ລົດ​
ລະ​ຄວາມ​ພະຍາຍາມ ທີ່​ຈະ​ຫາ​ຄໍາ​ຕອບສໍາລັບຄໍາ​ຖາມ​ທີ່​ສໍາຄັນ​ອັນ​ນຶ່ງ​ໃນ​ຫລາຍໆ
ອັນ ຊຶ່ງ​ນັ້ນກໍ​ຄື ດາວ​ນົບພະ​ເຄາະ​ສີ​ແດງໜ່ວຍນີ້ມີ​ສິ່ງທີ່​ມີ​ຊີວິດ​ອາ​ໄສ​ຢູ່​ ​ຫລືບໍ່? ຖ້າ
​ຫາກ​ຄໍາ​ຕອບເປັນ​ໄປ​ໃນ​ທາງ​ບວກ ​ກໍ​ສະ​ແດງ​ວ່າ ບໍ່ມີ​ແຕ່ພວກ​ເຮົາ​ເທົ່າ​ນັ້ນ ທີ່​ອາ​ໄສ
ຢູ່​ໃນ​ຈັກກະວານ​ນີ້. ພວກ​ນັກວິທະຍາສາດ ທີ່ອົງການ​ອາ​ວະ​ກາດ​ຂອງ​ຢູ​ໂຣບ ຫລື
ESA ​ໄດ້ຢຸດເຊົາ​ສຸມ​ຄວາມ​ສົນ​ໃຈຕໍ່​ອຸປະຕິ​ເຫດຍານບັນທຸກ​ເຄື່ອງ​ໃນ​ປີ​ກາຍ​ນີ້​ແລ້ວ ​
ໂດຍ​ໄດ້ກະກຽມ​ເອົາ​ຍານ​ອາ​ວະ​ກາດ​ແມ່ເຂົ້າສູ່​ວົງໂຄຈອນ ​ເພື່ອ​ເລີ້ມຊອກ​ຫາ​ອາຍ
​ແກັສ ທີ່​ກ່ຽວຂ້ອງ​ກັບ​ສິ່ງ​ທີ່​ມີ​ຊີວິດ.

ESA ​ກັບ Roscosmos ຂອງອົງການ​ອາ​ວະ​ກາດສະຫະພັນຣັດ​ເຊຍ​ຢູ່​ດາວ​ພະ​ອັງ
ຄານ ໃນ​ປີ 2016 ນັ້ນ ບໍ່​ໄດ້​ສິ້ນສຸດ​ລົງ​ຢ່າງ​ສໍາ​ເລັດ​ຜົນ​. ຍານ​ ສໍາ​ຫລວດ​
Schiaparelli ​ໄດ້​ພັງທະລາຍເວລາລົງ​ຈອດ​ ​ແລະ​ບໍ່​ໄດ້​ສົ່ງ​ສັນຍານໃດໆມາໃຫ້ ຊາບ​
ເລີຍ.

​ແຕ່​ວ່າຍານອາ​ວະ​ກາດ​ແມ່ Trace Gas Orbiter, ຍັງ​ສາມາດ​ປະຕິບັດ​ງານ​ໄດ້​ຢ່າງ​
ເຕັມ​ສ່ວນຢູ່. ພາຍຫລັງ​ທີ່​ໄດ້​ທົດ​ລອງ​ ອຸປະກອນ​ຂອງ​ຕົນ, ພວກ​ນັກວິທະຍາສາດ​
ປັດຈຸບັນ​ກໍາລັງ​ກຽມ​ເລີ້ມຊອກ​ຫາ​ແຫ​ລ່ງທີ່​ມາ​ຂອງແກັສ​ມີ​ເທ​ນ (methane) ​ແລະ​ອາຍ​ແກັສອື່ນໆ ຢູ່​ເທິງໜ້າດິນ​ດາວ​ພະ​ອັງຄານນັ້ນຢູ່.

​ໂດຍທີ່ໂຄຈອນຢູ່ຫ່າງ ໃນ​ໄລຍະ 400 ກິ​ໂລ​ແມັດ​ ຈາກ​ດາວ​ອັງ​ຄານ ຍານ​ດັ່ງກ່າວຈະ
ຕ້ອງ​ມີ​ວິທະຍາສາດ​ແບບສະຫລັບຊັບຊ້ອນ​ບາງ​ຢ່າງ. ທ່ານ JORGE VAGO ນັກວິທະຍາສາດ​ຈາກ​ໂຄງການ EXOMARS ​ໃຫ້ຄໍາ​ເຫັນ​ວ່າ:
"ສະນັ້ນ, ​ແທ້ໆ​ແລ້ວ ມັນ​ຈະ​ຕ້ອງ​ແມ່ນ​ວຽກຂອງນັກສືບຊັ້ນຍອດ Sherlock
Holmes ​ທີ່ຈະເກັບ​ກໍາເອົາ​ຂໍ້​ມູນຕ່າງໆມາ​ອ້າງ​ອີງ​ໃຫ້​ເຊື່ອ​ໄດ້​ວ່າ ມັນ​ແມ່ນ ການ
​ເຄື່ອນ​ໄຫວ​ທາງ​ດ້ານທໍລະນີວິທະຍາບໍ່ ຫລື​ວ່າ ​ການ​ເຄື່ອນ​ໄຫວ​ທາງ​ດ້ານ​ຊີວະ​
ສາດຂອງ​ຍານ​ດັ່ງກ່າວ ທີ່ມີໜ້າທີ່​ຮັບຜິດຊອບ​ໃນ​ການ​ຊອກ​ຄົ້ນຫາ​ທາດ​ມີ​ເທ​ນ (methane)."

ພ້ອມ​ກັນນັ້ນ ມັນ​ກໍຕ້ອງ​ມີ​ກົນລະຍຸດ​ອັນ​ສະຫລັບຊັບຊ້ອນບາງຢ່າງ. ຍານ​ໂຄຈອນ
ອ້ອມຮອບ Orbiter ບິນ​ໄວ​ເກີນ​ໄປ ຈຶ່ງບໍ່ສາມາດ​ສ່ອງ​ກວດ​ເບິ່ງ​ໜ້າດິນ​ຂອງ​ດາວ​
ພະ​ອັງຄານ​ໄດ້ ສະນັ້ນ ​ເຄື່ອງ​ຄວບ​ຄຸມ​ການ​ປະຕິບັດ​ງານ ຈຶ່ງ​ຕ້ອງ​ໄດ້​ເຮັດ​ໃຫ້​ຍານ​
ດັ່ງກ່າວ​ເຄື່ອນຊ້າ​ລົງ ​ແລະ​ປ່ຽນແບບໂຄຈອນ​ຂອງ​ມັນ​ຈາກ ວົງໂຄຈອນ​ຕາມຮູບ​ກະ
ສວຍ ມາເປັນ​ການ​ໂຄ​ຈອນ​ແບບ​ຮູບວົງມົນ​.

​ໃນ​ການ​ພະຍາຍາມ​ປະຢັດ​ນໍ້າມັນ​ໃສ່​ເຄື່ອງ​ຈັກ​ຂອງ​ຈະ​ຫລວດ ທີ່​ໃຊ້ໃນ​ການ​ເຈາະ
ພວກ​ນັກ​ວິທະຍາສາດຈຶ່ງໄດ້ຕັດສິນ​ໃຈ​ໃຊ້​ບັນຍາກາດ​ທີ່​ປ່ຽນຢູ່​ຕະຫລອດ​ນັ້ນ ​ເຮັດ
​ໃຫ້​ຍານ​ໂຄຈອນ ຫລຸດຜ່ອນ​ຄວາມ​ໄວ​ລົງ. SILVIA SANGIORGI ຮອງຜູ້​ຈັດການ
ດ້ານ​ການ​ປະຕິບັດ​ງານ ​ເວົ້າວ່າ:
"​ເພື່ອ​ໃຫ້​ແນ່​ໃຈ​ວ່າ ໃນ​ກໍລະນີ​ທີ່​ພວກ​ເຮົາ ຢູ່​ບັນຍາກາດທີ່ມີ​ຄວາມໜາ​ແໜ້ນສູງ
ຢູ່ລະດັບ​ຄວາມ​ສູງ​ສຸດທີ່​ພວກ​ເຮົາ​ບິນ​ໄປ​ເຖິງ ພວກ​ເຮົາກໍ​ຍັງຈະມີ​ຄວາມ​ປອດ​ໄພ
ຢູ່ໃນ​ການ​ໃຊ້​ຍານ​ອາ​ວະ​ກາດ​."


ຍານ Orbiter ຄວນ​ເລີ້ມສົ່ງການ​ວັດ​ແທກ​ອາຍ​ແກັສ ຢູ່​ດາວ​ອັງຄານ ຄັ້ງທໍາ​ອິດ​ຂອງ​
ມັນ ​ມາໃຫ້ພວກເຮົາຊາບໃນ​ທ້າຍປີນີ້.

​ໃນ​ຂະນະ​ດຽວກັນ ພວກ​ນັກ​ວິສະວະກອນ ຈາກ​ອົງການ​ອາ​ວະ​ກາດ​ຂອງ​ຢູ​ໂຣບ ​
ແລະຣັດ​ເຊຍ ກໍກໍາລັງ​ພາກັນ​ຫ້າວ​ຫັນສ້າງຍານ​ສໍາ​ຫລວດ​ເທິງອາ​ວະ​ກາດລຸ້ນ​ໃໝ່
ທີ່​ຄວນ​ບິນ​ໄປ​ຫາ​ດາວ​ພະອັງຄານ​ໄດ້​ໃນ​ປີ 2020 ​ແລະ​ກໍ​ກໍາລັງ​ຊອກ​ຫາ​ບ່ອນ​ລົງ​
ຈອດ​ທີ່​ດີ​ທີ່​ສຸດ. ທ່ານ JORGE VAGO ກ່າວ​ເພີ້ມ​ເຕີມ​ວ່າ:
"ບ່ອນ​ທີ່ພວກ​ເຮົາ​ເຫັນ​ວ່າ​ມີ​ນໍ້າ​ແຫລວໆ ຢູ່​ຫັ້ນ​ມາ​ໄດ້​ຫລາຍໆຮ້ອຍ​ລ້ານ​ປີ​ແລ້ວ ​
ແລະ​ພວກ​ເຮົາ​ຢາກ​ໃຫ້​ນໍ້າ​ແຫລວ ​ເປັນ​ແບບ​ດຽວກັນກັບ​ທີ່​ພວກ​ເຮົາ​ເອີ້ນວ່າ ນໍ້າ
​ທີ່​ມີ​ພະລັງໜ້ອຍ ຫລື​ໄຫລ​ຊ້າໆ ຄືກັນ​ກັບ​ຢູ່​ໃນ​ຄອງ​ນໍ້າຢູ່​ນະຄອນ Amsterdam
ນັ້ນ."


ພວກ​ນັກວິທະຍາສາດພາກັນ​ຕັ້ງຂໍ້​ສົມມຸດຖານຂຶ້ນມາ​ວ່າ ສະພາບ​ຢູ່​ເທິງໜ້າດິນ
ຂອງ​ດາວ​ພະອັງຄານ​ໃນ​ຫລາຍໆ ຕື້ປີ​ກ່ອນນັ້ນ ແມ່ນເປັນ​ຄື​ກັນ​ກັບ​ສະພາບ​ໃນ
ໜ່ວຍ​ໂລກ ໃນຕອນ​ທີ່​ເລີ້ມຕົ້ນສິ່ງ​ທີ່​ມີ​ຊີວິດ​ອາ​ໄສ​ຢູ່ໃໝ່ໆ​ນັ້ນ.

ເບິ່ງວີດິໂອນີ້ເພີ້ມເປັນພາສາອັງກິດ

XS
SM
MD
LG