ປະເທດ Malawi ແມ່ນກຳລັງປະເຊີນກັບການລະບາດ ຂອງໂຣກ ອະຫິວາ 3 ເດືອນ ຫຼັງຈາກລະດູຝົນໄດ້ເລີ້ມຕົ້ນຂຶ້ນ. ເຈົ້າໜ້າທີ່ສາທາລະນະສຸກ ກ່າວວ່າ ໂຣກທີ່ເກີດມານຳນ້ຳດັ່ງກ່າວ ໄດ້ມີຜົນກະທົບຕໍ່ພວກປະຊາຊົນ ທີ່ອາໄສ ຢູ່ໃນ 4 ເມືອງ ອ້ອມແອ້ມ ທະເລສາບ Chilwa ໃນພາກຕາເວັນອອກຂອງ Malawi. ແຕ່ວ່າ ເຈົ້າໜ້າທີ່ສາທາລະນະສຸກ ແລະຜູ້ຄົນທີ່ອາໄສຢູ່ອ້ອມແອ້ມແຄມທະເລສາບນັ້ນ ແມ່ນໄດ້ກ່າວຫາຊຶ່ງກັນແລະກັນວ່າ ມີສ່ວນປະກອບທີ່ພາໃຫ້ເກີດການແຜ່ລະບາດ ໃນຄັ້ງນີ້.
Lameck Masina ລາຍງານມາຈາກເມືອງ Zomba ທີ່ໄດ້ຮັບ ຜົນກະທົບຈາກໂຣກອະ
ຫິວາ ໃນພາກຕາເວັນອອກສຽງໃຕ້ຂອງ Malawi ຊຶ່ງວັນນະສອນ ຈະນຳເອົາລາຍລະອຽດ ມາສະເໜີທ່ານ ໃນອັນດັບຕໍ່ໄປ.
ກໍລະນີທຳອິດ ຂອງໂຣກອະຫິວາ ມີລາຍງານ ໄດ້ເກີດຂຶ້ນ ໃນເຂດເມືອງ Zomba ແລະເມືອງ Machinga ໃນພາກຕາເວັນອອກຂອງ Malawi ເມືອວັນທີ 19 ທັນວາ ແລະໄດ້ຕິດແປດໃສ່ 26 ຄົນ ທີ່ເຮັດໃຫ້ມີ 1 ຄົນເສຍຊີວິດນັ້ນ.
ໂຣກດັ່ງກ່າວ ໄດ້ແຜ່ລາມ ໄປເຖິງເມືອງ Phalombe ເມືອງ Nkhota-kota ແລະ ເມືອງ Nkhala-bay ເຮັດໃຫ້ມີຜູ້ເສຍຊີວິດ 20 ຄົນ. ໃນວັນຈັນ ອາທິດແລ້ວນີ້ ມີ 634 ຄົນ ໄດ້ເຂົ້າຮັບການປິ່ນປົວພະຍາບານ.
ສູນຮັກສາພະຍາບານ ໄດ້ລົງທະບຽນຜູ້ປ່ວຍໃໝ່ ໃນແຕ່ລະມື້.
ທ່ານ James Chikapa ຈາກສູນປິ່ນປົວອະຫິວາ Kachulu ກ່າວວ່າ “ປົກກະ ຕິແລ້ວ ພວກເຮົາແມ່ນໄດ້ຮັບຜູ້ປ່ວຍ 2-3 ຄົນຕໍ່ມື້ ແຕ່ບາງເທື່ອພວກເຮົາ ກໍມີພຽງຜູ້ປ່ວຍພຽງກໍລະນີດຽວເທົ່ານັ້ນ.”
ທ່ານ Chikapa ກ່າວວ່າ ຈົນມາຮອດກວ່າ 2 ອາທິດກ່ອນ ສ່ວນໃຫຍ່ຂອງຜູ້ປ່ວຍທີ່ເປັນໂຣກນີ້ ແມ່ນຊາວປະມົງ ຜູ້ຊຶ່ງອາໄສຢູ່ຕາມເຮືອນແພ ແຕ່ປະຈຸບັນນີ້ ແມ່ນແຕ່ ພວກຊາວນາຈາກໝູ່ບ້ານທີ່ຢູ່ອ້ອມທະເລສາບດັ່ງກ່າວ ກໍໄດ້ຮັບຜົນກະ ທົບ ຕິດໂຣກດັ່ງກ່າວນີ້ເຊັ່ນກັນ.
ທ້າວ Loveness James ຜູ້ປ່ວຍໂຣກອະຫິວາ ໃນເມືອງ Chichewa ກ່າວວ່າ “ຕອນທີ່ຂ້ອຍມາຮັກ ສາຕົວຢູ່ທີ່ນີ້ ຂ້ອຍໄດ້ຮັບພຽງແຕ່ນ້ຳ 6 ຢົດ ແລະຫຼັງຈາກນັ້ນ ກໍແມ່ນໄດ້ຮັບນ້ຳ ຫວານທາງປາກ. ປະຈຸບັນນີ້ ຂ້ອຍຮູ້ສຶກດີຫຼາຍຂຶ້ນແລ້ວ.”
ເຈົ້າໜ້າທີ່ສາທາລະນະສຸກ ໄດ້ຖິ້ມໂທດການແຜ່ລະບາດນີ້ ໃສ່ອັນທີ່ພວກເຂົາເອີ້ນວ່າ ການຢູ່ອາໄສຕາມເຮືອນແພ ທີ່ບໍ່ມີສຸຂາພິບານພຽງພໍນັ້ນ.
ທ່ານ Chandiwira Jere ເຈົ້າໜ້າທີ່ສາທາລະນະສຸກດ້ານສິ່ງແວດລ້ອມ ກ່າວວ່າ “ພວກທີ່ຢູ່ອາໄສໃນເຮືອນແພ ຢູ່ທີ່ນັ້ນ ຢ່າງນ້ອຍ 3 ເດືອນ ຊຶ່ງພວກເຂົາເຈົ້າໃຊ້ນ້ຳດຽວກັນນີ້ ສຳຫຼັບກິນດື່ມ ພວກເຂົາເຈົ້າໄດ້ເອົານ້ຳນີ້ມາໃຊ້ຢູ່ໃນເຮືອນ ຖ່າຍໜັກໃສ່ນ້ຳນີ້ ແລະພວກເຂົາພຽງແຕ່ແບ່ງເຂດນ້ຳເທົ່ານັ້ນ.”
ແຕ່ວ່າ ພວກຊາວປະມົງ ບໍ່ເຫັນພ້ອມນຳ ກັບຄວາມເຫັນດັ່ງກ່າວ.
ທ້າວ Francis Muwawa ຊາວປະມົງ ໃນເຂດເມືອງ Chichewa ກ່າວວ່າ “ການຖ່າຍໃສ່ນ້ຳ ບໍ່ແມ່ນບັນຫາເລີຍ. ທ່ານກໍຮູ້ແລ້ວຕົ໊ວະວ່າ ທະເລສາບນີ້ ບໍ່ມີແຫຼ່ງລະບາຍນ້ຳ. ນີ້ ກໍໝາຍຄວາມວ່າ ຫຍ້າທັງໝົດ ແລະທຸກສິ່ງຢ່າງໃນນັ້ນແມ່ນເນົ່າເປື່ອຍໃສ່ນ້ຳ ແລະມັນກໍກາຍມາເປັນສະຫວັນຂອງພວກພະຍາດ ແລະເຊື້ອໂຣກທັງຫຼາຍ.”
ທ່ານ Mixon Joyah ເຈົ້າໜ້າທີ່ຄວບຄຸມໂຣກອະຫິວາ ໃນເມືອງ Chichewa ກ່າວວ່າ “ຄືວ່າ ບັນຫາຕາມປົກກະຕິແລ້ວແມ່ນວ່າ ຫຼັງຈາກການແຜ່ລະບາດຂອງໂຣກ ອະຫິວາ ໃນປີ 2009 ແລ້ວ ທີ່ມີຫຼາຍກ່ວາ 1 ພັນຄົນ ຕິດແປດນັ້ນ. ພະ ນັກງານສາທາລະນະສຸກ ແມ່ນໄດ້ຍຸຕິໂຄງການເຂົ້າເຖິງປະຊາຄົມໃນທີ່ນີ້ ຊຶ່ງນັ້ນໝາຍຄວາມວ່າ ພວກເຮົາບໍ່ມີການຊັ່ງຊາໃນການປ້ອງກັນຂອງການບໍ່ໃຫ້ຕິດແປດໂຣກນີ້ ແຕ່ຢ່າງໃດ ຊຶ່ງນຳມາຂອງການຕິດແປດໃນປີນີ້.”
ພະນັກງານສາທາລະນະສຸກກ່າວວ່າ ບັນຫາກໍແມ່ນວ່າການຂາດເຂີນທຶນຮອນ ແຕ່ວ່າ ໃນປະຈຸບັນ ກຳລັງມີການຄວບຄຸມໂຣກລະບາດນີ້ແລ້ວ.
