ປະຊາຊົນ ມາເຊໂດເນຍ ກຳລັງພາກັນລົງຄະແນນສຽງໃນວັນອາທິດມື້ນີ້ ວ່າປະເທດ
ຂອງເຂົາເຈົ້າຄວນປ່ຽນຊື່ຫຼືບໍ່.
ປະຊາຊົນ ມາເຊໂດເນຍ ໄດ້ຖືກຂໍໃຫ້ປ່ຽນຊື່ປະເທດຂອງເຂົາເຈົ້າເປັນ ມາເຊໂດເນຍ
ເໜືອ ເພື່ອສິ້ນສຸດຄວາມຂັດແຍ້ງຫຼາຍທົດສະວັດກັບປະເທດ ກຣິສ ທີ່ຢູ່ໃກ້ຄຽງ ແລະ
ສ້າງຊ່ອງທາງສຳລັບການໄດ້ເຂົ້າເປັນສະມາຊິກອົງການ ເນໂຕ ແລະ ສະຫະພາບ
ຢູໂຣບ ຂອງປະເທດນັ້ນ.
ລັດຖະບານ ເອເທັນສ໌ ໄດ້ໂຕ້ແຍ້ງວ່າຊື່ “ມາເຊໂດເນຍ” ເປັນຊື່ຂອງແຂວງ ມາເຊໂດ
ເນຍ ຂອງເຂົາເຈົ້າທີ່ຕັ້ງຢູ່ພາກເໜືອ ແລະ ການໃຊ້ຊື່ດັ່ງກ່າວຂອງລັດຖະບານ ສກົບເຈ
(Skopje) ມີເຈຕະນາທີ່ຈະອ້າງກຳມະສິດເອົາແຂວງຂອງປະເທດ ກຣີສ.
ກຣີສ ໄດ້ກົດດັນລັດຖະບານ ສກົບເຈ ໃຫ້ປ່ຽນຊື່ປະເທດຫຼາຍປີແລ້ວ, ບັງຄັບໃຫ້ເຂົາ
ເຈົ້າ ຕ້ອງໃຊ້ຊື່ຫຼິ້ນ ທີ່ເປັນທາງການຫຼາຍກວ່າ ວ່າ ອະດີດສາທາລະນະລັດ ຢູໂກສລາ
ເວຍ ແຫ່ງມາເຊໂດເນຍ ໃນອົງການສະຫະປະຊາຊາດ.
ເຂົາເຈົ້າຍັງໄດ້ກີດກັ້ນ ປະເທດເພື່ອນບ້ານ ທີ່ນ້ອຍກວ່າ ຈາກການເປັນສະມາຊິກອົງ
ການ ເນໂຕ ແລະ ສະຫະພາບ ຢູໂຣບ ເປັນປະຈຳ ຕາບໃດທີ່ເຂົາເຈົ້າຍັງຮັກສາຊື່ນັ້ນ
ໄວ້ຢູ່.
ປະທານາທິບໍດີ ຈໍຈ໌ ອີວານອຟ ກ່າວວ່າ ການຮຽກຮ້ອງຂອງລັດຖະບານ ເອເທັນຈະ
ເປັນ “ການລະເມີດອໍານາດອະທິປະໄຕ ທີ່ມີຄວາມຜິດຢ່າງຊັດເຈນ.”
ທ່ານໄດ້ປະຕິເສດທີ່ຈະສະໜັບສະໜູນ ຂໍ້ຕົກລົງ ທີ່ໄດ້ບັນລຸ ລະຫວ່າງ ນາຍົກລັດຖະ
ມົນຕີ ມາເຊໂດເນຍ ທ່ານ ໂຊຣານ ຊາເອຟ (Zoran Zaev) ກັບ ຄູ່ຮ່ວມຕຳແໜ່ງຂອງ
ທ່ານຈາກ ກຣີສ ທ່ານ ອາເລັກຊິສ ຊີປຣາສ (Alexis Tsipras) ທີ່ໄດ້ເຮັດໃຫ້ມີການລົງ
ຄະແນນສຽງ ເພື່ອປ່ຽນຊື່ປະເທດນັ້ນ.
ທ່ານ ອີວານອຟ ກ່າວວ່າ “ການລົງປະຊາມະຕິ ອາດເຮັດໃຫ້ພວກເຮົາກາຍເປັນປະ
ເທດທີ່ຢູ່ໃຕ້ບັງຄັບບັນຊາ, ເພິ່ງພາອາໄສປະເທດອື່ນ. ພວກເຮົາຈະເປັນປະເທດໃນຊື່
ເທົ່ານັ້ນ, ບໍ່ແມ່ນໃນຕົວຕົນ.”
ທ່ານ ອີວານອຟ ໄດ້ຮຽກຮ້ອງໃຫ້ປະຊາຊົນ ມາເຊໂດເນຍ ຕໍ່ຕ້ານການລົງປະຊາມະຕິ
ກ່ຽວກັບ ການປ່ຽນຊື່ຂອງປະເທດ, ໂດຍເວົ້າວ່າ ການປ່ຽນຊື່ ຈະເທົ່າກັບການ “ຂ້າຕົວ
ຕາຍຄັ້ງປະຫວັດສາດ.”
