ໃນຂະນະທີ່ເຮືອບິນບໍ່ມີຄົນຂັບ ຫລື ໂດຣນຂອງທະຫານ ແລະພົນລະເຮືອນກາຍເປັນສິ່ງທີ່ນິຍົມກັນຫລາຍຂຶ້ນນັບມື້ ມັນກໍຍັງມີຄວາມເປັນຫ່ວງຢູ່ວ່າ ໂດຣນຈຳນວນນຶ່ງ ອາດຈະພາໃຫ້ເກີດໄພຂົ່ມຂູ່ຢູ່ໃນສະຖານທີ່ເຊັ່ນ: ສະຫນາມບິນ, ຄຸກ ແລະຕາຂ່າຍໄຟຟ້າ. ຜູ້ສື່ຂ່າວວີໂອເອຈູລີ ທາໂບ (Julie Taboh) ມີລາຍງານກ່ຽວກັບບໍລິສັດທີ່ພັດທະນາເທັກໂນໂລຈີທີ່ໃຊ້ຕ້ານໂດຣນ ທີ່ສາມາດຊອກຫາແລະຫລຸດຜ່ອນໄພຂົ່ມຂູ່ຈາກໂດຣນທີ່ຮ້າຍແຮງລົງໄດ້ ຊຶ່ງບົວສະຫວັນ ຈະນຳມາສະເໜີທ່ານໃນອັນດັບຕໍ່ໄປ.
ໃນປີ 2013, ນາຍົກລັດຖະມົນຕີເຢຍຣະມັນ, ທ່ານນາງແອນເຈີລາ ເມີໂຄລ (Angela Merkel) ກຳລັງຢູ່ໃນງານທີ່ຈັດຢູ່ກາງແຈ້ງແຫ່ງນຶ່ງ ຂະນະທີ່ເຮືອບິນ ບໍ່ມີຄົນຂັບ ຫລືໂດຣນລຳນຶ່ງ ທີ່ບິນເຫວີ່ນຢູ່ເທິງຫົວ ໄດ້ລົງຈອດຢູ່ໃກ້ໆ ກັບ ທ່ານນາງໃນທັນທີທັນໃດ ຊຶ່ງໄດ້ລົບກວນງານດັ່ງກ່າວເປັນເວລາອັນສັ້ນໆ.
ທ່ານນາງແມຣີ-ລູ ສມັລເດີ້ສ໌ (Mary-Lou Smulders) ເປັນຫົວຫນ້າຝ່າຍ ການຕະຫຼາດຂອງບໍລິສັດດີໂດຣນ (Dedrone). ທ່ານນາງໃຫ້ຄຳເຫັນວ່າ:
"ບໍ່ມີຫຍັງເກີດຂຶ້ນ. ມັນແມ່ນໂດຣນ ທີ່ເຮັດໃຫ້ຄົນຫັນມາໃຫ້ຄວາມສົນໃຈ."
ແຕ່ເຫດການດັ່ງກ່າວ ໄດ້ສ້າງຄວາມເປັນຫ່ວງດ້ານຄວາມປອດໄພກ່ຽວກັບການປາກົດຕົວຂອງໂດຣນ ຢູ່ໃນເຂດທີ່ມີຄວາມສ່ຽງ ແບບດຽວກັນກັບການນຳໃຊ້ເຮືອບິນບໍ່ມີຄົນຂັບທີ່ກຳລັງຈະທະຍານຂຶ້ນສູ່ທ້ອງຟ້າ.
ກໍລະນີດັ່ງກ່າວໄດ້ເປັນແຮງບັນດານໃຈໃຫ້ມີການສ້າງຕັ້ງບໍລິສັດ ດີໂດຣນ (Dedrone) ຂຶ້ນມາ ຊຶ່ງໃນປັດຈຸບັນໄດ້ເປັນບໍລິສັດເທັກໂນໂລຈີ ທີ່ສະກັດກັ້ນ ຫລື ຕ້ານເຮືອບິນບໍ່ມີຄົນຂັບຊັ້ນນໍາ ທີ່ມີລູກຄ້າຫຼາຍຮ້ອຍຄົນ ຢູ່ໃນຫຼາຍກວ່າ 35 ປະເທດ.
ທ່ານນາງແມຣີ-ລູ ສມັລເດີ້ສ໌, ຫົວຫນ້າຝ່າຍການຕະຫຼາດຂອງບໍລິສັດດີໂດຣນ ກ່າວວ່າ:
"ພວກເຮົາກວດພົບໂດຣນ ໂດຍຕົ້ນຕໍແລ້ວ ແມ່ນຜ່ານສັນຍານຄວາມຖີ່ຂອງ ວິທະຍຸທີ່ໄດ້ຮັບໂດຍໃຊ້ເຄື່ອງຈັບສັນຍານ ຫລື ເຊັນເຊີຂອງພວກເຮົາ."
ລູກຄ້າຂອງບໍລິສັດດີໂດຣນຕິດຕັ້ງໂປຣແກຣມ ຫລື ຊອບແວຣ໌ຕິດຕາມໂດຣນ ທີ່ຈະເຕືອນພະນັກງານຮັກສາຄວາມປອດໄພໃນເວລາທີ່ໂດຣນທີ່ໜ້າສົງໄສເຂົ້າໄປຢູ່ໃນພື້ນທີ່ເທິງອາກາດຂອງເຂົາເຈົ້າ.
ຖ້າໂດຣນທີ່ເບິ່ງຄືວ່າຈະເປັນອັນຕະລາຍ, ເຄື່ອງຕາມຫາດີໂດຣນ (Dedrone) ສາມາດຊ່ວຍພະນັກງານຮັກສາຄວາມປອດໄພ ໃຫ້ຊອກຫາຜູ້ທີ່ຄວບຄຸມໂດຣນ ໄດ້ ແລະເວົ້າກັບເຂົາເຈົ້າໂດຍກົງໂລດ.
ໃນສະຖານະການທີ່ຮ້າຍແຮງຫລາຍແທ້ໆ ເຊັ່ນໃນສົງຄາມ, ລູກຄ້າສາມາດເຮັດໃຫ້ໂດຣນຢຸດການໃຊ້ງານໄດ້ໂດຍກົງເລີຍ ດ້ວຍການປືນຍິງລົບກວນສັນຍານ.
ທ່ານຈອນ ຄະນັກ (John Knag) ເປັນຮອງປະທານຝ່າຍເທັກໂນໂລຈີ ປ້ອງກັນປະເທດຢູ່ບໍລິສັດດີໂດຣນ (Dedrone).
ທ່ານກ່າວວ່າ "ມັນຖືກເອີ້ນວ່າ ໂດຣນດີເຟັນເດີ (Defender) ຊຶ່ງແປວ່າໂດຣນທີ່ໃຊ້ໃນການປ້ອງກັນ, ແລະມັນແມ່ນເຄື່ອງສົ່ງສັນຍານວິທະຍຸ, ແລະເມື່ອ ພວກເຮົາເຫັນໂດຣນຂອງພວກເຮົາຢູ່ເທິງອາກາດ, ພວກເຮົາຈະເອົາມັນແນໃສ່ ໂດຣນນັ້ນໂລດ, ເລືອກແບບຂອງມັນ ແລ້ວກໍກົດໄກປືນ ແລະບັດນີ້ ພວກ ເຮົາກໍສາມາດລົບກວນສັນຍານສົ່ງຫາກັນລະຫວ່າງໂດຣນກັບເຄື່ອງຄວບຄຸມ ໄດ້.”
ພວກນັກຊ່ຽວຊານເວົ້າວ່າ ອຸດສາຫະກໍາເທັກໂນໂລຈີຕ້ານໂດຣນ ໄດ້ຂະ ຫຍາຍຕົວຄຽງຄູ່ກັນໄປກັບອຸດສາຫະກໍາສ້າງໂດຣນການຄ້າ.
ທ່ານນາງມີຣຽມ ແມັກແນັບ (Miriam McNabb) ເປັນບັນນາທິການ ຂອງເວັບໄຊສື່ມວນຊົນ Dronelife.com. ທ່ານນາງໄດ້ໂອ້ລົມກັບວີໂອເອ ໂດຍຜ່ານທາງ Skype ວ່າ:
"ພວກເຮົາຕ້ອງການເທັກໂນໂລຈີຕ້ານໂດຣນ ທີ່ປ້ອງກັນບ່ອນທີ່ມີຄວາມ ຫລໍ່ແຫລມເພື່ອເຮັດໃຫ້ອຸດສາຫະກໍາໂດຣນການຄ້າຈະເລີນເຕີບໂຕ."
ໃນຂະນະທີ່ການນໍາໃຊ້ໂດຣນ ຍັງສືບຕໍ່ຂະຫຍາຍຕົວອອກໄປຢູ່ນີ້ ຄວາມພະຍາ ຍາມປ້ອງກັນສະຖານທີ່ທີ່ມີຄວາມສ່ຽງ ຕໍ່ການຖືກທຳລາຍຈາກພວກເຄື່ອນໄຫວໃນທາງທີ່ບໍ່ດີຈໍານວນນຶ່ງ ກໍຈະສືບຕໍ່ຂະຫຍາຍຕົວເຊັ່ນກັນ ຢູ່ໃນສ່ວນກາງ ຂອງພວກເຂົາ.
ອ່ານຂ່າວນີ້ເພີ້ມເປັນພາສາອັງກິດ:
As military and civilian drones become increasingly popular, there are growing concerns about the threats some of them may pose over places like airports, prisons and electrical grids. VOA’s Julie Taboh reports on a company that has developed counter-drone technology that can identify and mitigate threats from malicious drones.
In 2013, then-German Chancellor Angela Merkel was at an outdoor event when a drone that had been hovering overhead abruptly landed near her, briefly disrupting the event.
Mary-Lou Smulders is the chief marketing officer of Dedrone .
Mary-Lou Smulders, Dedrone Chief Marketing Officer:
“Nothing happened. It was an attention-getting drone.”
But the incident raised security concerns about the presence of drones in potentially vulnerable areas just as the use of unmanned aerial vehicles was taking off.
The case inspired the creation of Dedrone, now a leading counter-drone technology company that has hundreds of customers in more than 35 countries.
Mary-Lou Smulders, Dedrone Chief Marketing Officer: “We detect the drone primarily through radio frequency signals that are recognized by our sensors.”
Dedrone’s customers install drone-tracking software that will alert security personnel when a suspicious drone is in their airspace.
If a drone is deemed malicious, the Dedrone tracker can help security personnel locate the drone operator and speak with them directly.
In extreme situations such as war, customers can disable the drone directly with a jammer gun.
John Knag (ke-NAUGH) is vice president of defense technology at Dedrone.
John Knag, Dedrone Vice President of Defense Technology: “It’s called DroneDefender, and it is a radio transmitter, and when we have found our drone in the airspace, we point it at it, select the mode, pull the trigger, and now we can disrupt the signal between the drone and the controller.”
The counter-drone technology industry has grown alongside the commercial drone industry, experts say.
Miriam McNabb is an editor at the media site Dronelife.com. She spoke with VOA via Skype Miriam McNabb, Dronelife via Skype: “We need the counter-drone technology protecting sensitive sites in order for the commercial drone industry to proliferate.”
As drone use continues to grow, so, too, will efforts to protect spaces that are vulnerable to the few bad actors in their midst.
