ລັດຖະສະພາຂອງລີເບຍ ທີ່ຮັບຮູ້ໂດຍນາໆຊາດ ໄດ້ປະຕິເສດຕໍ່ລັດຖະບານສາມັກຄີຊາດທີ່ສ້າງຕັ້ງຂຶ້ນໂດຍອົງການສະຫະປະຊາຊາດທີ່ເປັນຄູ່ປໍລະປັກຂອງກຸ່ມອິສລາມຫົວຮຸນແຮງໃນ ວັນຈັນວານນີ້.
ສະມາຊິກສະພາ 89 ຂອງຈຳນວນທັງໝົດ 104 ຄົນ ທີ່ໄດ້ເຂົ້າຮ່ວມກອງປະຊຸມໃນວັນຈັນວານນີ້ ທີ່ເມືອງ Tobruk ໄດ້ລົງຄະແນນສຽງປະຕິເສດຕໍ່ແຜນການສັນຕິພາບຂອງອົງການ ສະຫະປະຊາຊາດ ແລະທວງໃຫ້ມີການຍື່ນຂໍ້ສະເໜີໃໝ່ ພາຍໃນ 10 ວັນ.
ມີຢ່າງນ້ອຍນຶ່ງມີສະມາຊິກສະພານຶ່ງຄົນໄດ້ກ່າວວ່າ ຄະນະລັດຖະບານແມ່ນແມ່ນໃຫຍ່ໂພດ ແລະວ່າທາງລັດຖະສະພາຍິນດີ ທີ່ຈະພິຈາລະນາຄະນະລັດຖະບານທີ່ນ້ອຍກວ່ານີ້.
ນອກນັ້ນ ພວກເຂົາເຈົ້າຍັງໄດ້ຄັດຄ້ານຕໍ່ມາດຕານຶ່ງ ທີ່ອະນຸຍາດໃຫ້ ລັດຖະບານສາມັກຄີຊາດ ປົດຜູ້ບັນຊາການທາງທະຫານ. ພວກເຂົາເຈົ້າໄດ້ກ່າວວ່າ ພວກເຂົາເຈົ້າຢ້ານກົວທີ່ວ່າ ມັນອາດຈະເປັນການປົດຜູ້ບັນຊາການທະຫານ ທ່ານ Khalifa Hifter ຜູ້ຊຶ່ງບໍ່ໄດ້ມີຄວາມ
ລັບແຕ່ຢ່າງໃດ ກ່ຽວກັບການໝິ່ນປະໝາດຕໍ່ພວກລັດອິສລາມຫົວຮຸນແຮງນັ້ນ.
ເຈົ້າໜ້າທີ່ຂອງອົງການສະຫະປະຊາຊາດ ຜູ້ຊຶ່ງທຳການເຈລະຈາກ່ຽວກັບການສ້າງຕັ້ງລັດ ຖະບານສາມັກຄີຊາດກ່າວວ່າ ພວກເຂົາເຈົ້າຈະສືບຕໍ່ປຶກສາກັບທັງສອງຝ່າຍແລະ “ໃຫ້ຂັ້ນ
ຕອນຕ່າງໆນັ້ນດຳເນີນໄປຕາມທິດທາງຂອງມັນ.”
ລີເບຍ ໄດ້ຖືກແບ່ງອອກເປັນສອງເຂດການປົກຄອງ ຄືກຸ່ມນຶ່ງແມ່ນຢູ່ເມືອງ Tobruk ແລະລັດຖະບານ Tripoli ທີ່ໄດ້ຮັບການໜຸນຫຼັງຈາກພວກອິສລາມຫົວຮຸນແຮງ.
ສະຫະລັດ ແລະບັນດາປະເທດອື່ນໆ ມີຄວາມເປັນຫ່ວງກັງວົນວ່າ ການຂັດແຍ້ງທາງການເມືອງນີ້ ຈະເປີດຊ່ອງຫວ່າງໃຫ້ແກ່ກຸ່ມລັດອິສລາມແລະພວກຫົວຮຸນແຮງອື່ນໆ ຊຶ່ງຈະກາຍ ເປັນໄພຂົ່ມຂູ່ທີ່ຮ້າຍແຮງຂຶ້ນຕື່ມ.
ລີເບຍ ໄດ້ເກີດຄວາມສັບສັນວຸ້ນວາຍ ນັບຕັ້ງແຕ່ຈອມຜະເດັດການ Moammar Gadhafi
ທີ່ກຳອຳນດມາເປັນເວລາຍາວນານນັ້ນ ຖືກໂຄ່ນລົ້ມ ໃນປີ 2011.
