ບັນດາຊະມາຊິກສະພາອັງກິດກຸ່ມນຶ່ງ ໄດ້ຕິຕຽນຢ່າງແຮງຕໍ່ການເຂົ້າແຊກແຊງຂອງອັງກິດ ແລະຝຣັ່ງ ໃນປີ 2011 ທີ່ນຳໄປສູ່ການໂຄ່ນລົ້ມຜູ້ນຳລີເບຍ Moammar Gadhafi.
ລາຍງານຈາກ ຄະນະກຳມະການພົວພັນການຕ່າງປະເທດຂອງສະພາອັງກິດ ໄດ້ກ່າວວ່າ ຂາດການວາງແຜນໄວ້ລ່ວງໜ້າຂອງອັນທີ່ ລີເບຍໄດ້ຕົກສູ່ສິກິດການວຸ້ນວາຍຢ່າງໄວວາ ໂດຍທະຫານບ້ານທີ່ເປັນຄູ່ແຂ່ງ ຕໍ່ສູ້ເພື່ອກຳອຳນາດ ແລະກຸ່ມກໍ່ການຮ້າຍລັດອິສລາມ ໄດ້ຍຶດເພີ້ມພື້ນທີ່ຂຶ້ນໃນປະເທດ.
ທີ່ນະຄອນຫລວງວໍຊິງຕັນ ກະຊວງການຕ່າງປະເທດສະຫະລັດ ໄດ້ສົ່ງສຽງໃຫ້ເຫັນວ່າ ໃຫ້ໃຊ້ອຳນາດເພື່ອປັດກວດ ຈັດແຈງ ຄວາມບໍ່ເປັນລະບຽບຮຽບຮ້ອຍ ທີ່ຕິດຕາມມາຫຼັງຈາກການຈົບລົງຂອງ Gadhafi.
ຮອງໂຄສົກກະຊວງຕ່າງປະເທດສະຫະລັດ ທ່ານ Mark Toner ໄດ້ກ່າວວ່າ “ພວກເຮົາໄດ້ຮັບຮູ້ວ່າ ຫລັງຈາກເວລາເກີດເຫດຂອງການລົ້ມທະລາຍຂອງ Godhafi ບໍ່ໄດ້ມີການປະຕິບັດການຢ່າງພຽງພໍເພື່ອຮັກສາລີເບຍ ແລະຊ່ວຍລັດຖະບານໃໝ່ ຢືນຢັດຢູ່ດ້ວຍຕົວຂອງຕົວເອງ.”
ແຕ່ທ່່ານ Toner ໄດ້ກ່າວວ່າ ນັບແຕ່ນັ້ນ ໄດ້ມີການເພັ່ງເລັງຢ່າງໃຫຍ່ຫລວງ“ເພື່ອຈັດຕັ້ງລັດຖະບານໃໝ່ the GNA (ລັດຖະບານເຫັນພ້ອມແຫ່ງຊາດ) ແລະຍັງຈະຕິດຕາມ ແລະຫວັງວ່າ ຈະກຳກັບຕໍ່ການຂົ່ມຂູ່ໃດໆ” ຈາກກຸ່ມລັດອິສລາມ ແລະ “ພ້ອມທີ່ຈະຮວບຮວມອຳນາດເຂົ້າຫາກັນພາຍໃນລີເບຍຢ່າງແທ້ຈິງ.”
ການຕັດສິນປະນາມເກີດຂຶ້ນ ຫ້າປີ ຫລັງຈາກທີ່ທ່ານ David Cameron ຊຶ່ງໃນຂະນະນັ້ນ ດຳລົງຕຳແໜ່ງເປັນນາຍົກລັດຖະມົນຕີອັງກິດ ແລະໃນຊ່ວງນັ້ນເຊັ່ນກັນ ທ່ານ Nicolas Sarkozy ເປັນປະທານາທິບໍດີຝຣັ່ງ ທີ່ໄດ້ຢືນຢູ່ຢ່າງຜູ້ມີໄຊໃນ ຈະຕຸລັດອິດສະລະພາບໃນ Benghazi ເມື່ອກັນຍາ 2011 ທີ່ຮ້ອງໂຮສະໜັບສະໜູນໂດຍຝຸງຊົນຫລວງຫຼາຍ ຊຶ່ງນັ້ນແມ່ນການຮ່ວມໂຈມຕີທາງອາກາດ ແລະລູກສອນໄຟ ເພື່ອໂຄ່ນລົ້ມ ພະເດັດການ Gadhafi ໃຫ້ສິ້ນຊາກໄປ.
ຜູ້ນຳລີເບຍ ໄດ້ຂົ່ມຂູ່ທີ່ຈະໂຈມຕີທີ່ໝັ້ນກຸ່ມກະບົດຢູ່ເມືອງ Benghazi.
ເຖິງຢ່າງໃດກໍດີ ລາຍງານ ໄດ້ສະຫລຸບວ່າອັງກິດ ແລະຝຣ່ັງ ໄດ້ລົ້ມແຫລວຕໍ່ການພິສູດເຖິງໄພຂົ່ມຂູ່ຕໍ່ພົນລະເຮືອນ ຊຶ່ງໄດ້ກ່າວເກີນຄວາມຈິງ.
