ລິ້ງ ສຳຫລັບເຂົ້າຫາ

logo-print

ນັກຮຽນ ສຫລ ສ້າງເທັກໂນໂລຈີ ບລັອກເຈນ ທີ່ມີທ່າແຮງໃນການ ຫັນປ່ຽນດ້ານການທະນາ ຄານ ແລະອື່ນໆໄດ້ ອີກ 10 ຫລື 20 ປີຂ້າງໜ້າ


ເທັກໂນໂລຈີ ບລັອກເຈນ ມີທ່າແຮງໃນການຫັນປ່ຽນອຸດສາຫະກຳດ້ານການທະນາຄານ, ລັດຖະບານ ແລະລະບົບຕ່ອງໂສ້ສະໜອງສິນຄ້າໄດ້

ເທັກໂນໂລຈີ ບລັອກເຈນ (blockchain) ມີທ່າແຮງໃນການຫັນປ່ຽນອຸດສາຫະກຳດ້ານການທະນາຄານ, ລັດຖະບານ ແລະລະບົບຕ່ອງໂສ້ສະໜອງສິນຄ້າໄດ້. ແຕ່ວ່າຊາວໜຸ່ມ ຜູ້ທີ່ສົນໃຈຢາກຮຽນຮູ້ກ່ຽວກັບເຕັກໂນໂລຈີທາງບັນ ຊີ ແຍກປະເພດອັນນີ້ພົບວ່າ ຊັບພະຍາກອນທາງດ້ານການສຶກສາແມ່ນມີໜ້ອຍ ແລະກໍຢູ່ໄກກັນຫຼາຍ. ສະນັ້ນ ທ້າວໂຣນັກ ຊາວເດິຣີ (Raunak Chowdhu-ry), ອາຍຸ 18 ປີ ໄດ້ຕັດສິນໃຈເລີ່ມຕົ້ນ ສ້າງເທັກໂນໂລຈີບລັອກເຈນ ສໍາລັບ ໂຮງຮຽນ ຫລື Blockchains For Schools. Tina Trinh, ນັກຂ່າວວີໂອ ເອມີລາຍງານກ່ຽວ ກັບເລື້ອງນີ້ ຊຶ່ງບົວສະຫວັນ ຈະນໍາມາສະເໜີທ່ານໃນອັນ ດັບຕໍ່ໄປ.

ທ້າວ ໂຣນັກ ຊາວເດິຣີ (Raunak Chowdhury), ສັງເກດເຫັນບາງສິ່ງບາງຢ່າງໃນທັນທີ ເມື່ອລາວເຂົ້າຮ່ວມການພົບປະກັນດ້ານເທັກໂນໂລຈີບລັອກເຈນ (blockchain) ທີ່ໝາຍເຖິງວິທີການເກັບກໍາຂໍ້ມູນການປ່ຽນແປງຕາມຫລັກການ ທາງບັນຊີ.

ທ້າວ ໂຣນັກ ຊາວເດິຣີ (Raunak Chowdhury), ຜູ້ກໍ່ຕັ້ງບລັອກເຈນສໍາລັບ ໂຮງຮຽນ ຫລື Blockchains For Schools ກ່າວຜ່ານທາງ Skype ວ່າ:
"ທຸກຄົນທີ່ຢູ່ໃນຫັ້ນ ມີອາຍຸຢ່າງຫນ້ອຍກໍເທົ່າກັບສອງເທົ່າຂອງຂ້ອຍ."

ບລັອກເຈນເປັນເທັກໂນໂລຈີບັນຊີແຍກປະເພດ ທີ່ແຈກຢາຍໄປທົ່ວ ທີ່ເຮັດໃຫ້ ການເຮັດທຸລະກໍາເງິນຕາ ແບບໃສ່ລະຫັດ ຫລື ສະກຸນເງິນແບບດີຈິຕອລ ເຊັ່ນ ບິດຄອຍນ໌ (Bitcoin) ສາມາດດໍາເນີນໄປໄດ້.

ມັນມີຄວາມໝາຍຄວາມສໍາຄັນ ສໍາລັບອຸດສາຫະກໍາດ້ານທະນາຄານ ແລະ ການສະໜອງສິນຄ້າ ດ້ວຍການຫລຸດຜ່ອນຄວາມຕ້ອງການພາກສ່ວນທີ່ເປັນ ມືກາງລົງ.

ບໍລິສັດຍັກໃຫຍ່ ເຊັ່ນ Amazon, Microsoft ແລະ IBM ໄດ້ເລີ້ມຕົ້ນສໍາຫຼວດເບິ່ງເທັກໂນໂລຈີອັນນີ້ ແຕ່ກໍຂ້ອນຂ້າງວ່າ ຈະບໍ່ເປັນສິ່ງທີ່ຄົນໃຊ້ກັນຢູ່ທົ່ວໄປໃນອີກ 10 ຫລື 20 ປີຂ້າງໜ້ານີ້.

ທ້າວ ຊາວເດິຣີ (Raunak Chowdhury) ກ່າວຜ່ານ Skype ອີກວ່າ:
“ໃນຕອນນັ້ນ, ທ່ານຈະບໍ່ແມ່ນຜູ້ຊົມໃຊ້ຕົ້ນຕອນແລ້ວ. ຜູ້ຊົມໃຊ້ຕົ້ນຕໍ ຈະແມ່ນ ພວກທີ່ເປັນຜູ້ໃຫຍ່ ທີ່ຢູ່ໃນໂລກແຫ່ງການເຮັດວຽກງານ, ຊຶ່ງປັດຈຸບັນນີ້ ແມ່ນ ເປັນນັກຮຽນມັດທະຍົມ ແລະໃນມະຫາວິທະຍາໄລຢູ່ໜີ້.”

ເພາະສະນັ້ນ ຊາຍໜຸ່ມອາຍຸ 18 ປີຄົນນີ້ ຈຶ່ງຕັດສິນໃຈເລີ້ມສ້າງເທັກໂນໂລຈີ ບລັອກເຈນ ສໍາລັບໂຮງຮຽນ ຫລື Blockchains For Schools ຂຶ້ນມາ.

Blockchains For Schools ເຊື່ອມຕໍ່ນັກຮຽນມັດທະຍົມ ແລະນັກຮຽນໃນມະ ຫາວິທະຍາໄລ ໃສ່ກັບກັບອຸດສະຫະກຳດ້ານບລັອກເຈນ (blockchain), ຜ່ານການໃຫ້ຄໍາແນະນຳຝຶກສອນ ແລະການແຂ່ງຂັນຕ່າງໆເຊັ່ນ “Hack BFS” Ideation Challenge ຊຶ່ງແປວ່າ ສິ່ງທ້າທາຍທາງຄວາມຄິດແບບ “Hack BFS”.

ທ້າວອາເລັກຊິສ ດິ ລອນເດສ ( Alexis de Landes) ("ah-lex-CEES dee LAWN-dez"), ນັກສຶກສາປີສຸດທ້າຍ ໃນມະຫາວິທະຍາໄລລັດຄາລິຟໍ ເນຍແມ່ນສ່ວນນຶ່ງຂອງທີມທີ່ຊະນະ.

ທ້າວອາເລັກຊິສ ດິ ລອນເດສ (Alexis de Landes) ກ່າວຜ່ານທາງ Skype ວ່າ:
“ຂ້ອຍບໍ່ເຄີຍໄດ້ຄາດຫວັງເລື່ອງນີ້ເລີຍ. ຂ້ອຍໝາຍຄວາມວ່າ ພວກເຮົາມີທີມ ທີ່ດີເລີດ, ພວກເຮົາມີໂຄງການທີ່ດີ, ແຕ່ເຈົ້າຮູ້ບໍ່ ມັນມັກຈະ ມີສິ່ງທີ່ບໍ່ຄາດຝັນສໍາ ລັບເຮົາສະເໝີ."

ທ້າວ ດິ ລອນເດສ ແລະທີມງານຂອງລາວໄດ້ມີຄວາມຄິດສຳລັບ ອີ-ຊີ ອີເດີ (E-Z Ether), ຊຶ່ງເປັນສັນຍາສະຫລາດທີ່ປ້ອງກັນການສູນເສຍເງິນໃນເວລາທີ່ຈໍານວນ ເງິນໃນລະບົບ blockchain ຖືກໂອນຈາກກະເປົາເງິນດິຈິຕອນອັນນຶ່ງ ໄປຫາກະເປົາເງິນອີກອັນນຶ່ງ.

ທ້າວ ດິ ລອນເດສ ກ່າວຜ່ານທາງ Skype ອີກວ່າ:
"ພວກເຮົາໄດ້ຊະນະການສຳພາດກັບຜູ້ຢູ່ຫ້ອງຂ່າວສ້າງຕັ້ງ Mozilla ແລະຖ້າຫາກເຂົາເຈົ້າມັກໂຄງການຂອງພວກເຮົາ ເຂົາເຈົ້າສາມາດລົງທຶນໄດ້ຫລາຍ
ກວ່າ 70,000 ໂດລາ."

ທ່ານແອນໂຕນີ ລູຊາດີ (Anthony Lusardi) ("loo-SAR-dee"), ຜູ້ສະໜັບສະໜູນນັກພັດທະນາ, ຈາກອົງການດິຈີຕອລ ແອສເຊັດ (Digital Asset) ກ່າວຜ່ານທາງ Skype ວ່າ:
“ທີ່ຈິງແລ້ວມັນເປັນໜ້າປະທັບໃຈແທ້ໆ ເພາະວ່າມີຫຼາຍຄົນເຂົ້າມາທີ່ມີຄວາມກຽມພ້ອມດີຫຼາຍ. ເຂົາເຈົ້າກຽມຄຳຖາມເພື່ອຢາກຈະຖາມນັ້ນໄວ້ແລ້ວ ແລະຮູ້ບໍ່, ເຂົາເຈົ້າແນ່ນອນໄດ້ຄິດຄົ້ນໃນເລື້ອງນີ້ຫລາຍສົມຄວນ.”

ທ່ານແອນໂຕນີ ລູຊາດີ (Anthony Lusardi), ເຮັດວຽກຢູ່ຂະແໜງເລີ້ມຕົ້ນ ເທັກໂນໂລຈີບລັອກເຈນຂອງອົງການດິຈີຕອລ ແອສເຊັດ (Digital Asset) ແລະເປັນຜູ້ໃຫ້ຄໍາແນະນຳແກ່ນັກຮຽນ.

ທ່ານລູຊາດີກ່າວຜ່ານທາງ Skype ວ່າ:
“ພື້ນທີ່ທັງໝົດແມ່ນເກືອບວ່າບໍ່ມີຢູ່ໃນໄລຍະມາຮອດ 10 ປີນີ້. ແລະນັ້ນແມ່ນ ເທົ່າກັນກັບຈຳນວນເວລາຄາດຄະເນ ທີ່ຈະກາຍເປັນຜູ້ຊ່ຽວຊານໄດ້.”

ໃນເວລາທີ່ເຕັກໂນໂລຈີຍັງໃໝ່ຫຼາຍຈົນວ່າ ບໍ່ມີການສຶກສາແບບເປັນທາງການສຳລັບເທັກໂນໂລຈີນີ້, ລະບົບ Blockchains For Schools ແມ່ນສົ່ງເສີມການຮຽນຮູ້ຜ່ານການເຮັດຕົວຈິງ.

ອ່ານຂ່າວນີ້ເພີ້ມເປັນພາສາອັງກິດ

Blockchain technology has the potential to transform banking, government and supply chain industries. But young people interested in learning about the distributed ledger technology are discovering that educational resources are few and far between. That's why 18-year-old Raunak Chowdhury decided to start Blockchains For Schools. Tina Trinh reports.

Raunak Chowdhury (“ruh-NOK CHOW-duh-ree”) noticed something right away whenever he attended blockchain tech meetups.

Raunak Chowdhury, Founder, Blockchains For Schools Skype logo
“Everyone there was at least twice my age.”

Blockchain is the decentralized, distributed ledger technology that makes cryptocurrency transactions like Bitcoin run.

It has major implications for banking and supply chain industries by reducing the need for intermediary parties.

Tech giants like Amazon, Microsoft and IBM are already exploring it, but it likely won’t be mainstream for another 10 or 20 years.

Raunak Chowdhury, Founder, Blockchains For Schools Skype logo
“At that time, you're not gonna be the principal consumer. The principal consumer will be the adults of that working world, which are right now the high school and college students.”

That’s why the 18-year old decided to start Blockchains For Schools.

Blockchains For Schools connects high school and college students to the blockchain industry, through mentorships and contests like the “Hack BFS” Ideation Challenge.

University of California Santa Barbara senior Alexis de Landes (“ah-lex-CEES dee LAWN-dez”) was part of the winning team.

Alexis de Landes, Student, University of California-Santa Barbara Skype logo:
“I didn’t expect it. I mean we had a great team, we did a good project, but you know, it’s always a surprise.”

de Landes and his team came up with the idea for E-Z Ether, a smart contract that prevents money loss when blockchain tokens are transferred from one digital wallet to another.

Alexis de Landes, Student, University of California, Santa Barbara Skype logo
“We won an interview with a Mozilla incubator and if they like our project they can invest more than $70,000.”

Anthony Lusardi, Developer Advocate, Digital Asset Skype logo:
“It was actually really impressive because a lot of them came very prepared. They already had questions that they were going to ask and they you know, obviously thought through this a lot.”

Anthony Lusardi (“loo-SAR-dee”) works at blockchain startup Digital Asset and is a student mentor.

Anthony Lusardi, Developer Advocate, Digital Asset Skype logo:

“The entire space has barely existed for 10 years now. And so that's about the amount of time it takes to become an expert.”

When the technology is so new that no formal education exists for it, Blockchains For Schools promotes learning through doing.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG