ປະທານປະເທດລາວເນ້ນຢໍ້າໃນການຈັດຕັ້ງປະຕິບັດແຜນການ
ສາມສ້າງ ຕາມມະຕິຂອງກົມການເມືອງ ສູນກາງພັກ ທີ່ແນໃສ່
ການຫຼຸດຜ່ອນບັນຫາຄວາມຍາກຈົນຂອງປະຊາຊົນໃນປີ 2015
ທ່ານ ຈູມມາລີ ໄຊຍະສອນ ປະທານປະເທດແລະເລຂາທິການໃຫຍ່ພັກປະຊາຊົນປະຕິ
ວັດລາວ ໄດ້ໃຫ້ການຢືນຢັນຕໍ່ສື່ມວນຊົນຈີນ ໃນໂອກາດເດີນທາງໄປຢ້ຽມຢາມສາທາລະ
ນະລັດປະຊາຊົນຈີນ ຢ່າງເປັນທາງການ ໃນທ້າຍເດືອນກັນຍາທີ່ຜ່ານມາວ່າ ເປົ້າໝາຍສໍາຄັນທີສຸດຂອງການພັດທະນາລາວເຖິງປີ 2015 ກໍຄືການລົບລ້າງບັນຫາຄວາມທຸກຈົນ
ຂອງປະຊາຊົນໃຫ້ໄດ້ໂດຍພື້ນຖານ.
ໂດຍພ້ອມກັນນັ້ນທ່ານ ຈູມມາລີ ກໍໄດ້ໃຫ້ການອະທິບາຍ ວ່າການລົບລ້າງບັນຫາຄວາມ
ຍາກຈົນຂອງປະຊາຊົນລາວໃຫ້ໄດ້ຕາມພື້ນຖານດັ່ງກ່າວນີ້ ກໍຄືການເຮັດໃຫ້ບັນຫາ
ຄວາມຍາກຈົນຂອງປະຊາຊົນລາວ ລົດລົງເຫຼືອບໍ່ເກີນ 10% ຂອງຈໍານວນປະຊາກອນ
ທັງໝົດໃນທົ່ວປະເທດ ດ້ວຍການປະຕິບັດຕາມມະຕິຂອງຄະນະກໍາມະການກົມການ
ເມືອງສູນກາງພັກທີ່ເອີ້ນວ່າແຜນການສາມສ້າງ ດັ່ງທີ່ທ່ານຈູມມາລີໄດ້ໃຫ້ການຢືນຢັນວ່າ:
“ການແກ້ໄຂຄວາມທຸກຍາກຂອງປະຊາຊົນໄດ້ຕິດພັນກັບການປະຕິບັດມະຕິ
ຂອງກົມການເມືອງສູນກາງພັກ ກ່ຽວກັບການສ້າງແຂວງ ໃຫ້ເປັນຫົວໜ່ວຍ
ຍຸດທະສາດ ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ ສ້າງບ້ານໃຫ້
ເປັນຫົວໜ່ວຍພັດທະນາ ສູ້ຊົນ ບັນລຸເປົ້າໝາຍເຮັດໃຫ້ຄອບຄົວທຸກຍາກ
ທົ່ວປະເທດ ໃຫ້ຍັງເຫຼືອບໍ່ເກີນ ສິບສ່ວນຮ້ອຍ ໃນປີ 2015.”
ທ່ານ ຈູມມາລີ ອອກໄປຢ້ຽມຢາມເຂດຊົນນະບົດລາວ
ທັງນີ້ໂດຍທາງການລາວ ໄດ້ເລີ່ມການຈັດຕັ້ງປະຕິບັດຕາມ
ແຜນການສາມສ້າງດັ່ງກ່າວນັບແຕ່ເດືອນຕຸລາ 2012 ເປັນ
ຕົ້ນມາ ຊຶ່ງໃນຮອບ 1 ປີທີ່ຜ່ານມານັ້ນ ກໍໄດ້ຈັດຕັ້ງປະຕິບັດ
ແຜນການ ໃນ 109 ບ້ານ ທີ່ໄດ້ຄັດເລືອກຈາກ 51 ເມືອງໃນ
ທັງ 17 ແຂວງທົ່ວປະເທດ ແຕ່ເນື່ອງຈາກວ່າລັດຖະບານລາວ
ຍັງຕ້ອງປະເຊີນກັບບັນຫາຂາດແຄນງົບປະມານ ຢ່າງຕໍ່ເນື່ອງ
ຈຶ່ງເຮັດໃຫ້ ສາມາດຕອບສະໜອງງົບປະມານໃຫ້ກັບການຈັດ
ຕັ້ງປະຕິບັດແຜນການ ໄດ້ພຽງ 85.3 ຕື້ກີບໃນ 381 ໂຄງການ
ຫຼືຄິດສະເລ່ຍໄດ້ ໂຄງການລະ 223 ລ້ານກີບ ເທົ່ານັ້ນ.
ສໍາລັບແຜນການພັດທະນາ ເສດຖະກິດແລະສັງຄົມ ທີ່ລັດຖະບານລາວກໍາລັງປະຕິບັດ
ຈັດຕັ້ງ ຢູ່ໃນປັດຈຸບັນນີ້ ກໍແມ່ນສະບັບທີ 7 ຊຶ່ງໄດ້ເລີ່ມລົງມືປະຕິບັດ ນັບແຕ່ປີ 2011
ເປັນຕົ້ນມາແລ້ວ ແລະກໍຈະຍັງຄົງປະຕິບັດຈັດຕັ້ງຕໍ່ໄປຈົນເຖິງປີ 2015 ໂດຍໃນລະຍະ
ຂອງການຈັດຕັ້ງປະຕິບັດທີ່ຜ່ານມາ ກໍປາກົດວ່າເສດຖະກິດຂອງລາວໄດ້ຂະຫຍາຍຕົວ
ເພີ່ມຂຶ້ນ ຈາກ 8.1% ໃນແຜນການປີ 2010-2011 ເປັນ 8.3% ໃນປີ 2011-2012
ແລະກໍຍັງຂະຫຍາຍຕົວເພີ່ມຂຶ້ນ ໃນອັດຕາສະເລ່ຍ 8.3% ໃນແຜນການປີ 2012-2013
ທີ່ໄດ້ສິ້ນສຸດແຜນການລົງໃນທ້າຍເດືອນກັນຍາທີ່ຜ່ານມານີ້.
ກ່ອນໜ້ານີ້ ທະນາຄານໂລກກໍໄດ້ສະເໜີລາຍງານວ່າ ເສດຖະກິດຂອງລາວຂະຫຍາຍຕົວ
ເພີ່ມຂຶ້ນໃນອັດຕາສະເລ່ຍເຖິງ 8.2% ໃນປີ 2012 ຊຶ່ງສອດຄ່ອງກັນກັບລາຍງານຂອງ
ທະນາພັດທະນາເອເຊຍ ຫຼື ADB ທັງຍັງຖືເປັນການຂະຫຍາຍຕົວ ທາງເສດຖະກິດທີ່
ສູງສຸດໃນເອເຊຍ ແລະຍັງໄດ້ແຊງໜ້າປະເທດຈີນ ເປັນປີທີສອງ ຕິດຕໍ່ກັນອີກດ້ວຍ.
ປັດໄຈສໍາຄັນ ທີ່ຊຸກຍູ້ໃຫ້ເສດຖະກິດໃນລາວ ມີການຂະຫຍາຍຕົວເພີ່ມຂຶ້ນດັ່ງກ່າວ ກໍ
ແມ່ນການຂະຫຍາຍຕົວຂອງການຜະລິດໃນພາກອຸດສາຫະກໍາຂຸດຄົ້ນແຮ່ທາດ ທີ່ສົມ
ທົບດ້ວຍການຜະລິດໃນພາກພະລັງງານໄຟຟ້າ ຊຶ່ງກໍາລັງມີການກໍ່ສ້າງເຂື່ອນຜະລິດ
ໄຟຟ້າຫຼາຍ ໂຄງການຢູ່ໃນລາວເວລານີ້.
ແຕ່ຢ່າງໃດກໍຕາມ ທັງທະນາຄານໂລກ ແລະ ADB ກໍໄດ້ເຕືອນວ່າ ການພັດທະນາເສດ
ຖະກິດຂອງລາວ ທີ່ມີການຂຸດຄົ້ນຊັບພະຍາກອນທໍາມະຊາດໄປຢ່າງຫຼວງຫຼາຍນັ້ນ ຈະບໍ່
ສົ່ງຜົນດີຕໍ່ການພັດທະນາເສດຖະກິດໃນລະຍະຍາວ ເພາະບໍ່ພຽງແຕ່ຈະເຮັດໃຫ້ຊັບພະ
ຍາກອນທໍາມະຊາດຕ້ອງລົດນ້ອຍລົງໄປເລື້ອຍໆເທົ່ານັ້ນ ຫາກແຕ່ກໍຍັງຈະສົ່ງຜັນກະທົບ
ຕໍ່ສະພາບແວດລ້ອມທໍາມະຊາດ ແລະຊີວິດການເປັນຢູ່ຂອງປະຊາຊົນລາວບັນດາເຜົ່າ
ທັງໃນປັດຈຸບັນ ແລະໃນລະຍະຕໍ່ໄປຢ່າງຫຼີກລ່ຽງບໍ່ໄດ້ອີກດ້ວຍ.
ສາມສ້າງ ຕາມມະຕິຂອງກົມການເມືອງ ສູນກາງພັກ ທີ່ແນໃສ່
ການຫຼຸດຜ່ອນບັນຫາຄວາມຍາກຈົນຂອງປະຊາຊົນໃນປີ 2015
ທ່ານ ຈູມມາລີ ໄຊຍະສອນ ປະທານປະເທດແລະເລຂາທິການໃຫຍ່ພັກປະຊາຊົນປະຕິ
ວັດລາວ ໄດ້ໃຫ້ການຢືນຢັນຕໍ່ສື່ມວນຊົນຈີນ ໃນໂອກາດເດີນທາງໄປຢ້ຽມຢາມສາທາລະ
ນະລັດປະຊາຊົນຈີນ ຢ່າງເປັນທາງການ ໃນທ້າຍເດືອນກັນຍາທີ່ຜ່ານມາວ່າ ເປົ້າໝາຍສໍາຄັນທີສຸດຂອງການພັດທະນາລາວເຖິງປີ 2015 ກໍຄືການລົບລ້າງບັນຫາຄວາມທຸກຈົນ
ຂອງປະຊາຊົນໃຫ້ໄດ້ໂດຍພື້ນຖານ.
ໂດຍພ້ອມກັນນັ້ນທ່ານ ຈູມມາລີ ກໍໄດ້ໃຫ້ການອະທິບາຍ ວ່າການລົບລ້າງບັນຫາຄວາມ
ຍາກຈົນຂອງປະຊາຊົນລາວໃຫ້ໄດ້ຕາມພື້ນຖານດັ່ງກ່າວນີ້ ກໍຄືການເຮັດໃຫ້ບັນຫາ
ຄວາມຍາກຈົນຂອງປະຊາຊົນລາວ ລົດລົງເຫຼືອບໍ່ເກີນ 10% ຂອງຈໍານວນປະຊາກອນ
ທັງໝົດໃນທົ່ວປະເທດ ດ້ວຍການປະຕິບັດຕາມມະຕິຂອງຄະນະກໍາມະການກົມການ
ເມືອງສູນກາງພັກທີ່ເອີ້ນວ່າແຜນການສາມສ້າງ ດັ່ງທີ່ທ່ານຈູມມາລີໄດ້ໃຫ້ການຢືນຢັນວ່າ:
“ການແກ້ໄຂຄວາມທຸກຍາກຂອງປະຊາຊົນໄດ້ຕິດພັນກັບການປະຕິບັດມະຕິ
ຂອງກົມການເມືອງສູນກາງພັກ ກ່ຽວກັບການສ້າງແຂວງ ໃຫ້ເປັນຫົວໜ່ວຍ
ຍຸດທະສາດ ສ້າງເມືອງໃຫ້ເປັນຫົວໜ່ວຍເຂັ້ມແຂງຮອບດ້ານ ສ້າງບ້ານໃຫ້
ເປັນຫົວໜ່ວຍພັດທະນາ ສູ້ຊົນ ບັນລຸເປົ້າໝາຍເຮັດໃຫ້ຄອບຄົວທຸກຍາກ
ທົ່ວປະເທດ ໃຫ້ຍັງເຫຼືອບໍ່ເກີນ ສິບສ່ວນຮ້ອຍ ໃນປີ 2015.”
ທັງນີ້ໂດຍທາງການລາວ ໄດ້ເລີ່ມການຈັດຕັ້ງປະຕິບັດຕາມ
ແຜນການສາມສ້າງດັ່ງກ່າວນັບແຕ່ເດືອນຕຸລາ 2012 ເປັນ
ຕົ້ນມາ ຊຶ່ງໃນຮອບ 1 ປີທີ່ຜ່ານມານັ້ນ ກໍໄດ້ຈັດຕັ້ງປະຕິບັດ
ແຜນການ ໃນ 109 ບ້ານ ທີ່ໄດ້ຄັດເລືອກຈາກ 51 ເມືອງໃນ
ທັງ 17 ແຂວງທົ່ວປະເທດ ແຕ່ເນື່ອງຈາກວ່າລັດຖະບານລາວ
ຍັງຕ້ອງປະເຊີນກັບບັນຫາຂາດແຄນງົບປະມານ ຢ່າງຕໍ່ເນື່ອງ
ຈຶ່ງເຮັດໃຫ້ ສາມາດຕອບສະໜອງງົບປະມານໃຫ້ກັບການຈັດ
ຕັ້ງປະຕິບັດແຜນການ ໄດ້ພຽງ 85.3 ຕື້ກີບໃນ 381 ໂຄງການ
ຫຼືຄິດສະເລ່ຍໄດ້ ໂຄງການລະ 223 ລ້ານກີບ ເທົ່ານັ້ນ.
ສໍາລັບແຜນການພັດທະນາ ເສດຖະກິດແລະສັງຄົມ ທີ່ລັດຖະບານລາວກໍາລັງປະຕິບັດ
ຈັດຕັ້ງ ຢູ່ໃນປັດຈຸບັນນີ້ ກໍແມ່ນສະບັບທີ 7 ຊຶ່ງໄດ້ເລີ່ມລົງມືປະຕິບັດ ນັບແຕ່ປີ 2011
ເປັນຕົ້ນມາແລ້ວ ແລະກໍຈະຍັງຄົງປະຕິບັດຈັດຕັ້ງຕໍ່ໄປຈົນເຖິງປີ 2015 ໂດຍໃນລະຍະ
ຂອງການຈັດຕັ້ງປະຕິບັດທີ່ຜ່ານມາ ກໍປາກົດວ່າເສດຖະກິດຂອງລາວໄດ້ຂະຫຍາຍຕົວ
ເພີ່ມຂຶ້ນ ຈາກ 8.1% ໃນແຜນການປີ 2010-2011 ເປັນ 8.3% ໃນປີ 2011-2012
ແລະກໍຍັງຂະຫຍາຍຕົວເພີ່ມຂຶ້ນ ໃນອັດຕາສະເລ່ຍ 8.3% ໃນແຜນການປີ 2012-2013
ທີ່ໄດ້ສິ້ນສຸດແຜນການລົງໃນທ້າຍເດືອນກັນຍາທີ່ຜ່ານມານີ້.
ກ່ອນໜ້ານີ້ ທະນາຄານໂລກກໍໄດ້ສະເໜີລາຍງານວ່າ ເສດຖະກິດຂອງລາວຂະຫຍາຍຕົວ
ເພີ່ມຂຶ້ນໃນອັດຕາສະເລ່ຍເຖິງ 8.2% ໃນປີ 2012 ຊຶ່ງສອດຄ່ອງກັນກັບລາຍງານຂອງ
ທະນາພັດທະນາເອເຊຍ ຫຼື ADB ທັງຍັງຖືເປັນການຂະຫຍາຍຕົວ ທາງເສດຖະກິດທີ່
ສູງສຸດໃນເອເຊຍ ແລະຍັງໄດ້ແຊງໜ້າປະເທດຈີນ ເປັນປີທີສອງ ຕິດຕໍ່ກັນອີກດ້ວຍ.
ປັດໄຈສໍາຄັນ ທີ່ຊຸກຍູ້ໃຫ້ເສດຖະກິດໃນລາວ ມີການຂະຫຍາຍຕົວເພີ່ມຂຶ້ນດັ່ງກ່າວ ກໍ
ແມ່ນການຂະຫຍາຍຕົວຂອງການຜະລິດໃນພາກອຸດສາຫະກໍາຂຸດຄົ້ນແຮ່ທາດ ທີ່ສົມ
ທົບດ້ວຍການຜະລິດໃນພາກພະລັງງານໄຟຟ້າ ຊຶ່ງກໍາລັງມີການກໍ່ສ້າງເຂື່ອນຜະລິດ
ໄຟຟ້າຫຼາຍ ໂຄງການຢູ່ໃນລາວເວລານີ້.
ແຕ່ຢ່າງໃດກໍຕາມ ທັງທະນາຄານໂລກ ແລະ ADB ກໍໄດ້ເຕືອນວ່າ ການພັດທະນາເສດ
ຖະກິດຂອງລາວ ທີ່ມີການຂຸດຄົ້ນຊັບພະຍາກອນທໍາມະຊາດໄປຢ່າງຫຼວງຫຼາຍນັ້ນ ຈະບໍ່
ສົ່ງຜົນດີຕໍ່ການພັດທະນາເສດຖະກິດໃນລະຍະຍາວ ເພາະບໍ່ພຽງແຕ່ຈະເຮັດໃຫ້ຊັບພະ
ຍາກອນທໍາມະຊາດຕ້ອງລົດນ້ອຍລົງໄປເລື້ອຍໆເທົ່ານັ້ນ ຫາກແຕ່ກໍຍັງຈະສົ່ງຜັນກະທົບ
ຕໍ່ສະພາບແວດລ້ອມທໍາມະຊາດ ແລະຊີວິດການເປັນຢູ່ຂອງປະຊາຊົນລາວບັນດາເຜົ່າ
ທັງໃນປັດຈຸບັນ ແລະໃນລະຍະຕໍ່ໄປຢ່າງຫຼີກລ່ຽງບໍ່ໄດ້ອີກດ້ວຍ.
