ລິ້ງ ສຳຫລັບເຂົ້າຫາ

ລາວ ຈະເພີ້ມມາດຕະການ ເຂັ້ມງວດຫຼາຍຂຶ້ນ ຕໍ່ການວິຈານ ທາງການເມືອງ ໃນສື່ສັງຄົມ


ທ່ານຫຽມ ພົມມະຈັນ ລັດຖະມົນຕີວ່າການກະຊວງໄປສະນີ ແລະໂທລະຄົມມະນາຄົມ ຢືນຢັນວ່າ ຈະດຳເນີນ ມາດຕະການ ກວດກາ ການນຳໃຊ້ສື່ສັງຄົມ ຫຼື Social Media ໃຫ້ເຂັ້ມງວດຫຼາຍຂຶ້ນກວ່າເກົ່າ.

ລັດຖະມົນຕີລາວ ຢືນຢັນທີ່ຈະເພີ້ມຄວາມ ເຂັ້ມງວດເຂົ້າໃນການ
ດຳເນີນມາດຕະການ ປິດກັ້ນສື່ສັງຄົມໃນລະບົບອີນເຕີເນັດ ທີ່ວິ
ຈານພັກລັດຢ່າງບໍ່ສ້າງສັນ ແລະກະທົບຕໍ່ຄວາມໝັ້ນຄົງແຫ່ງຊາດ.

ທ່ານຫຽມ ພົມມະຈັນ ລັດຖະມົນຕີວ່າການກະຊວງໄປສະນີ ແລະ
ໂທລະຄົມມະນາຄົມ ຢືນຢັນວ່າ ການດຳເນີນມາດຕະການ ກວດ
ກາການນຳໃຊ້ສື່ສັງຄົມ ຫຼື Social Media ດ້ວຍລະບົບ Internet
ໃນລາວ ທີ່ມີການຮັບສົ່ງຂໍ້ມູນຂ່າວສານ ລະຫວ່າງກັນ ຕະຫລອດເວລານັ້ນ ຍັງຈະຕ້ອງ
ມີການເພີ້ມມາດຕະການ ເຂັ້ມງວດຫຼາຍຂຶ້ນກວ່າເກົ່າ ເນື່ອງຈາກປາກົດວ່າ ໄດ້ມີການ
ນຳໃຊ້ ສື່ສັງຄົມໄປໃນທາງ ທີ່ບໍ່ສ້າງສັນຫຼາຍຂຶ້ນນັບມື້ ທັງຍັງມີການໃຫ້ຂໍ້ມູນຂ່າວສານ
ທີ່ບໍ່ມີມູນຄວາມຈິງອີກດ້ວຍ.

ຍິ່ງໄປກວ່ານັ້ນ ຈາກການດຳເນີນມາດຕະການກວດກາ ໃນລະຍະທີ່ຜ່ານມາ ກໍຍັງພົບວ່າ
ມີການນຳໃຊ້ສື່ສັງຄົມ Internet ໄປໃນທາງວິຈານເລື້ອງການເມືອງໃນລາວ ແລະໃສ່ຮ້າຍ
ປ້າຍສີການນຳ ໃນພັກປະຊາຊົນປະຕິວັດລາວ ແລະລັດຖະບານ ອັນຈະສົ່ງຜົນກະທົບຕໍ່
ຄວາມໝັ້ນຄົງແຫ່ງຊາດໄດ້ອີກດ້ວຍ ເພາະສະນັ້ນ ຈຶ່ງເຮັດໃຫ້ຕ້ອງມີການດຳເນີນມາດຕະ
ການປິດກັ້ນສື່ສັງຄົມ Internet ດັ່ງກ່າວຢ່າງເຂັ້ມງວດທີ່ສຸດ ໃນລະຍະຕໍ່ໄປນີ້ ດັ່ງທີ່ທ່ານ
ຫຽມ ໄດ້ຖະແຫລງຢືນຢັນວ່າ:

“ໃນການໃຊ້ສື່ສັງຄົມ Online ນີ້ ຜົນປະໂຫຍດນີ້ກໍ່ເພື່ອເປັນຂໍ້ມູນ ແລະແບ່ງຂໍ້ ມູນຄວາມຮູ້ສາລະຕ່າງໆ ການໂຄສະນາເຜີຍແຜ່ປະຊາສຳພັນ ລະຫວ່າງບຸກຄົນ
ລະຫວ່າງອົງການກັບອົງການ ແລະບັນດານັກທຸລະກິດ ກໍຄືການຄ້າ ແຕ່ຖ້າຫາກ
ບັນຊີໃດ ຫຼືວ່າຜູ້ໃດ ຂໍ້ຄວາມໃດທີ່ມັນເປັນໄພ ແກ່ສັງຄົມ ເປັນໄພແກ່ຜູ້ອື່ນ ແລະ
ປະ​ເທດ​ຊາດ​ຫັ້ນ ພວກ​ເຮົາ​ຈະ​ຕັດ​ເປັນ​ກໍລະນີ​ໄປ.”

ສະຖານີດາວທຽມ ລາວ-ຈີນ ໃນລາວ ໄດ້ຮັບການສ້ອມແປງຄືນໃໜ່.
ສະຖານີດາວທຽມ ລາວ-ຈີນ ໃນລາວ ໄດ້ຮັບການສ້ອມແປງຄືນໃໜ່.

ການ​ນຳ​ໃຊ້​ສື່​ສັງຄົມ​ດ້ວຍ​ລະ​ບົບ Internet ​ໃນ​ລາວ​ໄດ້ເພີ້​ມຂຶ້ນ
ຢ່າງ​ໄວ​ວາ ນັບ​ແຕ່​ປີ 2010 ທີ່​ລາວ​ໄດ້​ເລີ້ມ​ນຳ​ໃຊ້​ລະບົບ​ສື່ສານ
3G ​ແລະ​ໄດ້​ຍົກ​ລະດັບ​ເປັນ​ລະບົບ 4G ນັບ​ຈາກ​ປີ 2012 ​ເປັນ
ຕົ້ນມາ ຊຶ່ງ​ກໍ​ປາກົດ​ວ່າ​ມີ​ຜູ້ນຳ​ໃຊ້​ໂທລະສັບ​ມື​ຖື​ແລ້ວຫຼາຍກວ່າ 4
ລ້ານ 3 ​ແສນ​ຄົນ ຫຼື 65 ​ເປີ​ເຊັນ ຂອງ​ປະຊາກອນ​ທັງ​ໝົດ​ໃນ​ປັດ
ຈຸບັນ ​ໂດຍ​ໃນ​ນີ້​ກໍ​ມີ​ຢູ່ຫຼາຍກວ່າ 8 ​ແສນ​ຄົນ​ທີ່​ນຳ​ໃຊ້​ສື່​ສັງຄົມ
Internet ​ແລະ​ຄາດ​ວ່າ ຈະ​ເພີ້​ມຂຶ້ນ​ເປັນຫຼາຍກວ່າ 1 ລ້ານ​ຄົນ​
ໃນ​ທ້າຍປີ 2014 ນີ້.

ຍິ່ງ​ໄປ​ກວ່າ​ນັ້ນ ການ​ທີ່​ທາງ​ການ​ລາວ​ມີ​ກຳນົດ ​ການທີ່​ຈະ​ສົ່ງ​ດາວ
​ທຽມ​ດວງ​ທຳ​ອິດ​ຂອງ​ລາວ ທີ່​ລົງທຶນ​ໂດຍ​ບໍລິສັດ China Asia-
Pacific Mobile Telecommunications Satellite ຈຳກັດ​ຈາກ​ຈີນ ​ເນື່ອງ​ໃນ​ໂອກາດ​
ສະ​ເຫລີ​ມສະຫລອງ​ການ​ສະຖາປະນາ ສປປ.ລາວ ຄົບຮອບ 40 ປີ​ ໃນທ້າຍ​ປີ 2015 ນັ້ນກໍ​
ຍັງ​ຈະ​ເຮັດ​ໃຫ້ການ​ຊົມ​ໃຊ້​ສື່​ສັງຄົມ Internet ​ໃນ​ລາວ ​ມີ​ຄວາມ​ທັນ​ສະ​ໄໝ ​ແລະ​ຂະຫຍາຍ
​ກວ້າງຫຼາຍຂຶ້ນ ອີກ​ດ້ວຍ.

ການ​ສ້າງ ​ແລະ​ສົ່ງ​ດາວ​ທຽມ​ດວງ​ທຳ​ອິດ​ຂອງ​ລາວ ​ຂຶ້ນສູ່​ວົງ​ໂຄຈອນ​ດັ່ງກ່າວ ຖື​ເປັນ​ພາກ​ສ່ວນ​ໜຶ່ງ ຂອງ​ການ​ຮ່ວມ​ມື​ໃນ​ການ​ພັດ​ທະນາ ​ເທັກ​ໂນ​ໂລ​ຈີ ດ້ານ​ຂໍ້​ມູນ​ຂ່າວສານ​ລະຫວ່າງ​ລັດຖະບານລາວ​ກັບ​ຈີນ ທີ່​ໄດ້​ລົງ​ນາມ​ຮ່ວມ​ກັນ​ ໃນ​ປີ 2011 ຊຶ່ງ​ລັດຖະບານ​ຈີນ​ໄດ້​ຕົກລົງ​ໃຫ້​ເງິນ​ກູ້​ແກ່​ລັດຖະບານ​ລາວໃນ​ມູນ​ຄ່າ 254 ລ້ານ​ດອນ​ລາ ສຳ​ຫລັບ​ເປັນ​ຄ່າ​ຈ້າງ​ບໍລິສັດ​ໃນ​ການ​ສ້າງ​ ແລະ​ສົ່ງ​ດາວ​ທຽມ​ດວງ​ທຳ​ອິດ​ຂຶ້ນສູ່​ວົງ​ໂຄຈອນ​ດັ່ງ​ກ່າວ.

ດາວ​ທຽມ​ດວງ​ທຳ​ອິດ​ຂອງ​ລາວ ​ຈະ​ປະກອບ​ດ້ວຍ 22 ຊ່ອງ​ສັນຍານ ທີ່​ນຳ​ໃຊ້​ເພື່ອ​ການ​ຮັບ
ສົ່ງ​ສັນຍານ​ໂທລະພາບ​ ແລະ​ໂທລະ​ສັບ ຊຶ່ງຈະ​ມີ​ສ່ວນຢ່າງ​ສຳຄັນ​ຕໍ່​ການ​ພັດທະນາ​ລະບົບ
ການ​ຮັບ​ສົ່ງ​ຂໍ້​ມູນ​ຂ່າວສານ​ທີ່​ທັນ​ສະ​ໄໝ ​ລະ​ຫວ່າງປະຊາຊົນ​ລາວ​ດ້ວຍ​ກັນ ​ແລະ​ກັບ​ຊາວ
ຕ່າ​ງຊາດ ​ໂດຍ​ສະ​ເພາະ​ແມ່ນ​ໃນ​ດ້ານ​ການ​ພັດທະນາ​ການ​ຜະລິດ​ສິນຄ້າ ການ​ຂະຫຍາຍ
ຕະຫລາດ​ຕ່າງປະ​ເທດ​ສຳ​ຫລັບ​ສິນຄ້າ​ລາວ ​ແລະ​ການ​ດຶງ​ດູດ​ເອົາ​ການ​ລົງທຶນ​ ຈາກ​ຕ່າງ
ປະ​ເທດ​ໃຫ້​ເຂົ້າມາ​ໃນ​ລາວ ​ເພີ້​ມຂຶ້ນນັບ​ມື້ນັ້ນ ຖື​ເປັນ​ເປົ້າໝາຍ​ບຸລິມະສິດ​ຂອງ​ລັດຖະບານ
ລາວ ​ໃນ​ການ​ລົງທຶນ​ສ້າງ​ດາວ​ທຽມ​ດວງ​ທຳ​ອິດ​ນີ້.

ນອກຈາກ​ນັ້ນ ລັດຖະບານ​ລາວ​ຍັງ​ມີ​ແຜນການ​ທີ່​ຈະ​ສ້າງ​ດາວ​ທຽມ​ດວງ​ທີ 2 ​ເພື່ອ​ໃຫ້​ຄົບ​ຖ້ວນ ຕາມ​ທີ່​ໄດ້ຮັບ​ສິດ​ຈາກ​ອົງ​ການດາວ​ທຽມ​ສາກົນ​ອີກ​ດ້ວຍ ​ໂດຍ​ຈະ​ເປັນ​ການ​ຮ່ວມ​ທຶນ​ລະຫວ່າງ​ທາງ​ການ​ລາວ​ກັບ​ບໍລິສັດ​ເອກະ​ຊົນ​ຈີນ​ ຊຶ່ງ​ຄາດໝາຍ​ວ່າ​ຈະ​ຕ້ອງ​ໃຊ້​ເງິນ​ລົງທຶນ​ໃນ​ມູນ​ຄ່າ​ເຖິງ 960 ລ້ານ​ດອນ​ລາ ​ເນື່ອງ​ຈາກ​ວ່າ​ເປັນ​ດາວ​ທຽມ​ທີ່​ມີ​ເຖິງ 36 ຊ່ອງສັນຍານ​ໃນ​ການ​ຮັບ​ສົ່ງ​ສັນຍານ​ໂທລະພາບ ​ແລະ​ໂທລະສັບ ຈຶ່ງ​ຕ້ອງໃຊ້​ເງິນ​ລົງທຶນ​ສູງ​ກວ່າ​ ດາວ​ທຽມ​ດວງ​ທຳ​ອິດ​ຂອງ​ລາວ​ນັ້ນ​ເອງ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG