ລິ້ງ ສຳຫລັບເຂົ້າຫາ

ລາວ ຈະບໍ່ສາມາດ ບັນລຸເປົ້າໝາຍ ດ້ານສຸຂະພາບ ແມ່ແລະເດັກ ໄດ້


ດຣ. ເອກສະຫວ່າງ ວົງວິຈິດ ລັດຖະມົນຕີກະຊວງສາທາລະນະສຸກ
ລັດຖະມົນຕີວ່າການກະຊວງສາທາລະນະສຸກຂອງລາວຍອມຮັບ
ວ່າໃັນເປັນການຍາກຫຼາຍທີ່ຈະບັນລຸເປົ້າໝາຍສະຫັດສະວັດ
ການພັດທະນາກ່ຽວກັບສຸຂະພາບອະນາໄມຂອງແມ່ແລະເດັກ ໄດ້ໃນປີ 2015.

ທ່ານເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາ
ທາລະນະສຸກ ຖະແຫຼງຍອມຮັບຕໍ່ກອງປະຊຸມສະໄໝສາມັນຄັ້ງ
ທີ 4 ຂອງສະພາແຫ່ງຊາດ ລາວ ຊຸດທີ 7 ຊຶ່ງໄດ້ເປີດກອງປະ ຊຸມຢ່າງເປັນທາງການໃນວັນທີ່ 5 ທັນວາ ທີ່ຜ່ານມານີ້ວ່າ ການຈັດຕັ້ງປະຕິບັດວຽກງານດ້ານສາທາລະນະສຸກເພື່ອ
ໃຫ້ບັນລຸເປົ້າໝາຍສະຫັດສະວັດການພັດທະນາໃນລາວໃຫ້
ໄດ້ໃນປີ 2015 ນັ້ນ ເຖິງແມ່ນວ່າຈະມີຄວາມຄືບໜ້າເກີດ
ຂຶ້ນໃນຫຼາຍດ້ານກໍຕາມ ຫາກແຕ່ວ່າກໍມີບາງດ້ານທີ່ຍັງ
ທ້າທາຍ ແລະກໍເປັນການຍາກທີ່ຈະບັນລຸເປົ້າໝາຍໃນປີ 2015 ໄດ້ຢ່າງແທ້ຈິງ.

ໂດຍສະເພາະແມ່ນເປົ້າໝາຍສະຫັດສະວັດໃນດ້ານໂພຊະນາການຂອງເດັກ ນ້ອຍແລະ ໃນດ້ານອັດຕາການເສຍຊີວິດຂອງແມ່ຍິງໃນຂະນະຕັ້ງທ້ອງ ຫຼືຖືພາ ຖືເປັນບັນຫາທີ່ມີ ຄວາມຄືບໜ້າຢ່າງຊັກຊ້າທີ່ສຸດ ຕົວຢ່າງກໍຄືບັນຫາ ກ່ຽວກັບການຂາດສານອາຫານຂອງ ເດັກນ້ອຍທີ່ມີອາຍຸຕໍ່າກວ່າ 5 ປີນັ້ນ ກໍໄດ້ເປັນສາເຫດເຮັດໃຫ້ການລົດຈໍານວນເດັກນ້ອຍ ຕົວເຕ້ຍ ສາມາດດໍາເນີນໄປຢ່າງຊັກຊ້າ ກໍຄືສາມາດລົດຈໍານວນເດັກນ້ອຍຕົວເຕ້ຍຈາກ ລະດັບ 40% ໃນປີ 2006 ລົງມາເປັນ 38% ໃນປັດຈຸບັນນີ້ ຫຼືລົດລົງພຽງແຕ່ 2% ເທົ່າ ນັ້ນ ໃນໄລຍະ 6 ປີຜ່ານມານີ້.

ສ່ວນເດັກນ້ອຍອາຍຸຕໍ່າກວ່າ 5 ປີທີ່ມີນໍ້າໜັກຕໍ່າກວ່າເກນນັ້ນ ກໍຍັງຄິດເປັນ ສັດສ່ວນເຖິງ 32% ໃນຂະນະທີ່ເປົ້າໝາຍສະຫັດສະວັດກໍໄດ້ວາງເອົາໄວ້ທີ່ ລະດັບບໍ່ເກີນ 22% ຂອງຈໍາ
ນວນເດັກນ້ອຍທີ່ມີອາຍຸຕໍ່າກວ່າ 5 ປີໃນທົ່ວປະເທດ ຈຶ່ງນັບເປັນບັນຫາທ້າທາຍອີກດ້ານ ນຶ່ງທີ່ເປັນການຍາກທີ່ຈະດໍາເນີນການຈັດຕັ້ງປະຕ້ບັດໃຫ້ບັນລຸເປົ້າໝາຍສະຫັດສະວັດ
ໄດ້ໃນປີ 2015 ເພາະ ໃນໄລຍະນັບແຕ່ປີ 2006 ເປັນຕົ້ນມາ ລັດຖະບານລາວສາມາດ ລົດຈໍານວນເດັກນ້ອຍທີ່ມີນໍ້າໜັກຕໍ່າກວ່າເກນໄດ້ພຽງແຕ່ 5% ເທົ່ານັ້ນ ຊຶ່ງກໍເຊັ່ນດຽວ ກັນກັບບັນຫາກ່ຽວກັບອັດຕາການເສຍຊີວິດຂອງແມ່ຍິງໃນຂະນະຕັ້ງທ້ອງ ດັ່ງທີ່ທ່ານ ເອກສະຫວ່າງ ໄດ້ຖະແຫຼງຊີ້ແຈງໃນຕອນນຶ່ງວ່າ:
ກອງປະຊຸມສະພາແຫ່ງຊາດຊຸດທີ 4
ກອງປະຊຸມສະພາແຫ່ງຊາດຊຸດທີ 4

ເປົ້າໝາຍທີ່ນຶ່ງລົບລ້າງຄວາມທຸກຍາກ ແລະໄພ
ອຶດຫິວໂດຍສະເພາະດ້ານໂພຊະນາການນີ້ເຫັນວ່າ
ອັດຕາສ່ວນເດັກນ້ອຍລຸ່ມຫ້າປີທີ່ມີນໍ້າໜັກຕໍ່າ
ອັນນີ້ໜີ້ ຄືບໜ້າຊ້າ ແລ້ວກໍອັດຕາສ່ວນເດັກນ້ອຍ
ລຸ່ມຫ້າປີ ທີ່ເຕ້ຍບໍ່ສູງອັນນີ້ກໍຊ້າຄືກັນ ບັດນີ້ການ
ສົ່ງເສີມສຸຂະພາບຂອງແມ່ ອັນນີ້ໜີ້ເຫັນວ່າອັດຕາ
ສ່ວນການຕາຍຂອງແມ່ນີ້ເຖິງວ່າຈະຫລຸດລົງຈາກ
650 ສ່ວນແສນຄົນໃນປີ 1995 ກະ ຫລຸດລົງມາຢູ່
ປະມານ 339 ແຕ່ວ່າຕ້ອງບັນລຸ 260 ສ່ວນແສນ
ຄົນໃນປີ 2015 ໝາຍຄວາມວ່າຍັງທ້າທາຍຢູ່.”


ຍິ່ງໄປກວ່ານັ້ນ ອັດຕາການເສຍຊີວິດຂອງແມ່ຍິງລາວໃນຂະນະຕັ້ງທ້ອງກໍຍັງຖືເປັນອັດ
ຕາ ທີ່ສູງທີ່ສຸດໃນ 10 ປະເທດສະມາຊິກໃນກຸ່ມອາຊ່ຽນນໍາກັນອີກດ້ວຍ ຊຶ່ງກໍຄືໃນຂະນະ ທີ່ອັດຕາການເສຍຊີວິດຂອງແມ່ຍິງລາວທີ່ຕັ້ງທ້ອງໃນ ປັດຈຸບັນຢູ່ທີ່ລະດັບ 339 ຄົນຕໍ່ ນຶ່ງແສນຄົນນັ້ນກໍປາກົດວ່າໃນມຽນມາຢູ່ທີ່ລະດັບ 250 ຄົນ ກໍາປູເຈຍ 206​ ຄົນ ຫວຽດ ນາມ 56 ຄົນ ແລະໄທ 48 ຄົນ ຕໍ່ແສນຄົນຕາມລໍາດັບ.

ທັງນີ້ໂດຍທ່ານເອກສະຫວ່າງ ໄດ້ໃຫ້ການອະທິບາຍວ່າສາເຫດສໍາຄັນປະການນຶ່ງທີ່ເຮັດ ໃຫ້ເກີດສະພາບການດັ່ງກ່າວນີ້ໃນລາວ ກໍຄືການຂາດແຄນ ແພດແລະນາງຜະດຸງຄັນ ທີ່ຄອຍໃຫ້ການຊ່ວຍເຫຼືອແມ່ຍິງໃນຂະນະອອກລູກ ເພາະອັດຕາການມີແພດ ຫຼືນາງຜະ ດຸງຄັນທີ່ຄອຍໃຫ້ການຊ່ວຍເຫຼືອໃນຂະນະອອກລູກໃນປັດຈຸບັນນີ້ຄິດເປັນພຽງ 41% ຂອງການເກີດລູກທັງໝົດເທົ່ານັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG