ລິ້ງ ສຳຫລັບເຂົ້າຫາ

logo-print

ກ່ອງດໍາ ຈາກເຮືອບິນ ລາວ ທີ່ປະສົບ ອຸບັດເຫດຕົກ ກູ້​ຂຶ້ນ​ມາ ​ໄດ້​ແລ້ວ


ຄະນະເຈົ້າໜ້າທີ່ ພ້ອມກັບ ກ່ອງດໍາ ຫຼື black box ທີ່ ກູ້ ຂຶ້ນມາໄດ້
ທາງ​ການ​ລາວ​ແລະ​ຄະນະ​ຜູ້​ຊ່ຽວຊານ​ຈາກ​ຝຣັ່ງ ສາມາດ​ນໍາ​
ເອົາ​ກ່ອງດໍາ ຫຼື black box ທັງ​ສອງ​ອັນ ທີ່​ບັນທຶກ​ສຽງ​ຂໍ້​ມູນ
ດ້ານ​ເທັກນິກ ທີ່​ເປັນສາ​ເຫດ​ຂອງ​ເຮືອບິນ​ຕົກ​ຢູ່​ໃນ​ແມ່​ນໍ້າ
ຂອງ​ ຂື້ນ​ມາ​ໄດ້​ແລ້ວ


ທ່ານ ລັດຕະນະມະນີ ຄູນ​ນິວົງ ລັດຖະມົນຕີ​ຊ່ວຍ​ວ່າການ​ກະຊວງ​ໂຍທາ​ທິການ​ແລະ​ຂົນ​ສົ່ງ ​ໃນ​ຖານະ​ຮອງ​ຫົວໜ້າ​ຄະນະ​ສ​ະ​ເພາະ​ກິດ ​ເພື່ອ​ການ​ສືບສວນ​ສອບ​ສວນ​ອຸ​ບັດ ​ເຫດ​ເຮືອບິນ​ຕົກລົງໃນ​ແມ່​ນໍ້າຂອງ​ຢູ່​ແຂວງ​ຈໍາປາ​ສັກ ​ໄດ້​ຖະ​ແຫຼ​ງຢືນຢັນ​ວ່າ ຄະນະ​ຜູ້​ຊ່ຽວ ຊານ​ຂອງ​ບໍລິສັດ​ຜູ້​ຜະລິດ​ເຮືອບິນ ATR ຈາກ​ຝຣັ່ງ ທີ່​ປະສົບ​ອຸບັດ​ເຫດ​ຕົກລົງ​ໃນ​ແມ່​ນໍ້າ ຂອງ ຢູ່​ແຂວງ​ຈໍາປາ​ສັກ ​ເມື່ອ​ວັນ​ທີ 16 ຕຸລາ​ທີ່​ຜ່ານ​ມາ ສາມາດ​ເກັບ​ກູ້​ເອົາ​ກ່ອງ ດໍາ ຫຼື black box ທັງ​ສອງ​ອັນ ທີ່​ບັນ​ທຶກ​ສຽງ​ແລະ​ຂໍ້​ມູນ​ທີ່​ເປັນສາ​ເຫດ​ຂອງ​ເຮືອບິນ​ຕົກ​ນັ້ນ ຂື້ນມາ​ໄດ້​ແລ້ວ ​ເມື່ອ​ວັນ​ທີ 31 ​ຕຸ​ລາ ທີ່​ຜ່ານ​ມາ.

ຫາກ​ແຕ່​ວ່າ ການ​ທີ່​ຈະ​ສາມາດ​ຮູ້​ເຖິງ​ສາເຫດ ​ໄດ້​ຢ່າງ​ຄັກ​ແນ່​ຈາກ​ສຽງ​ແລະ​ຂໍ້​ມູນ​ດ້ານເທັກ
ນິກ ທີ່​ໄດ້​ບັນທຶກ​ໄວ້​ໃນ​ກ່ອງດໍາ​ທັງ​ສອງ​ກ່ອງດັ່ງກ່າວນັ້ນ ກໍ​ອາດ​ຈະ​ຕ້ອງ​ໃຊ້​ເວລາເຖິງ 6-12 ​ເດືອນ ຈຶ່ງ​ຈະ​ຈັດ​ທໍາ​ເປັນ​ລາຍ​ງານ​ຢ່າງ​ສົມບູນ​ໄດ້ ດັ່ງ​ທີ່​ທ່ານ ລັດ​ຕະນະມະ​ນີ ​ໄດ້​ໃຫ້ການ ຢືນຢັນ​ວ່າ:
ກ່ອງດໍາ ຫຼື black box
ກ່ອງດໍາ ຫຼື black box

“​ເອົາ​ກ່ອງດໍາ​ຂຶ້ນມາ​ແລ້ວ ​ໂຕ​ໃຫຍ່ ມັນ​ມີ​ສອງກ່ອງ ມັນ​ຕ້ອງ​
ນໍາ​ໄປ​ອ່ານ ອ່ານແລ້ວ​ກໍ​ຈະ​ຕ້ອງ​ລາຍ​ງານ​ວ່າ ກ່ອນ​ເກີດ​ເຫດ ​
ມັນ​ມີ​ຫຍັງໆ ມັນ​ກໍ​ຈະ​ຮູ້​ຂໍ້​ມູນ ຮູ້​ບັນດາ​ຂໍ້​ມູນ​ຢູ່​ໃນຫີບ​ດໍາ​ນີ້.
ສະ​ນັ້ນ ​ເຮົາ​ຈະ​ຕ້ອງ​ໄປ​ອ່ານ​ກ່ອນ ຂັ້ນ​ຕອນ​ຕໍ່​ໄປ​ເປັນ​ຂັ້ນ
​ຕອນ​ວິຊາ​ການ​ ຂອງ​ຫ້ອງ​ທົດ​ລອງ ຂອງ​ພວກ​ເຂົາ​ເຈົ້າວ່າ​
ເປັນ​ແບບ​ໃດ ປົກກະຕິ​ທົ່ວ​ໄປ​ແລ້ວ​ປະມານ 6 ​ເດືອນ​ຫາປີ
​ນຶ່ງ ຈຶ່ງ​ຈະມີ​ບົດ​ລາຍ​ງານ​ສຸດ​ທ້າຍ ຫຼັງ​ຈາກ​ອ່ານ​ແລ້ວ ຈະ
​ມີ​ບົດລາຍ​ງານ ປະມານ 6 ​ເດືອນ​ ໂດຍທົ່ວ​ໄປ.”


ນອກຈາກ​ການ​ທີ່​ສາມາດ​ເກັບ​ກູ້​ກ່ອງດໍາ​ທັງ​ສອງ​ອັນ ຂຶ້ນມາ​ໄດ້​ດັ່ງກ່າວ​ແລ້ວ ບັນດານັກກູ້
​ໄພ​ກໍ​ສາມາດ​ຄົ້ນ​ພົບ​ ແລະ​ນໍາ​ສົບ​ຂອງ​ຜູ້​ເສຍ​ຊີວິດ​ຈາກ​ອຸບັດ​ເຫດ​ຄັ້ງ​ນີ້​ ຂຶ້ນມາ​ຈາກນໍ້າຂອງ
​ໄດ້​ແລ້ວ 47 ສົບ ​ແລະ 33 ຊີ້ນ​ສ່ວນ ທີ່​ເຊື່ອ​ວ່າ​ເປັນ​ອະ​ໄວ​ຍະ​ວະ​ຂອງ​ຜູ້​ທີ່​ເສຍຊີວິດໄປ​ທັງ
ໝົດ 49 ຄົນ ຈາກ​ອຸບັດ​ເຫດ​ໃນ​ຄັ້ງ​ນີ້ ​ໂດຍ​ໃນ​ນີ້​ກໍ​ສາມາດ​ຢືນຢັນ​ເອກ​ກະ​ລັກ​ສ່ວນບຸກຄົນ
ຫຼື DNA ​ໄດ້​ແລ້ວ 43 ກໍລະນີ ທີ່​ແບ່ງ​ເປັນ 42 ສົບ ​ແລະ 1 ຊິ້ນ​ສ່ວນ ຈຶ່ງ​ຍັງ​ເຫຼືອ 6 ສົບ ​ແລະ
31 ຊິ້ນ​ສ່ວນ ທີ່​ຈະ​ຕ້ອງ​ພິສູດ DNA ຕໍ່​ໄປ ຊຶ່ງ​ກໍ​ແບ່ງ​ເປັນ​ຄົນ​ສັນຊາດ​ລາວ 3 ຝຣັ່ງ 2 ແລະ
ອອສ​ເຕຣ​ເລຍ 1 ສົບ.

ອຸບັດ​ເຫດ​ເຮືອບິນ​ໂດຍສານ​ຂອງ Lao Airlines ຕົກລົງ​ໃນ​ແມ່​ນໍ້າຂອງ ​ໄດ້​ເກີດ​ຂຶ້ນ​ໃນ​
ເວລາ 16 ​ໂມງ ຂອງ​ວັນ​ທີ 16 ຕຸລາ​ທີ່​ຜ່ານ​ມາ ​ໂດຍ​ເຮັດ​ໃຫ້​ມີ​ຜູ້​ເສຍ​ຊີວິດ​ໄປ​ທັງ​ໝົດ
49 ຄົນ ​ໂດຍ​ໃນ​ນີ້ ​ກໍ​ເປັນ​ນັກ​ບິນ 2 ຄົນ ກັບ​ພະນັກງານ​ປະ​ຈໍາ​ເຮືອບິນ 3 ຄົນ ​ແລະ​ຜູ້
ໂດຍສານ​ອີກ 44 ຄົນ. ​

ສົບຂອງຜູ້ເສຍຊີວິດຈາກເຮືອບິນປະສົບອຸບັດເຫດ
ສົບຂອງຜູ້ເສຍຊີວິດຈາກເຮືອບິນປະສົບອຸບັດເຫດ

ໂດຍ​ສໍາລັບ​ຜູ້​ໂດຍສານ ທີ່​ເສຍ​ຊີວິດ​ທັງ 44 ຄົນ​ນັ້ນ​ ປະກອບ
​ດ້ວຍ ຄົນ​ລາວ 16 ຄົນ, ຝຣັ່ງ 7 ຄົນ, ອອສ​ເຕຣ​ເລຍ 6 ຄົນ,
​ໄທ 5 ຄົນ, ​ເກົາຫຼີ​ໃຕ້ 3 ຄົນ, ຫວຽດນາມ 3 ຄົນ ກັບ​ຜູ້​ໂດຍ
ສານ​ຊາວ​ຈີນ ​ໄຕ້​ຫວັນ ມາ​ເລ​ເຊຍ​ ​ແລະ ສະຫະລັດ​ອາ​ເມຣິ
ກາ ປະ​ເທດ​ລະ 1 ຄົນ ຊຶ່ງ​ທັງ​ໝົດ​ກໍ​ຈະ​ໄດ້​ຮັບ​ການ​ຊົດ​ເຊີຍ
​ທັງ​ຈາກ​ບໍລິສັດ​ປະກັນ​ໄພ ​ແລະ​ການ​ຄຸ້ມ​ຄອງ​ສິດທິ​ຕ່າງໆ​
ຢ່າງ​ເຕັມ​ສ່ວນ ຈາກ​ລັດ​ວິ​ສາ​ຫະກິດ​ການບິນ​ລາວ ​ໂດຍ​ໃນ
ຂັ້ນ​ເບື້ອງ​ຕົ້ນ ລັດ​ວິ​ສາ​ຫະກິດ​ການ​ບິນ​ລາວ ກໍ​ໄດ້​ໃຫ້ການ​
ຊ່ວຍ​ເຫຼືອ​ສໍາ​ລັບ​ພິທີ​ກໍາ​ທາງສາສະໜາ ​ແກ່​ສົບ​ທີ່ເສຍ​ຊີວິດ
​ໃນ​ມູນ​ຄ່າ 39 ລ້ານ​ກີບ ຫຼື 5,000 ໂດລ່າ ຕໍ່​ສົບ​ແລ້ວ.

ຍິ່ງ​ໄປ​ກວ່າ​ນັ້ນ ຜູ້​ບໍລິຫານ​ລັດ​ວິ​ສາ​ຫະກິດ​ການ​ບິນ​ລາວ ກໍ​ຍັງ​ໄດ້​ສະ​ແດງ​ຄວາມ​ເຊື່ອໝັ້ນ
​ດ້ວຍ​ວ່າ ອຸ​ບັດ​ເຫດ​ໃນ​ຄັ້ງ​ນີ້ ບໍ່​ໄດ້​ມີ​ສາ​ເຫດ​ມາ​ຈາກ​ຄວາມ​ບົກພ່ອງ​ໃນ​ດ້ານ​ເທັ​ກນິກຂອງ
ເຮືອບິນ​ຢ່າງ​ແນ່ນອນ ​ເພາະ​ເຮືອບິນ​ທີ່​ປະສົບ​ອຸບັດ​ເຫດ​ໃນ​ຄັ້ງ​ນີ້ ​ເປັນ​ເຮືອບິນ​ລຸ້ນ ATR72
-600 ທີ່​ຫາ​ກໍ​ຊື້​ແລະ​ນໍາ​ເຂົ້າມາ​ຈາກ​ປະ​ເທດ​ຝຣັ່ງ ​ເມື່ອ​ເດືອນ​ມີນາ​ປີ​ນີ້ ​ແລະ​ໄດ້ຜ່ານການ​
ໃຊ້​ງານ​ໃນ​ການ​ໃຫ້ການ​ບໍລິການ​ຜູ້​ໂດຍສານ ຄິດ​ເປັນ​ເວ​ລາ​ລວມ ກັນ​ພຽງ​ແຕ່ 758 ຊົ່ວ
ໂມງ​ເທົ່າ​ນັ້ນ.

ເບິ່ງຄວາມເຫັນ (3)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG