ລິ້ງ ສຳຫລັບເຂົ້າຫາ

ລາວວາງແຜນການສົ່ງເຂົ້າ ອອກຂາຍຕ່າງປະເທດ ໃຫ້ໄດ້ເຖິງ 6 ແສນ ໂຕນ ພາຍໃນປີ 2015

  • ຊົງຣິດ ໂພນເງິນ

ປະຊາຊົນລາວດໍານາຢ່າງຕັ້ງໜ້າ ເພື່ອຈະໄດ້ມີເຂົ້າຂາຍພາຍໃນປະເທດ ແລະສົ່ງອອກ ໃຫ້ໄດ້ຫລາຍຂຶ້ນ.

ລັດຖະບານລາວວາງແຜນການທີ່ຈະສົ່ງອອກເຂົ້າໃຫ້ໄດ້ເຖິງ 6 ແສນໂຕນພາຍໃນປີ 2015 ພ້ອມທັງຈະ ເພີ່ມຜົນຜະລິດສິນຄ້າປຸງແຕ່ງໃຫ້ໄດ້ເກີນກວ່າ10% ແລະຂະຫຍາຍຕະຫຼາດ ພາຍໃນປະເທດໃຫ້ໄດ້ເຖິງ 80%.

ລາວມີແຜນທີ່ຈະສົ່ງອອກເຂົ້າໃຫ້ໄດ້ເຖິງ 6 ແສນໂຕນ ພາຍໃນປີ 2015, ເພີ່ມຜົນຜະລິດສິນຄ້າປຸງແຕ່ງໃຫ້ໄດ້
ຫຼາຍກວ່າ 10% ແລະຂະຫຍາຍຕະຫຼາດພາຍໃນປະເທດ ເຖິງ 80%.

ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ປະຈໍາການລັດຖະບານລາວ
ໄດ້ຖະແຫຼງເຖິງ ເປົ້າໝາຍຂອງລັດຖະບານລາວກ່ຽວກັບການເສີມຂະຫຍາຍການຄ້າທັງພາຍ
ໃນ ແລະຕ່າງປະເທດຈາກປັດຈຸ ບັນເຖິງປີ 2015 ວ່າ ເປົ້າໝາຍສໍາຄັນທີ່ສຸດກໍຄືການເພີ້ມ
ມູນຄ່າການສົ່ງອອກສິນຄ້າໄປຕ່າງປະເທດ ເພື່ອເຮັດໃຫ້ລາວບໍ່ຕ້ອງປະເຊີນໜ້າກັບບັນຫາ
ຂາດດຸນການຄ້າຕ່າງປະເທດອີກຕໍ່ໄປພາຍໃນປີ 2015. ການທີ່ຈະເຮັດໃຫ້ສາມາດບັນລຸເປົ້າ
ໝາຍດັ່ງກ່າວໄດ້ຢ່າງແທ້ຈິງນັ້ນ ກໍຕ້ອງການການສົ່ງເສີມເພື່ອເພີ້ມຜົນຜະລິດສິນຄ້າກະສິກໍາ
ແລະ ສິນຄ້າປຸງແຕ່ງຊະນິດຕ່າງໆ ເພື່ອສົ່ງອອກໄປຕ່າງປະເທດໃຫ້ໄດ້ຫຼາຍຂຶ້ນຢ່າງຕໍ່ເນື່ອງ
ລວມທັງຈະຕ້ອງເສີມຂະຫຍາຍຕະຫຼາດການຄ້າພາຍໃນປະເທດໃຫ້ກວ້າງຂວາງຫຼາຍຂຶ້ນອີກ
ດ້ວຍ, ດັ່ງທີ່ທ່ານ ສົມສະຫວາດ ໄດ້ ຖະແຫຼງຊີ້ແຈງໃນຕອນນຶ່ງວ່າ:

ຊາວນາລາວຫຍິບເປົາເຂົ້າທີ່ເກັບກ່ຽວໄດ້ຈາກການ ຜະລິດໃນ ປີ 2010 ທີ່ຜ່ານມານີ້.
ຊາວນາລາວຫຍິບເປົາເຂົ້າທີ່ເກັບກ່ຽວໄດ້ຈາກການ ຜະລິດໃນ ປີ 2010 ທີ່ຜ່ານມານີ້.

ດ້ານການຜະລິດເປັນສິນຄ້າ
ສູ້ຊົນຜະລິດເຂົ້າເພື່ອສົ່ງອອກ
ໃຫ້ໄດ້ສະເລ່ຍ
6 ແສນໂຕນ
ຕໍ່ປີສູ້ຊົນເຮັດໃຫ້ອຸດສາຫະ
ກໍາປຸງແຕ່ງຂະຫຍາຍໂຕໃນ
ອັດຕາສ່ວນ
12-13%ຕໍ່ປີ
ຂະຫຍາຍຕະຫຼາດຂາຍຍ່ອຍ
ໃຫ້ກວາມເອົາ
80% ຂອງ
ຈໍານວນກຸ່ມບ້ານ

ແຕ່​ຢ່າງ​ໃດ​ກໍ​ຕາມ​ສໍາລັບໃນ​ໄລຍະ 6 ​ເດືອນ​ທຳ​ອິດ​ຂອງ​ແຜນການ 2010–2011 ກໍ​ຄື​
ນັບ​ຈາກ​ເດືອນຕຸລາ 2010​ ເຖິງມີນາ 2011 ທີ່​ຜ່ານ​ມາ​ນີ້ ປະ​ເທດ​ລາວ​ຕ້ອງປະ​ເຊີນ​ກັບ​
ສະພາວະ​ຂາດ​ດຸນ​ການ​ຄ້າ​ຕ່າງ​ປະ​ເທດ​ເພີ່ມ​ຂຶ້ນ​ເຖິງ 48% ຖ້າ​ທຽບ​ກັບ​ໄລຍະດຽວ​ກັນ​ກັບ
ແຜນການ​ປີ 2009–2010 ທີ່ຜ່ານ​ມາ.

ເຊິ່ງກໍ​ຄື​ໃນ​ຂະນະ​ທີ່​ລາວ​ໄດ້​ສົ່ງອອກ​ສິນຄ້າ​ໄປ​ຕ່າງປະ​ເທດ​ຄິດ​ເປັນ​ມູນ​ຄ່າ​ລວມ 836 ລ້ານ
ໂດ​ລາ ຫຼື ​ເປັນ 86% ຂອງ​ແຜນການ​ຕະຫຼອດ​ປີນັ້ນ ​ກໍ​ປະກົດ​ວ່າ ​ໄດ້​ມີ​ການ​ນຳ​ເຂົ້າສິນ
ຄ້າຈາກ​ຕ່າງປະ​ເທດ​ຄິດ​ເປັນ​ມູນ​ຄ່າ​ເຖິງ 1,047 ​ລ້ານ​ໂດ​ລາ ຫຼືຄິດ​ເປັນ 83% ຂອງແຜນ
ການ​ຕະຫຼອດ​ປີ ຈຶ່ງ​ເຮັດ​ໃຫ້​ລາວ ຕ້ອງ​ປະ​ເຊີນກັບສະພາ​ວະ​ຂາດ​ດຸນ​ການ​ຄ້າ​ຕ່າງປະເທດ
ຄິດ​ເປັນ​ມູນ​ຄ່າ​ລວມ​ເຖິງ 211 ​ລ້ານ​ໂດ​ລາ ​ນັ້ນ​ເອງ.

ສິນຄ້າປຸງແຕ່ງຂອງລາວ ເພື່ອສົ່ງອອກ
ສິນຄ້າປຸງແຕ່ງຂອງລາວ ເພື່ອສົ່ງອອກ

ທັງ​ນີ້ ອີງ​ຕາມລາຍ​ງານ​ຂອງ​ກະຊວງ​ແຜນການ ແລ​ະການ
ລົງທຶນ​ຂອງ​ລາວດັ່ງກ່າວ​ນີ້ ຍັງ​ໄດ້​ລະ​ບຸ​ອີກດ້ວຍ​ວ່າ ສາ​
ເຫດ​ທີ່​ເຮັດ​ໃຫ້​ລາວຕ້ອງ​ປະ​ເຊີນ​ກັບ​ສະພາວະ​ຂາດ​ດຸນ​ການ
ຄ້າ​ຕ່າງປະ​ເທດ​ຫຼາຍທີ່​ສຸດ​ນັ້ນ​ກໍແມ່ນການ​ນຳ​ເຂົ້າ​ສິນຄ້າອຸ
ປະ​ໂພ​ກ, ບໍລິໂພ​ກທີ່ກວາມ​ເອົາ​ເຖິງ 72% ຂອງ​ມູນ​ຄ່າ​
ການ​ນຳ​ເຂົ້າ​ທັງ​ໝົດໃນຂະນະ​ທີ່​ການ​ນຳ​ເຂົ້າ​ສິນຄ້າ​ປະ​ເພດ
ທຶນ​ຂອງ​ບັນດາ​ໂຄງການ​ລົງທຶນ​ຕ່າງໆ​ໃນ​ລາວ​ນັ້ນກໍກວາມ
ເອົ​າພຽງ​ແຕ່ 28% ເທົ່າ​ນັ້ນ. ທັງນີ້​ ໂດຍ​ສະ​ເພາະແມ່ນນ້ຳ
ມັນ​ເຊື້ອ​ໄຟ​ນັ້ນ ຖືເປັນ​ສິນຄ້າ​ນຳເຂົ້າທີ່​ເຮັດ​ໃຫ້​ລາວ​ຕ້ອງ​ຂາດ
ດຸນການ​ຄ້າຕ່າງປະເທດເພີ່ມ​ຂຶ້ນ​ຫຼາຍທີ່​ສຸດ.

ທາງ​ດ້ານທ່ານຄໍາຈັນ ລັດຕະນະວົງ, ປະທານສະມາຄົມນໍ້າມັນ​ເຊື້ອ​ໄຟ​ແລະ​ອາຍ​ແກັສລາວ
ກໍໄດ້ໃຫ້ການຢືນຢັນວ່າ ການຊົມໃຊ້ນໍ້າມັນເຊື້ອໄຟຢູ່ໃນລາວໄດ້ເພີ້ມຫລາຍຂຶ້ນທຸກປີ. ສໍາລັບ​
ໃນ​ຕະຫລອດປີ 2011 ນີ້ ກໍຄາດໝາຍ​ວ່າລາວ​ຈະ​ນໍາ​ເຂົ້ານໍ້າມັນ​ເຊື້ອ​ໄຟຈາກ​ຕ່າງປະ​ເທດ
ໃນ​ປະລິມານ​ລວມເກີນ​ກວ່າ 750 ລ້ານ​ລິດ​.

ປໍ້ານໍ້າມັນແຫ່ງນຶ່ງ ໃນນະຄອນວຽງຈັນ
ປໍ້ານໍ້າມັນແຫ່ງນຶ່ງ ໃນນະຄອນວຽງຈັນ

ຍິ່ງ​ໄປ​ກວ່າ​ນັ້ນການ​ທີ່ທາງ​ການລາວ ໄດ້ອະນຸມັດ​ໃຫ້​ມີ​ການ​
ປັບ​ຂຶ້ນລາຄາ​ນໍ້າມັນ​ເຊື້​ອ​ໄຟ ທຸກ​ຊະໜິດ ​ໃນ​ປະ​ເທດ​ລາວ
ຂຶ້ນ​ເຖິງ 7 ຄັ້ງ​ແລ້ວ ນັບແຕ່​ຕົ້ນປີ 2011 ​ເປັນຕົ້ນມາກໍບໍ່
ພຽງ​ແຕ່ເຮັດ​ໃຫ້ປະຊາຊົນ​ລາວຕ້ອງໄດ້​ແບກ​ຫາບພາລະ​ລາ
ຄານໍ້າມັນ​ທີ່​ແພງ​ຫລາຍ​ຂຶ້ນຢ່າງ​ຕໍ່​ເນື່ອງ​ເທົ່າ​ນັ້ນ ຫາກ​ແຕ່​
ຍັງ​ໄດ້​ສົ່ງ​ຜົນ​ເຮັດ​ໃຫ້​ລາຄາສິນຄ້າ​ອຸປະ​ໂພ​ກ, ບໍລິ​ໂພ​ກແພງ
ຂຶ້ນອີກ​ດ້ວຍ ​ແລະ​ຜົນ​ທີ່​ຕິດຕາມ​ມາ​ກໍ​ຄື ​ອັດຕາ​ເງິນ​ເຟີ້ທີ່​ສູງ​ເຖິງ 9.24% ຊຶ່ງ​ກໍ​ເຮັດ​ໃຫ້​ລາວ ​ຖືກ​ຈັດ​ຢູ່​ໃນ​ກຸ່ມ​ປະ​ເທດທີ່​ມີອັດ​ຕາ​ເງິນ​ເຟີ້​ສູງທີ່​ສຸດ​ໃນ​ກຸ່ມ​ອາຊຽນດ້ວຍ​ກັນ.

ແຕ່​ຢ່າງ​ໃດ​ກໍ​ຕາມ ​ສໍາລັບ​ທາງ​ການ​ລາວ​ແລ້ວ​ກໍ​ຍັງ​ຄົງ​ເຊື່ອ
ໝັ້ນວ່າ​ຈະ​ສາມາດ​ຄວບ​ຄຸມ​ອັດຕາເງິນ​ເຟີ້ ​ໃຫ້​ຢູ່​ໃນ​ລະດັບທີ່​ບໍ່​ເກິ​ນອັດຕາ​ການ​ຂະຫຍາຍຕົວ
ທາງ​ເສດຖະກິດ​ໃນ​ຕະຫຼອດ​ແຜນການ​ປະ​ຈໍາປີ 2010-2011 ນີ້​ເຊີ່ງ​ກໍ​ຄື​ໃນ​ອັດຕາ​ສະເຫລ່ຍ 8%.

ເງິນກີບຂອງລາວທີ່ມີຄ່າ ໜ້ອຍລົງນັບມື້ ຍ້ອນ ສະພາບເງິນເຟີ້
ເງິນກີບຂອງລາວທີ່ມີຄ່າ ໜ້ອຍລົງນັບມື້ ຍ້ອນ ສະພາບເງິນເຟີ້

ທັງ​ນີ້ ​ໂດຍ​ຕາມແຜນການ​ພັດທະນາ​ເສດຖະກິດ-ສັງຄົມ​ປະ
ຈໍາປີ 2010-2011 ນີ້ ລັດຖະບານ​ລາວໄດ້​ວາງ​ເປົ້າໝາຍທີ່
ຈະ​ຄວບ​ຄຸມ​ອັດຕາ​ເງິນ​ເຟີ້ບໍ່​ໃຫ້​ສູູງ​ເກີນອັດຕາ​ການ​ຂະ
ຫຍາຍຕົວ​ທາງ​ເສດຖະກິດ ທີ່​ຄສດໝາຍວ່າ ຈະ​ຂະຫຍາຍ
ຕົວ​ເພີ້ມຂຶ້ນ​ໃນ​ອັດຕາ​ສິ​ເລ່ຍ ລະຫວ່າງ 8%-8.5% ຊຶ່ງກໍ
ໝາຍຄວາມ​ວ່າ ນັບ​ແຕ່​ເດືອນ​ເມສາ​ເປັນຕົ້ນມານີ້ ອັດຕາ
ເງິນ​ເຟີ້ ​ໄດ້​ສູງ​ເກີນ​ກວ່າ ການອັດຕາ​ການ​ຂະຫຍາຍຕົວ ​ທາງ​ເສດຖະກິດ​ແລ້​ວ.

XS
SM
MD
LG