ລັດຖະບານລາວດັດແກ້ກົດໝາຍທີ່ດິນ ເພື່ອອະນຸຍາດໃຫ້ຄົນ
ລາວໃນຕ່າງປະເທດມີສິດທີ່ຈະເປັນເຈົ້າຂອງທີ່ດິນ ແລະອະ
ສັງຫາລິມະຊັບໃນລາວໄດ້ ຄືກັບຄົນລາວທີ່ຢູ່ໃນປະເທດ.
ທ່ານ ຖ້ວນ ວໍລະສານ ຫົວໜ້າກົມພົວພັນຄົນລາວທີ່ຢູ່ຕ່າງ
ປະເທດ ໃນສັງກັດກະຊວງການຕ່າງປະເທດ ຖະແຫຼງຢືນ
ຢັນວ່າ ການດັດແກ້ກົດໝາຍທີ່ດິນ ເພື່ອນໍາສະເໜີເຂົ້າສູ່
ການພິຈາລະນາ ໃນກອງປະຊຸມສະພາແຫ່ງຊາດລາວຊຸດທີ 7 ໃນລະຍະຕໍ່ໄປນັ້ນ ຈະມີ
ເນື້ອໃນທີ່ສໍາຄັນສ່ວນນຶ່ງ ວ່າດ້ວຍສິດທິໃນການເປັນເຈົ້າຂອງທີ່ດິນ ແລະອະສັງຫາລິມະ
ຊັບໃນລາວ ຂອງຄົນລາວທີ່ຢູ່ຕ່າງປະເທດ ທີ່ຕ້ອງການຈະເດີນທາງກັບຄືນມາຢູ່ໃນລາວ
ຢ່າງຖາວອນ.
ໂດຍໃນປັດຈຸບັນ ຮ່າງດັດແກ້ກົດໝາຍທີ່ດິນດັ່ງກ່າວ ກໍກໍາລັງຢູ່ໃນຂັ້ນຕອນຂອງການນໍາ
ໄປທາບທາມໃນແຂວງຕ່າງໆໃຫ້ມີການຄົ້ນຄວ້າແລະປະກອບຄວາມເຫັນຮ່ວມກັນຢ່າງ
ຮອບດ້ານ ແລະຢ່າງສອດຄ່ອງກັບນະໂຍບາຍທີ່ດິນແຫ່ງຊາດ ຊຶ່ງໃນນີ້ກໍລວມເຖິງນະໂຍ
ບາຍທີ່ກ່ຽວກັບການຮັບຮູ້ສິດທິນໍາໃຊ້ທີ່ດິນ ຂອງຄົນເຊື້ອຊາດລາວຢູ່ຕ່າງປະເທດທີ່ຕ້ອງ
ການຈະກັບຄືມາຢູ່ລາວຢ່າງຖາວອນດ້ວຍ.
ແຕ່ຢ່າງໃດກໍຕາມ ສໍາລັບໃນກອງປະຊຸມສະໄໝສາມັນຄັ້ງທີ 6 ຂອງສະພາແຫ່ງຊາດລາວ
ຊຸດທີ່ 7 ທີ່ກໍາໜົດຈະມີຂຶ້ນ ໃນລະຫວ່າງວັນທີ 9-27 ທັນວາ ນີ້ ກໍບໍ່ປາກົດວ່າ ໄດ້ມີການ
ບັນຈຸຮ່າງການດັດແກ້ກົດໝາຍທີ່ດິນດັ່ງກ່າວນີ້ ເຂົ້າສູ່ກອງປະຊຸມແຕ່ຢ່າງໃດ.
ທ່ານສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ
ຫາກແຕ່ວ່າທ່ານສົມສະຫວາດ ເລັ່ງສະຫວັດ ຮອງນາຍົກລັດ
ຖະມົນຕີ ຜູ້ຊີ້ນໍາວຽກງານ ດ້ານເສດຖະກິດ ຂອງຄະນະລັດ
ຖະບານລາວ ກໍໄດ້ໃຫ້ການຢືນຢັນ ກັບ VOA ຢູ່ທ່ີ ນະຄອນ
ຫຼວງວຽງຈັນເມື່ອບໍ່ດົນມານີ້ວ່າ ການທີ່ຈະຊ່ວຍສົ່ງເສີມ ແລະ
ອໍານວຍຄວາມສະດວກ ໃຫ້ຄົນເຊື້ອຊາດລາວຢູ່ຕ່າງປະເທດ
ທີ່ຕ້ອງການກັບຄືນມາອາໄສ ຢູ່ໃນລາວ ຢ່າງຖາວອນໃຫ້ໄດ້
ຫຼາຍຂຶ້ນນັ້ນ ກໍດ້ວຍການຍົກເວັ້ນ ໃຫ້ຄົນເຊື້ອຊາດລາວ ທີ່ຢູ່
ຕ່າງປະເທດນັ້ນ ບໍ່ຈໍາເປັນທີ່ ຈະຕ້ອງມີເງິນລົງທຶນໃນລາວ
ຕັ້ງແຕ່ 5 ແສນໂດລ່າ ຂຶ້ນໄປແຕ່ຢ່າງໃດ.
ໂດຍສໍາລັບຊາວຕ່າງຊາດທີ່ໄດ້ຮັບອະນຸຍາດໃຫ້ພັກອາໄສຢູ່ໃນລາວຢ່າງຖາວອນແລ້ວນັ້ນ
ກໍມີສິດທິ່ຈະຊື້ແລະຖືຄອງທີ່ດິນໃນລາວ ຄິດເປັນເນື້ອທີ່ບໍ່ເກີນ 800 ຕາແມັດຕໍ່ລາຍ ທັງຍັງ
ມີສິດເປັນເຈົ້າຂອງສິ່ງປຸກສ້າງຕ່າງໆ ໃນທີ່ດິນດັ່ງກ່າວດ້ວຍ ໂດຍທາງການລາວຈະກໍາ
ໜົດພື້ນທີ່ ເພື່ອຮອງຮັບສິດທິ ລວມເຖິງການພິຈາລະນາເພື່ອສັ່ງຖອນສິດດັ່ງກ່າວດ້ວຍ
ຖ້າຫາກກວດພົບວ່າຊາດຕ່າງຊາດໄດ້ທໍາການ ທີ່ຂັດຕໍ່ລັດຖະທໍາມະນູນ ແລະກົດໝາຍ
ທີ່ເປັນຄວາມຜິດທາງອາຍາ ຫຼືຂັດຕໍ່ຜົນປະໂຫຍດ ແລະບ່ອນທໍາລາຍຄວາມສະຫງົບຮຽບຮ້ອຍຂອງຊາດລາວ.
ແຕ່ຢ່າງໃດກໍຕາມ ກໍຍັງມີອີກບັນຫານຶ່ງ ທີ່ລັດຖະບານແລະສະພາແຫ່ງຊາດລາວຍັງບໍ່ສາມາດຕົກລົງຢ່າງເປັນເອກກະພາບກັນໄດ້ຈົນເຖິງປັດຈຸບັນນີ້ ກໍຄືບັນຫາທີ່ກ່ຽວກັບການຖືສັນຊາດຂອງຄົນລາວໃນຕ່າງປະເທດທີ່ຕ້ອງການຈະເດີນທາງກັບຄືນມາຢູ່ໃນລາວຢ່າງຖາວອນ ຫາກແຕ່ວ່າກໍຍັງຕ້ອງການຈະຖືສັນຊາດຕ່າງປະເທດຕໍ່ໄປ ທັງກໍຍັງຢາກຈະຖື ສັນຊາດລາວດ້ວຍ ຫາກແຕ່ກົດໝາຍລາວອະນຸຍາດໃຫ້ຖືໄດ້ພຽງສັນຊາດດຽວເທົ່ານັ້ນ ຈຶ່ງ ເຮັດໃຫ້ທາງການລາວຕ້ອງພິດຈາລະນາກໍລະນີດັ່ງກ່າວນີ້ ຢ່າງຮອບຄອບ ດັ່ງທີ່ ທ່ານສົມສະຫວາດໄດ້ຊີ້ແຈງວ່າ:
“ອັນນີ້ກະຫວັງວ່າເຮົາບໍ່ທັນມີກົດໝາຍ ກະຂໍໃຫ້ພີ່ນ້ອງລາວເຂົ້າໃຈແດ່ ເຫັນອົກ
ເຫັນໃຈລັດຖະບານ ມັນບໍ່ແມ່ນຂຽນກົດໝາຍສະບັບນຶ່ງແລ້ວ ສອງສາມມື້ແລ້ວ
ມັນບໍ່ແມ່ນຈັ່ງຊັ້ນເດ່ ມັນຕ້ອງໄດ້ສຶກສາຄົ້ນຄວ້າຫຼາຍອັນຫຼາຍແນວຊັ້ນໜາ .
ສະນັ້ນ ພວກເຮົາກໍມີນະໂຍບາຍໄວ້ວ່າ ຄັນມາແລ້ວ ພວກເຮົາເຫັນດີໃຫ້ມາ.”
ແຕ່ຢ່າງໃດກໍຕາມ ທ່ານສົມສະຫວາດກໍບໍ່ສາມາດທີ່ຈະຄາດໝາຍໄດ້ວ່າ ການພິຈາລະນາ
ດັ່ງກ່າວຈະສໍາເລັດເມື່ອໃດແທ້ ເພາະຂຶ້ນຢູ່ກັບປະສິດທິພາບຂອງສະພາແຫ່ງຊາດລາວ
ເປັນສໍາຄັນ.
ລາວໃນຕ່າງປະເທດມີສິດທີ່ຈະເປັນເຈົ້າຂອງທີ່ດິນ ແລະອະ
ສັງຫາລິມະຊັບໃນລາວໄດ້ ຄືກັບຄົນລາວທີ່ຢູ່ໃນປະເທດ.
ທ່ານ ຖ້ວນ ວໍລະສານ ຫົວໜ້າກົມພົວພັນຄົນລາວທີ່ຢູ່ຕ່າງ
ປະເທດ ໃນສັງກັດກະຊວງການຕ່າງປະເທດ ຖະແຫຼງຢືນ
ຢັນວ່າ ການດັດແກ້ກົດໝາຍທີ່ດິນ ເພື່ອນໍາສະເໜີເຂົ້າສູ່
ການພິຈາລະນາ ໃນກອງປະຊຸມສະພາແຫ່ງຊາດລາວຊຸດທີ 7 ໃນລະຍະຕໍ່ໄປນັ້ນ ຈະມີ
ເນື້ອໃນທີ່ສໍາຄັນສ່ວນນຶ່ງ ວ່າດ້ວຍສິດທິໃນການເປັນເຈົ້າຂອງທີ່ດິນ ແລະອະສັງຫາລິມະ
ຊັບໃນລາວ ຂອງຄົນລາວທີ່ຢູ່ຕ່າງປະເທດ ທີ່ຕ້ອງການຈະເດີນທາງກັບຄືນມາຢູ່ໃນລາວ
ຢ່າງຖາວອນ.
ໂດຍໃນປັດຈຸບັນ ຮ່າງດັດແກ້ກົດໝາຍທີ່ດິນດັ່ງກ່າວ ກໍກໍາລັງຢູ່ໃນຂັ້ນຕອນຂອງການນໍາ
ໄປທາບທາມໃນແຂວງຕ່າງໆໃຫ້ມີການຄົ້ນຄວ້າແລະປະກອບຄວາມເຫັນຮ່ວມກັນຢ່າງ
ຮອບດ້ານ ແລະຢ່າງສອດຄ່ອງກັບນະໂຍບາຍທີ່ດິນແຫ່ງຊາດ ຊຶ່ງໃນນີ້ກໍລວມເຖິງນະໂຍ
ບາຍທີ່ກ່ຽວກັບການຮັບຮູ້ສິດທິນໍາໃຊ້ທີ່ດິນ ຂອງຄົນເຊື້ອຊາດລາວຢູ່ຕ່າງປະເທດທີ່ຕ້ອງ
ການຈະກັບຄືມາຢູ່ລາວຢ່າງຖາວອນດ້ວຍ.
ແຕ່ຢ່າງໃດກໍຕາມ ສໍາລັບໃນກອງປະຊຸມສະໄໝສາມັນຄັ້ງທີ 6 ຂອງສະພາແຫ່ງຊາດລາວ
ຊຸດທີ່ 7 ທີ່ກໍາໜົດຈະມີຂຶ້ນ ໃນລະຫວ່າງວັນທີ 9-27 ທັນວາ ນີ້ ກໍບໍ່ປາກົດວ່າ ໄດ້ມີການ
ບັນຈຸຮ່າງການດັດແກ້ກົດໝາຍທີ່ດິນດັ່ງກ່າວນີ້ ເຂົ້າສູ່ກອງປະຊຸມແຕ່ຢ່າງໃດ.
ຫາກແຕ່ວ່າທ່ານສົມສະຫວາດ ເລັ່ງສະຫວັດ ຮອງນາຍົກລັດ
ຖະມົນຕີ ຜູ້ຊີ້ນໍາວຽກງານ ດ້ານເສດຖະກິດ ຂອງຄະນະລັດ
ຖະບານລາວ ກໍໄດ້ໃຫ້ການຢືນຢັນ ກັບ VOA ຢູ່ທ່ີ ນະຄອນ
ຫຼວງວຽງຈັນເມື່ອບໍ່ດົນມານີ້ວ່າ ການທີ່ຈະຊ່ວຍສົ່ງເສີມ ແລະ
ອໍານວຍຄວາມສະດວກ ໃຫ້ຄົນເຊື້ອຊາດລາວຢູ່ຕ່າງປະເທດ
ທີ່ຕ້ອງການກັບຄືນມາອາໄສ ຢູ່ໃນລາວ ຢ່າງຖາວອນໃຫ້ໄດ້
ຫຼາຍຂຶ້ນນັ້ນ ກໍດ້ວຍການຍົກເວັ້ນ ໃຫ້ຄົນເຊື້ອຊາດລາວ ທີ່ຢູ່
ຕ່າງປະເທດນັ້ນ ບໍ່ຈໍາເປັນທີ່ ຈະຕ້ອງມີເງິນລົງທຶນໃນລາວ
ຕັ້ງແຕ່ 5 ແສນໂດລ່າ ຂຶ້ນໄປແຕ່ຢ່າງໃດ.
ໂດຍສໍາລັບຊາວຕ່າງຊາດທີ່ໄດ້ຮັບອະນຸຍາດໃຫ້ພັກອາໄສຢູ່ໃນລາວຢ່າງຖາວອນແລ້ວນັ້ນ
ກໍມີສິດທິ່ຈະຊື້ແລະຖືຄອງທີ່ດິນໃນລາວ ຄິດເປັນເນື້ອທີ່ບໍ່ເກີນ 800 ຕາແມັດຕໍ່ລາຍ ທັງຍັງ
ມີສິດເປັນເຈົ້າຂອງສິ່ງປຸກສ້າງຕ່າງໆ ໃນທີ່ດິນດັ່ງກ່າວດ້ວຍ ໂດຍທາງການລາວຈະກໍາ
ໜົດພື້ນທີ່ ເພື່ອຮອງຮັບສິດທິ ລວມເຖິງການພິຈາລະນາເພື່ອສັ່ງຖອນສິດດັ່ງກ່າວດ້ວຍ
ຖ້າຫາກກວດພົບວ່າຊາດຕ່າງຊາດໄດ້ທໍາການ ທີ່ຂັດຕໍ່ລັດຖະທໍາມະນູນ ແລະກົດໝາຍ
ທີ່ເປັນຄວາມຜິດທາງອາຍາ ຫຼືຂັດຕໍ່ຜົນປະໂຫຍດ ແລະບ່ອນທໍາລາຍຄວາມສະຫງົບຮຽບຮ້ອຍຂອງຊາດລາວ.
ແຕ່ຢ່າງໃດກໍຕາມ ກໍຍັງມີອີກບັນຫານຶ່ງ ທີ່ລັດຖະບານແລະສະພາແຫ່ງຊາດລາວຍັງບໍ່ສາມາດຕົກລົງຢ່າງເປັນເອກກະພາບກັນໄດ້ຈົນເຖິງປັດຈຸບັນນີ້ ກໍຄືບັນຫາທີ່ກ່ຽວກັບການຖືສັນຊາດຂອງຄົນລາວໃນຕ່າງປະເທດທີ່ຕ້ອງການຈະເດີນທາງກັບຄືນມາຢູ່ໃນລາວຢ່າງຖາວອນ ຫາກແຕ່ວ່າກໍຍັງຕ້ອງການຈະຖືສັນຊາດຕ່າງປະເທດຕໍ່ໄປ ທັງກໍຍັງຢາກຈະຖື ສັນຊາດລາວດ້ວຍ ຫາກແຕ່ກົດໝາຍລາວອະນຸຍາດໃຫ້ຖືໄດ້ພຽງສັນຊາດດຽວເທົ່ານັ້ນ ຈຶ່ງ ເຮັດໃຫ້ທາງການລາວຕ້ອງພິດຈາລະນາກໍລະນີດັ່ງກ່າວນີ້ ຢ່າງຮອບຄອບ ດັ່ງທີ່ ທ່ານສົມສະຫວາດໄດ້ຊີ້ແຈງວ່າ:
“ອັນນີ້ກະຫວັງວ່າເຮົາບໍ່ທັນມີກົດໝາຍ ກະຂໍໃຫ້ພີ່ນ້ອງລາວເຂົ້າໃຈແດ່ ເຫັນອົກ
ເຫັນໃຈລັດຖະບານ ມັນບໍ່ແມ່ນຂຽນກົດໝາຍສະບັບນຶ່ງແລ້ວ ສອງສາມມື້ແລ້ວ
ມັນບໍ່ແມ່ນຈັ່ງຊັ້ນເດ່ ມັນຕ້ອງໄດ້ສຶກສາຄົ້ນຄວ້າຫຼາຍອັນຫຼາຍແນວຊັ້ນໜາ .
ສະນັ້ນ ພວກເຮົາກໍມີນະໂຍບາຍໄວ້ວ່າ ຄັນມາແລ້ວ ພວກເຮົາເຫັນດີໃຫ້ມາ.”
ແຕ່ຢ່າງໃດກໍຕາມ ທ່ານສົມສະຫວາດກໍບໍ່ສາມາດທີ່ຈະຄາດໝາຍໄດ້ວ່າ ການພິຈາລະນາ
ດັ່ງກ່າວຈະສໍາເລັດເມື່ອໃດແທ້ ເພາະຂຶ້ນຢູ່ກັບປະສິດທິພາບຂອງສະພາແຫ່ງຊາດລາວ
ເປັນສໍາຄັນ.
