ລາວປະເຊີນກັບ ບັນຫາ ການຂາດດຸນ ການຄ້າຕ່າງປະເທດ
ເກືອບ 900 ລ້ານດອນລ້າ ໃນຊ່ວງ 6 ເດືອນທຳອິດຂອງແຜນ
ການປີ 2013-2014 ນີ້ ໂດຍເກີນກວ່າ ລະດັບຄາດໝາຍ
ຕະຫຼອດ ແຜນການປີແລ້ວ ເກືອບ 63 ເປີເຊັນ.
ທ່ານສົມດີ ດວງດີ ລັດຖະມົນຕີວ່າການກະຊວງແຜນການ ແລະການລົງທຶນ ຖະແຫຼງ
ຢືນຢັນວ່າ ການຄ້າຕ່າງປະເທດຂອງລາວ ໃນລະຍະ 6 ເດືອນທຳອິດ ຂອງແຜນການ
ປະຈຳປີ 2013-2014 ນີ້ມີມູນຄ່າ ລວມເກີນກວ່າ 3,065 ລ້ານດອນລາ ໂດຍເພີ້ມຂຶ້ນ
ເຖິງ 50.17 ເປີເຊັນ ເມື່ອທຽບກັບລະຍະດຽວກັນ ໃນແຜນການປີກາຍ.
ທັງນີ້ໂດຍລາວ ຍັງຕ້ອງປະເຊີນກັບ ບັນຫາຂາດດຸນການຄ້າ ຕ່າງປະເທດຫຼາຍຂຶ້ນ ເນື່ອງ
ຈາກການສົ່ງສິນຄ້າອອກຂອງລາວ ໃນລະຍະ ດັ່ງກ່າວນີ້ ມີມູນຄ່າລວມ 1,101 ລ້ານ
ດອນລາ ແຕ່ກໍໄດ້ນຳເຂົ້າ ສິນຄ້າຈາກຕ່າງປະເທດ ຄິດເປັນມູນຄ່າລວມເຖິງ 2,000 ລ້ານ
ດອນລາ ຈຶ່ງເຮັດໃຫ້ລາວ ຕ້ອງປະເຊີນກັບ ການຂາດດຸນການຄ້າ ຕ່າງປະເທດແລ້ວ ຄິດ
ເປັນມູນຄ່າເຖິງ 899 ລ້ານດອນລາ ທັງຍັງຖືເປັນ ການຂາດດຸນການຄ້າ ທີ່ເກີນກວ່າລະດັບ
ຄາດໝາຍ ຕະຫຼອດແຜນການ ປີແລ້ວເຖິງ 62.8 ເປີເຊັນອີກດ້ວຍ.
ທັງນີ້ກໍເນື່ອງຈາກວ່າ ລັດຖະບານລາວ ໄດ້ວາງເປົ້າໝາຍ ທີ່ຈະຊຸກຍູ້ການສົ່ງສິນຄ້າອອກໄປ
ຕ່າງປະເທດ ໃຫ້ໄດ້ໃນມູນຄ່າລວມບໍ່ນ້ອຍກວ່າ 2,178 ລ້ານດອນລາ ແລະ ຄວບຄຸມການ
ນຳສິນຄ້າເຂົ້າ ຈາກຕ່າງປະເທດ ໃຫ້ຢູ່ໃນມູນຄ່າລວມບໍ່ເກີນ 2,730 ລ້ານດອນລາ ໃນ
ຕະຫຼອດປີ 2013-2014 ນີ້ ຊຶ່ງຈະເຮັດໃຫ້ລາວຂາດດຸນ ການຄ້າຕ່າງປະເທດ ໃນມູນຄ່າ
ລວມພຽງບໍ່ເກີນ 552 ລ້ານດອນລາເທົ່ານັ້ນ.
ຫາກແຕ່ວ່າ ໃນສະພາບການ ທີ່ເປັນຈິງນັ້ນ ຄົງຈະເປັນການຍາກ ທີ່ລັດຖະບານລາວຈະ
ສາມາດ ປະຕິບັດໄດ້ ຕາມແຜນການດັ່ງກ່າວ ເນື່ອງຈາກວ່າໃນລະຍະ 6 ເດືອນທຳອິດ
ຂອງແຜນການປີ 2013-2014 ລາວກໍຕ້ອງປະເຊີນກັບ ການຂາດດຸນ ການຄ້າຕ່າງປະເທດ
ໄປແລ້ວ ເກືອບເຖິງ 900 ລ້ານດອນລາດັ່ງກ່າວ ຍິ່ງໄປກວ່ານັ້ນ ລັດຖະບານລາວ ກໍຍັງບໍ່
ສາມາດ ຈັດຕັ້ງປະຕິບັດ ການຄ້າຕ່າງປະເທດ ໄດ້ຕາມແຜນການ ທີ່ວາງໄວ້ເລີຍ.
ການນຳຍານພາຫະນະໃໝ່ ມາຈົດທະບຽນຈຳນວນ 66,499 ຄັນ ຂອງຕ່າງປະເທດ ເຮັດໃຫ້ ມີຍານພາຫະນະ ຫຼາຍກວ່າ 1 ລ້ານ 5 ແສນ ຄັນແລ້ວ ໃນທົ່ວປະເທດລາວ.
ຊຶ່ງດ້ວຍສະພາບການດັ່ງກ່າວ ຈຶ່ງເຮັດໃຫ້ສາມາດຄາດໝາຍ
ໄດ້ວ່າ ໃນຕະຫຼອດແຜນການປີນີ້ ລາວຈະນຳເຂົ້າສິນຄ້າ ຈາກ
ຕ່າງປະເທດ ໃນມູນຄ່າລວມ ບໍ່ນ້ອຍກວ່າ 3,720 ລ້ານດອນລາ
ເພາະການລົງທຶນ ຂອງຕ່າງຊາດທີ່ເພີ້ມຂຶ້ນ ຢ່າງຕໍ່ເນື່ອງນັ້ນ
ເຮັດໃຫ້ລາວຕ້ອງມີການນຳເຂົ້າ ເຄື່ອງຈັກ ວັດສະດຸກໍ່ສ້າງ ແລະ
ນ້ຳມັນເພີ້ມຂຶ້ນນັບມື້ ສ່ວນການສົ່ງອອກນັ້ນ ກໍຍັງອີງໃສ່ ການ
ຂຸດຄົ້ນ ຊັບພະຍາກອນທຳມະຊາດ ເປັນດ້ານຫຼັກ ຈຶ່ງເຊື່ອວ່າ ລາວຈະຂາດດຸນ ການຄ້າຫຼາຍກວ່າ 1,550 ລ້ານດອນລາ ຫຼືເກີນກວ່າແຜນການ ທີ່ວາງເອົາໄວ້ ຄິດເປັນສັດສ່ວນເຖິງ 180 ເປີເຊັນ ນັ້ນເອງ.
ທາງດ້ານ ທ່ານພູເພັດ ຄຳພູວົງ ອະດີດລັດຖະມົນຕີວາການ ກະຊວງການເງີນ ກໍໄດ້ຍອມ
ຮັບວ່າ ສາເຫດສຳຄັນ ປະການໜຶ່ງ ທີ່ເຮັດໃຫ້ລາວ ຕ້ອງປະເຊີນກັບ ການຂາດດຸນການ
ຄ້າຕ່າງປະເທດ ມາໂດຍຕະຫຼອດ ກໍຄືການນຳເຂົ້າ ສິນຄ້າຟຸມເຟືອຍ ທີ່ເພີ້ມຂຶ້ນຢ່າງຕໍ່ເນື່ອງ ດັງທີ່ທ່ານ ໄດ້ໃຫ້ການຢືນຢັນວ່າ:
“ສັງຄົມເຮົາປັດຈຸບັນນີ້ ເອີ້ນວ່າ ເປັນສັງຄົມທຸກຍາກ ແຕ່ກໍເຫັນວ່າ ຢູ່ໃນສັງຄົມເຮົາ
ມີການນຳໃຊ້ສິນຄ້າ ແລະ ການບໍລິການ ທີ່ຫລູຫຼາ ທີ່ຟຸມເຟືອຍ ຫຼາຍພໍສົມຄວນ
ຄືພວກເຮົາເຫັນນຳກັນ ປະເພດລົດຍົນ ມີຂາຍຢ່າງຫລວງຫຼາຍ ເປັນລົດທີ່ມີລາຄາ
ແພງ ຊຶ່ງວ່າບັນດາ ປະເທດໃກ້ຄຽງ ບໍ່ທັນມີ ບາງທີຢູ່ບ້ານເຮົາກະມີແລ້ວ ປະເພດ
ເຫຼົ້າບໍ່ ຢາສູບບໍ່ ກະແມ່ນມີຢ່າງຫລວງຫຼາຍ.”
ຍິ່ງໄປກວ່ານັ້ນ ກໍຍັງມີການນຳເຂົ້າ ຍານພາຫະນະ ແລະ ນ້ຳມັນເຊື້ອໄຟ ໂດຍບໍ່ເສຍ
ພາສີອາກອນຢ່າງຖືກຕ້ອງ ດ້ວຍການໃຊ້ສິດ ຂອງບັນດາບໍລິສັດຕ່າງຊາດ ທີ່ລົງທຶນ
ໃນລາວທີ່ໄດ້ຮັບການຍົກເວັ້ນພາສີອາກອນດັ່ງກ່າວ ຊຶ່ງບໍ່ພຽງແຕ່ຈະເຮັດໃຫ້ລາວຂາດ
ດຸນການຄ້າຕ່າງປະເທດເທົ່ານັ້ນ ຫາກແຕ່ຍັງເຮັດໃຫ້ ລັດຖະບານລາວ ສູນເສຍລາຍ
ຮັບໄປ ຢ່າງຫລວງຫຼາຍອີກດ້ວຍ ໂດຍລາວໄດ້ນຳເຂົ້າ ນ້ຳມັນເຊື້ອໄຟຫຼາຍກວ່າ 900
ລ້ານລິດ ໃນປີ 2013 ທີ່ຜ່ານມາ ແລະ ໃນຂະນະດຽວກັນ ກໍໄດ້ມີການນຳຍານພາຫະນະ
ໃໝ່ ມາຈົດທະບຽນຈຳນວນ 66,499 ຄັນ ຊຶ່ງກໍເຮັດໃຫ້ ມີຍານພາຫະນະ ຫຼາຍກວ່າ 1
ລ້ານ 5 ແສນ ຄັນແລ້ວ ທີ່ໄດ້ຈົດທະບຽນ ໃນທົ່ວປະເທດລາວ ໃນປັດຈຸບັນນີ້.
ເກືອບ 900 ລ້ານດອນລ້າ ໃນຊ່ວງ 6 ເດືອນທຳອິດຂອງແຜນ
ການປີ 2013-2014 ນີ້ ໂດຍເກີນກວ່າ ລະດັບຄາດໝາຍ
ຕະຫຼອດ ແຜນການປີແລ້ວ ເກືອບ 63 ເປີເຊັນ.
ທ່ານສົມດີ ດວງດີ ລັດຖະມົນຕີວ່າການກະຊວງແຜນການ ແລະການລົງທຶນ ຖະແຫຼງ
ຢືນຢັນວ່າ ການຄ້າຕ່າງປະເທດຂອງລາວ ໃນລະຍະ 6 ເດືອນທຳອິດ ຂອງແຜນການ
ປະຈຳປີ 2013-2014 ນີ້ມີມູນຄ່າ ລວມເກີນກວ່າ 3,065 ລ້ານດອນລາ ໂດຍເພີ້ມຂຶ້ນ
ເຖິງ 50.17 ເປີເຊັນ ເມື່ອທຽບກັບລະຍະດຽວກັນ ໃນແຜນການປີກາຍ.
ທັງນີ້ໂດຍລາວ ຍັງຕ້ອງປະເຊີນກັບ ບັນຫາຂາດດຸນການຄ້າ ຕ່າງປະເທດຫຼາຍຂຶ້ນ ເນື່ອງ
ຈາກການສົ່ງສິນຄ້າອອກຂອງລາວ ໃນລະຍະ ດັ່ງກ່າວນີ້ ມີມູນຄ່າລວມ 1,101 ລ້ານ
ດອນລາ ແຕ່ກໍໄດ້ນຳເຂົ້າ ສິນຄ້າຈາກຕ່າງປະເທດ ຄິດເປັນມູນຄ່າລວມເຖິງ 2,000 ລ້ານ
ດອນລາ ຈຶ່ງເຮັດໃຫ້ລາວ ຕ້ອງປະເຊີນກັບ ການຂາດດຸນການຄ້າ ຕ່າງປະເທດແລ້ວ ຄິດ
ເປັນມູນຄ່າເຖິງ 899 ລ້ານດອນລາ ທັງຍັງຖືເປັນ ການຂາດດຸນການຄ້າ ທີ່ເກີນກວ່າລະດັບ
ຄາດໝາຍ ຕະຫຼອດແຜນການ ປີແລ້ວເຖິງ 62.8 ເປີເຊັນອີກດ້ວຍ.
ທັງນີ້ກໍເນື່ອງຈາກວ່າ ລັດຖະບານລາວ ໄດ້ວາງເປົ້າໝາຍ ທີ່ຈະຊຸກຍູ້ການສົ່ງສິນຄ້າອອກໄປ
ຕ່າງປະເທດ ໃຫ້ໄດ້ໃນມູນຄ່າລວມບໍ່ນ້ອຍກວ່າ 2,178 ລ້ານດອນລາ ແລະ ຄວບຄຸມການ
ນຳສິນຄ້າເຂົ້າ ຈາກຕ່າງປະເທດ ໃຫ້ຢູ່ໃນມູນຄ່າລວມບໍ່ເກີນ 2,730 ລ້ານດອນລາ ໃນ
ຕະຫຼອດປີ 2013-2014 ນີ້ ຊຶ່ງຈະເຮັດໃຫ້ລາວຂາດດຸນ ການຄ້າຕ່າງປະເທດ ໃນມູນຄ່າ
ລວມພຽງບໍ່ເກີນ 552 ລ້ານດອນລາເທົ່ານັ້ນ.
ຫາກແຕ່ວ່າ ໃນສະພາບການ ທີ່ເປັນຈິງນັ້ນ ຄົງຈະເປັນການຍາກ ທີ່ລັດຖະບານລາວຈະ
ສາມາດ ປະຕິບັດໄດ້ ຕາມແຜນການດັ່ງກ່າວ ເນື່ອງຈາກວ່າໃນລະຍະ 6 ເດືອນທຳອິດ
ຂອງແຜນການປີ 2013-2014 ລາວກໍຕ້ອງປະເຊີນກັບ ການຂາດດຸນ ການຄ້າຕ່າງປະເທດ
ໄປແລ້ວ ເກືອບເຖິງ 900 ລ້ານດອນລາດັ່ງກ່າວ ຍິ່ງໄປກວ່ານັ້ນ ລັດຖະບານລາວ ກໍຍັງບໍ່
ສາມາດ ຈັດຕັ້ງປະຕິບັດ ການຄ້າຕ່າງປະເທດ ໄດ້ຕາມແຜນການ ທີ່ວາງໄວ້ເລີຍ.
ຊຶ່ງດ້ວຍສະພາບການດັ່ງກ່າວ ຈຶ່ງເຮັດໃຫ້ສາມາດຄາດໝາຍ
ໄດ້ວ່າ ໃນຕະຫຼອດແຜນການປີນີ້ ລາວຈະນຳເຂົ້າສິນຄ້າ ຈາກ
ຕ່າງປະເທດ ໃນມູນຄ່າລວມ ບໍ່ນ້ອຍກວ່າ 3,720 ລ້ານດອນລາ
ເພາະການລົງທຶນ ຂອງຕ່າງຊາດທີ່ເພີ້ມຂຶ້ນ ຢ່າງຕໍ່ເນື່ອງນັ້ນ
ເຮັດໃຫ້ລາວຕ້ອງມີການນຳເຂົ້າ ເຄື່ອງຈັກ ວັດສະດຸກໍ່ສ້າງ ແລະ
ນ້ຳມັນເພີ້ມຂຶ້ນນັບມື້ ສ່ວນການສົ່ງອອກນັ້ນ ກໍຍັງອີງໃສ່ ການ
ຂຸດຄົ້ນ ຊັບພະຍາກອນທຳມະຊາດ ເປັນດ້ານຫຼັກ ຈຶ່ງເຊື່ອວ່າ ລາວຈະຂາດດຸນ ການຄ້າຫຼາຍກວ່າ 1,550 ລ້ານດອນລາ ຫຼືເກີນກວ່າແຜນການ ທີ່ວາງເອົາໄວ້ ຄິດເປັນສັດສ່ວນເຖິງ 180 ເປີເຊັນ ນັ້ນເອງ.
ທາງດ້ານ ທ່ານພູເພັດ ຄຳພູວົງ ອະດີດລັດຖະມົນຕີວາການ ກະຊວງການເງີນ ກໍໄດ້ຍອມ
ຮັບວ່າ ສາເຫດສຳຄັນ ປະການໜຶ່ງ ທີ່ເຮັດໃຫ້ລາວ ຕ້ອງປະເຊີນກັບ ການຂາດດຸນການ
ຄ້າຕ່າງປະເທດ ມາໂດຍຕະຫຼອດ ກໍຄືການນຳເຂົ້າ ສິນຄ້າຟຸມເຟືອຍ ທີ່ເພີ້ມຂຶ້ນຢ່າງຕໍ່ເນື່ອງ ດັງທີ່ທ່ານ ໄດ້ໃຫ້ການຢືນຢັນວ່າ:
“ສັງຄົມເຮົາປັດຈຸບັນນີ້ ເອີ້ນວ່າ ເປັນສັງຄົມທຸກຍາກ ແຕ່ກໍເຫັນວ່າ ຢູ່ໃນສັງຄົມເຮົາ
ມີການນຳໃຊ້ສິນຄ້າ ແລະ ການບໍລິການ ທີ່ຫລູຫຼາ ທີ່ຟຸມເຟືອຍ ຫຼາຍພໍສົມຄວນ
ຄືພວກເຮົາເຫັນນຳກັນ ປະເພດລົດຍົນ ມີຂາຍຢ່າງຫລວງຫຼາຍ ເປັນລົດທີ່ມີລາຄາ
ແພງ ຊຶ່ງວ່າບັນດາ ປະເທດໃກ້ຄຽງ ບໍ່ທັນມີ ບາງທີຢູ່ບ້ານເຮົາກະມີແລ້ວ ປະເພດ
ເຫຼົ້າບໍ່ ຢາສູບບໍ່ ກະແມ່ນມີຢ່າງຫລວງຫຼາຍ.”
ຍິ່ງໄປກວ່ານັ້ນ ກໍຍັງມີການນຳເຂົ້າ ຍານພາຫະນະ ແລະ ນ້ຳມັນເຊື້ອໄຟ ໂດຍບໍ່ເສຍ
ພາສີອາກອນຢ່າງຖືກຕ້ອງ ດ້ວຍການໃຊ້ສິດ ຂອງບັນດາບໍລິສັດຕ່າງຊາດ ທີ່ລົງທຶນ
ໃນລາວທີ່ໄດ້ຮັບການຍົກເວັ້ນພາສີອາກອນດັ່ງກ່າວ ຊຶ່ງບໍ່ພຽງແຕ່ຈະເຮັດໃຫ້ລາວຂາດ
ດຸນການຄ້າຕ່າງປະເທດເທົ່ານັ້ນ ຫາກແຕ່ຍັງເຮັດໃຫ້ ລັດຖະບານລາວ ສູນເສຍລາຍ
ຮັບໄປ ຢ່າງຫລວງຫຼາຍອີກດ້ວຍ ໂດຍລາວໄດ້ນຳເຂົ້າ ນ້ຳມັນເຊື້ອໄຟຫຼາຍກວ່າ 900
ລ້ານລິດ ໃນປີ 2013 ທີ່ຜ່ານມາ ແລະ ໃນຂະນະດຽວກັນ ກໍໄດ້ມີການນຳຍານພາຫະນະ
ໃໝ່ ມາຈົດທະບຽນຈຳນວນ 66,499 ຄັນ ຊຶ່ງກໍເຮັດໃຫ້ ມີຍານພາຫະນະ ຫຼາຍກວ່າ 1
ລ້ານ 5 ແສນ ຄັນແລ້ວ ທີ່ໄດ້ຈົດທະບຽນ ໃນທົ່ວປະເທດລາວ ໃນປັດຈຸບັນນີ້.
