ທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະ
ມົນຕີ ຜູ້ປະຈໍາການຄະນະລັດຖະບານລາວ ແລະກົມ
ການເມືອງສູນກາງພັກປະຊາຊົນປະຕິວັດລາວຖະແຫຼງ
ວ່າ ມັດຕິຕົກລົງທີ່ພັກໃຫ້ຄວາມສໍາຄັນຢ່າງຍິ່ງທີ່ຄະ
ນະລັດຖະບານລາວຈະຕ້ອງດໍາເນີນການປະຕິບັດຢ່າງ
ເຂັ້ມງວດຕະຫຼອດໄລຍະ 5 ປີຕໍ່ໄປນີ້ ກໍຄືການຍົກລະ
ດັບປະສິດທິພາບໃນການບໍລິຫານງານຂອງລັດຖະ
ບານໃນທຸກໆດ້ານພາຍໃຕ້ເປົ້າໝາຍເພື່ອກໍາຈັດ ແລະ
ປາບປາມການສໍ້ລາດບັງຫຼວງໃນອົງການພັກ-ລັດໃຫ້
ໄດ້ຢ່າງເປັນຮູບປະທຳ.
ແຕ່ວ່າການທີ່ຈະເຮັດໃຫ້ສາມາດບັນລຸເປົ້າໝາຍດັ່ງກ່າວໄດ້ຢ່າງແທ້ຈິງນັ້ນ ກໍ່ມີຄວາມຈໍາເປັນຈະຕ້ອງມີການດໍາເນີນມາດຕະການກວດກາການບໍລິຫານງານໃນອົງການພັກ-ລັດຢ່າງເຂັ້ມງວດ ແລະທົ່ວເຖິງທັງໃນສ່ວນກາງ ແລະທ້ອງຖິ່ນໃນທົ່ວປະເທດພ້ອມທັງຍັງຈະຕ້ອງດຳເນີນການຈັດຕັ້ງປະຕິບັດຕາມກົດໝາຍ ແລະແຜນ ການຕ່າງໆ ທີ່ສະພາແຫ່ງຊາດລາວໄດ້ວາງອອກອີກດ້ວຍດັ່ງທີ່ທ່ານ ສົມສະຫວາດ ໄດ້ຖະແຫຼງເນັ້ນຢ້ຳໃນຕອນໜຶ່ງວ່າ:
“ຕັ້ງໜ້າປັບປຸງບັນດາກະຊວງ, ອົງການລັດຂັ້ນສູນກາງໃຫ້ເຂັ້ມແຂງ, ມີຄວາມ
ສາມາດພຽງພໍໃນການປະຕິບັດພາລະບົດບາດຄຸ້ມຄອງມະຫາພາກຢ່າງຄົບຖ້ວນ,
ເປັນຕົ້ນແມ່ນເພີ່ມການທະວີການປະຕິບັດບັນດາກົດໝາຍ, ລະບຽບການແລະ
ມາດຕະການຕ່າງໆ ທີ່ສະພາແຫ່ງຊາດແລະລັດຖະບານວາງອອກນັ້ນຢ່າງເຄັ່ງຄັດ”.
ກ່ອນໜ້ານີ້ ອົງການກວດກາ
ຄວາມໂປ່ງໃສສາກົນ ຫຼື
Transparency
International ໄດ້ລາຍງານ
ແລະໄດ້ຈັດໃຫ້ລາວເປັນປະ
ເທດໜຶ່ງທີ່ຢູ່ໃນກຸ່ມປະເທດ
ທີ່ມີການສໍ້ລາດບັງຫຼວງຫຼາຍ
ທີ່ສຸດໃນໂລກ. ທັງນີ້ ເຖິງ
ແມ່ນວ່າລາວຈະຖືກຈັດໃຫ້ຢູ່
ໃນອັນດັບທີ່ດີຂຶ້ນຈາກ 158
ໃນປີ 2009 ມາເປັນອັນດັບ
ທີ່ 154 ຈາກທັງໝົດ 178
ປະເທດໃນປີ 2010 ກໍ່ຕາມ
ຫາກແຕ່ວ່າລາວກໍ່ໄດ້ຮັບຄະ
ແນນຄວາມໄວ້ວາງໃຈຈາກ
ບັນດານັກທຸລະກິດຊາວຕ່າງ
ຊາດພຽງແຕ່ 2.0 ຄະແນນ
ໃນປີ 2009 ແລະ 2.1 ຄະແນນເທົ່ານັ້ນໃນປີ 2010 ຈາກຄະແນນເຕັມ 10 ຄະແນນ.
ສ່ວນປະເທດໃນກຸ່ມອາຊຽນດ້ວຍກັນທີ່ໄດ້ຮັບຄະແນນໄວ້ວາງໃຈຈາກບັນດານັກທຸລະກິດ
ຊາວຕ່າງຊາດຫຼາຍກວ່າລາວນັ້ນຄື: ສິງກະໂປ, ບູໄນ, ມາເລເຊຍ, ໄທ, ອິນໂດເນເຊຍ,
ຫວຽດນາມ ແລະຟີລິບປິນຕາມລຳດັບ, ໃນຂະນະທີ່ກຳປູເຈຍນັ້ນຖືກຈັດໃຫ້ຢູ່ໃນອັນດັບ
ດຽວກັບລາວ. ດ້ວຍເຫດນີ້ຈຶ່ງມີພຽງແຕ່ມຽນມາປະເທດດຽວເທົ່ານັ້ນທີ່ມີການສໍ້ລາດບັງຫຼວງ
ຫຼາຍກວ່າໝູ່.
ທາງດ້ານເຈົ້າໜ້າທີ່ຂັ້ນສູງໃນ
ກະຊວງກະສິກໍາ-ປ່າໄມ້ລາວ
ກໍໄດ້ຍອມຮັບວ່າ ພາກສ່ວນ
ທີ່ມີການສໍ້ບາດບັງຫຼວງຫຼາຍ
ທີ່ສຸດນັ້ນ ກໍຄືພາກສ່ວນທີ່
ກ່ຽວຂ້ອງກັບການອານຸຍາດ
ໃຫ້ສໍາປະທານປ່າໄມ້ຊຶ່ງເຮັດ
ໃຫ້ມີການລັກລອບຕັດໄມ້
ໂດຍຜິດກົດໝາຍເກີດຂຶ້ນ
ຢ່າງກວ້າງຂວາງໃນທົ່ວປະ
ເທດລາວ ແລະເປັນບັນຫາ
ໃຫຍ່ທີ່ຍາກຕໍ່ການປ້ອງກັນ
ແລະປາບປາມອີກດ້ວຍ.
ທັງນີ້ ກໍເນື່ອງຈາກວ່າ ອໍາ
ນາດການປົກຄອງທັ້ງທີ່ຢູ່
ໃນສູນກາງ ແລະລະດັບ
ທ້ອງຖິ່ນໄດ້ມີການອະນຸຍາດ
ໃຫ້ມີການສ້າງຕັ້ງໂຮງເລື່ອຍ
ແລະໂຮງງານແປຮູບໄມ້ຈໍາ
ນວນຫຼາຍຈົນເກີນໄປ ຈຶ່ງ
ເຮັດໃຫ້ຍາກຕໍ່ການທີ່ຈະ
ຄວບຄຸມ ແລະກວດກາໄດ້ຢ່າງທົ່ວເຖິງ ແລະໃນຂະນະດຽວກັນ ຜົນຂອງການກວດກາ
ໃນໄລຍະທີ່ຜ່ານມາກໍ່ພົບວ່າ ມີເຈົ້າຂອງກິດຈະການຫຼາຍໂຮງງານທີ່ໄດ້ລະເມີດກົດ
ໝາຍດ້ວຍການເຂົ້າໄປກ່ຽວຂ້ອງກັບການລັກລອບຕັດໄມ້ເພື່ອນໍາເອົາມາປ້ອນໂຮງງານ
ຂອງພວກຕົນ.
ໃນຊ່ວງ 6 ເດືອນທີ່ຜ່ານມາຂອງແຜນການປະຈໍາປີ 2010-2011 ນີ້ກົມກວດກາປ່າໄມ້
ສາມາດຢຶດຂອງກາງ ເປັນໄມ້ທ່ອນໄດ້ຈໍານວນ 64,000 ກວ່າທ່ອນ ພ້ອມດ້ວຍໄມ້ແປ
ຮູບຫຼາຍກວ່າ 324,000 ແຜ່ນ, ໄມ້ຄໍ້າແບບ 5 ໝື່ນກວ່າລໍາ, ຍານພາຫະນະ 200
ກວ່າຄັນ, ຈັກສໍາລັບຕັດໄມ້ 164 ເຄື່ອງ ແລະ ມີປ່າໄມ້ຖືກທໍາລາຍບຸກລຸກກວ້າງກວ່າ
7,200 ເຮັກຕາ.
ນອກຈາກນັ້ນ ບັນຫາທີ່ໜ້າເປັນຫ່ວງກໍຄືການປະກົດວ່າ ໄດ້ມີການລັກລອບຕັດໄມ້
ໃນເຂດປ່າສະຫງວນນັບມື້ເພີ່ມຫຼາຍຂຶ້ນ, ໂດຍພື້ນທີ່ ທີ່ມີການລັກລອບຕັດໄມ໊ຫຼາຍທີ່
ສຸດກໍ່ຄື: ແຂວງວຽງຈັນ, ບໍລິຄຳໄຊ, ຄຳມ່ວນ, ສາລະວັນ, ອັດຕະປື, ຊຽງຂວາງ,
ອຸດົມໄຊ ແລະຜົ້ງສາລີ.