ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ສປປ ລາວ ຍັງເຊື່ອໝັ້ນ ທີ່ຈະສ້າງເຂື່ອນ ເຖິງແມ່ນ ເກີດໄພຫາຍະນະ ຮ້າຍແຮງກໍຕາມ


ເຮືອບິນເຮລິຄອບເຕີລຳນຶ່ງ ບິນລະຫວ່າງເກີດນໍ້າຖ້ວມ ຫຼັງຈາກ ເຂື່ອນເຊປຽນ ນໍ້ານ້ອຍແຕກ ໃນແຂວງອັດຕະປື ວັນທີ 26 ກໍລະກົດ 2018.
ເຮືອບິນເຮລິຄອບເຕີລຳນຶ່ງ ບິນລະຫວ່າງເກີດນໍ້າຖ້ວມ ຫຼັງຈາກ ເຂື່ອນເຊປຽນ ນໍ້ານ້ອຍແຕກ ໃນແຂວງອັດຕະປື ວັນທີ 26 ກໍລະກົດ 2018.

ພວກທີ່​ເປັນ​ປາກ​ສຽງ​ໃນການໃຊ້​ພະລັງງານທົດແທນ ໄດ້​ພາກັນຈັບເອົາ ເລື້ອງເຂື່ອນ
ຫັກພັງທີ່ຮ້າຍແຮງ ຢູ່ໃນລາວ ມາຊຸກຍູ້ ໃຫ້ປະເທດດັ່ງກ່າວ ຫັນໄປຈາກ “ຄວາມຢາກ” ​
ສ້າງ​ເຂື່ອນ​ໄຟຟ້າພະລັງນ້ຳ.

ປະ​ເທດ​ລາວ​ ມີ​ແຜນການ ​ທີ່​ຈະ​ສ້າງ​ເຂື່ອນ​ໄຟຟ້າ​ພະລັງນ້ຳ ປະມານ 140 ​ແຫ່ງ ​ໃນ​
ການສະແຫວງຢາກກາຍ​ເປັນ​ “ໝໍ້​ໄຟ​ຂອງ​ເອເຊຍຕາ​ເວັນ​ອອກສຽງໃຕ້” ອີງ​ຕາມ​
ອົງການສູນກາງວິເຄາະດ້ານນະ​ໂຍບາຍ ສະຕິ​ມ​ສັນ​.

​ແຜ​ນການດັ່ງກ່າວ ​ໄດ້​ດຶງດູດໃຫ້ມີ​ການ​ຕິຕຽນ​ຢ່າງ​ໃຫຍ່​ ຈາກ​ ບັນດາ ນັກອະນຸລັກ
ທຳ​ມະ​ຊາດ ​ແລະ​ ກຸ່ມ​ສິດທິ​ມະນຸດຕ່າງໆ ຜູ້​ທີ່​ໂຕ້​ຖຽງ​ວ່າ​ ກຸ່ມ​ການ​ປົກຄອງ​ປະ​ເທດ
ໃນປັດຈຸບັນ ​ກຳ​ລັງ​ເຮັດໃຫ້​ຕົນ​ຮັ່ງມີ ຈາກ​ໂຄງການ​ຕ່າງໆ ທີ່​ສົ່ງ​ຜົນ​ກະທົບ ​ຢ່າງ​ຮ້າຍ
​ແຮງ ​ຕໍ່ພວກ​ທີ່​ທຸກ​ຈົນຢູ່ໃນ​ຊົນນະບົດ.

ສອງ​ຄັ້ງ​ໃນ​ປີ​ກາຍ​ນີ້ ນຶ່ງ​ໃນສະຖານ​ທີ່ດັ່ງກ່າວ ໄດ້​ຫັກ​ພັງ​ລົງ ຫວ່າງ​ບໍ່ດົນປານໃດ
ໃນທ້າ​ຍ​ເດືອນ​ແລ້ວ​ນີ້ ​ເວລາ​ຫຼາຍໆ​ຄົນ​ໄດ້ເສຍ​ຊີວິດ ​ແລະ​ຫຼາຍ​ພັນ​ຄົນ​ບໍ່​ມີ​ທີ່ຢູ່​ອາ​ໄສ
ຫຼັງ​ຈາກ​ເຂື່​ອນໄຟຟ້າພະລັງນ້ຳ ​ຍ້ອຍຢູ່ ​ເຊ​ປຽນ-ເຊນໍ້າ​ນ້ອຍ ​ໄດ້​ແຕກ​ຫັກ​ພັງ​ລົງ.

ຫົວໜ້າ​ບໍລິຫານງານ ຂອງອົງການ ຄະນະ​ກຳມະການ​ແມ່​ນໍ້າຂອງ ຫລື MRC ທ່ານ
​ຕວນ ພານ ກ່າວ​ຢູ່​ໃນ​ຖະ​ແຫຼ​ງການ​ ທີ່ເຜີຍ​ແຜ່​ ໃນ​ອາທິດ​ນີ້​ ທີ່ກ່າວວ່າ “​ໃນ​ຂະນະ​ທີ່​
ເຂື່ອນ​ແຕກ ​ເປັນໂສກ​ນາດຕະກຳ ຂອງ​ປະ​ເທດ ມັນກໍ​ຊ່ວຍນຳມາ ເຊິ່ງຄວາມ​ຫວັງ​ໃໝ່​
ໃຫ້ມີຄວາມເໝາະສົມຫຼາຍຂຶ້ນ ການພັດທະນາໄປໃນ ທິດທາງທີ່ຍືນຍັງ ແລະ ​ທີ່ຈະເກີດ
ຄວາມຮ້າຍແຮງ ໜ້ອຍລົງ ຢູ່ໃນແມ່​ນໍ້າ​ທີ່​ຍິ່ງ​ໃຫຍ່ທີ່ສຸດ ​ຢູ່​ໃນ​ໂລກ.”

​ເຂື່ອນເຊ​ປຽນ ເຊນໍ້າ​ນ້ອຍ ທີ່ທ້ອນໂຮມເອົາ​ພະ​ລັງຈາກແມ່​ນໍ້າສາຍຕ່າງໆ ຂອງແມ່
ນ້ຳຂອງ ທີ່ໄຫຼ​ຜ່ານ ​ຫຼາຍ​ກວ່າ 4,000 ກິ​ໂລ​ແມັດ ທີ່​ມີຄວາມສໍ​າຄັນຕໍ່ຊີວິດການເປັນຢູ່
ຂອງປະຊາຊົນ ​ຫຼາຍ​ສິບ​ລ້ານ​ຄົນ ຜູ້​ທີີ່ກາງຕໍ່​ມັນ ໃນການ​ຫາ​ປາ ​ແລະການ​ປູກ​ຝັງ​ ຢູ່ໃນ
​ປະ​ເທດ​ລາວ ​ແລະ​ອີກ​ຫ້າ​ປະ​ເທ​ດທີ່​ອາໄສຢູ່ໃນແມ່​ນໍ້າແຫ່ງນີ້.

ບັນດາ​ນັກ​ອະນຸລັກ​ທຳ​ມະ​ຊາດ ກ່າວ​ວ່າ​ເປັນລະບົບ​ນິ​ເວດ​ທີ່​ບອບ​ບາ ງຢູ່​ພາຍ​ໃຕ້​ການ
​ໂຈມ​ຕີ ຄວາມ​ກະ​ຕືລື​ລົ້ນຢາກສ້າງເຂື່ອນ​ໄຟຟ້າ ​ຂອງ​ບັນດາ​ປະ​ເທດ​ຕ່າງໆ ຜູ້​ທີ່ສາມາດ
ຫາທຶນຮອນໄດ້ ສຳລັບ​ໂຄງການທັງຫຼາຍ ດ້ວຍການເຮັດສັນຍາ ທີ່ຈະ​ຂາ​ຍພະລັງງານ
ໄຟຟ້າ ​ຂ້າມ​ຊາຍແດນ ໄປໃຫ້ແຕ່​ລະປະເທດທີ່ຕິດ​ຊາຍ​ແດນ​ຂອງ​ຕົນ.

ອ່ານຂ່າວນີ້ເພິ້ມເປັນພາສາອັງກິດ

XS
SM
MD
LG