ລິ້ງ ສຳຫລັບເຂົ້າຫາ

logo-print

ນັກ​ສຶກ​ສາລາວ​ ​ຈົບສ້າງ​ຄູ ປະ​ສົບ​ບັນ​ຫາ ​ໃນ​ການເຂົ້າ​ເປັນ ​ພະ​ນັກ​ງານ​ຄູ


ການ​ສະ​ຫລອງ​ວັນ​ຄູ​ແຫ່ງ​ຊາດ​ຂອງ​ລາວໃນ​ວັນ​ທີ 07 ຕຸ​ລາ 2019 ຢູ່​ທີ່​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ຂອງ​ລາວ

​ການ​ສະ​ຫລອງວັນ​ຄູ​ແຫ່ງ​ຊາດລາວໃນ​ ​ຜ່ານ​ມານີ້ ເຕັມ​ໄປ​ດ້ວຍ​ບັນ​ຍາ​ກາດ​ອັນ​ຄຶກ​ຄື້ນ
ຕາມໂຮງ​ຮຽນ ແລະ​ສະ​ຖາ​ບັນ​ຕ່າງໆ ໃນທົ່ວ​ປະ​ເທດ ​ແຕ່​ວ່າ ກໍ​ມີ​ຄູ​ບາງ​ຄົນ​ທີ່ບໍ່​ໄດ້​ຖືກ
​ບັນ​ຈຸ​ເຂົ້າ​ເປັນ​ພະ​ນັກ​ງານ ພາຍ​ຫລັງ​ທີ່​ໄດ້​ອາ​ສາ​ສະ​ໝັກ​ສອນມາ​ໄດ້​ຫລາຍ​ປີ ກັບ​ມີ​
ຄວາມຮູ້​ສຶກ​ທໍ້​ຖອຍ ແລະ​ຜິດ​ຫວັງຫລາຍ. ຕໍ່​ສະ​ພາບ​ການ​ນີ້ ເຈົ້າໜ້າ​ທີ່​ລາວ​ທີ່​ກ່ຽວ
​ຂ້ອງ​ໃຫ້​ການ​ສັງ​ເກດ​ວ່າ ມີ​ຫລາຍສາ​ເຫດ ທີ່​ພາ​ໃຫ້​ເປັນ​ເຊັ່ນ​ນັ້ນ ໂດຍ​ສະ​ເພາະ​ແມ່ນ​
ຈຳ​ນວນຄູ​ທີ່​ຮຽນ​ຈົບ​ມາ ແລະ​ຕ້ອງ​ການ​ຢາກ​ສອນ​ຢູ່ໃນ​ຕົ​ວ​ເມືອງແມ່ນ​ເກີນ​ຄວາມ​ຕ້ອງ​
ການ ໃນ​ຂະ​ນະ​ທີ່​ເດັກ​ນ້ອຍ ຢູ່​ໃນເຂດ​ດັ່ງ​ກ່າວ ​ມີ​ທ່າ​ອ່ຽງ​ເພີ້ມ​ຂຶ້ນ ຊ້າ​ໆ. ​ນັກ​ຂ່າວວີ​ໂອ​
ເອ​ຂອງ​ພວກ​ເຮົາ ມີ​ລາຍ​ລະ​ອຽດ​ກ່ຽວ​ກັບ​ເລື້ອງນີ້​ມາ​ສະ​ເໜີ​ທ່ານ ໃນ​ອັນ​ດັບ​ຕໍ່​ໄປ.

ວັນ​ຄູ​ແຫ່ງ​ຊາດ​ລາວ​ຫາກໍຜ່ານ​ໄປ​ໃນ​ວັນ​ທີ 7 ຕຸ​ລາ​ຜ່ານ​ມານີ້, ທ້າມກາງການສະເຫລີມ
ສະຫລອງກັນຢູ່ຕາມໂຮງຮຽນ ແລະສະຖາບັນການສຶກສາຊັ້ນສູງຕ່າງໆ ຢ່າງຄຶກຄື້ນໃນ
ທົ່ວປະເທດຢູ່ນັ້ນ,ທາງວີ​ໂອ​ເອ​ກໍ​ໄດ້​ສຳ​ພາດສາວຄູ​ອາ​ສາ​ສະ​ໝັກຄົນ​ນຶ່ງ​ທີ່ຮັບ​ໃຊ້​ເປັນ​ຄູ​
ສອນ​ມາ​ໄດ້​ຫລາຍ​ປີ ພາຍ​ຫລັງ​ທີ່ຮຽນ​ຈົບ​ມາດ້ວຍຄວາມໝາຍ​ໝັ້ນ​ຕັ້ງ​ໃຈ​ວ່າ​ຈະ​ໄດ້​ເປັນ
​ຄູ​ທີ່​ຖືກ​ບັນ​ຈຸ​ເປັນ​ເຂົ້າ​ເປັນ​ພະ​ນັກ​ງານລັດ​ໃນ​ເວ​ລາບໍ່​ໄວ​ກໍ​ຊ້າ ແຕ່​ກໍ​ປະ​ສົບກັບຄວາມ​ຜິດ​
ຫວັງ. ອີງຕາມການໃຫ້ສໍາພາດນາງ​ຄູ​ບິກ ຈາກ​ບ້ານ​ຈອມ​ເພັດ ໃນ​ນະ​ຄອນ​ຫລວງວຽງ​
ຈັນ​ເລົ່າ​ເຖິງ​ຄວາມ​ຮູ້​ສຶກມັກ​ຮັກ​ອາ​ຊີບ​ຄູ​ຂອງ​ນາງ​ສູ່​ຟັງ​ວ່າ:
“ຂ້າພະເຈົ້າກໍ່ແມ່ນຄົນນຶ່ງ​ເນາະມີ ຄວາມໄຝ່ຝັນຢາກເປັນຄູ ແລະກໍໄດ້ໄປຮຽນຄູ
ແລະຈົບຄູມາແຕ່ປີ 2005 ຕອນນັ້ນຍັງບໍ່ໄດ້ເຂົ້າລັດຖະກອນ ໄປສອນຢູ່ໂຮງຮຽນ
ເອກກະຊົນເປັນຈໍານວນຫຼາຍປີເນາະ 8-9 ປີ. ຄືເລີ້ມແຕ່ປີ 2006 ຮອດ 2014 .
ຂ້າພະເຈົ້າຈົບປີ 2006 ຂ້າພະເຈົ້າກາໄປສອນໂຮງຮຽນເອກ ກະຊົນຈົນຮອດປີ
2014
ກໍໄປອາສາສອນຢູ່ໂຮງຮຽນລັດແຫ່ງນຶ່ງເປັນຈໍານວນ 4 ປີ 5 ປີ ແຕ່ກໍ່ບໍ່
ໄດ້ເຂົ້າ
ເປັນລັດຖະກອນ, ຂ້າພະເຈົ້າກໍເລີຍລາອອກກ່ອນ,ຂໍໂຈະ. ເພາະສະນັ້ນ
ຂ້າພະເຈົ້າຈຶ່ງຢາກຝາກຜູ້ໃດ ນັກຮຽນ ນັກສຶກສາ ທີ່ຈົບສ້າງຄູລົງມາແລ້ວ ທີ່ວ່າ
ເຂົາເຈົ້າ
ບໍ່ຮັບແລ້ວ ກໍຖືວ່າບໍ່ໃຫ້ຮັບເລີຍກະໄດ້ ທີ່ວ່າຄູອາສາ ມີແຕ່ວ່າຕົວເລກ
ບໍ່ມີກະໃຫ້ເຂົາເຈົ້າໄປເສັງເອົາເລີຍ ຄັນໃຜເສັງໄດ້ກະຖືວ່າບໍ່ໄດ້ ຄືວ່າບໍ່ໃຫ້ຮັບ
ເລີຍພວກອາສາ ເພາະວ່າ ຄົນທີ່ໄປ
ອາສາຫຼາຍຄົນຄືຂ້າພະເຈົ້າເສຍກໍາລັງໃຈ
ເພາະອາ
ສາຢູ່ຕັ້ງ 4-5 ປີ ນໍ້າມັນລົດເດືອນລະສອງແສນກີບ ​ເສຍທັງເວລາ, ເສຍ
ທັງກໍາລັງໃຈ, ເສຍ
ທັງແນວຄິດເນາະ.”

ຕໍ່ສະ​ພາບ​ສິ້ນ​ຫວັງ ຍ້ອນບໍ່​ໄດ້ການ​ເຂົ້າ​ເປັນ​ຄູ​ໃນ​ລະ​ບົບ​ໂຮງ​ຮຽນ​ລັດ​ນີ້ ນາງຈຶ່ງໄດ້ຕັດ
ສິນໃຈອອກໄປປະກອບອາຊີບເຮັດທຸລະກິດສ່ວນຕົວກາຍເປັນແມ່ຄ້າຂາຍເຄື່ອງອອນ
ລາຍສົ່ງໃຫ້ລູກຄ້າພາຍໃນທຸກແຂວງທົ່ວປະເທດ, ສ່ວນສາວຄູ​ອາ​ສາ​ສະ​ໝັກ​ບາງຄົນ ກໍເສຍແນວຄິດ ຫລາຍເຖິງຂັ້ນ ເດີນໄປຕາມເສັ້ນທາງຊີວິດ ທີ່ມືດມົວຕໍ່ອະນາຄົດຂອງ
ເຂົາເຈົ້າ ເຊັ່ນຕິດຢາເສບຕິດ ແລະອື່ນໆ ຊຶ່ງນາງຄູບິກໄດ້ໃຫ້​ເລົ່າເຖິງເລື້ອງນີ້ວ່າ:
ສົມມຸດຄືຂ້າພະເຈົ້າຍັງມີສະຕິ ຍັງຕັ້ງຫຼັກບໍ່ໄດ້ໄປຄິດໃນທາງທີ່ລົບ ກະຄືໝູ່ຄູ່ບາງ
ຄົນນີ້ ອາສາມາຫຼາຍປີຄືກັນນໍ ບາງຄົນກໍລາອອກ ກໍເສຍຄວາມຄິດ ບາງຄົນກໍ
ໄປ
ເສເພເກເມົາໄປເຮັດໃນທາງທີ່ບໍ່ດີ ໂຕນໄປຫາເງິນທາງອື່ນບໍ່ ໄປໃຊ້ບໍລິການໃນ
ສິ່ງທີ່ບໍ່ດີຊັກຊວນໄປເຮັດໃນສິ່ງບໍ່ດີກະມີ, ຄັນຊັ້ນກະຝາກນໍ ໃຫ້ເບິ່ງຄືນບັນດາຄູ
ອາສາ ຫຼື ພະນັກງານພັກລັດສາຂາອື່ນທີ່ເຂົາເຈົ້າອາສາແນ່ນໍ ”

ກ່ຽວ​ກັບ​ເລື້ອງນີ້ທາງວີໂອເອກໍໄດ້ສໍາພາດທ່ານ ສົມບູນ ມາ​ສຸ​ວັນ ຈາກ​ຫ້ອງ​ການ​ເລ​
ຂາຄະ​ນະ​ກຳ​ມາ​ທິ​ການ​ແຫ່ງ​ຊາດເພື່ອ ​ຢູ​ແນັ​ສ​ໂກ ແລະອະດີດພະນັກງານໃນກົມ
ສາມັນສຶກສາ​ຂອງກະຊວງສຶກສາ ແລະກິລາຂອງລາວ ຊຶ່ງທ່ານໃຫ້ຄຳ​ເຫັນວ່າ :
“ດຽວນີ້ຄົນຢາກເປັນຄູຫຼາຍແລ້ວ ແຕ່ບັນຫາຢູ່ບ່ອນວ່າຄົນຢາກເປັນຄູຫຼາຍແລ້ວ. ແຕ່ວ່າມັນມີບັນຫາຢູ່ວ່າ ຄົນຢາກມາເປັນຄູແລ້ວ ເຮົາກໍສາມາດຄັດເອົາຜູ້ທີ່ເກັ່ງ
ມາຮຽນຄູໄດ້ຫຼາຍຂຶ້ນ, ອັນນີ້ ອັນໜຶ່ງ. ແຕ່ວ່າບັນຫາມັນຢູ່ບ່ອນວ່າ ຖ້າພວກນີ້
ຮຽນຈົບໄປແລ້ວຈະບໍ່ສາມາດບັນຈຸເຂົ້າເປັນລັດຖະກອນໄດ້ຫັ້ນນະ, ຍັງເຫຼືອແຕ່
ພວກເກົ່າທີ່ຍັງບໍ່ທັນໄດ້ບໍານານຫັ້ນ, ບັນຫາຢູ່ຫັ້ນແຫຼະ.”

ນອກຈາກນັ້ນແລ້ວ ກໍຍັງບໍ່ມີຄວາມສອດຄ່ອງກັນໃນດ້ານການຝຶກອົບຮົມໃຫ້ ສອນ
ວິຊາຕ່າງໆ ກັບສະພາບຄວາມຕ້ອງການຕົວຈິງຂອງການຮຽນການສອນ ໃນໂຮງຮຽນ
ຫລາຍແຫ່ງ ຊຶ່ງທ່ານສົມບູນໃຫ້ເຫດຜົນຕໍ່ໄປວ່າ:
“ດຽວນີ້ບັນຫາຂອງເຮົາຄືຄູເຫຼືອບໍ່ພໍ ໝາຍຄວາມວ່າ ເຫຼືອວິຊາທີ່ບໍ່ຕ້ອງການຍົກຕົວ
ຢ່າງ ວິຊາຄະນິດສາດ ທີ່ເຮົາຕ້ອງການແຕ່ມີບາງຄົນຜັດຈົບພາສາອັງກິດຫຼາຍກວ່າ
ມັນກະສອນບໍ່ໄດ້, ຈົບວິຊາພາສາລາວ ພັດສອນວິຊາເລກຄະນິດສາດ ແລະຟີຊິກ
ສາດ ຜັດບໍ່ໄດ້ ອັນນີ້ແມ່ນອັນນຶ່ງ.”

ບັນ​ດາ​ນັກ​ຮຽນໃນ​ພະ​ແນກ​ອັກ​ສອນ​ສາດ, ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ຂອງ​ລາວ ມອບ​ຂອງ​ຂວັນ​ໃຫ້​ແກ່​ອາ​ຈານ​ຄົນ​ນຶ່ງ​ຂອງ​ເຂົາ​ເຈົ້າ ເນື່ອງ​ໃນ​ໂອ​ກາດ​ວັນ​ຄູ, ວັນ​ທີ 07 ຕຸ​ລາ, 2019
ບັນ​ດາ​ນັກ​ຮຽນໃນ​ພະ​ແນກ​ອັກ​ສອນ​ສາດ, ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ຂອງ​ລາວ ມອບ​ຂອງ​ຂວັນ​ໃຫ້​ແກ່​ອາ​ຈານ​ຄົນ​ນຶ່ງ​ຂອງ​ເຂົາ​ເຈົ້າ ເນື່ອງ​ໃນ​ໂອ​ກາດ​ວັນ​ຄູ, ວັນ​ທີ 07 ຕຸ​ລາ, 2019

ເຫດຜົນທ້າຍສຸດ ທ່ານບອກວ່າ ຄູຢູ່ໃນຕົວເມືອງຫລາຍຈົນເຫລືອຄວາມ ຕ້ອງການ ທີ່ຮຽນຈົບມາຕ່າງກໍຢາຊອກສອນຢູ່ໃນຕົວເມືອງ. ທ່ານເວົ້າວ່າ ທັງນີ້ ກໍເພາະວ່າ ມີຄົນ “ຢາກຢູ່ຕົວເມືອງຫຼາຍ. ແຕ່ຈໍານວນນັກຮຽນຜັດມີໜ້ອຍລົງ ຍ້ອນມີການຄວບຄຸມກໍາ
ເນີດ, ຍ້ອນເສດຖະກິດຕ່າງໆຫັ້ນລະ. ບາງຄົນກໍມີລູກໜ້ອຍ ຈໍານວນນັກຮຽນກໍມີ
ໜ້ອຍລົງ, ບາງໂຮງຮຽນກໍມີນັກຮຽນ 8-9 ຄົນ ນາຍຄູມີ 2-3 ຄົນ. ສະນັ້ນຈໍາເປັນ
ຕ້ອງໄດ້ໄປເຂົ້າບ່ອນອື່ນ, ແລ້ວມັນຈະມີຄູເຫລືອ. ບາດຢູ່ຊົນນະນະບົດຫັ້ນຄົນຜັດ
ບໍ່ຢາກໄປ ອີກອັນນຶ່ງເຫຼືອບໍ່ພໍນີ້. ບ່ອນຫຍຸ້ງຍາກຜັດບໍ່ພໍ, ບ່ອນສະດວກຜັດເຫຼືອ
ແລະ ເຫຼືອແງ່ນຶ່ງແມ່ນກ່ຽວກັບວິຊາ ບາງວິຊາທີ່ເວົ້າ. ສະ​ພາບອັນນີ້ກໍຄິດຫາວິທີ
ແກ້ໄຂຢູ່ວ່າຈະເຮັດແນວໃດຊິຕ້ອງບັງຄັບໄປສອນໄດ້ບໍຕ້ອງໄດ້ຄໍານຶງເຖິງຫຼາຍ
ດ້ານເພາະຄອບຄົວຂອງເຂົາເຈົ້າຢູ່ຕົວເມືອງກໍມີ.”

ສະຫລຸບແລ້ວ ການທີ່ລັດຖະບານລາວບໍ່ສາມາດບັນຈຸຄູໃຫ້ເຂົ້າເປັນລັດຖະກອນ ຢູ່ໃນຕົວເມືອງໄດ້ນັ້ນ ມີຜົນກະທົບຕໍ່ພວກຄູໜຸ່ມນ້ອຍທີ່ ຍອມສູ້ ຊົນອົດທົນເປັນ ຄູອາສາສະໝັກໂດຍບໍ່ໄດ້ຮັບຄ່າຕອບແທນຫຍັງ ຕັ້ງຫລາຍປີ ເຮັດໃຫ້ເຂົາເຈົ້າໝົດ
ກໍາລັງໃຈ. ແຕ່ໃນຂະນະດຽວກັນສະພາບ ດັ່ງກ່າວນັ້ນ ກໍສືບເນື່ອງມາຈາກ ຫລາຍ
ບັນຫາ ເຊັ່ນ ຄູເກົ່າຍັງເຫລືອຢູ່ ໃນລະບົບຂອງໂຮງຮຽນລັດນັ້ນຫລາຍຢູ່, ໂດຍ
ສະເພາະຢູ່ໃນເຂດຕົວເມືອງໃຫຍ່ ແລະການຝຶກອົບ ຮົມຄູກໍບໍ່ແທດເໝາະ ກັບຄວາມ
ຕ້ອງການວິຊາການຮຽນ ການສອນຢູ່ໃນ ເຂດຕ່າງໆ ຂອງປະເທດ ຕະຫລອດທັງ
ຍັງຂາດສິ່ງດຶງດູດເອົາຄູໃຫ້ໄປສອນຢູ່ໃນເຂດຊົນນະບົດໃຫ້ ຢູ່ໃນທ້ອງຖິ່ນຕ່າງໆ ທີ່ມີຄວາມຕ້ອງການຄູຫລາຍທີ່ສຸດນັ້ນ ອີກດ້ວຍ.

ອ່ານ​ບົດ​ສະ​ຫລຸດບ​ກ່ຽວ​ກັບ​ຂ່າວນີ້​ເປັນ​ພາ​ສາ​ອັງ​ກິດ​ຢູ່​ລຸ່ມນີ້:
Lao Trained Educators Disappointed and Hopeless in Finding Jobs in Public Schools

Amid the unjoyful celebrations of the National Teachers’ Day in schools and academic institutes across the country last week, many volunteered teachers who worked without any compensation or benefits for several years felt disappointed for being not accepted as civil servant in public school system. According to some officials in Ministry of Education and Sports, this problem stems from many factors, which include over-supply of teachers in the cities, while very few people are willing to go to teach in rural areas, where they are needed the most. Another factor is the fact that many teachers are not trained in the majors that are needed, such as mathematics in the public schools they want to work for.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG