ລິ້ງ ສຳຫລັບເຂົ້າຫາ

logo-print

ຄະນະຜູ້ແທນກິລາ ຈາກ ສປປ ລາວ 500 ຄົນ ເຂົ້າຮ່ວມ ແຂ່ງຂັນ ຊີເກມ ຄັ້ງທີ່ 27 ທີ່ມຽນມາ


ນັກກິລາ 500 ຄົນຈາກ ສປປ ລາວ ເຂົ້າແຂ່ງຂັນ SEA ເກມ ຄັ້ງທີ່ 27 ທີ່ມຽນມາ
ສະບາຍດີ ທ່ານ​ຜູ້ຟັງ​ທີ່​ເຄົາຣົບ ​ແລງ​ວັນ​ພະຫັດ​ມື້​ນີ້ ຂ້າພະ​ເຈົ້າ
ຈະ​ພາ​ທ່ານ​ໄປ​ຕິດ​ຕາມນັກ​ກິລາຍິງ​ທະນູລາວຄົນ​ນຶ່ງ​ທີ່ຊື່​ ທ້າວ
ດາ​ລິ​ຍະ ​ໄຊ​ດາຣາ ທີ່ກໍາລັງ​ເຂົ້າ​ຮ່ວມ​ແຂ່ງ​ຂັນໃນ ຊີເກ​ມ ຄັ້ງ​ທີ່
27 ທີ່​ປະ​ເທດ​ມຽນມາ.

ພິທີ່ເປີດກິລາຊີເກມ ຄັ້ງທີ່ 27 ທີ່ມຽນມາ
ພິທີ່ເປີດກິລາຊີເກມ ຄັ້ງທີ່ 27 ທີ່ມຽນມາ

ແຕ່​ກ່ອນ​ອຶ່ນ ​ເຮົາ​ມາ​ທໍາ​ຄວາມເຂົ້າ​ໃຈ​ກ່ຽວ​ກັບ ​ປະ​ຫວັດ​ຄວາມ
​ເປັນ​ມາ​ຂອງການ​ແຂ່ງ​ຂັນກິລາ ຊີເກ​ມ ​ໃນ​ປັດ​ຈຸ​ບັນ (SEA
Games) ທີ່​ມີ​ຊື່​ຫ​ຍໍ້​ມາ​ຈາກ Southeast Asian Games
​ນັ້ນ ກິລາ​ນີ້ຖືກຕັ້ງ​ຂື້ນ​ມາ​ໃນ​ປີ 195​9 ໂດ​ຍ​ໃສ່​ຊື່ວ່າ SEAP
Games ​ໂດຍກຸ່ມປະ​ທດອາ​ຊີ​ອາ​ຄະ​ເນ ຊຶ່ງ​ປັດ​ຈຸ​ບັນ​ນີ້ ມີສະ
​ມາຊິກ ​ດ້ວຍ​ກັນ 11 ປະ​ເທດ ອັນ​ມີ ມຽນມາ ຫວຽດນາມ ລາວ
​ກຳປູ​ເຈຍ ໄທ ​ອິນ​ໂດ​ເນ​ເຊຍ ມາ​ເລ​ເຊຍ ສິງ​ກະ​ໂປ ​ຟິ​ລິບ​ປີນ
ບ​ຣູ​ໄນ ແລະ ອິ​ສ​ຕີ​ມໍ ເປັນ​ປະທດລ້າ​ສຸດ​ທີ່​ເຂົ້າ​ຮ່ວມ.

ການ​ແຂ່ງ​ຂັນ​ກິ​ລາ ຊີ​ເກມ ຊຶ່ງ​ເມື່ອ​ກ່ອນ​ເອີ້ນ​ວ່າ SEAP Games
ເລີ້ມ​ມີ​ຂື້ນ​ເທຶ່​ອ​ທຳ​ອິດ​ໃນ​ປີ 1959 ​ທີ່ ບາງກອກ ປະ​ເທດ​ໄທ ແລະ​
ມີ​ທຸກໆ​ສອງປີ​ຕິດ​ຕາມ​ກັນ​ມາ. ​ໃນ​ປີ 1965 ປະ​ເທດ​ລາວ ຫລືພະ
​ລາ​ດຊະ​ອາ​ນາ​ຈັກ​ລາວ ​ໄດ້ຮັບ​ກຽດ​ເປັນ​ເຈົ້າ​ພາບ​ຈັດ​ງານ SEAP
Games ແຕ່​ໄດ້​ປະ​ຕິ​ເສດ​ຮັບ​ບໍ່​ໄດ້​ເນຶ່ອງ​ຈາກ​ບັນຫາດ້ານ​ການ​ເງິນ
ແລະ​ສົງ​ຄາມ. ​ກິລາ SEAP ​ເກ​ມ ປ່ຽນ​ຊື່​ມາເປັນ SEA Games ​
ໃນ​ປີ 1977 ຈົນ​ຕົກ​ມາ​ເຖິງ​ປີ 2009 ລາວຈຶ່ງໄດ້​ເປັນ​ເຈົ້າພາບ SEA Games ​ເປັນເທື່ອ​ທໍາ
​ອິດ ຫລັງ​ຈາກ​ທີ່​ໄດ້ເຂົ້າ​ຮ່ວມ​ໃນ​ສະມາຄົມ ASEAN ພາຍ​ໃຕ້​ລະ​ບອບ​ການ​ປົກ​ຄອງຂອງ
ສາ​ທາ​ລະ​ນະ​ລັດປະ​ຊາ​ທິ​ປະ​ໄຕ ປະ​ຊາ​ຊົນ​ລາວ. ເຂົ້າຮ່ວມໃນການ​ແຂ່ງ​ຂັນ ຊີ​ເກມ ຄັ້ງ​ທີ
27 ທີ່​ກໍາລັງດໍາ​ເນີນ​ໄປຢູ່ໃນມຽນມາ ​ຂະນະນີ້ ​ນັກ​ກິ​ລາ​ຈາກ ສ​ປ​ປ ລາວ​ ພ້ອມ​ດ້ວຍ​ຄູຝືກ
ແລະ​ຜູ້​ແທນ​ຕິດ​ຕາ​ມ​ໄປ​ນຳ​ທັງ​ໝົດ 500 ຊຶ່ງ​ໃນ​ນັ້ນ​ກໍ​ມີ ​ທ່ານ​ຄຳ​ເຫລືອງ ໄຊ​ດາ​ຣາ ທີ່ໄດ້​ກ່າວ
​ຕໍ່ ວີ​ໂອ​ເອ​ວ່າ

ລິງໂດຍກົງ

ທ່ານ​ຄໍາ​ເຫລືອງ ​ເປັນ​ບິດາ​ຂອງ​ທ້າວ ດາ​ລິ​ຍະ ນັກ​ກິລາ​ຍິງ​ທະນູ ທີ່​ເຂົ້າ​ແຂ່ງ​ໃນ​ຄັ້ງ​ນີ້. ການ
​ແຂ່ງ​ຂັນ ​ຊີ​ເກມ ​ກໍາລັງ​ດໍາ​ເນີນ​ຢູ່​ໃນ​ສີ່​ໂຕເມືອງຄື Naypyidaw ​ເມືອງເອກໃໝ່ຂອງປະ​ເທດ
ມຽນມາ ຕິດ​ຕາມມາ​ດ້ວຍ ນະຄອນ​ຢ່າງ​ກຸ້ງ ​ເມືອງ ​Mandalay ​ແລະເມືອງຊາຍ​ທະ​ເລ
Ngwesaung. ມຽນມາ ​ທີ່ໃນ​ສະໄໝ​ກ່ອນ​ຊື່ວ່າ ພະມ້າ ​ນັ້ນ ໄດ້​ປິດ​ຕົນ​ເອງຈາກ​ໂລກ​ພາຍ
​ນອກ ຢູ່​ພາຍ​ໃຕ້​ການປົກຄອງລະ​ບອບ​ຜະເດັດການ​ທະຫານ​ ຈາກປີ 1962 ມາ​ຈົນຮອດປີ
2011 ​ຈຶ່ງມີການເລືອກ​ຕັ້ງ​ ​ທີ່ນໍາ​ເອົາ ລັດຖະບານ​ພົນລະ​ເຮືອນ ຂື້ນ​ມາ​ບໍລິຫານ​ປະ​ເທດ.

ການສະແດງດົນຕີພື້ນເມືອງ ຂອງມຽນມາ ໃນພິທີເປີດການແຂ່ງຂັນ SEA Games, ວັນທີ 11 ທັນວາ 2013.
ການສະແດງດົນຕີພື້ນເມືອງ ຂອງມຽນມາ ໃນພິທີເປີດການແຂ່ງຂັນ SEA Games, ວັນທີ 11 ທັນວາ 2013.


ສະຫະ​ພັນອາຊີ​ອາຄະ​ເນ​ເກ​ມ ຫລື Southeast Asian Games
Federation ​ໄດ້​ລົງມະຕິຢ່າງ​ເຫັນ​ພ້ອມທີ່​ກອງ​ປະຊຸມ ເມຶ່ອ​ວັນ​ທີ
31 ​ເດືອນ​ພຶດສະພາ ປີ 2010 ທີ່ນະຄອນ​ຈາ​ກາ​ຕາ ​ອິນ​ໂດ​ເນ​ເຊຍ
​ມອບ​ໝາຍ​ໃຫ້ມຽນມາ ​ເປັນ​ເຈົ້າພາບ​ຈັດການ​ແຂ່ງຂັນ ຊີ​ເກ​ມ ຄັ້ງ
​ທີ່ 27​ ຊຶ່ງ​ໄດ້ເລີ້ມ​ເປີດ​ພິທີ​ຢ່າງ​ເປັນ​ທາງ​ການໃນ​ວັນ​ທີ 11 ​ມື້ວານ​ນີ້ ​
ແລະຈະ​ດຳ​ເນີນ​ໄປຈົນ​ຮອດ​ວັນ​ທີ່ 22 ​ເດືອນ​ທັນວາ ​ໂດຍ​ມີ​ການ
ແຂ່ງຂັນ​ກິລາທັງ​ໝົດ 33 ປະ​ເພດ.

ປະ​ເທດ​ພະມ້າ ເຄີຍໄດ້ເປັນ​ເຈົ້າພາບ​ແຂ່ງຂັນ​ກິລາຊີ​ເກ​ມມາ​ກ່ອນ
​ໃນ​ສະ​ໃໝ​ທີ່​ເອີ້ນ​ວ່າ SEAP Games ປີ 1961 ​ແລະ 1969 ​ຢູ່ນະຄອນຢາງ​ກຸ້ງ ​ເມືອງຫຼວງ​
ເກົ່າ​ຂອງ​ປະ​ເທດມຽນມາ ແລະເທື່ອນີ້ເປັນ​ເທື່ອ​ທີ່​ສາມ. ​ ສັນຍາ​ລັກ ກິລາ​ຊີເກ​ມ ທີ່ມຽນມາ
ຄັ້ງນີ້​ ແມ່ນ​ຮູບນົກ​ເຄົ້າ​ສອງ​ໂຕ ຊຶ່ງ​ມີ​ຄວາມ​ໝາຍ​ວ່າ ​ໂຊກ​ດີ ​ໃນ​ວັດທະນະທໍາ​ຂອງ​ຊາວ
​ມຽນມາ. ນົກ​ເຄົ້າ​ໂຕ​ຜູ້​ຊຶ່ວ່າ Shwe Yoe ​ ແລະ​ນົກ​ເຄົ້າ​ໂຕແມ່​ ຊື່ວ່າ Ma Moe.

ນົກເຄົ້າ ແມ່ນ ສັນຍາລັກ ຊີເກມ ຂອງມຽນມາ
ນົກເຄົ້າ ແມ່ນ ສັນຍາລັກ ຊີເກມ ຂອງມຽນມາ

ກິລາ 33 ​ປະ​ເພດ ທີ່​ແຂ່ງຂັນ​ຢູ່ໃນ​ມຽນ​ມາຄັ້ງ​ນີ້ ມີ​ຈໍານວນໜ້ອຍ
​ກວ່າ​ການ​ແຂ່ງຂັນກິລາ ຊີ​ເກ​ມ​ ​ປີ 2011 ທີ່​ປະ​ເທດ​ອິນ​ໂດ​ເນ​ເຊຍ.
ຄະນະ​ກໍາ​ມະ​ການ​ຈັດການ​ແຂ່ງຂັນກິລາ ຊີ​ເກ​ມ ມຽນມາ ບໍ່​ເຫັນ
​ດີ​ໃຫ້​ມີ​ກິລາໂວ​ໄລ​ບອນ ​ຂອງ​ຜູ້ຍິງທີ່​ຫລີ້ນ​ຢູ່​ຫາດ​ຊາຍ ​ແລະ​ກິລາ​
​ເຕັ້ນ​ລໍາ ​ເພາະ​ເຂົາ​ເຈົ້າ​ເຫັນ​ວ່າ ​ຊຸດ​ນຸ່ງ​ຫລີ້ນ​ກິລາປະ​ເພດ​ນີ້ ບໍ່
​ເໝາະ​ສົມ​ແກ່​ສະ​ຕີ​ມຽນມາ ເພາະ​ຕ້ອງ​ໄດ້​ນຸ່ງ​ສັ້ນໆ ແລະ ເປີດ
​ເຫັນ​ຮ່າງ​ກາຍ​ຫລາຍ​ເກີນ​ໄປ. ນອກຈາກ​ນັ້ນ​ອີກ​ ກິລາ​ເທັນ​ນິສ
​ແລະ​ຈິ​ມນາສຕິກ ກໍ​ບໍ່​ມີ​ຢູ່​ໃນລາຍ​ການ​ແຂ່ງຂັນ​ເຊັນ​ດຽວ​ກັນ.

ກ່ອນ​ການ​ອອກ​ເດີນທາງໄປ​ຍັ​ງເທດມ​ຽນ​ມາ ຂອງ​ຄະນະ​ນັກ​ກິລາ ສປປ ລາວ ວີ​ໂອ​ເອ ​ໄດ້ສໍາ
ພາດ ທ້າວ​ດາ​ລິ​ຍະ ​ໄຊ​ດາ​ຣາ ນັກ​ກິລາ​ຍິງ​ທະນູ ​ຊຶ່ງ​ທ່ານ​ໄດ້​ກ່າວເຖິງ ກິລາ​ຍິງ​ທະນູ ​ສູ່ຟັງວ່າ:

ລິງໂດຍກົງ

​ເຖິ​ງແມ່ນຈະ​ຫາ​ກໍເປີດ​ຢ່າງ​ເປັນ​ທາງ​ການ ​ໃນ​ມື້ວານ​ນີ້​ກໍຕາມ ​ແຕ່​ການແຂ່ງຂັນບາງ​ຢ່າງ​ກໍ​ໄດ້
​ເລີ້ມ​ຂື້ນ​ແລ້ວ ພ້ອມ​ກັບການມອບ​ລາງວັນ ບາງ ປະ​ເພດ ຊຶ່ງ​ມາ​ຮອດ​ວັນ​ພຸດ​ວານນີ້ ນັກ​ກິລາ
ຈາກ ສປປ ລາວ ​ ໄດ້​ຮັບ 1 ຫລຽນ​ຄຳ 5 ຫ​ລຽນ​ເງິນ ແລະ 8 ​ຫລຽນ​ທອງ​ແດງ ​ແລະ​ປະ​ເທດ
​ເຈົ້າພາບ​ມຽນມາ ​ເປັນ​ຜູ້ໄດ້​ຮັບ​ຫລຽນ ນໍາ​ໜ້າ​ເກືອບ​ທຸກໆປະ​ເພດ.

ເບິ່ງຄວາມເຫັນ (7)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG