ເຈົ້າໜ້າທີ່ຂັ້ນສູງໃນແຂວງຈໍາປາສັກໄດ້ໃຫ້ການຢືນຢັນວ່າ
ການພັດທະນາເຂດການທ່ອງທ່ຽວຢູ່ໃນເຂດເມືອງໂຂງໄດ້
ເລີ່ມລົງມືດໍາເນີນການໃນພາກປະຕິບັດຕົວຈິງແລ້ວໃນຂະ
ນະນີ້ ໂດຍປະຈຸບັນກໍາລັງຢູ່ໃນຂັ້ນຕອນຂອງການກໍ່ສ້າງ
ບ່ອນພັກອາໄສຂອງບຸກຄະລາກອນ, ການກະກຽມສະ
ຖານທີ່ສໍາລັບຮອງຮັບການກໍ່ສ້າງຂົວທີ່ເຊື່ອມຕໍ່ລະຫວ່າງ
ບ້ານຫາດກັບບ້ານນາ, ການສຶກສາອອກແບບພັດທະນາ
ທ່າເຮືອຢູ່ຕາມເກາະດອນຕ່າງໆ ແລະການພັດທະນາສິ່ງ
ອໍານວຍຄວາມສະດວກໃຫ້ແກ່ນັກທ່ອງທ່ຽວຢ່າງຄົບຊຸດ
ດັ່ງທີ່ເຈົ້າໜ້າທີ່ຂັ້ນສູງໃນແຂວງຈໍາປາສັກຄົນດັ່ງກ່າວນີ້ໄດ້
ໃຫ້ການຊີ້ແຈງໃນຕອນນຶ່ງວ່າ:
“ເພື່ອຮອງຮັບໃຫ້ແກ່ການທ່ອງທ່ຽວ ຈະໄດ້ປັບປຸງ
ທ່າເຮືອຈາກດອນໂຂງໄປຫາດອນອື່ນໆ ແລ້ວເພິ່ນ
ກະໄດ້ກະກຽມກໍ່ສ້າງຂົວຂ້າມແມ່ນໍ້າຂອງລະຫວ່າງ
ບ້ານຫາດກັບບ້ານນາດ ດຽວນີ້ກໍກໍາລັງສ້າງເຮືອນ
ພັກ, ສະຖານທີ່ພັກເຊົາຂອງ ຄະນະກໍາມະການ
ຄາດວ່າຈະລົງມືໃນປີນີ້ຕາມແຜນ”.
ການພັດທະນາການທ່ອງທ່ຽວ
ຖືເປັນສ່ວນນຶ່ງຂອງເຂດເສດ
ຖະກິດພິເສດຄອນພະເພັງ ທີ່
ຕັ້ງຢູ່ໃນເຂດເມືອງໂຂງ ຊຶ່ງຕາມ
ແຜນການແລ້ວເຂດເສດຖະກິດ
ພິເສດດັ່ງກ່າວນີ້ ຈະມີບໍລິເວນ
ກວ້າງເຖິງ 39,000 ເຮັກຕາ
ໂດຍໄດ້ມີການຈັດແບ່ງພື້ນທີ່
ອອກເປັນ 5 ເຂດດ້ວຍກັນ ຄື
ພື້ນທີ່ໂດຍຮອບນໍ້າຕົກຄອນພະ
ເພັງນັ້ນ ກໍຈະພັດທະນາເປັນ
ເຂດທ່ອງທ່ຽວ ແລະຮອງຮັບທຸລະກິດທີ່ກ່ຽວຂ້ອງກັບການທ່ອງທ່ຽວເປັນການສະເພາະ
ເຊັ່ນ: ໂຮງແຮມ, ຣີສອດ, ບ້ານພັກຕາກອາກາດ ແລະສວນສາທາລະນະໃນເຂດອຸທະ ຍານແຫ່ງຊາດ.
ສ່ວນນອກນັ້ນ ກໍຈະເປັນເຂດສູນ
ການຄ້າປອດພາສີ, ສະໜາມບິນ
ຮອງຮັບທັງເຄື່ອງບິນສ່ວນຕົວ
ແລະ ເຄື່ອງບິນໂດຍສານ, ສະ
ໜາມກັອບລະດັບມາດຕະຖານ
ສາກົນ ແລະສູນບໍລິການທາງ
ທຸລະກິດຢ່າງຄົບວົງຈອນທີ່ຈະ
ມີຕະຫຼາດການຄ້າເສລີ ເປັນ
ສ່ວນປະກອບທີ່ສໍາຄັນອີກດ້ວຍ.
ໃນໄລຍະທີ່ຜ່ານມາກໍປະກົດວ່າ
ມີທັງກຸ່ມນັກທຸລະກິດຈາກຈີນ,
ເກົາຫຼີໃຕ້, ມາເລເຊຍ, ຫວຽດນາມ ແລະໄທ ລວມເຖິງນັກທຸລະກິດໃນລາວເອງນັ້ນ ຕ່າງ
ກໍໄດ້ພາກັນສະແດງເຈດຈໍານົງ ທີ່ຈະເຂົ້າໄປລົງທຶນໃນເຂດເສດຖະກິດພິເສດຄອນພະເພັງ
ແລ້ວເຖິງ 8 ບໍລິສັດ ແລະເຊື່ອວ່າຍັງຈະມີອີກຫຼາຍບໍລິສັດທີ່ຈະພາກັນຫຼັ່ງໄຫຼເຂົ້າໄປລົງທຶນ
ເພີ່ມຂຶ້ນອີກ ໃນໄລຍະຕໍ່ໄປ.
ຄະນະລັດຖະບານລາວກໍໄດ້ມີມັດຕິຮອງເອົາຮ່າງດໍາລັດນາຍົກລັດຖະມົນຕີ ວ່າດ້ວຍການ
ສ້າງຕັ້ງແລະ ການຄຸ້ມຄອງເຂດເສດຖະກິດພິເສດ ແລະເຂດເສດຖະກິດສະເພາະຢ່າງເປັນ
ທາງການເມື່ອທ້າຍປີທີ່ຜ່ານມາ ໂດຍມີເປົ້າໝາຍທີ່ຈະສ້າງຕັ້ງ ແລະພັດທະນາເຂດເສດຖະ
ກິດພິເສດໃນພື້ນທີ່ຕ່າງໆ ໃຫ້ໄດ້ຄົບ 10 ແຫ່ງພາຍໃນປີ 2015.
ໃນປັດຈຸບັນມີເຂດເສດຖະກິດພິເສດຢູ່ແລ້ວ 3 ແຫ່ງກໍຄື
ເຂດເສດຖະກິດພິເສດ ສະຫວັນນະ-ເຊໂນ ຢູ່ແຂວງສະ
ຫວັນນະເຂດ, ເຂດເສດຖະກິດພິເສດບໍ່ເຕັນແດນຄໍາ
ຢູ່ແຂວງຫຼວງນໍ້າທາ ແລະເສດຖະກິດພິເສດສາມຫຼ່ຽມ
ທອງຄໍາຢູ່ແຂວງບໍ່ແກ້ວ. ສ່ວນທີ່ຈະສ້າງຕັ້ງເພີ່ມຂຶ້ນ
ອີກ 7 ແຫ່ງນັ້ນກໍຄືຢູ່ທີ່ແຂວງຄໍາມ່ວນ, ຊຽງຂວາງ,
ຫົວພັນ, ເຊກອງ, ອັດຕະປື, ຜົ້ງສາລີ ແລະຈໍາປາສັກ
ຊຶ່ງແຕ່ລະເຂດກໍຈະມີລັກສະນະສະເພາະ ທີ່ຂຶ້ນຢູ່ກັບສະພາບທາງພູມີສາດ ແລະທໍາມະ
ຊາດຂອງແຕ່ລະພື້ນທີ່ເປັນສໍາຄັນ ເຊັ່ນຢູ່ແຂວງຈໍາປາສັກນັ້ນ ກໍຄືການພັດທະນາພື້ນທີ່ ອ້ອມຮອບຄອນພະເພັງດັ່ງກ່າວ.
