ທ່ານ ສອນໄຊ ສີພັນດອນ
ເຈົ້າແຂວງ ແລະເລຂາພັກ
ແຂວງຈໍາປາສັກ ໄດ້ຖະແຫຼງ
ຍອມຮັບວ່າ ປັດໃຈທີ່ໄດ້ສົ່ງ
ຜົນກະທົບຕໍ່ການຈັດຕັ້ງປະຕິ
ບັດແຜນການຫຼຸດຜ່ອນຄວາມ
ທຸກຍາກຂອງປະຊາຊົນໃນ
ແຂວງຈໍາປາສັກຫຼາຍທີ່ສຸດໃນ
ປະຈຸບັນນີ້ ກໍຄືບັນຫາທີ່ກ່ຽວ
ກັບລະດັບປະສິດທິພາບທີ່ຕໍ່າໃນການປະຕິບັດໜ້າທີ່ຂອງບັນດາພະນັກງານ ທີ່ກ່ຽວຂ້ອງໃນ
ພາກສ່ວນຕ່າງໆຂອງແຂວງ ເຊິ່ງເມື່ອຖືກສົມທົບກັບບັນຫາຂາດແຄນໃນດ້ານງົບປະມານນໍາ
ອີກ ກໍຍິ່ງເຮັດໃຫ້ການຈັດຕັ້ງປະຕິບັດແຜນການໃນທີ່ຜ່ານມານັ້ນ ບໍ່ສາມາດບັນລຸຕາມເປົ້າ
ໝາຍທີ່ວາງເອົາໄວ້ໃນຫຼາຍໆດ້ານອີກດ້ວຍ. ເຖິງແມ່ນວ່າໃນປະຈຸບັນນີ້ຢູ່ໃນແຂວງຈໍາປາສັກ ຈະຍັງຄົງມີປະຊາຊົນທີ່ມີສະພາບຊີວິດການເປັນຢູ່ທີ່ຍາກຈົນຢ່າງຍິ່ງ ເຫຼືອຢູ່ພຽງ 2,372
ຄອບຄົວໃນເຂດເມືອງສຸຂຸມາ ແລະເມືອງບາຈຽງຈະເລິນສຸກ ເຊິ່ງຄິດເປັນສັດສ່ວນພຽງແຕ່
2.23% ຂອງຈໍານວນຄົວເຮືອນທັງໝົດໃນແຂວງເທົ່ານັ້ນກໍຕາມ, ຫາກແຕ່ວ່າ ດ້ວຍການທີ່
ຕ້ອງປະເຊີນກັບບັນຫາອຸປະສັກດັ່ງກ່າວ ຈຶ່ງເຮັດໃຫ້ມັນບໍ່ເປັນເລື່ອງງ່າຍເລີຍ ທີ່ຈະສາມາດ
ລົບລ້າງບັນຫາຄວາມຍາກຈົນຂອງປະຊາຊົນໃຫ້ໝົດໄປໄດ້ດັ່ງທີ່ທ່ານ ສອນໄຊ ໄດ້ຖະແຫຼງ
ຊີ້ແຈງກ່ຽວກັບບັນຫາອຸປະສັກທີ່ເກີດຂຶ້ນດັ່ງກ່າວ ໃນຕອນໜຶ່ງວ່າ:
“ການສ້າງໂຄງການແລະ
ການນໍາພາປະຕິບັດຕົວ
ຈິງຂອງຂະແໜງການ
ສາຍຕັ້ງຍັງບໍ່ທັນແຂງ
ແຮງເລິກເຊິ່ງ ຂາດທຶນ
ຮອນໃນການປະຕິບັດ
ໂຄງການ. ສ່ວນການ
ຈັດສັນພູມມີລໍາເນົາຄືນ
ໃໝ່, ການຈັດສອນອາ
ຊີບຄົງທີ່ໃຫ້ປະຊາຊົນ
ຍັງເຮັດບໍ່ທັນໄດ້ດີ, ພື້ນ
ຖານໂຄງຫລ່າງດ້ານ
ເສດຖະກິດ-ສັງຄົມຍັງ
ມີບໍລິເວນເຂດຫ່າງໄກ
ສອກຫຼີກ ຍັງພົບຄວາມ
ຫຍຸ້ງຍາກໂດຍສະເພາະ
ແມ່ນເສັ້ນທາງໄຟຟ້າ
ການຕອບສະໜອງນໍ້າຮັບໃຊ້ໃຫ້ແກ່ການຜະລິດ ການດໍາລົງຊີວິດຂອງປະຊາ
ຊົນກໍຍັງມີຄວາມຫຍຸ້ງຍາກ.”
ແຕ່ຢ່າງໃດກໍຕາມ ທາງການແຂວງຈໍາປາສັກກໍເຊື່ອໝັ້ນວ່າ ດ້ວຍການເນັ້ນໜັກການພັດ
ທະນາໃນດ້ານການທ່ອງທ່ຽວແລະບໍລິການພາຍໃນແຂວງໃຫ້ຂະຫຍາຍຕົວຫຼາຍຂຶ້ນຢ່າງ
ຕໍ່ເນື່ອງນັ້ນຈະເຮັດໃຫ້ບັນຫາຄວາມທຸກຍາກຂອງປະຊາຊົນໃນແຂວງໝົດໄປໄດ້ໃນທີ່ສຸດ
ໂດຍໃນໄລຍະ 5ປີ ທີ່ຜ່ານມາກໍປະກົດວ່າ ພາກທຸລະກິດການທ່ອງທ່ຽວໃນແຂວງຈໍາປາ
ສັກນັ້ນ ໄດ້ຂະຫຍາຍຕົວເພີ່ມຂຶ້ນສະເລ່ຍເຖິງ 10% ໃນແຕ່ລະປີ ໂດຍມີນັກທ່ອງທ່ຽວ ເດີນທາງໄປໃນແຂວງເພີ່ມຂຶ້ນຈາກ 240,000 ກວ່າຄົນໃນປີ 2009 ເປັນ 3 ແສນກວ່າ
ຄົນໃນປີ 2010 ແລະຄາດໝາຍວ່າຈະເພີ່ມຂຶ້ນເປັນ 2 ເທົ່າໃນປີ 2015.
ຍິ່ງໄປກວ່ານັ້ນ ດ້ວຍການຈັດຕັ້ງເຂດເສດຖະກິດພິເສດຄອນພະເພັງຂຶ້ນມາຢ່າງເປັນທາງ
ການວາງໝໍ່ໆ ມານີ້ກໍຍັງເຮັດໃຫ້ທາງການແຂວງຈໍາປາສັກເຊື່ອໝັ້ນວ່າ ຈະສາມາດສ້າງ
ວຽກເຮັດງານທໍາໃຫ້ປະຊາຊົນພາຍໃນແຂວງໄດ້ຫຼາຍໝື່ນຄົນເຊິ່ງກໍຈະຍັງຜົນເຮັດໃຫ້ສາ
ມາດລົບລ້າງຄວາມທຸກຍາກຂອງປະຊາຊົນພາຍໃນແຂວງໄດ້ຢ່າງແທ້ຈິງອີກດ້ວຍ.
ກ່ອນໜ້ານີ້ ເຈົ້າໜ້າທີ່ຂັ້ນສູງໃນ
ແຂວງຈໍາປາສັກກໍໄດ້ໃຫ້ການ
ຢືນຢັນວ່າ ການພັດທະນາເຂດ
ທ່ອງທ່ຽວຢູ່ໃນເຂດເມືອງໂຂງ
ໄດ້ເລີ່ມລົງມືດໍາເນີນການໃນ
ພາກປະຕິບັດຕົວຈິງແລ້ວ ໂດຍ
ໃນປະຈຸບັນ ກໍາລັງຢູ່ໃນຂັ້ນ
ຕອນຂອງການກໍ່ສ້າງບ່ອນພັກ
ອາໄສຂອງບຸກຄະລາກອນ,
ການຈັດຕຽມສະຖານທີ່ສໍາລັບ
ຮອງຮັບການກໍ່ສ້າງຂົວທີ່ເຊື່ອມ
ຕໍ່ລະຫວ່າງບ້ານຫາດກັບບ້ານ
ນາ, ການສຶກສາອອກແບບ
ພັດທະນາທ່າເຮືອຢູ່ຕາມເກາະດອນຕ່າງໆ ແລະການພັດທະນາສິ່ງອໍານວຍຄວາມສະດວກ
ໃຫ້ແກ່ນັກທ່ອງທ່ຽວຢ່າງຄົບຊຸດ
ການພັດທະນາການທ່ອງທ່ຽວຖືເປັນສ່ວນນຶ່ງຂອງເຂດເສດ
ຖະກິດພິເສດຄອນພະເພັງ ທີ່ຕັ້ງຢູ່ໃນເຂດເມືອງໂຂງ ຊຶ່ງ
ຕາມແຜນການແລ້ວເຂດເສດຖະກິດພິເສດດັ່ງກ່າວນີ້ ຈະ
ມີບໍລິເວນກວ້າງເຖິງ 39,000 ເຮັກຕາ ໂດຍຫລ້າສຸດ ຈີນ
ກໍໄດ້ຕົກລົງໃຫ້ເງິນກູ້ຢືມໃນມູນຄ່າຫລາຍກວ່າ 32 ລ້ານ
ໂດລາ ເພື່ອນໍາໃຊ້ເຂົ້າໃນການກໍ່ສ້າງຂົວຂ້າມແມ່ນໍ້າຂອງ
ດັ່ງກ່າວ.
