ລິ້ງ ສຳຫລັບເຂົ້າຫາ

logo-print

30 ປະເທດ ຮັບປາກ ຈະຮ່ວມຕໍ່ສູ້ກັບ ກຸ່ມລັດອິສລາມ (ວີດີໂອ/ລາຍງານພາສາອັງກິດຊ້າໆ)


ປະທານາທິບໍດີຝຣັ່ງ ທ່ານ Francois Hollande, ຊ້າຍ, ປະທານາທິບໍດີອີຣັກ ທ່ານ Fouad Massoum ກຳລັງຈະເຂົ້າຮ່ວມ ກອງປະຊຸມກ່ຽວກັບກຸ່ມອິສລາມ ຢູ່ນະຄອນຫລວງປາຣີ, ວັນທີ 15 ກັນຍາ 2014.

ອັນ​ດັບ​ຕໍ່​ໄປ ​ເຮົາ​ຂໍ​ສະ​ເໜີ​ລາຍ​ງານ​ສະຫລູ​ບ​ເລື້ອງ​ລາວ​ໃນ​ຂ່າວ
ຫລື In the News ສຳ​ຫລັບອາທິດ​ນີ້ ຂອງພະ​ແນ​ກຮຽນ​ພາສາ
ອັງກິດ​ຂອງ​ວີ​ໂອ​ເອ ຫລື VOA Learning English. ສ່ວນວ່າ
​ຈະ​ມີເລື້ອງ​ຫຍັງ​ແດ່​ນັ້ນ ​ໄປ​ຟັງ​ພ້ອມ​ໆກັນ​ເລີຍຈາກ​ດາຣາ ບັກ​ຄຳ.

ລິງໂດຍກົງ

30 ປະ​ເທດ​ຮັບປາກ​ຈະ​ຮ່ວມ​ຕໍ່ສູ້​ກັບ​ກຸ່ມ​ລັດ​ອິສລາມ.

ປະມານ 30 ​ປະ​ເທດໄດ້​ໃຫ້​ຄຳ​ໝັ້ນ​ຍາ ທີ່​ຈະ​ສະໜັບສະໜຸນ
​ອີຣັກໃນ​ການ​ຕໍ່ສູ້​ກັບ​ພວກ​ຫົວຮຸນ​ແຮງ​ຈັດ ລັດ​ອິສລາມ ​ໃນ
“ທຸກໆ​ທາງທີ່​ຈຳ​ເປັນ” ​ໂຮມ​ທັງການ​ຊ່ວຍ​ເຫລືອທາງທະຫານ.

ຄະນະ​ຜູ້​ແທນ​ຂອງ​ປະ​ເທດ​ເຫລົ່າ​ນັ້ນ​ ໄດ້​ພົບ​ປະ​ຫາລື​ກັນ​ຢູ່​ນະຄອນຫລວງ​ປາຣີຂອງ​ປະ
ເທດ​ຝຣັ່ງ. ພວກ​ເຂົາ​ເຈົ້າກຳລັງ​ສືບ​ຕໍ່​ດຳ​ເນີນຄວາມ​ ພະ​ຍາ​ຍາມ ໃນ​ການ​ກໍ່ສ້າງ​ແນວ​ໂຮມ
ປະສົມ​ນາໆ​ຊາດ ​ເພື່ອຕໍ່ສູ້​ກັບ​ກຸ່ມ ລັດ​ອິສລາມ. ກຸ່ມ​ທີ່​ວ່າ​ນີ້ໄດ້​ເຂົ້າ​ຄວບຄຸມ ຂົງ​ເຂດ​ອັນ
ກ້ວາງ​ໃຫຍ່​ຢູ່​ໃນ​ພາກ​ເໜືອ​ແລະ​ພາກ​ຕາ​ເວັນ​ຕົກ​ຂອງ​ອີຣັກ ກັບ​ຢູ່​ໃນ​ພາກ​ຕາ​ເວັນ​ອອກ
ຂອງຊີ​ເຣຍ.

ປະທາ​ນາ​ທິບໍດີ​ຝຣັ່ງ ທ່ານ Francois Hollande ​ເປັນ​ຜູ້ນຳ​ພາ​ກອງ​ປະຊຸມ​ຂອງ 30 ປະ
ເທດ ກັບ​ອົງການ​ສະຫະ​ປະຊາ​ຊາດ ສະຫະພາບ​ ຢູ​ໂຣບ ຫລື​ອີ​ຢູ ​ແລະ ສັນ​ນິບາດ​ອາຫລັບ
ຫລື Arab League. ທ່ານ Hollande ບອກ​ກອງ​ປະຊຸມວ່າ “​ເຮົາ​ບໍ່​ມີ​ເວລາ​ທີ່​ຈະສູນເສຍ.”

ລັດຖະມົນຕີ​ຕ່າງປະ​ເທດ​ສະຫະລັດ ທ່ານ John Kerry ​ໄດ້​ເດີນທາງ​ໄປ​ຍັງ​ກອງ​ປະຊຸມ
ຫລັງ​ຈາກໄດ້​ໄປ​ຢ້ຽມຢາມຫລາຍ​ປະ​ເທດ​ໃນ​ພາກ​ຕາ​ເວັນ​ອອກ​ກາງ ​ເພື່ອ​ລະດົມ​ເອົາການ​
ສະໜັບ​ສະໜຸນຕໍ່​ແຜນການ​ຕໍ່ສູ້​ກັບ​ພວກ​ລັດ​ອິສລາມຂອງປະທານາທິບໍດີ ບາຣັກ ໂອບາມາ.

ທ່ານ Kerry ກ່າວ​ວ່າ ຫລາຍ​ປະ​ເທດ​ອາ​ຫຣັບ​ໄດ້​ສະ​ເໜີໃຫ້ການ​ຊ່ວຍ​ເຫລືອ​ທາງ​ທະຫານ
ແລະ​ທຳ​ການ​ໂຈມ​ຕີ​ທາ​ງອາ​ກາດ​ ຖ້າວ່າ​ຕ້ອງການ. ​ຊີ​ເຣຍກັບ​ອິຣ່ານ ບໍ່​ໄດ້​ຖືກ​ເຊີນ​ໃຫ້​ໄປ
ຮ່ວມ​ກອງ​ປະຊຸມ. ​ແລະ​ບັນດາ​ເຈົ້າ​ໜ້າ​ທີ່ຣັດ​ເຊຍ​ກ່າວ​ວ່າ ການ​ຂະ​ຫຍາຍ​ການ​ໂຈມ​ຕີ​ທາງ​ອາກາດເຂົ້າ​ໄປ​ຍັງ​ຊີ​ເຣຍນັ້ນ ​ແມ່ນ​ຈະ​ຕ້ອງ​ມີ​ມະຕິ​ເຫັນ​ດີ​ຈາກ​ສະພາ​ຄວາມ​ໝັ້ນຄົງ​ຂອງ​ອົງການ​ສະຫະປະຊາ​ຊາດ.

ເບິ່ງວີດີໂອ ກ່ຽວກັບຂ່າວນີ້:

World's Top Diplomats Pledge Iraq Support
please wait

No media source currently available

0:00 0:02:58 0:00

ຢ້ານ​ວ່າ​ຊາວອົບ​ພະຍົບອາ​ຟຣິກາ​ ຫລາຍ​ຮ້ອຍ​ຄົນ​ເສຍ​ຊີວິດ

ຊາວ​ອົບ​ພະຍົບຊອກ​ວຽກ​ເຮັດ​ຈາກ​ອາ​ຟຣິກາ ​ໃນ​ຈຳນວນ​ຫລາຍ​ເຖິງ 500 ຄົນ ອາດ​ໄດ້​ເສຍ
​ຊີ​ວິດ ຢູ່​ໃນ​ທະ​ເລ Mediterranean. ລາຍ​ງານ​ຂ່າວຫລາຍ​ກະ​ແສ​ເວົ້າ​ວ່າ ມີ​ຄົນໂຈມ​ຕີ
ພວກ​ເຂົາ​ເຈົ້າ ​ໂດຍ​ເອົາ​ເຮືອ​ຂອງ​ພວກ​ເຂົາ​ແລ່ນ​ເຂົ້າ​ຕ່ຳ ​ເຮືອ​ຂອງ​ພວກ​ອົບ​ພະຍົບ ຢູ່​ນອກ​ຝັ່ງທະ​ເລ​ຂອງ​ເກາະ Malta ​ໃນ​ອາທິດ​ແລ້ວ​ນີ້.

Christiane Berthiaume ​ເປັນ​ໂຄ​ສົກຂອງອົງການ​ສາກົນ​ເພື່ອ​ການຍົກຍ້າຍ​ຖິ່ນ​ຖານ IOM ຫລື International Organization for Migration.

ທ່ານ​ນາງ​ເວົ້າ​ວ່າ ພວກ​ທີ່​ລອດ​ຊີວິດ ​ລາຍ​ງານ​ວ່າ ຜູ້​ໂຈມ​ຕີ​ມີ​ສ່ວນ​ພົວພັນ​ນຳ​ການ​ຄ້າ​ມະນຸດ. ທ່ານ​ນາງລາຍ​ງານ​ວ່າ ພວກ​ລອດ​ຊີວິດ​ກ່າວ ວ່າ ພວກ​ຄ້າ​ມະນຸດ​ສັ່ງ​ໃຫ້​ເຂົາ​ເຈົ້າ​ປ່ຽນເຮືອ​ ​ແຕ່​ເຂົາ​ເຈົ້າ ​ປະຕິ​ເສດ ໂດຍເວົ້າ​ວ່າ ມັນ​ອັນຕະລາຍ​ເກີນ​ໄປ. ທ່ານ​ນາງ Berthiaume ກ່າ​ວ ວ່າ ຫລັງ​ຈາກ​ນັ້ນ ພວກ​ຄ້າ​ມະນຸດ​ກໍ​ເອົາ​ເຮືອ​ຂອງ​ເຂົາ​ ​ແລ່ນ​ເຂົ້າ​ຕຳ​ເຮືອ​ຂອງ​ພວກ​ອົບ​ພະຍົບ.

ທ່ານ​ນາງ​ບັນລະ​ຍາຍ​ເຫດ​ຮ້າຍ​ຄັ້ງ​ນີ້​ວ່າ “​ເປັນ​ເຫດການ​ເຮືອ​ຫລົ້ມ​ທີ່​ຮ້າຍ​ແຮງ​ທີ່​ສຸດ ​ໃນ​ຮອບ​ຫລາຍ​ປີ.” ພວກ​ອົບ​ພະຍົບ​ເຫລົ່າ​ນັ້ນ​ກຳລັງພະຍາຍາມ ຈະ​ເດີນທາງ​ໄປ​ຍັງ​ຢູ​ໂຣບ.

ຟີ​ລິບ​ປິນຕອບ​ໂຕ້ ຕໍ່​ໄພ​ຂົ່ມຂູ່​ຈາກ​ຈີນ ​ໂດຍ​ການ​ຍື່ນ​ຂໍ້ສະ​ເໜີ​ຕໍ່​ກອງທັບ​ເຮືອ​ສະຫະລັດ

ຟີ​ລິບ​ປິນກັບ​ຈີນ ກຳລັງ​ຕົກ​ຢູ່​ໃນ​ສະພາວະ​ຜິດ​ຖຽງ​ກັນກ່ຽວ​ກັບ​ດິນ​ແດນ ຢູ່​ໃນ​ເຂດ​ທະ​ເລ​ຈີນ​ໃຕ້. ​ໃນ​ຊຸມ​ປີຜ່ານມາ​ບໍ່ດົນ​ນີ້ ທັງ​ສອງ​ປະ​ເທດ​ໄດ້​ປະ​ທະ​ກັນ ຢູ່​ໃນ​ເຂດ​ນ່ານນ້ຳ​ໃກ້​ໆກັບ​
ເກາ​ະ Palawan ທາງ​ພາກ​ຕາ​ເວັນ​ຕົກ​ຂອງ​ຟີ​ລິບ​ປິນ.

​ບັດ​ນີ້ ຟີ​ລິບ​ປິນ​ເວົ້າ​ວ່າ ຕົນ​ອາດ​ຈະ​ອະນຸຍາດ​ໃຫ້​ສະຫະລັດ ​ເອົາ​ກຳລັງ​ທັບ​ເຮືອອາເມຣິກັນ
​ໄປ​ປະຈຳ​ຢູ່​ເກາະແຫ່ງນັ້ນ ​ໃນ​ຖານະ​ເປັນ​ສ່ວນ​ນຶ່ງ ຂອງ​ຂໍ້​ຕົກ​ລົງ​ດ້ານ​ປ້ອງ​ກັນ​ສະບັບ​ໃໝ່
ທີ່​ໄດ້​ເຊັນ​ກັນ.

​ໂຄສົກ​ກອງທັບ​ຟີ​ລິບ​ປິນ Ramon Zagala ກ່າວ​ວ່າ “ຈຸດປະສົງ​ແທ້ໆ ຂອງ​ການ
​ຕັ້ງ​ຖານ​ທັບ​ແຫ່ງ​ນັ້ນ​ຂຶ້ນ ກໍ​ແມ່ນ​ເພື່ອ​ຍົກ​ລະດັບ​ສະມັດຖະພາບດ້ານ​ການປ້ອງ​ກັນ
​ຂອງ​ພວກ​ເຮົາ ​ໄປ​ທາງ​ທິດ​ຕາ​ເວັນ​ຕົກ ໄປຍັງທະເລຟີລິບປີນຕາເວັນຕົກ. ອ່າວ
Oyster ແມ່ນນຶ່ງໃນຫລາຍໆອ່າວ ທີ່ພວກເຮົາຢາກສະເໜີໃຫ້ສະຫະລັດ ເພື່ອວ່າ
ພວກເຮົາຈະສາມາດ ພັດທະນາມັນໄດ້.”

ເບິ່ງວີດີໂອ ພາສາລາວ ກ່ຽວຂ້ອງກັບເລື້ອງນີ້:

ນ້ຳຖ້ວມໃນແຄັສເມຍ ສັງຫານເກືອບ 300 ຄົນ

ໄພນ້ຳຖ້ວມໃນເຂດຮ່ອມພູແຄັສເມຍຂອງອິນເດຍ ໄດ້ກະທົບຕໍ່ປະຊາຊົນ ຫລາຍກ່ວາ
2 ລ້ານ 5 ແສນຄົນ.

ນ້ຳຖ້ວມຄັ້ງນີ້ ຖືວ່າເປັນຄັ້ງຮ້າຍແຮງທີ່ສຸດ ໃນຮອບດົນກ່ວານຶ່ງຮ້ອຍປີ.

ເຂດນຶ່ງທີ່ຖືກນ້ຳຖ້ວມໃນ Srinagar, ເມືອງເອກຂອງແຄວ້ນ Kashmir ຂອງອິນເດຍ ວັນທີ 15 ກັນຍາ 2014.
ເຂດນຶ່ງທີ່ຖືກນ້ຳຖ້ວມໃນ Srinagar, ເມືອງເອກຂອງແຄວ້ນ Kashmir ຂອງອິນເດຍ ວັນທີ 15 ກັນຍາ 2014.

ມີເກືອບຮອດ 300 ຄົນເສຍຊີວິດ. ລະຫວ່າງ 2 ແສນ 5 ໝື່ນຄົນ
ຫາ 3 ແສນຄົນ ໄດ້ຖືກ ຊ່ວຍຊີວິດໄວ້ ຫລັງຈາກນ້ຳໄຫລລົ້ນຝັ່ງ
ແມ່ນ້ຳ Jhelum ເມື່ອນຶ່ງອາທິດກ່ວາຜ່ານມາ.

ຫລາຍກ່ວາ 75 ພັນຄົນ ຍັງຕົກຄ້າງຢູ່ໃນເຮືອນຊານທີ່ຖືກນ້ຳຖວ້ມ
ໃນເມືອງເອກ Srinagar ຂອງແຄວ້ນແຄັສເມຍ ຂອງອິນເດຍ.

ຟັງລາຍງານ ພາສາອັງກິດຊ້າໆ:

30 Nations Pledge to Fight Islamic State Group

About 30 countries have promised to support Iraq in its fight against Islamic State militants by "all means necessary," including military aid.

Delegates met in Paris. They are continuing efforts to build a coalition to fight the Islamic State group. The group has taken control of large areas in northern and western Iraq and in eastern Syria.

French President Francois Hollande led the conference of 30 nations and the United Nations, the European Union and the Arab League. Mr. Hollande told the gathering that there was “no time to lose.”

U.S. Secretary of State John Kerry arrived at the meeting after visiting several Middle East nations. He sought support for President Barack Obama’s plan to fight the Islamic State militants.

Mr. Kerry said several Arab nations offered to give military aid and carry out airstrikes, if needed. Syria and Iran were not invited to the meeting. And Russian officials said that any expanded airstrike into Syria would require a U.N. Security Council resolution.

Hundreds of African migrants feared dead

As many as 500 African migrants are feared dead in the Mediterranean Sea. Reports say attackers crashed their boat into the migrants’ boat off the coast of Malta last week.

Christiane Berthiaume is the spokeswoman for the International Organization for Migration. She said survivors reported that the attackers were involved in the human trafficking trade. She reported that the survivors said the traffickers ordered the migrants to change boats. The migrants refused, saying it was too dangerous. Ms. Berthiaume said a violent dispute broke out. She said the traffickers then crashed their boat in the boat that carried the migrants.

She described the incident as “the worst shipwreck in years.” The migrants were trying to get to Europe.

The Philippines answers China’s threat with offer to U.S. Navy

The Philippines and China are trapped in a territorial dispute in the South China Sea. In recent years, both countries have clashed in the waters near the island of Palawan, in the west Philippines.

​ Now, the Philippines says it may permit the United States to base some of its navy forces on the island as part of the new defense agreement.

Philippine military spokesman Ramon Zagala said, “the very purpose of that base is to enhance our defense capabilities westward to the West Philippines Sea. Oyster Bay is one of those that we want to offer to the United States so we can develop it.”

Kashmir flooding kills almost 300

Flooding in India’s Kashmir Valley has affected more than 2.5 million people.

The flooding is considered the worst in more than one hundred years. Almost 300 people were killed. Between 250,000 and 300,000 people were rescued after the Jhelum River burst its banks more than a week ago.

More than 75,000 people remain in homes that are partly under water in Indian Kashmir’s main city, Srinagar.

______________________________________________________________

Words in the News

several – adj. three or more, but not many

refuse – v. to reject; to not accept, give or do something

clash – n. a battle; v. to fight or oppose

rescue ­– v. to free from danger or evil

burst – v. to break open suddenly

Now, it’s your turn to use these Words in the News. In the comment section, write a sentence using one of these words and we will provide feedback on the use of vocabulary and grammar.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG