ລິ້ງ ສຳຫລັບເຂົ້າຫາ

logo-print

ລູກສາວ ອົບພະຍົບ ຊາວລາວ ຕໍ່ສູ້ກັບຊີວິດ ທີ່ທຸກຍາກລຳບາກ ຈົນຮຽນຈົບ ມະຫາວິທະຍາໄລ


ນາງ ຄາຣີນາ ພິສເຊລັນຕີ ຢູ່ຫ້ອງວິໄຈ ເບີເກັນ ຂອງມະຫາວິທະຍາໄລ ຣັດເກີສ.

ນາງ ຄາຣີນາ ພິສເຊລັນຕີ “Karina Pizzelanti” ລູກສາວຂອງອົບພະຍົບຊາວ ລາວ
ທີ່ໄດ້ຍົກຍ້າຍເຂົ້າມາຕັ້ງຖິ່ນຖານມາຢູ່ ສະຫະລັດ, ແມ່ນແມ່ຍິງຜູ້ທີ່ໄດ້ຟັນຝ່າຊີວິດ ທີ່
ທຸກທໍລະມານ ຕັ້ງແຕ່ຕອນຍັງນ້ອຍ ຫຼັງຈາກຄອບຄົວຂອງລາວໄດ້ແຍກທາງກັນ ແລະ
ເຮັດໃຫ້ລາວບໍ່ມີທີ່ຢູ່ອາໄສ. ນາງ ຄາຣີນາ ເປັນຄົນນິໄສດີ ແລະ ເປັນຕົວແທນນັກຮຽນ
ທີ່ເກັ່ງທີ່ສຸດໃນປະເທດ ສະຫະລັດ, ເຊິ່ງໃນບໍ່ເທົ່າໃດເດືອນຂ້າງໜ້ານີ້ ລາວກໍຈະຮຽນ
ຈົບມະຫາວິທະຍາໄລ ແລະ ປະກອບອາຊີບທີ່ລາວມັກ. ເຖິງແມ່ນຄອບຄົວຈະມີບັນຫາ
ແລະ ບໍ່ມີສິ່ງທີ່ໄດ້ປຽບຄືຄົນສ່ວນໃຫຍ່ກໍຕາມ, ນາງ ຄາຣີນາ ກໍໄດ້ພິສູດໃຫ້ເຫັນວ່າ
ດ້ວຍຄວາມອົດທົນ ແລະ ຕັ້ງໃຈນັ້ນ, ລາວກໍສາມາດຮຽນຈົບການສຶກສາລະດັບສູງ
ແລະ ມີອະນາຄົດທີ່ສົດໄສໄດ້. ພຸດທະສອນ ຈະນຳລາຍລະອຽດມາສະເໜີທ່ານໃນອັນ
ດັບຕໍ່ໄປ.

ນາງ ຄາຣີນາ ພິສເຊລານຕີ ມີຊີວິດໄວເດັກ ທີ່ຄືກັບເດັກນ້ອຍຫຼາຍໆຄົນ, ພໍ່ຂອງລາວ
ເປັນຄົນ ອາເມຣິກັນ ແລະແມ່ເປັນຄົນ ລາວ, ເຊິ່ງແມ່ຂອງລາວໄດ້ອົບພະຍົບຈາກປະ
ເທດ ລາວ ໄປອາໄສຢູ່ສູນອົບພະຍົບໃນປະເທດ ໄທ ໃນລະຫວ່າງສົງຄາມ ຫວຽດນາມ,
ກ່ອນຖືກຍົກຍ້າຍເຂົ້າມາຕັ້ງຖິ່ນຖານໃນ ສະຫະລັດ. ນາງ ຄາຣີນາ ໄດ້ເວົ້າວ່າແມ່ຂອງ
ລາວ ໄດ້ເດີນທາງມາຮອດ ສະຫະລັດ ຕັ່ງແຕ່ຕອນເພິ່ນຍັງເປັນສາວ. ແມ່ໄດ້ພໍ້ກັບພໍ່
ຂອງລາວ ຫຼັງຈາກໄດ້ເດີນທາງມາຮອດ ສະຫະລັດ ບໍ່ເທົ່າໃດປີ. ຫຼັງຈາກໄດ້ໃຫ້ກຳເນີດ
ແກ່ນາງ ຄາຣີນາ ແລະ ນ້ອງຊາຍຊື່ວ່າທ້າວ ມາກ, ເຂົາເຈົ້າກໍໄດ້ອາໄສຢູ່ໃນບ້ານທີ່ອົບ
ອຸ່ນໃນເມືອງ ບຣິຈວໍເທີ "Bridgewater," ລັດ ນິວເຈີຊີ, ລາວໄດ້ໄປເຂົ້າໂຮງຮຽນປະ
ຖົມ ແລະ ຊີວິດກໍເບິ່ງຄືປົກກະຕິ.

ແຕ່ຫຼັງຈາກນາງ ຄາຣີນາ ມີອາຍຸໄດ້ 6 ປີ, ສິ່ງທີ່ບໍ່ຄາດຝັນກໍໄດ້ເກີດຂຶ້ນ ເມື່ອພໍ່ແມ່ຂອງ
ລາວໄດ້ຢ່າຮ້າງກັນ.

ນາງ ຄາຣີນາ ພິສເຊລານຕີ ກ່າວວ່າ “ພໍ່ແມ່ຂອງຂ້າພະເຈົ້າໄດ້ແຍກທາງກັນ, ມັນເປັນ
ສະພາບແວດລ້ອມທີ່ບໍ່ດີສຳລັບຂ້າພະເຈົ້າ ກັບ ນ້ອງຊາຍ. ສະນັ້ນພວກເຮົາຈຶ່ງໄດ້
ຍ້າຍໄປຢູ່ໃນລັດ ຄັອນແນຕິຄັດ "Connecticut" ໜ້ອຍນຶ່ງ, ແຕ່ຂ້າພະເຈົ້າຍັງຖືວ່າ
ຕົນເອງຄືກັບເດັກນ້ອຍຄົນອື່ນໆ, ເພາະວ່າເຈົ້າບໍ່ຮູ້ວ່າເກີດຫຍັງຂຶ້ນຕອນອາຍຸ 6 ປີ.
ສຳລັບຂ້າພະເຈົ້າມັນກະເບິ່ງຄືໄປຢາມພີ່ນ້ອງເທົ່ານັ້ນ.”

ຫຼັງຈາກໄດ້ອາໄສຢູ່ໃນລັດ ຄັອນແນຕິຄັດ "Connecticut" ບໍ່ດົນ ແມ່ກໍໄດ້ພາລູກທັງ
ສອງຄົນກັບຄືນໄປເມືອງ ບຣິຈວໍເທີ "Bridgewater" ອີກ ແລະ ການກັບຄືນໄປເທື່ອ
ນີ້ເຂົາເຈົ້າຕ້ອງໄດ້ຍ້າຍເຂົ້າໄປຢູ່ໃນທີ່ອາໄສຂອງຄົນບໍ່ມີເຮືອນຢູ່.

ນາງ ຄາຣີນາ ກ່າວວ່າ “ອີກເທື່ອນຶ່ງຂ້າພະເຈົ້າສົງໄສວ່າ ເປັນຫຍັງແມ່ຈຶ່ງຂັບລົດໄປ
ສົ່ງຂ້າພະເຈົ້າຢູ່ໂຮງຮຽນ, ຂ້າພະເຈົ້າສົງໄສວ່າເປັນຫຍັງຂ້າພະເຈົ້າຈຶ່ງອາໄສຢູ່ບ່ອນ
ທີ່ແປກແທ້, ແຕ່ຂ້າພະເຈົ້າກໍບໍ່ໄດ້ເຂົ້າ ໃຈສະພາບຂອງສະຖານະການໃນຕອນນັ້ນ.
ຂ້າພະເຈົ້າຮູ້ສຶກແຕກຕ່າງໜ້ອຍນຶ່ງ, ຂ້າພະເຈົ້າສັບສົນໜ້ອຍນຶ່ງ. ສຳລັບຂ້າພະເຈົ້າ
ມັນກະຄືກັບຢູ່ບ່ອນໃໝ່, ຢູ່ກັບຄົນໃໝ່.”

ແມ່ຂອງນາງ ຄາຣີນາ ໄດ້ອົບພະຍົບມາ ສະຫະລັດ ຕອນລາວຢູ່ໂຮງ ຮຽນມັດທະຍົມ
ແລະ ກໍບໍ່ໄດ້ຮຽນຕໍ່ ລະດັບມະຫາວິທະຍາໄລເລີຍ. ດັ່ງນັ້ນ, ເພິ່ນຈຶ່ງສະໜັບສະໜູນ
ນາງ ຄາຣີນາ ແລະ ນ້ອງຊາຍຂອງລາວຢ່າງສຸດຂີດເພື່ອໃຫ້ຮຽນຈົບມະຫາວິທະຍາ
ໄລ.

ຫຼັງຈາກນາງ ຄາຣີນາ ໄດ້ຮຽນຈົບໂຮງຮຽນມັດທະຍົມ, ລາວໄດ້ສະໝັກເຂົ້າຮຽນໃນ
ມະຫາວິທະຍາໄລ 4 ແຫ່ງຂອງລັດ ນິວເຈີຊີ ແລະ ໄດ້ເລືອກທີ່ຈະຮຽນຢູ່ມະຫາວິທະ
ຍາໄລ ຣາມາໂພ, ຕັ້ງຢູ່ຫ່າງຈາກບ້ານຂອງລາວປະມານນຶ່ງຊົ່ວໂມງ. ທີ່ມະຫາວິທະ
ຍາໄລ ຣາມາໂພ ນັ້ນ, ນາງ ຄາຣີນາ ໄດ້ເຂົ້າຮ່ວມໃນໂຄງການທຶນຊ່ວຍເຫຼືອໃນການ
ສຶກສາສຳລັບຄົນດ້ອຍໂອກາດ. ແລ້ວຫຼັງຈາກນັ້ນລາວກໍໄດ້ເຂົ້າຮຽນໃນໂຄງ ການ
ສອງໃບປະກາດສະນີຍາບັດ ທີ່ມະຫາວິທະຍາໄລ ຣັດເກີສ "Rutgers" ບ່ອນທີ່ລາວ
ໄດ້ຮຽນລົງເລິກໃນວິຊາວິທະຍາສາດຫ້ອງທົດລອງການແພດ.

ທ່ານນາງ ເດໂບຣາ ຈອສໂກ "Deborah Josko" ແມ່ນຜູ້ອຳນວຍການໂຄງການວິ
ທະຍາ ສາດຫ້ອງທົດລອງການແພດທີ່ມະຫາວິທະຍາໄລ Rutgers ໄດ້ກ່າວວ່າ “ມັນ
ເປັນເລື່ອງທີ່ໜ້າມະຫັດສະຈັນ, ນາງ ຄາຣີນາ ມາຈາກມະຫາ ວິທະຍາໄລ ຣາມາໂພ,
ເຊິ່ງແມ່ນມະຫາວິທະຍາໄລທີ່ດີິ ແລະ ມີຄ່າຮຽນທີ່ບໍ່ຖືກເລີຍ. ລາວມາຈາກຫັ້ນ, ລາວ
ເປັນນັກຮຽນທີ່ດີຫຼາຍ, ລາວເປັນຄົນຂີ້ອາຍ ແລະ ງຽບ. ລາວຮຽນໄດ້ດີຫຼາຍໃນໂຄງ
ການນັ້ນ.”

ນາງ ຄາຣີນາ ພິສເຊລັນຕີ ທຳການທົດລອງຢູ່ຫ້ອງວິໄຈ.
ນາງ ຄາຣີນາ ພິສເຊລັນຕີ ທຳການທົດລອງຢູ່ຫ້ອງວິໄຈ.

ນາງ ຄາຣີນາ ໄດ້ຂໍໃຫ້ທ່ານນາງ ເດໂບຣາ ຊ່ວຍຂຽນໃບສະເໜີຂໍທຶນການສຶກສາໃຫ້
ລາວ, ເຊິ່ງແມ່ນທຶນການສຶກສາສາກົນ. ແລະ ຄຳຮຽກຮ້ອງສຳລັບພວກນັກຮຽນນັ້ນ
ເຂົາເຈົ້າຕ້ອງໄດ້ຂຽນບົດຄວາມ.

ທ່ານນາງ ເດໂບຣາ ໄດ້ກ່າວວ່າ “ເມື່ອຂ້າພະເຈົ້າໄດ້ອ່ານບົດຄວາມຂອງລາວນັ້ນ,
ລາວໄດ້ເວົ້າວ່າ ເວລາສ່ວນໃຫຍ່ໃນຊີວິດໄວເດັກຂອງລາວນັ້ນລາວບໍ່ມີເຮືອນຢູ່, ລາວ
ໄດ້ໄປຢູ່ໃນບ່ອນອາໄສຂອງແມ່ຍິງ ແລະ ລາວກໍບໍ່ມີຂອງຫຼິ້ນໃຫ້ຫຼິ້ນ, ລາວຈະອອກໄປ
ທາງນອກ ແລະ ຫຼິ້ນກັບຂີ້ດິນ, ທຳທ່າວ່າລາວເປັນນັກວິທະຍາສາດຈາກດິນແດນທີ່
ຫ່າງໄກອອກໄປ. ຂ້າພະເຈົ້າໄດ້ອ່ານບົດນັ້ນສອງຄັ້ງ ແລະ ມັນເຮັດໃຫ້ຂ້າພະເຈົ້ານໍ້າ
ຕາໄຫຼ. ມັນເປັນເລື່ອງທີ່ຕຳໃຈຫຼາຍ ມັນພິເສດຫຼາຍທີ່ລາວບໍ່ເຄີຍເອີ່ຍເຖິງເລື່ອງຫຍັງ,
ລາວບໍ່ຕ້ອງການໃຫ້ປະຕິບັດຕໍ່ລາວຢ່າງພິເສດ ແລະ ຂ້າພະເຈົ້າກໍບໍ່ເຄີຍຮູ້. ຂ້າພະເຈົ້າ
ໄດ້ຂຽນໃບສະເໜີໃຫ້ລາວ ແລະ ໂຊກດີ ລາວໄດ້ຮັບທຶນການສຶກສານັ້ນ, ລາວຕິດຢູ່
ໃນນຶ່ງໃນຫ້າຄົນທົ່ວປະເທດ. ຜູ້ໃຫ້ທຶນກໍປະທັບໃຈກັບເລື່ອງຂອງລາວເຊັ່ນກັນ.”

ນາງ ຄາຣີນາ ຈະຮຽນຈົບໃນເດືອນສິງຫາຈະມາເຖິງນີ້, ຫຼັງຈາກໄດ້ຮັບໃບປະກາດ
ລາວໄດ້ເວົ້າວ່າ ລາວຢາກທຳການຄົ້ນຄວ້າ ແລະ ເຮັດວຽກຢູ່ເມືອງໃຫຍ່ໆເຊັ່ນນະ
ຄອນ ນິວຢອກ.

ທ່ານນາງ ເດໂບຣາ ກ່າວວ່າ “ໂຊກບໍ່ດີ ທີ່ມັນມີຄວາມຂາດແຄນມືອາຊີບ ໃນຫ້ອງທົດ
ລອງຢ່າງຮຸນແຮງໃນທົ່ວປະເທດ ສະນັ້ນນັກຮຽນຂອງພວກເຮົາຈະໄດ້ຮັບຂໍ້ສະເໜີ
ວຽກຈາກສອງສາມແຫ່ງ ແມ່ນກະທັ້ງກ່ອນທີ່ເຂົາເຈົ້າຮຽນຈົບ. ສຳລັບນາງ ຄາຣີນາ
ນັ້ນຄວາມສາມາດດ້ານການສຶກສາ ແລະ ຄວາມສາມາດ ກ່ຽວກັບ ພະຍາບານ ເພາະ
ວ່າພວກເຮົາໄດ້ເຫັນລາວຢູ່ໃນຫ້ອງທົດລອງນັກຢູ່ພີ້ເຊັ່ນກັນນັ້ນ, ພວກເຮົາໄດ້ສອນ
ເຕັກນິກ ແລະ ສິ່ງຕ່າງໆນັ້ນ ຂ້າພະເຈົ້າບໍ່ມີຂໍ້ສົງໄສເລີຍວ່າລາວຈະໄດ້ຮັບຢ່າງໜ້ອຍ
ສອງ ຫຼື ສາມຂໍ້ສະເໜີ ຫຼືແມ່ນກະທັ້ງສີ່ຂໍ້ສະ ເໜີກ່ອນທີ່ລາວຮຽນຈົບ. ແລະ ສິ່ງທີ່ດີ
ນັ້ນແມ່ນພວກນັກຮຽນສາມາດເລືອກບ່ອນທີ່ດີທີ່ສຸດ ສຳລັບເຂົາເຈົ້າ ບາງເທື່ອແມ່ນ
ສະຖານທີ່, ເງິນ ເດືອນ ຫຼືໂມງເຮັດວຽກ, ເຂົາເຈົ້າສາມາດເລືອກໄດ້ທັງໝົດນັ້ນ.”

ແລະ ສຳລັບນ້ອງຊາຍຂອງນາງ ຄາຣີນາ, ທ້າວ ມາກ, ລາວກໍໄດ້ເດີນຕາມຮອຍເອື້ອຍ
ຂອງລາວ, ເຊິ່ງໃນປັດຈຸບັນນີ້ລາວກຳລັງຮຽນ ກ່ຽວກັບ ກົດໝາຍອາຊະຍາກອນ ທີ່
ມະຫາວິທະຍາໄລ ຣາມາໂພ.

ອີງຕາມລາຍງານຂອງກົມການພັດທະນາທີ່ຢູ່ອາໄສ ແລະ ເຂດໃນເມືອງ ສະຫະລັດ
ໃນປີ 2016 ນັ້ນ, ເກືອບ 25 ເປີເຊັນ ຂອງປະຊາຊົນຄົນ ໄດ້ປະສົບກັບການບໍ່ມີເຮືອນ
ຢູ່ ໃນຕອນເປັນເດັກນ້ອຍ. ເດັກນ້ອຍ 9 ຄົນໃດ ໃນຈຳນວນທຸກໆ 10 ຄົນທີ່ບໍ່ມີບ່ອນ
ຢູ່ ແມ່ນໄດ້ອາໄສຢູ່ໃນເຮືອນສຸກເສີນ ຫຼື ໂຄງການປ່ຽນເຮືອນໃໝ່.

ເບິ່ງຄວາມເຫັນ (25)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ
XS
SM
MD
LG