ລັດຖະບານລາວ ຈະຄວບຄຸມການຂາດດຸນການຄ້າຕ່າງປະເທດ
ໃຫ້ຢູ່ໃນມູນຄ່າບໍ່ເກີນ 552 ລ້ານໂດລ່າ ໃນປີ 2014 ນີ້ ແຕ່ກໍຄົງ
ຈະເປັນໄປໄດ້ຍາກ ເພາະການນໍາເຂົ້າສິນຄ້າ ຈາກຕ່າງປະເທດ
ເພີ່ມຂຶ້ນທຸກປີ
ກະຊວງອຸດສາຫະກໍາ ແລະການຄ້າ ລາຍງານວ່າລັດຖະບານ
ລາວໄດ້ວາງແຜນການສົ່ງສິນຄ້າອອກ ໄປຕ່າງປະເທດ ໃຫ້ໄດ້
ມູນຄ່າລວມ ບໍ່ໜ້ອຍກວ່າ 2,178 ລ້ານໂດລ່າ ໃນຕະຫຼອດປີ 2014 ນີ້ ແລະໃນຂະນະດຽວກັນ ກໍຈະຄວບຄຸມການນໍາສິນຄ້າເຂົ້າຈາກຕ່າງ ປະເທດໃຫ້ຢູ່ໃນມູນຄ່າລວມບໍ່ເກີນ 2,730 ລ້ານໂດລ່າ ຊຶ່ງຈະຄວບຄຸມການຂາດດຸນ ການຄ້າຕ່າງປະເທດໃຫ້ມີມູນຄ່າລວມ ບໍ່ເກີນ 552 ລ້ານໂດລ່າ.
ຫາກແຕ່ວ່າໃນສະພາບການທີ່ເປັນຈິງນັ້ນ ຄົງຈະເປັນການຍາກທີ່ລັດຖະບານລາວ ຈະສາມາດປະຕິບັດໄດ້ຕາມແຜນການດັ່ງກ່າວ ເນື່ອງຈາກວ່າ ໃນປີ 2013 ທີ່ຜ່ານມາ ການສົ່ງອອກສິນຄ້າຂອງລາວໄປຕ່າງປະເທດ ມີມູນຄ່າລວມພຽງ 1,800 ລ້ານໂດລ່າເທົ່ານັ້ນ ໃນຂະນະທີ່ການນໍາເຂົ້າສິນຄ້າຈາກຕ່າງປະເທດມີມູນຄ່າລວມເກີນກວ່າ 2,800 ລ້ານໂດລ່າ ຊຶ່ງເຮັດໃຫ້ລາວຕ້ອງຂາດດຸນການຄ້າຕ່າງປະເທດ ຄິດເປັນມູນຄ່າຫຼາຍກວ່າ 1,000 ລ້ານໂດລ່າ.
ຊຶ່ງດ້ວຍສະພາບການດັ່ງກ່າວ ຈຶ່ງເຮັດໃຫ້ສາມາດຄາດໝາຍໄດ້ວ່າໃນຕະຫຼອດປີ 2014 ນີ້ ລາວຈະນໍາເຂົ້າສິນຄ້າ ຈາກຕ່າງປະເທດ ຄິດເປັນມູນຄ່າລວມ ບໍ່ໜ້ອຍກວ່າ 3,720 ລ້ານໂດລ່າ ເນື່ອງຈາກການລົງທຶນຂອງຕ່າງຊາດ ທີ່ເພີ່ມຂຶ້ນຢ່າງຕໍ່ເນື່ອງນ້ັນ ເຮັດໃຫ້ລາວຕ້ອງມີ ການນໍາເຂົ້າເຄື່ອງຈັກ ວັດຖຸກໍ່ສ້າງ ແລະນໍ້າມັນເຊື້ອໄຟ ເພີ່ມຂຶ້ນນັບມື້ ສ່ວນການສ່ົງອອກ ຍັງອິງໃສ່ການຂຸດຄົ້ນຊັບພະຍາກອນທໍາມະຊາດເປັນດ້ານຫຼັກ ຈຶ່ງຄາດ ໝາຍວ່າລາວຈະຂາດດຸນການຄ້າຕ່າງປະເທດຫຼາຍກວ່າ 1550 ລ້ານໂດລ່າ ຫຼືຫຼາຍກວ່າແຜນການທີ່ວາງ ເອົາໄວ້ ຄິດເປັນສັດສ່ວນເຖິງ 180% ໃນປີ 2014 ນີ້.
ຍິ່ງໄປກວ່ານັ້ນ ການຂາດດຸນການຄ້າຕ່າງປະເທດທີ່ເພີ່ມຂຶ້ນດັ່ງກ່າວນີ້ ກໍຍັງຈະສົ່ງຜົນກະທົບເຖິງທຶນສໍາຮອງເງິນຕາຕ່າງປະເທດຂອງລັດຖະບານລາວອີກດ້ວຍ ໂດຍໃນປັດ ຈຸບັນນີ້ ທຶນສໍາຮອງເງິນຕາຕ່າງປະເທດຂອງລັດຖະບານລາວ ມີມູນຄ່າທີ່ທຽບເທົ່າກັບການນໍາເຂົ້າສິນຄ້າ ຈາກຕ່າງປະເທດພຽງ 4 ເດືອນເຄິ່ງເທົ່ານັ້ນ ໃນຂະນະທີ່ ມາດຕະ ຖານສາກົນ ກໍາໜົດໄວ້ວ່າ ປະເທດດ້ອຍພັດທະນານັ້ນ ຈະຕ້ອງສະສົມທຶນສໍາຮອງເງິນຕາຕ່າງປະເທດ ໃຫ້ໄດ້ບໍ່ຕໍ່າກວ່າ 7 ເດືອນຂອງມູນຄ່າການນໍາເຂົ້າຕະຫຼອດປີ.
ທ່ານພູເພັດ ຄໍາພູນວົງ ລັດຖະມົນຕີວ່າການກະຊວງການເງິນ
ທາງດ້ານທ່ານພູເພັດ ຄໍາພູນວົງ ລັດຖະມົນຕີວ່າການກະຊວງ
ການເງິນ ກໍຍອມຮັບວ່າ ສາເຫດສໍາຄັນ ປະການນຶ່ງ ທີ່ເຮັດໃຫ້
ລາວຕ້ອງປະເຊີນກັບ ການຂາດດຸນການຄ້າຕ່າງປະເທດ ມາ
ໂດຍຕະຫຼອດນັ້ນ ກໍຄືການນໍາເຂົ້າສິນຄ້າຟຸມເຟືອຍ ທີ່ເພີ່ມຂຶ້ນ
ຢ່າງຕໍ່ເນື່ອງ ດັ່ງທີ່ທ່ານ ໄດ້ໃຫ້ການຢືນຢັນວ່າ:
“ສັງຄົມເຮົາປັດຈຸບັນນີ້ ເອີ້ນວ່າເປັນສັງຄົມທຸກຍາກ ແຕ່
ກໍເຫັນວ່າຢູ່ໃນສັງຄົມເຮົາມີການນໍາໃຊ້ສິນຄ້າແລະການ
ບໍລິການຫຼູຫຼາທີ່ຟຸມເຟືອຍຫຼາຍສົມຄວນຄືພວກເຮົາເຫັນ
ນໍາເຂົ້າປະເທດລົດຍົນ ມີຂາຍຢ່າງຫຼວງຫຼາຍ ເປັນລົດທີ່ມີລາຄາແພງ ຊຶ່ງວ່າບັນ
ດາປະເທດໃກ້ຄຽງ ບໍ່ທັນມີ ບາງທີຢູ່ບ້ານເຮົານີ້ກະມີແລ້ວ ປະເພດເຫຼົ້າບໍ່ ຢາສູບ
ບໍ່ ກະແມ່ນມີຢ່າງຫຼວງຫຼາຍ.”
ຍິ່ງໄປກວ່ານັ້ນ ກໍຍັງມີການນໍາເຂົ້າຍານພາຫະນະ ແລະນໍ້າມັນເຊື້ອໄຟ ໂດຍບໍ່ເສຍພາສີອາກອນຢ່າງຖືກຕ້ອງດ້ວຍການໃຊ້ສິດຂອງບັນດາບໍລິສັດຕ່າງຊາດທີ່ລົງທຶນໃນລາວ ທີ່ໄດ້ ຮັບການຍົກເວັ້ນພາສີອາກອນດັ່ງກ່າວ ຊຶ່ງບໍ່ພຽງແຕ່ຈະເຮັດໃຫ້ລາວຕ້ອງຂາດດຸນການຄ້າ ຕ່າງປະເທດເທົ່ານັ້ນ ຫາກແຕ່ກໍຍັງເຮັດໃຫ້ລັດຖະບານລາວ ສູນເສຍລາຍຮັບໄປຢ່າງຫຼວງ ຫຼາຍອີກດ້ວຍ ໂດຍໃນປັດຈຸບັນນີ້ ລັດຖະບານລາວ ກໍກໍາລັງພິດຈາລະນາທີ່ຈະຍົກເລີກສິດດັ່ງກ່າວ ຂອງບໍລິສັດຕ່າງຊາດໃນໝໍ່ໆນີ້.
ໂດຍອິງຕາມສະຖິຕິຂອງກະຊວງອຸດສາຫະກໍາ ແລະການຄ້າ ກໍໄດ້ລາຍງານວ່າ ລາວນໍາ ເຂົ້ານໍ້າມັນເຊື້ອໄຟຫຼາຍກວ່າ 900 ລ້ານລິດ ໃນປີ 2013 ທີ່ຜ່ານມາ ແລະໃນຂະນະດຽວ ກັນ ກໍໄດ້ມີການນໍາເຂົ້າຍານພາຫະນະໃໝ່ຂຶ້ນທະບຽນຈໍານວນ 66,499 ຄັນ ຊຶ່ງເຮັດໃຫ້ມີ ຍານພາຫະນະຫຼາຍກວ່າ 1.5 ລ້ານຄັນ ທີ່ໄດ້ຂຶ້ນທະບຽນແລ້ວໃນທົ່ວປະເທດລາວ ໃນປັດຈຸບັນນີ້.
ໃຫ້ຢູ່ໃນມູນຄ່າບໍ່ເກີນ 552 ລ້ານໂດລ່າ ໃນປີ 2014 ນີ້ ແຕ່ກໍຄົງ
ຈະເປັນໄປໄດ້ຍາກ ເພາະການນໍາເຂົ້າສິນຄ້າ ຈາກຕ່າງປະເທດ
ເພີ່ມຂຶ້ນທຸກປີ
ກະຊວງອຸດສາຫະກໍາ ແລະການຄ້າ ລາຍງານວ່າລັດຖະບານ
ລາວໄດ້ວາງແຜນການສົ່ງສິນຄ້າອອກ ໄປຕ່າງປະເທດ ໃຫ້ໄດ້
ມູນຄ່າລວມ ບໍ່ໜ້ອຍກວ່າ 2,178 ລ້ານໂດລ່າ ໃນຕະຫຼອດປີ 2014 ນີ້ ແລະໃນຂະນະດຽວກັນ ກໍຈະຄວບຄຸມການນໍາສິນຄ້າເຂົ້າຈາກຕ່າງ ປະເທດໃຫ້ຢູ່ໃນມູນຄ່າລວມບໍ່ເກີນ 2,730 ລ້ານໂດລ່າ ຊຶ່ງຈະຄວບຄຸມການຂາດດຸນ ການຄ້າຕ່າງປະເທດໃຫ້ມີມູນຄ່າລວມ ບໍ່ເກີນ 552 ລ້ານໂດລ່າ.
ຫາກແຕ່ວ່າໃນສະພາບການທີ່ເປັນຈິງນັ້ນ ຄົງຈະເປັນການຍາກທີ່ລັດຖະບານລາວ ຈະສາມາດປະຕິບັດໄດ້ຕາມແຜນການດັ່ງກ່າວ ເນື່ອງຈາກວ່າ ໃນປີ 2013 ທີ່ຜ່ານມາ ການສົ່ງອອກສິນຄ້າຂອງລາວໄປຕ່າງປະເທດ ມີມູນຄ່າລວມພຽງ 1,800 ລ້ານໂດລ່າເທົ່ານັ້ນ ໃນຂະນະທີ່ການນໍາເຂົ້າສິນຄ້າຈາກຕ່າງປະເທດມີມູນຄ່າລວມເກີນກວ່າ 2,800 ລ້ານໂດລ່າ ຊຶ່ງເຮັດໃຫ້ລາວຕ້ອງຂາດດຸນການຄ້າຕ່າງປະເທດ ຄິດເປັນມູນຄ່າຫຼາຍກວ່າ 1,000 ລ້ານໂດລ່າ.
ຊຶ່ງດ້ວຍສະພາບການດັ່ງກ່າວ ຈຶ່ງເຮັດໃຫ້ສາມາດຄາດໝາຍໄດ້ວ່າໃນຕະຫຼອດປີ 2014 ນີ້ ລາວຈະນໍາເຂົ້າສິນຄ້າ ຈາກຕ່າງປະເທດ ຄິດເປັນມູນຄ່າລວມ ບໍ່ໜ້ອຍກວ່າ 3,720 ລ້ານໂດລ່າ ເນື່ອງຈາກການລົງທຶນຂອງຕ່າງຊາດ ທີ່ເພີ່ມຂຶ້ນຢ່າງຕໍ່ເນື່ອງນ້ັນ ເຮັດໃຫ້ລາວຕ້ອງມີ ການນໍາເຂົ້າເຄື່ອງຈັກ ວັດຖຸກໍ່ສ້າງ ແລະນໍ້າມັນເຊື້ອໄຟ ເພີ່ມຂຶ້ນນັບມື້ ສ່ວນການສ່ົງອອກ ຍັງອິງໃສ່ການຂຸດຄົ້ນຊັບພະຍາກອນທໍາມະຊາດເປັນດ້ານຫຼັກ ຈຶ່ງຄາດ ໝາຍວ່າລາວຈະຂາດດຸນການຄ້າຕ່າງປະເທດຫຼາຍກວ່າ 1550 ລ້ານໂດລ່າ ຫຼືຫຼາຍກວ່າແຜນການທີ່ວາງ ເອົາໄວ້ ຄິດເປັນສັດສ່ວນເຖິງ 180% ໃນປີ 2014 ນີ້.
ຍິ່ງໄປກວ່ານັ້ນ ການຂາດດຸນການຄ້າຕ່າງປະເທດທີ່ເພີ່ມຂຶ້ນດັ່ງກ່າວນີ້ ກໍຍັງຈະສົ່ງຜົນກະທົບເຖິງທຶນສໍາຮອງເງິນຕາຕ່າງປະເທດຂອງລັດຖະບານລາວອີກດ້ວຍ ໂດຍໃນປັດ ຈຸບັນນີ້ ທຶນສໍາຮອງເງິນຕາຕ່າງປະເທດຂອງລັດຖະບານລາວ ມີມູນຄ່າທີ່ທຽບເທົ່າກັບການນໍາເຂົ້າສິນຄ້າ ຈາກຕ່າງປະເທດພຽງ 4 ເດືອນເຄິ່ງເທົ່ານັ້ນ ໃນຂະນະທີ່ ມາດຕະ ຖານສາກົນ ກໍາໜົດໄວ້ວ່າ ປະເທດດ້ອຍພັດທະນານັ້ນ ຈະຕ້ອງສະສົມທຶນສໍາຮອງເງິນຕາຕ່າງປະເທດ ໃຫ້ໄດ້ບໍ່ຕໍ່າກວ່າ 7 ເດືອນຂອງມູນຄ່າການນໍາເຂົ້າຕະຫຼອດປີ.
ທາງດ້ານທ່ານພູເພັດ ຄໍາພູນວົງ ລັດຖະມົນຕີວ່າການກະຊວງ
ການເງິນ ກໍຍອມຮັບວ່າ ສາເຫດສໍາຄັນ ປະການນຶ່ງ ທີ່ເຮັດໃຫ້
ລາວຕ້ອງປະເຊີນກັບ ການຂາດດຸນການຄ້າຕ່າງປະເທດ ມາ
ໂດຍຕະຫຼອດນັ້ນ ກໍຄືການນໍາເຂົ້າສິນຄ້າຟຸມເຟືອຍ ທີ່ເພີ່ມຂຶ້ນ
ຢ່າງຕໍ່ເນື່ອງ ດັ່ງທີ່ທ່ານ ໄດ້ໃຫ້ການຢືນຢັນວ່າ:
“ສັງຄົມເຮົາປັດຈຸບັນນີ້ ເອີ້ນວ່າເປັນສັງຄົມທຸກຍາກ ແຕ່
ກໍເຫັນວ່າຢູ່ໃນສັງຄົມເຮົາມີການນໍາໃຊ້ສິນຄ້າແລະການ
ບໍລິການຫຼູຫຼາທີ່ຟຸມເຟືອຍຫຼາຍສົມຄວນຄືພວກເຮົາເຫັນ
ນໍາເຂົ້າປະເທດລົດຍົນ ມີຂາຍຢ່າງຫຼວງຫຼາຍ ເປັນລົດທີ່ມີລາຄາແພງ ຊຶ່ງວ່າບັນ
ດາປະເທດໃກ້ຄຽງ ບໍ່ທັນມີ ບາງທີຢູ່ບ້ານເຮົານີ້ກະມີແລ້ວ ປະເພດເຫຼົ້າບໍ່ ຢາສູບ
ບໍ່ ກະແມ່ນມີຢ່າງຫຼວງຫຼາຍ.”
ຍິ່ງໄປກວ່ານັ້ນ ກໍຍັງມີການນໍາເຂົ້າຍານພາຫະນະ ແລະນໍ້າມັນເຊື້ອໄຟ ໂດຍບໍ່ເສຍພາສີອາກອນຢ່າງຖືກຕ້ອງດ້ວຍການໃຊ້ສິດຂອງບັນດາບໍລິສັດຕ່າງຊາດທີ່ລົງທຶນໃນລາວ ທີ່ໄດ້ ຮັບການຍົກເວັ້ນພາສີອາກອນດັ່ງກ່າວ ຊຶ່ງບໍ່ພຽງແຕ່ຈະເຮັດໃຫ້ລາວຕ້ອງຂາດດຸນການຄ້າ ຕ່າງປະເທດເທົ່ານັ້ນ ຫາກແຕ່ກໍຍັງເຮັດໃຫ້ລັດຖະບານລາວ ສູນເສຍລາຍຮັບໄປຢ່າງຫຼວງ ຫຼາຍອີກດ້ວຍ ໂດຍໃນປັດຈຸບັນນີ້ ລັດຖະບານລາວ ກໍກໍາລັງພິດຈາລະນາທີ່ຈະຍົກເລີກສິດດັ່ງກ່າວ ຂອງບໍລິສັດຕ່າງຊາດໃນໝໍ່ໆນີ້.
ໂດຍອິງຕາມສະຖິຕິຂອງກະຊວງອຸດສາຫະກໍາ ແລະການຄ້າ ກໍໄດ້ລາຍງານວ່າ ລາວນໍາ ເຂົ້ານໍ້າມັນເຊື້ອໄຟຫຼາຍກວ່າ 900 ລ້ານລິດ ໃນປີ 2013 ທີ່ຜ່ານມາ ແລະໃນຂະນະດຽວ ກັນ ກໍໄດ້ມີການນໍາເຂົ້າຍານພາຫະນະໃໝ່ຂຶ້ນທະບຽນຈໍານວນ 66,499 ຄັນ ຊຶ່ງເຮັດໃຫ້ມີ ຍານພາຫະນະຫຼາຍກວ່າ 1.5 ລ້ານຄັນ ທີ່ໄດ້ຂຶ້ນທະບຽນແລ້ວໃນທົ່ວປະເທດລາວ ໃນປັດຈຸບັນນີ້.
